ئەڤرۆ نیوز:
چوونا یاریزانێ فرەنسی ل گەل یانا وی بایرن میونیخ نێزیک بوویە ل دیڤ گوتنا چەند رۆژنامەیێن فرەنسی و ئەلمانی کو وەرزێ ئەڤ سالە دێ دووماھیی وەرز بیت بوو یاریزانێ فرەنسی ل گەل یانا باڤاری .
رۆژناما سپورت بیلد یا ئەلمانی دیارکریە یانەکا تورکی دخوازیت ھەڤبەستێ ل گەل رێبیری ئیمزا بکەت و ئەوێ یانێ دەست ب لڤینا کریە ژی ل گەل یاریزانێ ناڤبری .
ژلایەکێ دیڤە رۆژناما فاناتیک یا تورکی ئەڤ چەندە پشت راستکریە و دیارکریە یانا گەلاتەسەرای دەست ب لیڤناکریە بوو دەستڤە ئینانا شیانێن یاریزانێ فرەنسی فرانک رێبیری و ئەو یانە حەز دکەت لێ ڤەگوھاستنێن زڤستانی ھەڤبەستێ ل گەل وی یاریزانی ئیمزا بکەت لێ ئەڤ چەندە بوو وێ یانا تورکی یا ب سانەھی نابیت ژبەرکو ھەڤبەستا رێبیری دێ ل ھاڤینا ئەڤ سالە ب دووماھیی ھێت .
ھەردیسان وێ رۆژنامێ ئەو چەندە ژی دیارکریە یانا باڤاری بوو چونا وی یاریزانی نابیتە رێگر ژبەرکو ھەتا نوکە ل گەل وی یاریزانی کومبوون ل گەل نەکریە بوو درێژکرنا ھەڤبەستا وی.
ھەژی گوتنێ یە رێبیری یێ ٣٥ سالی ھەر ژ سالا ٢٠٠٧ وەرە یاری ل یانا بایرن مونیخ کەت و شیا زوربەیا ناسناڤان ل سەر ئاستێ ئورۆپا ل گەل ڤێ یانێ ب دەستخوڤە بەت ھەردیسان ل سالا ٢٠٠٥ یاری ل یانا گەلاتەسەرای ژی بوو نیڤ وەرزی کربوو.

ئەڤرۆ نیوز:
پشتی ب دووماھیی ھاتنا یاریێن حەفتیا ١٧ ژ خۆلا لالیگا ئیسپانی مالپەرێ ھوسکورد وەکو ھەموو حەفتیان باشترین پێکھانیێ وێ حەفتیێ ھەلبژارت کو دڤێ حەفتیێ دا یانا ریال مەدرید یاریا خوە ئەنجام نەدابوو ژبەر پشکداریا وێ د قارەمانیا موندیالا یانێن جیھانی لێ یانا بەرشەلۆنا یاریا خوە ئەنجامدابوو لێ ناڤێ چو یاریزانێن وێ د ناڤا پێکھاتیێ باشترینێ حەفتیێ نە ھاتە دیتن.

کو د پێکھاتیێ ڤێ حەفتیێ دا چار یاریزانێن یانا ئەلاڤێس ھاتنە دیتن ھەردیسان دو ژ ڤالنسیا و دو ژ رایوڤالیکانو ل گەل دابوون.
گولچیێ پارچیکو ژ یانا ئەلاڤێس
ھێلا بەرەڤانیێ پیچینی ژ یانا ڤالنسیا و ڤیلازکوێز ژ رایوڤالیکانو و دوارت لە ئەلاڤێس و ماریپان ئە ئەلاڤێس
ھێلا ناڤین
یانوزای ژ ریال سوسیداس و پارێخو ژ ڤالنسیا و ئەمادو ژ سیڤلیا و پلانۆ ژ ڤەلەدلوەلید

