ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 23ى كانوونا ئێكێ 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 119.000 دينار |
| 100 يۆرۆيێ ئه‌ورۆپى | 136.000 دينار |
| 100 ليرێ توركى | 23.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز:
پشتی سەرکەفتنا مەزن یا یانا مانچێستەر یوناید یا دوھی ل سەر یانا کاردیف ستی ب سەرپەرشتیا راھێنەرێ خوە یێ نوو یاریزانێ وێ یانێ و ستێرا ھێلا ناڤینا فرەنسی پول پوگپا بۆ مالپەرێ bbc یێ برێتانی دیارکر سەرکەفتنا ئەوان ل سەر کاردیف دێ ھێزەکا مەزنتر دەتە گیانێ ھەموو یاریزان و دێ بزاڤێ کەن ل یاریێن بھێت ھەڤرکیێ ل سەر رێزێن پێشیێ کەن بوو دەستڤە ئینانا ئێک ژ پلێتێن دەربازبوونێ بۆ قارەمانیا چامپیونیز لیگ .
سەبارەت دورخستنا راھێنەرێ تیمێ یێ بەری نوکە ناڤبری سەرەرای ئەوان ئاریشەیێن دناڤبەرا وی و جوزێ مورینھوی یاریزانێ ناڤبری دیارکر پێدڤی یە ل سەر ھەموو یاریزانێن یانێ یێن ل ماوێ بوری ل گەل مورینھوی کارکری سوپاسیا راھێنەرێ ناڤبری بکەن ژبەرکو ئەوان ل سەر دەمێ مورینھوی شیابوون ناسناڤێن نافخوی و ئورۆپی ب دەستخوڤە تومارکربوون.
ھەردیسان ناڤبری دیارکر ئەوی وەکو یاریزان مفا ژ شیانێن ئەوی دیتی یە و سوپاس بوو راھێنەرێ ناڤبری .
ئەڤرۆ نیوز، ئەمیر ئەترووشی:
پەیڤدارێ رێڤەبەریا بەرەڤانیا باژێری ل پارێزگەھا دھۆکێ راگەھاند، ل قەزا سێمێلێ ئاگر بەربوو مەلەڤانگەھەکێ و زیانێن مادی ل دووڤ خوە ھێلان.
رائیدێ مافپەروەر بێوار عەبدولعەزیز بۆ ئەڤرۆ نیوز دیار کر کو شڤێدێ ل رێکەفتی 22/12/2018 ل دەمژمێر 11:30 پەیوەندی ب بنگەھێ سێمێلێ ھاتەکرن ب ھەبوونا روودانەکا ئاگری ل سێمێلێ کو ئاگر بەربوویە ساونا مەلەڤانگەھا سێمێلێ بنگەھێ ناڤبری ل جھێ روودانێ ئامادەبوون و شیان پشتی ماندیبوونەکا زور ئاگری کونترول بکەن، لێ خۆشبەختانە چو زیانێن گیانی پەیدانەبووینە.
ئەڤرۆ نیوز، بارزان مزووری:
دەڤەرا ئەلقوش ئێک ژ وان دەڤەرێن گەشتیاری یێن گرنگ دھێتە ھژمارتن سالانە ھژمارەکا مەزن یا گەشتیاران ب تایبەت گەشتیارێن بیانی و یێن ناڤەراستا عیراقێ سەرەدانا ڤێ دەڤەرێ دکەن ،ل دووڤ پێزانینێن دروست کو شوونوارناسێن وێ دەڤەرێ دیارکریە کو مێژوویا ڤی باژێری بۆ سەردەمێ پێغەمبەر مووسای (س، خ) ڤەدگەریتن کو گوندەک بوو بەر ب باژێرەکێ شوونواری چوویە، ھونەرمەندەکێ مەسیحی بناڤێ (دانی ئەسمەرو) خەلکێ ناحیا ئەلقوشە گوندێ ئەلقوش یێ کەڤن ب شێوەکێ فلکلوری دووبارە ئاڤاکریە.
