ئه‌ڤرۆ نيوز:
ب گۆره‌يى پێزانينێن ل به‌ر ده‌ست ئه‌ڤرۆ نيوز ژ ژێده‌ره‌كى ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ راگه‌هاند كو بڕياره ئه‌ڤرۆ رۆژا ئێكشه‌مبى 23ى كانوونا ئێكێ 2018 دێ مووچێ خانه‌نشينێن له‌شكرى هێته به‌لاڤكرن و پاشان ژى 24ى كانوونا ئێكێ 2018 دێ مووچێ خانه‌نشينێن مه‌ده‌نى هێته به‌لاڤكرن
ئه‌ڤرۆنيوز:
فه‌رمانده‌كێ هێزا پێشمه‌رگه‌ى ل سنوورێ مه‌خموور راگه‌هاند، ده‌مێ سێ رۆژانه توبخانا ئه‌مريكى ل مه‌خموور بنگه‌هێن داعشێ ل چيايێ قه‌ره‌چووخ توپباران دكه‌ت، به‌لێ هه‌تا ئۆپه‌راسيۆنه‌ك نه‌هێته ئه‌نجامدان داعش ناهێته ژناڤبرن ل وێ ده‌ڤه‌رێ.
يادگار ئه‌حمه‌د، فه‌رماندێ هێزا پێشمه‌رگه‌ى ل مه‌خموور گۆت” ده‌مێ سێ رۆژانه توبخانه وفرۆكێن ئه‌مريكى ب به‌رده‌وامى ل چيايێ قه‌ره‌چووخ داعشێ توپباران دكه‌ن وزيانێن مه‌زن يێن گه‌هاندينێ”.
ناڤبرى دداخۆيانيه‌كێ دا بۆ مالپه‌رێ فه‌رمى يا پارتى گۆت ژى” نێزيكى 400 چه‌كدارێن داعشێ يێن ل چيايێ قه‌ره‌چووخ وگه‌له‌ك تونێل ل وى چياى كۆلاينه، له‌وما ب تنێ ب توپبارانكرنێ ناهێنه ژناڤبرن وپێدڤيه ئۆپه‌راسيۆنه‌كا ئه‌ردى بهێته ئه‌نجامدان تاكو بهێنه ژناڤبرن”.
دياركر ژى” هێزێن ئه‌مريكه هه‌ست ب مه‌ترسيا داعشێ كريه، له‌وما به‌رده‌وام وان توپباران دكه‌ن”.
ئەڤرۆ نیوز، نەوزاد هلوری:
تیما تایکواندویا گارەی هاتنا بەفرێ و چونا هژمارەکا زور یا گەشتیاران بو چیایێ گارەی ب دەلیڤە دیت کو سەرەدانا چیایێ گارەی بکەن ژ بو ئەنجامدانا چەند نمایشەکێن تایکواندویێ. وەکو ئەو ددەن دیارکرن کو تایکواندو جورە وەرزشەکا زانستی یە و ئەو بو دلخوشکرنا خەلکی و گەشتیاران قەستا گارەی کریە و هژماڕەکا وەرزشڤانێن تایکواندویێ ل گەل خوە برینە.
ئەڤرۆ نیوز:
یانا ئەرسینال حەزا گوھورینا یاریزانەکی ل گەل یانا ریال مەدرید ھەیە ل ڤەگوھاستنێن زڤستانی دا .
رۆژناما ئەندپندنت یا برێتانی دیارکریە یانا یانا ئەرسینال دخوازیت یاریزانێ خوە یێ ئەلمانی ل گەل ستێرا ھێلا ناڤینا ریال مەدرید و یاریزانێ ھەلبژارتیێ ئیسپانی ئیسکو ب گوھوریت .
ئەوێ رۆژنامێ ئاشکرا کریە ژی ریال مەدردید نابیتە رێگر د رێیا فروتنا ئیسکو دا کو تایبەت پشتی ئەوی یاریزانی ل ماوێ بوری نەشیا جھێ خوە وەکو یاریزانەکێ سەرەکی بینت و وی یاریزانی ژی حەزا چونێ ھەیە .
ھەردیسان ئەوێ رۆژنامێ ئاشکرا کریە ژی یانا ریال مەدرید بوو دەست بەردانا ئیسکو یا ب سانەھی نابیت و داخوازیا کوژمەکێ مەزن کریە بەرامبەر دەست بەردانا ئەوی ئەوژی ١٠٠ ملیون جینێ ئیسترلینی کو ب ڤێ چەندێ پێدڤی یە ل سەر یانا ئەرسینال کوژمەکێ مەزن ل سەر دانا ئوزێلی ژی را بدەنە ریال مەدرید .
