ئەڤرۆ نیوز:
بریارە ئەڤ شەڤە کومەکا یاریێن ھەڤالینی ژ قارەمانیا نەتەوەیێن ئوروپی بھێنە کرن ب ڤی شێوەی.

٨:٠٠ ئێرلەندا باکور VS نەمسا
٨:٠٠ مولدوڤا VS لوکسمبورگ
٨:٠٠ سان مارینو VS روسیا سپی
١٠:٤٥ سویسرا VS بەلجیکا
١٠:٤٥ مەجەر VS فنلەندا
١٠:٤٥ یونان VS ئەستونیا

ئەڤرۆ نیوز:
راھێنەرێ یانا قوە جەویە یا عیراقی باسم قاسم ھاتە ھەلبژارتن ئێک ژ سێ باشترین راھێنەر ل سەر ئاستێ کیشوەرێ ئاسیا پشتی ناسناڤێ قارەمانیا ئێکەتیا ئاسیا دگەل یانا خوە دەستڤە ئینای ل ڤی وەرزی.

د ڤی دەربارەی دا ئێکەتیا تەپا پێ یا ئاسیا ب رێکا مالپەرێ خوە ناڤێ ھەرسێ باشترین راھێنەر ل سەر ئاستێ کیشوەری ئاشکرا کرن بۆ ئاھنگا خەلاتکرنا وان ئەوا بریارە ل ٢٩ ڤێ ھەیڤێ ل باژێرێ کوالالامپور یێ مالیزی بھێنە بەلاڤ کرن و تێدا ناڤێ راھێنەرێ بەرێ یێ یانا دھۆک و نوکە یێ یانا جەویە باسم قاسم ژی ھاتە دیارکرن وەک ئێک ژ باشترین راھێنەر ژبەرکو ل ڤی وەرزی ناسناڤێ قارەمانیا ئێکەتیا ئاسیا دەستخوە ڤە ئینابوو ئەوا بەری ماوەکی ل باژێرێ بەسرا یاریا دووماھیێ ھاتیە کرن.

ئەڤرۆ نیوز:
یاریزانێ عیراقی و یانا کولومبوس یا ئەمریکی جاستن میرام ژ ئەگەرێ ھنگافتنێ دێ ژ پێکھاتیێ ھەلبژارتیێ عیراقێ یێ تەپا پێ دوورکەڤیت ژ قارەمانیا کاسا ئاسیا و ب ڤێ چەندێ دربەک ب پلانا راھێنەرێ خوە کاتانێچ دا.
زێدەتر یاریزنێ ناڤبری ب رێکا تورا کومەلایەتی یا ئەنستگرامی دیارکر کو ئەو ژ ئەگەرێ ھنگافتنێ ئەو دێ نشتەگەریەکێ بۆ پێ خوە کەت و دێ بۆ ماوێ سێ ھەیڤان ژ یاریگەھان دوورکەڤیت و ب ڤێ چەندێ نەشێت پشکداریێ دگەل ھەلبژارتیێ عیراقێ د قارەمانیا کاسا ئاسیا دا بکەت ئەوا بریارە ل ھەیڤا کانونا دویێ یا سالا بھێت ل وەلاتێ ئیماراتێ بھێتە ئەنجامدان، نوکە راھێنەرێ ھەلبژارتیێ عیراقێ کاتانێچ نەچارە ل پێگوھۆرەکێ دی بگەریت ل خولا عیراقێ یا تەپا پێ دا بۆ قەرەبویا دوورکەفتنا جاستن میرامی.