ئەڤرۆ نیوز، محەمەد عەلی نوری
چاڤەرێ یە پێنچ یاریزانێن پارێزگەهێ و یانا دهۆك بۆ یاریا تێنسا ئەردی ل روژا پێنچ شەمبیی بەرەف باژێرێ بەغدا برێكەڤن ژبۆ پشكداریێ د قارەمانیا عیراقێ بۆ ژیێن10، 12، 14 و 16 سالی ئەوا دێ ل سەر ئاستێ هەلبژارتیێن پارێزگەهێن عیراقێ بۆ كوران ل یاریگەهێن شەعب هێتە ئەنجامدان.
عیماد موستەفا راهێنەرێ هەلبژارتیێ دهۆكێ بۆ ئەڤرۆ نیوز گوت: ژ پارێزگەهێ پێنچ یاریزان هاتینە دەستنیشانكرن بۆ هەڤركیێن قارەمانیا عیراقێ ئەوژی، زانا رەشید و رەهەند سەباح بۆ ژیێن 16 سالی، سالار شڤان بۆ 14 سالی، دورهێل هەوار 12 سالی و عەبدولمەلیك هەڤال بۆ 10 سالی.
هەروەسا ناڤهاتی دیاركر كو ئەڤ سەركەفتیێن رێزێن ئێكێ و دوێ دێ بۆ هەلبژارتیێ عیراقێ هێنە ژێگرتن ب مەرەما پشكداریێ د قارەمانێن عەرەبی و ئاسیایی بۆ وەرزێ 2019 و دیسا دوماهی چالاكیا ئێكەتیێ بۆ سالا 2018ێ.
راهێنەرێ دهۆكێ ئەوچەندە ژی دیاركر كو بەرهەڤیێن وان د ئاستەكێ گەلەك باش دانە و باوەری ب شیانێن هەموو یاریزانا هەیە، بهیڤیا وێ چەندێ ئەو ئارمانجا هاتیە دانان د ناڤ قارەمانیێ دا بهێتە بجهئینان سەرباری ئەركێ تیمێ ب سانەهی نابیت هەمبەر هەلبژارتنێن دی یێن پارێزگەهێن عیراقێ.
ئه‌ڤرۆنيوز:
به‌رى ده‌مه‌كێ كێم سه‌رۆك مه‌سعود بارزانى په‌يامه‌ك ل دۆر بريارا دادگه‌ها كه‌ركووكێ سه‌باره‌ت ده‌سته‌سه‌ركرن وسزادانا رێبوار تاله‌بانى سه‌رۆكێ جڤاتا پارێزگه‌ها كه‌ركووكێ به‌لاڤكر.
سه‌رۆك بارزانى دپه‌ياما خوه دا راگه‌هاند” بريارا دادگه‌ها كه‌ركووكێ ل دۆر ده‌سته‌سه‌ركرن وسزادانا به‌رێز رێبوار تاله‌بانى سه‌رۆكێ جڤاتا پاريزگه‌ها كه‌ركووكێ، تمام يا سياسى يه وپه‌يوه‌ندى ب بابه‌تێ دادوه‌رى وقانوونى نينه”.
گۆت ژى” رێبوار تاله‌بانى دژى پێشێلكرنا دستوورى وقانوونى راوه‌ستيايه، وه‌كو سه‌رۆكێ جڤاتا پارێزگه‌ها كه‌ركووكێ به‌رگرى ژبه‌رژه‌وه‌نديێن پێكهاتێن باژێرێ كه‌ركووكێ كريه”.
سه‌رۆك بارزانى دياركر” ئه‌ڤ جۆره برياره ب چو شێوه‌كى خزمه‌تا ره‌وشا سياسى وچاره‌كرنا كێشان ناكه‌ت، به‌لكو گرفتان كوورتر دكه‌ت”.
سه‌رۆك بارزانى دپه‌ياما خوه دا داخواز ژ داموده‌زگه‌هێن فيدرالى ولايه‌نێن په‌يوه‌نديدار وحوكمه‌تا فيدرال كر كو پێدڤيه سنوره‌ك بۆ ڤان جۆره بريارێن سياسى بهێته دانان.
ئه‌ڤرۆنيوز:
ئاژانسا رويته‌رز ده‌مێ مانا سه‌رۆكێ ئه‌مريكى دونالد ترامپ وهه‌ڤژينا وى ل عيراقێ ئاشكرا دكه‌ت وئاماژێ دكه‌ت كو مه‌ره‌م سه‌ره‌دانا سه‌ربازێن ئه‌مريكى بوو ب هه‌لكه‌فتا سه‌رێ سالا نوو.
ئاژانسا ناڤبرى به‌لاڤكر كو فرۆكا ترامپى ل بنگه‌هێ (عين الاسد) يێ له‌شكرێ ئه‌مريكى ل پارێزگه‌ها ئه‌نبار ل رۆژئاڤايێ عيراقێ دادايه ول گه‌ل سه‌ربازێن ئه‌مريكى ل وى بنگه‌هى كۆمبوو وپشتى سێ ده‌مژمێران جاره‌كادى زڤرى ڤه بۆ ئه‌مريكا”.
ئه‌ڤرۆنيوز:
هه‌ڤپه‌يمانيا سائيرون ب سه‌رۆكاتيا موقته‌دا سه‌در دژايه‌تيا خوه بۆ سه‌ره‌دانا سه‌رۆكێ ئه‌مريكى بۆ عيراقێ دياركر.
