ئەڤرۆ، ئێقبال عومەر:‏

محسن دوسکی ئەندامێ پەرلەمانێ کوردستانێ ئاشکرا کر، ‏پەرلەمانتارێن فراکسیونا پارتی دیموکراتی کوردستان ل گەل ‏قونسولێ تورکیا کومبون، و چەندین مژارێن گرنگ یێن ھەرێمێ ھاتنە ‏بەحسکرن.‏

محسن دوسکی گوت: مە ب درێژی گەنگەشە ل گەل (ھاکان کاراچای) ‏قونسولێ تورکیا ل ھەرێما کوردستانی کر دەربارەی توپبارانکرنا ‏دەڤەرێن سنوری ژلایێ توپخانە و فروکێن لەشکرێ تورکیا ڤە کرن، کو ‏بەردەوام خەلکێ سڤیل دبنە قوربانی و ب تایبەتی ژی من قەزا ‏ئامێدیێ کرە نمونە کو د دەمێ کێمتر ژ سالەکێ یە ب دەھان وەلاتیێن ‏سڤیل یێن قەزا ئامێدیێ ژلایێ فروکێن لەشکرێ تورکیا ڤە ھاتنە ‏شەھیدکرن و ھەروەسا فروکێن تورکیا جھێن ئاڤەدان و گەشتوگورزاری ‏دکەنە ئارمانجا خوە یا بوردومانکرنێ، ئەڤە ژی ناھێتە قوبوول کرن ‏ژبورکو خەلکێ مە چو گونەھا خوە نینە و ھەروەسا نابیت ھون وەک ‏حوکمەتا تورکیا و ھەروەسا پارتیا کرێکارێن کوردستانێ پەکەکە ‏دەڤەرێن مە بکەنە جھێ ململانێ و شەرو ئالوزیێن خوە بەردەوام ل سەر ‏ملک و مالێن مە ئاگر و ئاسنان ببارینن ئیدی ئەم قەبوول ناکەین، کو ‏خەلکێ مەیێ سڤیل ببیتە قوربانی، یا پێدڤیە حوکمەتا تورکیا و ‏پەکەکە رێزێ ل سەروەریا ئاخا کوردستانێ بگریت.‏

محسن دوسکی ھەروەسا گوت: من بۆ دا دیارکرن کو ئێدی پێدڤیە ‏سیاسەتەکا گونجای ھەبیت دەربارەی ئاریشێن پەکەکێ و تورکیا و ‏نابیت ژ نھا وێڤە خەلکێ مە ببیتە قوربانی کێشێن د ناڤ بەرا تورکیا ‏و پەکەکێ دا، پێدڤیە پەکەکە و ھەم تورکیا ڤان ئالۆزیێن خوە ‏ببەنە ناڤا ئاخا خوەدا، و ھەروەسا من گۆتە قونسولێ تورکیا ل ‏ھەولێرێ پێدڤیە وەلاتێن کوردستانێ ب تایبەتی یێن دەڤەرا ‏ئامێدیێ بھێنە قەرەبوکرن، ژبەر کو ب دەھان کەس ھاتینە ‏شەھیدکرن و بریندارکرن و ھەروەسا 27 سالە خەلکێ وان دەڤەرا ‏نەشێن سەرەدانا گوندێن خوە بکەن، و گوندێن وان ھەر دکاڤل و ‏وێرانکرینە داھاتێ گوندێن وان ھەمی ب ھەدەر دچیت و ھەروەسا ئەڤ ‏گوندە ھەمی ھاتینە سوتن ژبەر بومبەبارانکرن لەشکرێ تورکیا ل سەر ‏ڤان گوندان .‏

پەرلەمانتاری ناڤبری دیاکر، ( ھاکان کاراچای) قونسولێ تورکیا ل ‏ھەرێما کوردستانێ دبێژیت ئەم دلگران دبین دەمێ وەلاتیەکێ سڤیل ‏دھێتە کوشتن، و ئەڤە ب شاشی دھێنە کوشتن،لێ ئەم نزانین کا ‏پەکەکە یە یان سڤیلە ژبەر کو ل وان دەڤەران چەکدارێن پەکەکێ لێ ‏ھەنە و ھەرکەسێ ئەم ل وان دەڤەرێن پەکەکە لێ ھەی ببینین دێ ھێنە ‏بومبەبارانکرن، ژبەر کو ئەو دەڤەر دیار کرینە، و ھەر جھەکێ پەکەکە ‏بچیتێ ئەم دێ ل دیف چین لەوما ژی پێدڤیە ھون ژی وان ژ باژێر و ‏گوندا دور بێخن ژبەرکو پەکەکە ئاریشەیە بومە، ھەکە مە چو کێشە ل ‏گەل ئاخا باشورێ کوردستانێ و عیراقێ نینن، کێشا مە ل گەل ‏پەکەکێ ھەیە.‏

ئه‌ڤرۆ، سالار دۆسكى:

