ئەڤرۆ نیوز:
بەری دەمەکێ کاروانەکا مەزن یا هێزێن سەربازی یێ رژێما سووریێ بەرێ خوە دانە باژێرێ منبجێ و هێزێن سووریێ نها گەهشتینە باژێرکێ ئورێمە یێ نێزیکی منبجێ.
ئەو یەک د دەمەکێ دایە کو چەند رۆژ بەری نها فرەنسا ژی هێزێن خوە یێن سەربازی رەوانەی منبجێ کرن و تورکیا ژی بەرهەڤیان بۆ هێرشەکا سەربازی ل سەر منبجێ دکەت.
ئەڤرۆ نیوز:
سەرۆکێ یانا بایرن میونیخ یا ئەلمانی کارل ھاینیز رومینیگە دیارکر ئەوی باوەریەکا مەزن ب شیانێن چاڤی ئەلونسو ھەیە دێ بیتە ئێک ژ باشترین راھێنەران ل سەر ئاستێ ئورۆپا ئەڤ ئاخفتنە ھاتن پشتی ل ماوێ بوری ستێرا ریال مەدرید و بایرن میونیخ یا بەری نوکە چاڤی ئەلونسو باوەرنامەیا راھێنەری وەرگرتی .
سەرۆکێ یانا بایرن میونیخ بۆ رۆژناما کیکر یا ئەلمانی دیارکر ئەوی باوەری ب شیانێن ئەلونسوی ھەیە کا چەوا وەکو یاریزان یێ سەرکەفتی بوو دێ ژ یانا راھێنەری دا ژی یێ سەرکەفتی بیت و شیانێن مەزن ھەنە پوستێ راھێنەریا یانێن مەزن ژی وەربگریت و سەبارەت وەرگرتنا پوستێ راھێنەریا یانا بایرن میونیخ رومینیگە دیارکر ئەو یێ گەشبینە رۆژەکێ ژ رۆژان دێ جارەکا دی ئەلونسو ڤەگەریتە میونیخ و پوستێ راھێنەریا وێ یانێ وەربگریت و ئەوی باوەری ب شیانێن ئەوی ھەیە بشێت پوستێ راھێنەریا یانا باڤاری ژی ب رێڤەبیت ژبەرکو ئەلونسو خودان کەساتیەکا ب ھێزە و ل دەمێ ئەو یاریزان ئەو وەکو جنرالەکی بوو ل یاریگەھێ دا بێ گومان ل ژیانا راھێنەری ژی دێ یێ سەرکەفتی بیت .
ھەژی گوتنێ یە ئەلونسو یاری بوو یانێن ریال مەدرید لیڤەرپول و بایرن میونیخ کری.
ئەڤرۆ نیوز، هۆشەنگ تاجر:
سەرکردەکێ کورد ل رۆژئاڤایێ کوردستانێ دیار دکەت کو شامێ داخواز ژ پەیەدێ کریە هەموو ودەڤەرێن دی ل ژێر کۆنترۆلا خوە ب تایبەتی ژی دەڤەرێن عەرەبی یێن ل ژێر کۆنترۆلا خوە رادەست بکەت و ل هەمبەر دا سووریا دێ سەربازێن خوە ل سەر سنورێ تورکیا جێگر کەت.
محەمەد عەلی ئاماژە ب هندێ ژی دکەت کو شامێ داخواز ژ پەیەدێ کریە ژی کو باژێرێن رۆژئاڤایێ کوردستانێ ئانکۆ جهێ نها ل ژێر دەستهەلاتا پەیەدێ ئەو پێکڤە برێڤە ببەن و شاندەکێ پەیەدێ ژی نها ل روسیایە و داخوازا هاریکاریێ ژ روسیا دکەن دا رێگری ل هێرشێ تورکیا بکەت، لێ هەتا نها دیار نینە کا دێ هەلویستێ روسیا یێ دووماهیێ چاوا بیت.
ئەڤرۆ نیوز، قائید میرۆ:
سەرکردەیەکێ کورد ل رۆژئاڤایێ کوردستانێ ئاشکراکر، بزاڤ د بەردەوامن بۆ ڤەگەریانا لەشکرێ پێشمەرگەیێن رۆژ بۆ ناڤا رۆژئاڤایێ کوردستانێ و دیار کر ژی، ھەتا نوکە چو رێککەفتن د ناڤبەرا جڤاتا نیشتیمانیا کورد و پەیەدێ نەھاتیە ئەنجامدان بۆ ڤەگەریانا لەشکرێ رۆژ تنێ پەیەدە دانوستاندنان دگەل رژێما بەشار ئەسەدی دکەت.
