ئەڤرۆ نیوز:
ستێرا ھێلا ناڤینا ھەلبژارتیێ فرەنسا و یانا پاریس سانجێرمان رابیو چارەنڤیسێ خوە ئاشکرا کر پشتی ھەڤبەستا پاریس نوو نەکری.
مالپەرێ تی ئەڤ ١ یێ فرەنسی دیارکریە ھژمارەکا مەزن یا یانێن ئورۆپی ھەڤرکیا دەستڤە ئینانا رابیو کر تایبەت ھەر سێ یانێن توتنھام و چێلسی یێن ئینگلیزی و یوڤانتوس یا ئیتالی لێ یاریزانێ ناڤبری داخوازیا بەرشەلۆنا قەبول کر و ھەموو ھەڤبەستێن دی یێن مەزن رەتکرن.
ئەوی مالپەری دیارکریە ژی چاڤەرێ دھێتەکرن ل ماوێ بھێت رابیو ھەڤبەستا یانا کەتەلونی ئیمزا بکەت پشتی ل سەر ھەموو خالێن ھەڤبەستێ ل گەل وێ یانێ رێککەفتی.
ھەژی گوتنێ یە رابیو ئێک ژ یاریزانێن قوتابخانەیا پاریس سانجێرمان و ل سالا ٢٠١٢ وەرە ل گەل تیما ئێکێ یا وێ یانێ یاری کەت و ٢٢٧ یاری ل ماوێ شەش سالێن بوری بوو یانا پاریس سانجێرمان کرینە.

ئەڤرۆ نیوز،ھەژار مەعروف:
دو ستێرێن کورد ل ئورۆپا سەرکێشیا یانێن خوە کر بوو سەرکەفتنێ ل دووماھیی حەفتی ل ھەردو خولێن پلا نایاب یا پورتوگال و ھولەندا .
دخولا پورتوگال دا یاریزانێ کورد و ھەلبژارتیێ ئێکێ عیراقێ و کابتنێ یانا سانتا کلارا یا پورتوگالی ئوسامە رەشید بەردەوامی دا ئاستێ خوە یێ سەرکەفتی ل وەرزێ ئەڤ سالە ل گەل یانا خوە دەمێ شیای گولەکێ بوو یانا خوە توماربکەت ژ چارچوڤێ یاریێن گەرا ١٤ پشتی تیما وی شیای

سەرکەفتنێ ژ دەرڤەی یاریگەھا خوە ل سەر یانا فیکتوریا توماربکەت ب دو گولان بێ بەرامبەر .
ئوسامە رەشید ل وەرزێ ئەڤ سالە دھێتە ھژمارتن ئێک ژ باشترین یاریزانێن خولا پورتوگال کو ل گەل یانا خوە ژ سەرجەمێ ١٤ یاریان ھەموو یاری کرینە و شیا پێنچ گولان توماربکەت و شەش گول ژی دروست کرینە بوو تیما خوە .

ژلایەکێ دیڤە محەمەد عوسمان یاریزانێ ھەلبژارتیێ سوریا و یانا ھیراکلیس یا ھولەندی شیا گولەکێ ل گەل یانا خوە د حەفتیا ١٧ دا توماربکەت پشتی تیما وی شیای سەرکەفتنێ ل سەر یانا ئاکسیلسیو توماربکەت ب سێ گولان بێ بەرامبەر و بی ڤی ئەنجامی ھیراکلیس خالێن خوە گەھاندنە ٢٦ خالان پێشڤە چو رێزا پێنجێ .
محەمەد عوسان یێ ٢٤ سالی ب ھێلا ناڤین یاری کەت و ل وەرزێ ئەڤ سالە ل گەل یانا خوە ھیراکلیس ١٦ یاری کرینە ژ سەرجەمێ ١٧ یاریێن خولێ و شیا سێ گولان توماربکەت و گولەکێ ژی دروست بکەت

ئەڤرۆ نیوز:
سالا ٢٠١٨ دھێتە ھژمارتن ئێک ژ باشترین سالان د مێژویا ستێرا کرواتی و یانا ریال مەدرید لوکا مودرێچ پشتی ل سالا ٢٠١٨ شیای چەندین ناسناڤێن مەزن ب دەستخوڤە توماربکەت کو ل سەر ئاستێ خوە یێ تایبەت و ھەردیسان ل گەل یانا خوە ریال مەدرید و ھەلبژارتیێ کرواتیا کو بەری نوکە نەشیابوو ئەوان دەستکەفتیان ب دەستخوڤە توماربکەت.
ل سالا ٢٠١٨ مودرێچ شیا ھەردو ناسناڤێن چامپیونیز لیگا ئورۆپا و موندیالا یانێن جیھانێ ل گەل ریال مەدرید ب دەستخوڤە بینت و ھەردیسان شیا رێزا دوێ ب دەستخوڤە بینت ل گەل ھەلبژارتیێ خوە کرواتیا د موندیالا جیھانی یا ھەلبژارتیێن جیھانی دا.
ل سەر ئاستێ تایبەت یێ وی ب خەلاتێ باشترین یاریزان ھاتە خەلاتکرن یێ فیفا ھەردیسان ب خەلاتێ تەپا زێری یێ سالانە ژلایێ گوڤارا فرانس فتبول ھاتە خەلاتکرن بوو باشترینێ جیھانێ و ھەردیسان ب خەلاتێ باشترین یاریزانێ ئورۆپا ژی ھاتبوو خەلاتکرن و ل سەر ئاستێ کرواتیا ژی بو سالا چارێ ل دیڤ ئێک و جارا شەشێ ب باشترینێ وی وەلاتی ھاتە خەلاتکرن.