ژلایەکێ راپورتێن رۆژنامەڤانی ل ئیسپانیا دیارکرینە مەزنێن یانێن مانچێستەر سیتی و بایرن میونیخ و پاریس سانجێرمان و یوڤانتوس ب ھێز ھاتینە دناڤ ھەڤرکیا ب دەستڤە ئینانا ڤی یاریزانی و کوژمەکێ مەزن بوو دەستڤە ئینانا وی تەرخان کریە.
ھەژی گوتنێ یە مەسعود ئوزێل ل سالا ٢٠١٠ ھەتا ٢٠١٣ ل گەل یانا ریال مەدرید یاری کریە پاش بوو یانا ئەرسینال ھاتبو ڤەگوھاستن.
ئەڤرۆنيوز، زنار تۆڤی:
د. سۆزان ئامێدی مامۆستا زانستێن سیاسی ل زانكۆیا دهۆكێ بۆ ئەڤرۆ نیوز دیاركر: ل جیهانێ چو دەولەت نینن ل دووڤ بەرژەوەندیا خوە نەچن، لێ د بەرژەوەندیێن وان دەولەتان دا هندەك روودان چێدبن، كو كارتێكرنا وان دبنە ئەرێنی و نەرێنی، هەروەسا ئاستێ سیاسی و ئاستێ ئەرێنی و نەرێنی یێ وان روودانان دمینیتە ل سەر خواندنا دروست، بۆ وان پێنگاڤ و بەرژەوەندی و بریارێن هاتینە دانان، لەوما یا گرنگە كو دیراسەت بۆ وان هەموو پێنگاڤان بهێتە كرن، ژ روویێ ئابووری و سیاسی ڤە، هەروەسا ئەڤ چەندە دمینیت ل سەر ئاستێ وێ دەولەتێ یان شیانێن وێ دەولەتێ، كانێ هەتا كیژ رادەی هێزا وێ یا سیاسی و ئابووری، هەروەسا ئاست و جهێ وێ دناڤبەرا هەموو دەولەتان دا چەندە.
ناڤهاتیێ گۆت ژی: دەمێ ئەمریكا ڤیای ڤێ پێنگاڤێ بهاڤێژیت و ب بریارا ترەمپی هێزێن خوە ژ سووریێ ڤەكێشیت، پرانیا خەلكێ جیهانێ ئەڤ پێنگاڤە ب پێنگاڤەكا خراب ل قەلەم دایە، ب تنێ ئەو دەولەت نەبن، یێن كو بەرژەوەندیێن وان دڤێ پێنگاڤێ دا، كو ئەو ژی ئیران و رووسیا و توركیا نە، وان دیت ئەڤ پێنگاڤا ترەمپی د بەرژەوەندیا وان دانە، لێ هندەك جهێن بەرپرس یێن كۆچكا سپی خوە ل سەر ڤی بابەتی نەرازی كریە و دیسا وەزیرێ بەرگریێ ژی دەست ژ كاركێشیایە، لەوما پرسیار ل ڤێرێ ئەوە، ئەرێ مادەم هەموو ل دژی ڤێ پێنگاڤا ترەمپی نە و ئەڤە نە د بەرژەوەندیا گەلەك وەلاتێن جیهانی دایە، لێ بەرژەوەندیا ئەمریكا ژ ڤێ بریارێ چیە؟، ئەرێ ئەڤ بریارە ژبەر هەلبژاتنێن بهێن یێن ئەمریكایە، ژ پێخەمەت ترەمپ سەرنجا خەلكێ ئەمریكا بۆ خوە رابكێشیت، یان ژی وی سیاسەتەكا دیتر هەیە، كو بكەتە سۆپرایزەك بۆ هەموو خەلكێ جیهانێ، وەكو ڤێ بریارا ڤەكێشانا هێزێن خوە ژ سووریێ.