ھونەرمەند دانی ئەسمەرو، بۆ ئەڤرۆ نیوز ئاشکرا کر کو ژبلی کارێ وی یێ ھونەری ئێک ژ پرۆژێن وی یێن گرنگ ل دەڤەرێ دووبارە دروستکرنا گوندێ کەڤن یێ ئەلقوش بوو، کو ببیتە ئێکەم گوندێ شوونواری ل پارێزگەھێن نەینەوا و دھۆک ژ بەر کو ئەڤ دەڤەرە ژ دەڤەرێن ڤەقەتیایی نە ژ ھەرێما کوردستانێ، بەلێ سەر ب ھەر دو ئیداران ڤەیە و گۆت: ” گوندێ کەڤن یێ ئەلقوش دووبارە ئەو گوند ب ھەموو تیتالو رەوشتێن گوندی ڤە ھاتە ئاڤاکرن و ئەو کەلوپەلێن ب گوندان ڤە گرێدایی ھەموو د ناڤ گوندی دا ھاتنە دانان بتنێ ژیانا مرۆڤان لێ نینە و ئەڤ گوندە ل ئەینیا بوری 21 کانونا ئێکێ 2018 ب شێوەیەکی فەرمی ژ لایێ ئیدارا ناحیێ و کەساتیێن ئاینی یێن دەڤەرێ ڤە ھاتە ڤەکرن”.
ناڤھاتی ئاماژە دا وێ چەندێ ئەڤ گوندە ب ھەموو شێوەیەکی ل سەر نەخشێ کەڤنار ھاتیە ئاڤاکرن، ھەر گەشتیارەکێ سەرەدانا ڤی گوندی بکەت دێ سەرنجا وی راکێشیتە خوە و حەز ناکەت ژێ ب دەرکەڤیت، ژ بەر کو ئەو کەلوپەلێن شوونواری و خانیێن ئاخێ و جھێن ناپێژیێ یێن کەڤنار ھەموو کەلوپەلێن گوندان د ناڤ دا ھاتینە دروستکرن.
ئەڤرۆ نیوز:
رێڤەبەریا پاسپورتان ل دھۆکێ داخوازێ ژ وان وەلاتیان دكەت یێن ناڤێن وان د لیستا خوارێ دا هاتین سەرەدانا رێڤەبەریا ناڤبری بكەن ل پشکا بەلاڤكرنا پاسپورتان ژبو وەرگرتنا پاسپورتێن خو بزیترین دەم.
ئەڤرۆ نیوز:
د تاقیکرنێن زانستی دا دیارکریە کو دکریارا جوتبونێ دا پرچێ ژنێ دبرسقینیت، رێژەیەکا ھورمونان دھێتە مەزاختن.
زانکویێن جیھانی دتاقیکرنێن خودا ل سەر جوت بونا زەلام و ژنێ وەسا دیارکریە کو ل دەمێ کریارا سکسی ژن ھژمارەیەکا مەزنا ھورمونان دمەزیخیت ھەتا ب دوماھی دھێت، لەورا ئەڤ چەندە دبیتە ئەگەرێ ھندێ کو پرچێ ژنێ دبرسقینیت ھەتا وەکو ئارمیشی نەرم دبیت، دیسا ڤەژینەکا دی دکەڤیتەگیانێ ژنێ و زەلامی تایبەت زەلام ژ ئەگەر چەندێ تورە و بێزار بیت ئەو پترێ ژێ قورتال دبیت. ئەڤە ئەو مفایێ جوت بونێ یە یێن دکریارا سکسی دا دناڤبەرا ھەردو ھەڤژینان دا.
ئەڤرۆ نیوز، قائید میرۆ:
پێشنیار ھاتیەکرن دەمێ کارکرنا جڤاتێن پارێزگەھان بۆ دەمێ دو سالان بھێتە درێژکرن و بەرپرسەکێ پارتی ژی دبێژیت، ئەم ب باشی نابینین ھەلبژارتن د ڤی دەمی دا بھێنە ئەنجامدان.
کەنعان خەیلانی، سەرۆکێ فڕاکسیۆنا پارتی ل جڤاتا پارێزگەھا ھەولێرێ بۆ ئەڤرۆ نیوز دیار کر کو ھەر سێ جڤاتێن پارێزگەھان ل ھەرێما کوردستانێ ب نڤیسارەکا فەرمی داخوازا چارەکرنا پرسا جڤاتێن پارێزگەھان کریە، ژ بەر کو دەمێ وان یێ قانوونی تەمام بوویە و ھەلبژارتن ژی نەھاتینە ئەنجامدان، لەوڕا وان داخوازکریە دەمێ جڤاتێن پارێزگەھان بھێتە درێژکرن و رۆژا ھەلبژارتنان بھێتە دیارکرن.