جەدعان عەلی نوونەری پارتیا چاکسازیا کوردی ل ھەرێما کوردستانێ بۆ رۆژناما ئەڤرۆ گۆت” ھەتا نوکە چو رێککەفتن بۆ ڤەگەریانا لەشکرێ رۆژ دناڤبەرا ئەنەکەسێ و پەیەدێ دا نەھاتینە ئەنجامدان، مخابن ھەتا نوکە پەیەدێ ب فەرمی رەتکریە پێشمەرگەیێن رۆژ بکەڤنە ناڤا رۆژئاڤایێ کوردستانێ، بەلێ گڤاشتنێن زۆر ھەنە ژلایێ مللەتی ل رۆژئاڤایێ کوردستانێ ھەتا پێشمەرگەیێن رۆژ ڤەگەرن و وان بپارێزن، ژبەرکو خەلک گەھشتیە ئەڤێ باوەریێ ددەمێ نوکەدا زێدەتری ھەموو دەمەکی رۆژئاڤایێ کوردستانێ پێدڤی ب لەشکرێ رۆژ ھەیە.
جەدعان عەلی ئاماژە کر” بزاڤێن ئەمریکا بۆ ڤەگەریانا لەشکرێ رۆژ تنێ ئەڤە بوویە ھندەک وەلاتێن دەڤەرێ پشتی ڤەکێشانا ھێزێن ئەمریکی رازی نابن تنێ ھێزێن گرێدایی پارتا کرێکارێن کوردستانێ پەکەکێ دەستھەلات ھەبیت ل رۆژئاڤایێ کوردستانێ ب تایبەتی تورکیا، دڤیت کورد ئیدارەیا رۆژئاڤایێ کوردستانێ بکەن نەک پەکەکە لەوڕا ژی دێ بزاڤێن ڤەگەریانا پێشمەرگەیێن رۆژ ھەر بەردەوام بیت.
ئەڤرۆ نیوز:
عەبدولقادر ئیزوز شیرەتکارێ حوکمەتا سووریێ راگەهاند کو کورد وەلاتیێن سووریێ نە و د شەرێ ل دژی داعشێ دا ژی وەلاتێ خوە پاراستن و ئەم رێزێ ل کوردان دگرین، لێ چو پرسەک ب ناڤێ پرسا کوردی ل وەلاتێ مە نینە و لەشکرێن سووریێ دشێن بچنە هەموو دەڤەران و چو هێزەک ژی نەشێت ئاستەنگیان بۆ مە دروست کەت.
ل دۆر مافێ کوردان ژی ناڤهاتی راگەهاند کو پشتی ئەم کۆنترۆلا خوە ل سەر هەموو ئاخا سووریێ دروست بکەین دێ هەموو وەلاتیێن سووریێ وەکو ئێک بژین و دێ خزمەتا هەموویان کەین.
ئەڤرۆ نیوز:
یانا مانچێستەر یوناید پاداشەک بوو راھێنەرێ خوە یێ نوو یێ نەرویجی گونار سولسکایر بەرھەڤکریە ھەکە ئەو بشێت تیمێ دەربازی قارەمانیا چامپیونیز لیگ بکەت کارگێریا وێ یانێ دێ پاداشەکا مەزن پێشکێشی ئەوی راھێنەری کەت.
پشتی ل حەفتیا بوری راھێنەرێ ناڤبری پوستێ راھێنەریا یانێ وەرگرتی و د یاریا خوە یا ئێکێ دا شیای سەرکەفتنا مەزن ل سەر یانا کاردیف ستی ژ دەرڤەی یاریگەھا خوە توماربکەت، کارگێریا یانا مان یوناید سوز دایە راھێنەرێ خوە سولسکایر ھەکە ئەو بشێت تیمێ دەربازی قارەمانیا چامپیونیز لیگ بکەت ل وەرزێ بو قارەمانیا وەرزێ بھێت یانە دێ کوژمێ دو ملیون جینێ ئیسترلینی پێشکێشی وی راھێنەری کەت وەکو پاداش.