سۆزان ئامێدی دياركر: سەرۆكێ ئەمریكا كەسايه‌تیەكا بازرگانیە و نە كەسەكێ ئەكادیمی سیاسی یە، لەوما وی دڤێت ئاریشا دروست بكەت، داكو پشتی هنگێ بهێت مامەلێ ل گەل وان ئالیان بكەت، ب مەرەما بەرژەوەندیێن خوە یێن بەرتەنگ یێن مادی، هەروەسا ئەو هزر ل مرۆڤایەتیێ ناكەت و دیسا هزرێ ل ئێمناهیا خەلكێ دیتر ژی ناكەت و ب تنێ چاڤێ وی ل بەرژەوەندیا وی یا ئابووری یە، بۆ وی خەلكێ دیتر گرنگ نینە، ب تایبەتی ئەو مللەتێن خودان كیانێن بچووك، وەكو مللەتێ كورد ل رۆژئاڤا، كو هەڤپەیمانێن ئەمریكا بوون، ل شەرێ دژی داعش، دیسا كورد ژی وەسا تێگەهشتبوون، كو دێ ئەمریكا پشتەڤانیێ ل وان كەت و چو جاران وان ناهێلیتە ب تنێ، لێ ترەمپی ب ڤێ پێنگاڤێ كارتێكرنەكا مەزن ل كوردان كریە، هەر چەندە سیاسەت هاتیە نیاسین ب هونەرێ چارەكرنا ئاریشان، لێ ئەڤ جۆرێ سیاسەتێ یێ دوورە ژ رەوشتێ مرۆڤان، لەوما ب تنێ وی ل سەر بەرژەوەندا مادی ئەڤ بریارە دایە، هەر چەندە گەلەك دەولەت هەنە، كو ل هەمبەری ڤێ سیاسەتێ راوەستن و شیانێن هندێ هەنە، لێ كوردان ئەو شیان نینن، كو هەمبەری ڤێ پێنگاڤێ راوەستن، لەوما ئەم نەشێن بەرژەوەندیێن دەولەتی “تەقدیر” بكەین لدووڤ بەرژەوەندیێن كوردەواری، بەلێ دڤێت ئەم بزانین كانێ دێ چاوا بەرژەوەندیێن خوە ” تەرتیب” كەین، ل گەل بەرژەوەندیێن دەولەتان، ژ پێخەمەت ئەم ژی خوە ب گونجینین ل گەل وی دۆخی.
هێشتا دبێژیت: ل ڤێرێ شاشى هەموو بۆ ترامپی ڤەناگەریت، لێ شاشى بۆ وان دەولەتانە یێن كو پشت بەستنێ ل سەر ئەمریكا دكەن و هزر ناكەن، هەكە ئەمریكا وان بهێلیتن وان چو پێ گوهۆرەكێ دیتر هەیە، دێ كی وێ بۆشایێ پركەت، هەر چەندە كوردان ل رۆژئاڤا گەلەك پشتا خوە ب ئەمریكا گەرم دكر، هەروەسا چەندین وەلاتێن دیتر ژی ل كەنداڤی پشتا خوە ب ئەریكا گەرم كریە، ل هەمبەری ئیرانێ و رووسیا، لەوما دڤێت كوردان ب رەنگەكێ بەردەوام پێ گوهۆرێ ئەمریكا هەبیت، هەروەسا باشترە كورد خوە نێزیكی فرەنسا بكەن، چونكی د نوكە دا فرەنسا ب رەنگەكێ باش پشتەڤانیێ ل كوردان دكەت و وێ دیاركریە كو دڤێت چارەسەریا ئاریشێن كوردان بهێتە كرن، دیسا دڤێت كورد ئێكبگرن و ڤێ بریارا ترەمپی ئەو چەندە دیاركریە، كو كوردان چو هەڤال نینن و ب تنێ دڤێت ئەو د ئێكگرتی بن، هەروەسا ل هەرێما كوردستانێ ژی پێدڤیە چاكسازی د وراێ سیاسی و ئابووری دا بهێتە كرن، چونكی بەری نوكە ژی ئەمریكا چاڤێن خوە نقاندینە، دەمێ كو لەشكرێ عیراقێ و حەشدا شەعبی هێرشی سەر كوردستانێ كری و كەركووك و چەندین دەڤەرێن دیتر داگیركرین.
ئەڤرۆ نیوز:
بەری دەمەکێ کێم یانا ریال مەدرید شیا ناسناڤێ قارەمانیا موندیالا یانێن جیھانێ ب دەستخوڤە بەت پشتی د یاریا دووماھیا قارەمانیێ دا شیای سەرکەفتنێ ل سەر یانا عەین یا ئیماراتی توماربکەت ب چار گولان بەرامبەر گولەکێ و ھەر چار گولێن ریال مەدرید ژلایێ یاریزانان لوکا مودرێچ و لورنتی و سێرجیو راموس و ڤینسیوس.