ناڤھاتی ئاماژە دا وێ چەندێ کو کاودانێن نوکە بۆ ئەنجامدانا ھەلبژارتنان د گونجای نینن، چونکی دو ھەلبژارتن ھاتینە ب رێڤەبرن و وان پێشنیارکریە پشتی دو سالێن دی ھەلبژارتنێن جڤاتێن پارێزگەھان بھێنە ئەنجامدان و پەرلەمان و سەرۆکاتیا جڤاتا وەزیران دێ بڕیارا دوماھیێ بدەن.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوشه‌مبى رێکەفتی 24ى كانوونا ئێكێ 2018ێ ئه‌سمان دێ باران بيت و ب دژوارى ژى ل هنده‌ك ده‌مان باريت و ل ده‌ڤه‌رێن بلند و چياى ژى به‌فر دێ باريت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو ژ ئه‌نجامێ فشارێن نزمێن ده‌ريا ناڤه‌راست و فشارێن نزمێن وه‌لاتێ توركيا دھێتە پێشبینیکرن باران بيت و ب دژوارى ژى ل هنده‌ك ده‌مان باريت و ل ده‌ڤه‌رێن بلند و چياى ژى به‌فر دێ باريت.
پشکا پێشبینیان دایە زایە زانین کو دێ ئله‌زاتيا بايى د ناڤبەرا 5 ھەتا 15کم دا و ماوێ دیتنێ ژی دێ د ناڤبه‌را 8 بۆ 9كم دا بیت، پلێن گەرمێ ژی دێ د ناڤبەرا 5 بۆ 15 پلان دا بن.
ئاماژه ب وێ چه‌ندێ ژى كريه كو ئه‌و پێشبينى دكه‌ن ل پارێزگه‌ها دهۆكێ زێده‌ترين رێژا به‌فر و بارانێ لێ بباريت ل چاڤ ده‌ڤه‌رێن دى يێن هه‌رێما كوردستانێ و پلێن گه‌رمێ ژى دێ هێنه خوار و رۆژا ب دووڤ دا كارتێكرنا ڤێ فشارێ دێ ب دووماهى هێت.
ئه‌ڤرۆ نيوز:
ئه‌ڤرۆ جڤاتا نوونه‌رێن عيراقێ دێ كۆم بيت و دێ بزاڤێ كه‌ت د ڤان دو رۆژان دا، كابينا نوو يا حوكمه‌تێ ته‌مام بكه‌ت و ده‌نگى ل سه‌ر بده‌ت.
ب گۆره‌ى وى به‌رنامێ ل مالپه‌رێ جڤاتا نوونه‌رێن عيراقێ هاتيه به‌لاڤكرن، جڤاتا نوونه‌رێن عيراقێ ئه‌ڤرۆ دێ گه‌نگه‌شێ ل سه‌ر هه‌لبژارتنێن جڤاتێن پارێزگه‌هان و چه‌ند پرسه‌كێن دى كه‌ت.
ئه‌ندامه‌كێ جڤاتا نوونه‌رێن عيراقێ ل سه‌ر فراكسيۆنا پارتى ديموكراتى كوردستان راگه‌هاند كو د ڤان دو رۆژان دا، دو پرسێن گرنگ يێن هه‌ين بهێنه به‌حسكرن كو ئه‌و ژى پرسا بوودجێ و ته‌مامكرنا كابينا نوو يا حوكمه‌تا عه‌بدولمه‌هدى نه.
د. ديار ته‌يب بۆ ئه‌ڤرۆ نيوز گۆت: “هه‌ر چه‌نده ئه‌ڤ هه‌ردو پرسه د ناڤ كارنامێ ئه‌ڤرۆ دا نينن و باوه‌ر ناكه‌م سوبه‌هى ژى بچنه د ناڤ به‌رنامێ كارى دا، ژ به‌ر كو هه‌تا نها چو رێكه‌فتنێن سياسى نه‌هاتينه كرن، به‌لێ تشته‌ك ژى يێ دوور نينه ل عيراقێ و ده‌باره‌ى بوودجێ ژى تێبينيێن لژنا دارايى ل سه‌ر ب دووماهى نه‌هاتينه، به‌لێ دبيت گڤاشتن ل سه‌ر لژنێ ژى بهێته كرن هه‌تا سوبه‌هى تێبينيێن خوه ب دووماهى بينن و بێخنه ناڤ به‌رنامێ كارى”.
ئه‌ندامێ جڤاتا نوونه‌رێن عيراقێ ئاشكه‌را ژى كر كو جڤاتا نوونه‌ران نه‌ڤێت ژيێ خوه درێژ بكه‌ت و دڤێت ڤان هه‌ردو پرسان چاره بكه‌ت، ژ به‌ر هندێ ژى پێشبينى دهێته‌كرن گڤاشتن ل سه‌ر لژنا دارايى بهێته كرن دا كو كارێ خوه ب دووماهى بينيت، هه‌كه ئه‌ڤه نه‌هاته كرن ژى دبيت د حه‌فتيا ئێكێ يان دويێ يا پشتى سه‌رێ سالێ بوودجه بكه‌ڤيته به‌ر ده‌نگدانێ.
نيشاندان