غايب مه‌عمورى، ئه‌ندامێ په‌رله‌مانێ عيراقێ ژ هه‌ڤپه‌يمانيا سائيرون راگه‌هاند” سه‌ره‌دانا ترامپى بۆ عيراقێ شه‌رمزار دكه‌ين وئه‌م دژى سياسه‌تا ترامپى نه ودژى هه‌ر ده‌ستێوه‌ردانه‌كێ نه دكاروبارێن عيراقێ دا”.
ئه‌ڤرۆنيوز:
سه‌رۆكێ ئه‌مريكى دونالد ترامپ دسه‌ره‌دانا خوه يا ئه‌ڤرۆ چارشه‌مبى 26/12/2018 دا بۆ بنگه‌هێ (عين الاسد) يێ له‌شكرێ ئه‌مريكى ل پارێزگه‌ها ئه‌نبار ل دووڤ ئاژانسا رويته‌رز بۆ سه‌ربازێن ئه‌مريكى گۆت” مه چو پلان نينن بۆ ڤه‌كێشانا هێزێن ئه‌مريكى ژ عيراقێ”.
ترامپى گۆت ژى” چو پلان نه‌بوون كو هه‌بوونا له‌شكرێ ئه‌مريكى ل سووريێ هه‌بوونه‌كا به‌رده‌وام بيت”.
ئه‌ڤرۆنيوز:
سه‌رۆكێ ئه‌مريكى دونالد ترامپ ب نهێنى هاته عيراقێ وپشتى زڤريى هاتنا خوه ئاشكراكر.
سارا سانده‌رز، په‌يڤدارا كوچا سپى گۆت” دونالد ترامپى سه‌ره‌دانا عيراقێ كر ول وێرێ سه‌ره‌دانا شيره‌تكار وسه‌ربازێن ئه‌مريكى كر”.
كه‌نالێ ئێن بى سى نيوز يێ ئه‌مريكى ژى وێنێن ترامپى ل عيراقێ به‌لاڤكرن ونڤيسى ( سه‌رۆك ترامپ ل عيراقێ).
ئه‌ڤرۆنيوز:
شاره‌زايه‌كێ سه‌قاى يێ عيراقى دياركر كو سپێده‌يا سوباهى پێنجشه‌مبى 27/12/2018 پێله‌كا بارانێ دێ هه‌موو ده‌ڤه‌رێن عيراقێ ب خوه‌ڤه‌گريت ول سپێده‌يا ئه‌ينيێ 28/12/2018 دێ ب دووماهى هێت.
ساده‌ق عه‌تيه، شاره‌زايێ سه‌قاى يێ عيراقى زێده‌تر گۆت” ل رۆژا شه‌مبيێ 29/12/2018 پێله‌كا سه‌رمايێ دێ عيراقێ ڤه‌گريت ب تايبه‌تى هه‌رێما كوردستانێ كو پلێن گه‌رمێ ل كوردستانێ دێ چنه دبن سفرێ دا ودێ به‌فر باريت”.
گۆت ژى” ل رۆژێن پێنجشه‌مبى وئه‌ينيێ دێ بارانێن زۆر ل دهۆكێ وهه‌ولێرێ وسلێمانيێ وكه‌ركووكێ وباكوورێ مووسلێ بارن”.
ئه‌ڤرۆنيوز:
يانا يوڤه‌نتوس سه‌ركێشا خۆلا ئيتالى ئه‌ڤرۆ ل گه‌ل يانا ئه‌تلانتا ب ئه‌نجامێ 2-2 وه‌كهه‌ڤ بوو.
گۆلێن يانا يوڤه‌نتوس ژلايێ ياريكه‌ران ديمسيتى ( ياريكه‌رێ ئه‌تلانتا ب شاشى ڤه) ل خۆله‌كا 2 و كريستيانو رونالدۆ ل خۆله‌كا 78 هاتن تۆماركرن وگۆلێن ئه‌تلانتا ل خۆله‌كێن 24 و56 ژلايێ ياريكه‌رێ وێ زاباتا هاتن تۆماركرن.
ب ڤى ئه‌نجامى يانا يوڤه‌نتوس مانا خوه ل رێزا ئێكێ ل رێزبه‌ندا خۆلا ئيتالى ب 50 خالان پاراست ويانا ئه‌تلانتا ب 25 خالان ل رێزا 7 دهێت.
ئه‌ڤرۆ نیۆز، ئه‌میر ئه‌ترووشى
لیژنا دووڤچوونا بازاری ل قایمقامیا دهۆكێ سه‌ره‌دانا چه‌ندین جهان ل تاخێ ماسیكا2 و زركا دا و د ڤێ سه‌ره‌دانێ دا نانپێژیه‌ك هاته داخستن.
د. ئاراز، ئه‌ندامێ لیژنا دووڤچوونێ بۆ ئه‌ڤرۆ نیۆز دیار كر، ئه‌ڤرۆ رۆژا چوارشه‌مبى 26/12/2018، لیژنا دووڤچوونا بازاری ل قايمقامیا دهۆكێ سه‌ره‌دانا چه‌ندین ماركێت و خوارنگه‌ه و جهێن بازرگانی كرن و ژ نێزیكی هایداری ره‌وشا ڤان جهان و پێگیریا وان ب رێنمایێن ساخله‌میێ بوون.
دكتور ئاراز گۆت: نانپێژیا پێل ل جادا 30 مه‌ترى ل تاخێ ماسیكا2 ژ به‌ر نه‌بونا ده‌ستووریا ساخله‌میێ بۆ ماوێ سێ رۆژان هاته داخستن و ماركێتا چار برا ب كوژمێ (٣٠٠) هزار دیناران هاته سزادان ژ به‌ر هه‌بوونا كه‌ره‌ستێن ئێكسپایه‌ر.
نيشاندان