ل ھێلا ھێرشبەریێ

دی توماس ژ رایوڤالیکانو و کالێری ژ ئەلاڤێس

ئەڤرۆ نیوز:
یانا لایبزێگ یا ئەلمانی بوو دەستڤە ئینانا یاریزانەکێ یانا میلان دەست ب لیڤینا کریە بوو ب ھێز ئێخستنا پێکھاتیێ خوە ل یاریێن قوناغا دوێ ژ خۆلا بوندس لیگا ھەردیسان ل قارەمانیێن دی یێن تێدا پشکدار.
مالپەرێ کاتشیو یێ ئیتالی کو یێ تایبەت ب ڤەگوھاستنا یاریزانان ڤە دیارکر یانا میلان ستێرا تورک و یانا میلان یا ئیتالی ھاکان چالھانوگلو کریە ئارمانجا خوە ل دیڤ ژێدەرێن بەر دەستێ وی مالپەری کەڤتین یانا ئەلمانی یا بزاڤێن مەزن کەت بوو دەستڤە ئینانا ڤی یاریزانی ھەردیسان کوژمێ ٢٠ ملیون یورۆیان بوو ڤەگوھاستنا ئەڤی یاریزانی بەرھەڤکرینە کو ئەو کوژمە ھندی وی کوژمی یە ئەوێ بەری سێ سالان یانا میلان یاریزانێ ناڤبری ژ یانا لیڤەرکوزن ڤەگوھاستی .

ئەڤرۆ نیوز:
پشتی ل حەفتیا بوری یانا ھەولێر ھەڤبەست پیشەکارێ خوە یێ سوری محەمەد رەفت ھەلوەشاندی و ھزر ل ئینانا چەند یاریزانێن دی کریە بوو ڤەگوھاستنێن بھێت.
ژێدەرەکێ نێزیک ژ یانا ھەولێر بۆ ئەڤرۆ نیوز دیارکر کارگێریا یانا ھەولێر ل گەل راھێنەرێ تیمێ یێ نوو نازم شاکر رێککەفتی یە بوو گوھورینا پیشەکارێن یانێ و بەری نوکە ژی ھەڤبەستا یاریزانێ سوری ھاتیە ھەلوەشاند ل سەر رازەمەندیا وی راھێنەری و د کومبوونا خوە یا دووماھیێ دا بریار ل سەر ھەلوەشاندنا دو پیشەکارێن دی ھاتیە دانێ .
ئەوی ژێدەری ئەو چەندە ژی دیارکریە یانا ھەولێر بریارە ھەڤبەستا ھەر ئێک ژ ئیراھیما یاریزانێ غانی و ھەردیسان سالیڤ کایتا یاریزانێ ھەلبژارتیێ ئەفریقیا ناڤین ھەلوەشینت و ل جھێ ئەوان دو پیشەکارێن دی بینتە دناڤ رێزێن خوە دا .

ئەڤرۆ نیوز، ھەژار مەعروف:
یاریزانێ ھەلبژارتیێ ئولومپی عیراقێ و یانا نورشبینگ یا سویدی مەروان بازی ب فەرمی ھەڤبەستا یانا نوربی یا سویدی بوو ماوێ دو سالان ئیمزاکر .
مەروان بازی کو کلدانیێ خەلکێ زاخۆ یە د داخویانیەکێ دا بوو ئەڤرۆ نیوز دیارکر ل ماوێ بوری چەندین ھەڤبەست بەر دەستێ وی کەڤت بوون ژ ئەوانا ئێک ژ یانێن پلا نایاب لێ ئەوی ھەڤبەستا یانا نوربی باشتر دیت و ئەو دبینت نوکە کرنا یاری ل خولا پلا ئێک دێ دەلیڤەیا ئەوی پتر ھەبیت ژبەرکو ل وەرزێ بوری ئەو ل گەل ئێک ژ مەزنترین یانێن سویدی یاری کر لێ دەلیڤەیا کرنا یاری بوو ئەوی گەلەک یا کێم بوو.
سەبارەت ھەڤبەستێن نافخوی یێن یانێن عیراقی ناڤبری دیارکر پشتی ل ماوێ بوری ئەوی پەیوەندی ب ھەلبژارتیێ ئولومپی عیراقێ کری گەلەک داخوازی کەڤتنە بەر دەستێ وی و چەندین یانێن بەغدا پەیوەندی ب وی کر بوو کرنا یاریێ لێ ئەو دبینت ل ڤی دەمی ئەو بەردەوامی ب دەتە کاروانێ خوە یێ وەرزشی ل ئورۆپا باشترە ژبەرکو ھێشتا ئەو گەنچە و کرنا یاری نوکە ل ئورۆپا ئەو گەلەک باشتر دبینت