ھەژی گوتنێ یە نوکە یانا مانچێستەر یوناید ل رێزا شەشێ دھێت ب ٢٩ خالان و ھەردو یانێن چێلسی و ئەرسینال ل بەریا وێ دھێت ل رێزێن چارێ و پێنچێ دھێن ب ٣٧ خالان و ھەر چار یانێن رێزا ئێکێ دەربازی قارەمانیا چامپیونیز لیگ دبن
ئەڤرۆ نیوز، هۆشەنگ تاجر:
ئەندامەکێ مەکتەبا سیاسی یا پارتی دیموکرتی کوردستان/ سووریا بۆ ئەڤرۆ نیوز دیار کر کو دو هەتا سێ مەه دەم پێ دڤێن هەتا ئەمریکا هێزێن خوە ژ سووریێ ڤەکێشیت و ناکۆکیێن مەزن ژی د ناڤبەرا ئیدارا ئەمریکا دا ل دۆر ڤەکێشانێ هەنە، ژ بەر هندێ ژی ڤەکێشان وەسا ب ساناهی نابیت.
محەمەد عەلی ئەندامێ مەکتەبا سیاسی یا PDK/ سووریا ئەو یەک ژی دیار کر کو ل گۆر تێگەهشتنا مە و زانیاریێن ل بەر دەستێ مە ئەمریکا هەموو هێزێن خوە ژ سووریێ ڤەناکێشیت و دێ هندەک هێزێن وان مینن و ل گۆر هەر گوهۆرینەکێ ل دەڤەرێ ژی دێ ئەمریکا پێداچوونێ د هەلویستێ خوە دا بکەت، ئەو یەک ژی نیشا ددەت کو ئەمریکا پیلانا “ب” ژی یا هەی لێ هەتا نها گەلەک تشت ئاشکرا نەبووینە.
ئەڤرۆ، نەوزاد ھلۆری:
عەلی عەبدوللا ئەو گەنجە کو جھەکێ تایبەت بۆ فێرکرنا شوفێریێ ل شێلادزێ دروستکری بۆ ئەڤرۆ نیوز گۆت: (ل سەر داخوازیا خەلکێ دەڤەرێ، دیسان وەکو دەستپێشخەری من ب فەر دیت کو جھەکێ تایبەت ب فێرکرنا شوفێریێ ل سەنتەرێ ناحیا شێلادزێ دروست بکەم، مەرەما من ژی ئەوە کو خەلکێ دەڤەرێ و شوفێر ب شێوازەکێ باشتر فێری کارێ شوفێریێ ببن، چونکو ئەڤە چەندین سالن خەلکێ دەڤەرێ بۆ فێربوونا کارێ شوفێریێ دچنە دھۆکێ و دەڤەرێن دی).
زێدەتر گۆت: (ل جھێ فێرکرنا شوفێریێ ل شێلادزێ ھەموو جورە رێنمایێن تایبەت ب کارێ شوفێریێ مینا رێنمایێن ھاتنوچوونێ و قیاسات و پێڤەرێن فێربوونێ، دیسان وانەیێن فێربوونا شوفێریێ و فێربوونا میکانیکیێ هاتینە ڤەکرن و ھەموو کاروبارێن وێ ژی ژلایێ پولیسێن ھاتنوچوونێ و شوفێرێن شارەزا دھێنە برێڤەبرن، ھەموو بەرھەڤی ھاتینەکرن و چەند رۆژێن بھێت دێ کەڤیتە دخزمەتا شوفێر و خەلکێ دەڤەرێ دا).
ئەڤرۆ نیۆز، سالار دۆسکی:
ب ھەلکەفتا ھاتنا جەژنا ژدایکبوونا حەزەرتا(عیسا) پێغەمبەر و ب ھەلکەفتا ھاتنا جەژنا برایێن مەسیحی، ژڤانە سۆبە ٢٦/١٢/٢٠١٨ ل دەڤەرا سێجێ یا سەر ب قەزا سێمێلێ ڤە چەندین دیاری ل سەر زارۆیێن ئاوارە و خوجھێن دەڤەرێ بھێنە بەلاڤەکرن.
د ڤی بیاڤی دا ھێرش رەشید، بەرپرسێ رێکخراوا مەند بۆ یەکسانیێ ل پارێزگەھا دھۆکێ ئەڤرۆ ٢٥/١٢/٢٠١٨ پشتی نیڤرۆ بۆ ئەڤرۆ نیۆز گۆت: سۆبە ٢٦/١٢/٢٠١٨ ل دەڤەرا سێجێ رێکخراوا مەند ب ھەڤکاری ل گەل سەرۆکاتیا زانکۆیا نەوروز، ب چاڤدێریا (عومەر رێکانی) ئەندامێ پەرلەمانێ عیراقێ ل دێرا مارگورگیس ل سێجێ دێ زارۆیێن ئاوارە و خوجهێن دەڤەرێ ژی ب ڤێ ھەلکەفتێ ھێنە خەلاتکرن.
نيشاندان