ئەندامەکێ مەکتەبا سیاسی یا بەرەی تورکمان ئاشکرا کر، مادێ 140 ب دووماھی ھاتیە و کەسەک بەحس ‏لێ ناکەت و سەرکەفتن نەئینا و نوکە پێشھاتێن نوو ھاتینە پێش و پێدڤی یە چارەسەریەکا دی بۆ کێشا ‏کەرکووک بھێتـە دیتن کو دبەرژوەندا ھەموو خەلکێ رەسەنێ وی باژێری دابیت.‏

ئایدن مەعرۆف، ئەندامێ مەکتەبا سیاسی یا بەرەی تورکمانی بۆ رۆژناما ئەڤرۆ گۆت: ھەتا نوکە ‏دانوستاندێن حوکمەتێ ل گەل مە دەست پێنەکرینە لێ بەرھەڤین پشکداری کابینا نەھێ یا حوکمەتا ‏ھەرێما کوردستانێ بین، تورکمانا پێنچ کورسی ل پەرلەمانێ کوردستانێ ھەنە لێ بەرەی تورکمانی ‏نوونەراتیا راستەقینەیا خەلکێ تورکمان ل عیراقێ دکەت و ئەڤە راستی یە.‏

مەعرۆفی ئەو ژی ئاشکراکر کو تەناھی و ئارامی یا سیاسی ل ھەرێما کوردستانێ بۆ ھەموو ئالیان گرنگیا ‏خوە ھەیە، و ئەڤە خواستا بەرەی تورکمانی یە، خواستا بەرەی تورکمانی نیە وەزیرەکێ ئەنجوومەنێ ‏وەزیران بدەنە پێکھاتا تورکمان، بگشتی مافێن ھەموو پێکھاتێن کوردستانێ نەھێـە بەرزەکرن و ھەر ئێک ‏ل دووڤ رێژا خوە سەنگا خوە ل حوکمەتا داھاتی یا ھەرێما کوردستانێ دا ھەبیت، مە پێ باشە دەستەیەک ‏یان وەزاەرتەک ھەبیت بتنێ بۆ کارۆبارێن تورکمانان و ئەڤە پێشتر ژی مە دووپاتی ل سەر ڤێ خواستێ ‏کربوویە.‏

ئەندامێ بەرەی تورکمانی گۆت: ب ھیڤی نە ل سالا داھاتی دێ رەوشا گشتی یا عیراقێ و کوردستانێ ب ‏تایبەتی بەر ب باشی ڤە چیت و مووچە بێ پاشکەوت دێ ھێتەدان و دەمێ خوە دا و ئەڤە ژی دێ ژیانا ‏خەلکێ کوردستانێ پتر بەر ب باشبوونێ ڤە بەت، یا ژڤێ گرنکتر تەناھی و ئارامی یا سیاسی و نوکە ئەڤە ‏باشن و بەر ب ڤێ چەندێ دچیت.‏

ئایدن مەعرۆف ئەندامێ مەکتەبا سیاسی یا بەری تورکمانی گۆتژی” ل گەل وێ چەندێ ینە ب شێوەکێ ‏ئاشتیانە کێشا کەرکووک دناڤبەرا ھەموو پێکھاتێن کەرکووکێ دا بھێتە چارەکرن، لێ حوکمەتا عیراقێ ‏بالدەستە وی باژێری و چارەکرنا کێشا کەرکووکێ دکەڤیتە ستویێ وێ.‏

ئایدن مەعرۆف ئەو ژی گۆت: ھەر ئالیەک بۆ مادێ 140 تشتەکی دبێژیت و ھندەک دبێژن نەمایە و ‏ھندەک دبێژن ب دووماھی ھاتیە و ھندەک دبێژن ب سەر ڤەچوویە، ل گەل وێ چەندێ ینە رێکێن نوو ‏بھێنە دیتن بۆ چارەسەکررنا کێشا کەرکووکێ و تایبەت رێکێن دەستوری یێن عیراقێ و ھەرێما کوردستانێ، ‏مادێ 140 ل سالا 2007 سەرکەفتی نەبوو وررێککەفتن نەھاتەکرن و داخاز دکەین پلانەکا نوو بھێـە ‏دیتن بۆ چارەکرنا ڤێ کێشێ کو دبەرژوەندا ھەموو خەلکێ وێ پارێزگەھێ دابیت و ب رێکێن برایەتی و ‏دیالوک بھێتە چارەکرن و ل سالا 2007 ب دووماھی ھاتیە و دەستریەن کەسەک بەحسێ ڤی مادەی ناکەت

ھەمان ئەندامێ مەکەتب سیاسی یا بەری تورکمانی ئەو ژی ئاشکراکر کو پشتی شەرێ داعش گەلەک ‏تورکمانان قەستا دەرڤە کریە نوکە د ملیۆن تورکمان ل عیراقێ بگشتی ھەنە.‏