یانا ریال مەدرید ب ببرنا ڤی ناسناڤی شیا نمرەکا دی ل سەر مێژویا خوە توماربکەت کو دبیتە یانا ئێکێ ھەتا نوکە شیابیت چار جاران ناسناڤێ موندیالا یانێن جیھانێ ب دەستخوڤە بری پشتی ل ماوێ بوری ل سالێن ٢٠١٤ و ٢٠١٦ و ٢٠١٧ کو دبیتە جارا سیێ ل دیڤ ئێک ڤی ناسناڤی ب دەستخوڤە دبەت.
ئەڤرۆ نیوز،بارزان مزووری:
، رێڤەبەرێ بەلاڤكرنا ئاڤێ ل قەزا شێخان، ئەندازیار مەجید عه‌بدولكه‌ریم بۆ ئەڤرۆ نیوز ئاشكرا كر كو 15 هزار مالێن قەزا شێخان مافێ دانانا ئامیرێ پیڤەرێ ئاڤێ یێ هەی ژوانا بتنێ 6 هزاران ئەڤ پیڤەرە یێ گرێدای كو بەری سالەكە ئەڤ پرۆژە هاتبوو راوەستاندن د نها دا ئەم یێ كار دكەين كو 9 هزار مالێن مای وی پیڤەری گرێدەن ،
گۆت ژى :گرێدانا وان پیڤەران رادەستێ كۆمپانیەكا ناڤخويى هاتیە كرن كو ئەو پێ رابن ڤی ئامێری بۆ مالان گرێدەن بەرامبەری گرێدانا ڤی ئامیری دێ گوژمێ 40 هزار دیناران ژ مالان هێته وەرگرتن كۆمپانیا پێ رادبیت ب هەماهەنگی دگەل وەزارەتا باژێرڤانيان و گەشتوگوزار بەرامبەری وی گوژمێ پارەی یێ ژوەلاتیان وەرگرتی پارێ ئاڤێ لێ ناهێت وەرگرتن ئەو پارە دێ ژبەر پارێ ئاڤێ هێت برین هەتا ب دوماهی بهێت ،
گوت ژی :ل دووڤ بریارا باژێرڤانيان و گەشتوگوزار و رێڤەبەریا گشتی یا ئاڤ و ئاڤەرويان، هەر كەسێ ڤی ئامیری گرێ نه‌دەت، دێ گەرا ئێكێ هێت ئاگەهداركرن ب گوژمێ 100 هزار ديناران هێتە سزادان، دیسا هه‌كه هەر یێ بەردەوام بیت ل گرێ نه‌دانێ، دوبارە دێ هێته ئاگەهداركرن ب گوژمێ 200 هزارا هێته سزادان.
دياركر كو ل نێزیك ئەڤ كۆمپانیە دێ دەست ب كارێ خوه كەت ل ناحیا و كومەلگەهان كاركەن وئەڤ بریارە ژ گوندان ناگریت.
ئه‌ڤرۆنيوز:
يانا مانشستر سيتى نه‌شيا به‌رده‌واميێ بده‌ته هه‌ڤركيا يانا لێڤه‌رپۆل ل سه‌ر بده‌ستڤه‌ئينانا رێزا ئێكێ د رێزبه‌ندا خۆلا ئينگليزى دا پشتى ل سه‌ر ئه‌ردێ خوه تووشى دوراندنێ بووى ب ئه‌نجامێ 2-3 ل گه‌ل يانا كريستال بالاس.
گۆلێن كريستال بالاس ل خۆله‌كێن 33 و 35 و 51 هاتنه تۆماركرن وگۆلێن مانشسته‌ر سيتى ل خۆله‌كێن 27 و85 هاتن تۆماركرن.
ب ڤى ئه‌نجامى خالێن مانشسته‌ر سيتى هه‌ر مانه 44 خال ول رێزا دويێ دهێت پشتى لێڤه‌رپۆل كو 48 خال يێن هه‌ين پشتى دوهى ئه‌ينيێ ل سه‌ر يانا وولفرهامبتيۆن ب ئه‌نجامێ 2-0 ب سه‌ركه‌فتى، يانا مريستال بالاس ژى خالێن خوه گه‌هاندنه 18 خالان و ل رێزا 14 دهێت.
نيشاندان