ئەڤرۆ نیۆز، ئەمیر ئەترووشی:

رێڤەبەرێ بەرھنگاربوونا توندوتیژیا دژی ژنان ل پارێزگەھا دھۆکێ راگەھاند، د ھەیاما ١٠ مەھێن ئێکێ دا ژ ئەڤسالە، ٢٠٧ ژن ئەوێن تووشی توندوتیژیێ بووین و مەترسی ل سەر ژیانا وان ھەبوویە و ھاتینە رەوانەکرن بۆ سەنتەرێ حەواندنان ژنان ل گۆندێ ئێتیتی.

موقەدمێ مافپەروەر ئارام ئەترووشی، رێڤەبەرێ بەرھنگاربوونا توندوتیژیا دژی ژنان ل پارێزگەھا دھۆکێ بۆ ئەڤرۆ نیۆز دیار کر، د ماوێ ١٠ مەھێن ئێکێ دا ژ ئەڤسالە، مە وەکو رێڤەبەریا توندوتیژیا پارێزگەھا دھۆکێ کەیسێن ٢٠٧ ژنان رەوانەی سەنتەرێ حەواندنا ژنان ل گۆندێ ئێتیتێ یێ سەر ب رێڤەبەریا چاڤدێریا جڤاکی ڤە کرینە و بۆ دەمەکی ل وی سەنتەری ھاتینە حەواندن، ھەتا کو مەترسی ل سەر ژیانا وان نەمینیت و ژ وی سەرجەمی ژی پتریا وان پشتی چارەسەرکرنا ئاریشا وان ڤەگەریانە ناڤ کەس و کارێن خوە دا.

ناڤبری تەکەست ژی کر کو نھا کێمتر ژ ٢٠ ژنان د ناڤا سەنتەری دا ماینە و کەیسێن وان ژی ل ژێر ڤەکۆلینێ نە، بۆ ھندێ مەترسی ل سەر ژیانا وان نەمینیت و جارەکا دی ب ڤەگەرنە ناڤ کەس و کارێن خۆدا و گۆت: ئەم وان ژنان رەوانەی وی سەنتەری دکەین و پشتی دادگەھـ بریارێ ددەت، جارەکا دی ئەم ب خوە وان ڤەدگەرینینە ناڤ کەس و کارێن وان دا.

ل دووڤ ئامارێن رێڤەبەریا گشتیا توندوتیژیێ ل ھەرێما کوردستانێ، د ماوێ ١٠ ھەیڤێن ئێکێ دا ژ ئەڤ سالە یا ٢٠١٨، ل ھەرێما کوردستانێ ٦٩٦ ژنان پەنا بۆ سەنتەرێ حەواندنا ژنان بریە و ژ وان ژی ٢٠٧ ل دھۆکێ بووینە، ل ھەولێرێ ٢٨٦، ل سلێمانیێ ١٦٩ و ل گەرمیان ژی ٣٣ ژن بووینە و ژ ڤی سەرجەمی ژی ھەتا نھا نێزیکی ٢٢٧ ژنان ل ھەرێما کوردستانێ ھێشتا د سەنتەرێ حەواندنێ دا دژین و ژیانا وان ل ژێر مەترسیێ یە و کێشەیێن وان نەھاتینە چارەسەرکرن.

ل گۆرەی زانیاریێن ئەڤرۆ نیۆز، ل ھەرێما کوردستانێ چوار سەنتەرێن حەواندنا ژنان یێن حوکمی ھەنە و ئێک سەنتەرێ ئەھلی ژی ھەیە.

ئەڤرۆ نیوز، عەلی حاجی:

ژ بەر بارینا بارینەکا زۆر ل سنورێ دەڤەرا زاخۆ ژ ھند تاخێن زاخۆ کومەکا مالێن ھاولاتیان تووشی زیانێن مادی بوو و باژێرڤانیا زاخۆ ھەوەکا پاقژکرنا ئاڤرێژێن زاخۆ ل سنورێ دەڤەرێن دەستپێکر.

 ل دۆر ڤێ ھەوا پاقژکرنێ ئەندازیار دلشاد خەلیل د داخۆیانیەکا تایبەت دا بو ئەڤرۆ نیوز گۆت : (د رۆژێن بۆری دا ژ ئەگەرێ بارینا بارانەکا زۆر بەشەک ژ ھاولاتیێن زاخۆ تووشی کێشەیان بووین و ئاڤ چووینە د مالێن وان دا وەکو تیمێن باژێرڤانیا زاخۆ مە دەست ب پاقژکرنا ئاڤرێژێن ل رۆژانێن بوری دا کو ھند ھاولاتیێن وی تاخی تووشی زیانا بووین، ھەر چەندە پاقژکرنا ڤان ئاڤرێژان نابیتە ئەگەر کو کێشەیا نەھاتنا ئاڤێ بۆ ناڤ مالێن  ھاولاتیان بھێتە چارەسەر کرن، لێ ئەڤە وەکو چارەسەریەکا دەمکی یە ھەتا رادەیەکێ دێ ھاتنا ئاڤێ کێمتر کەت).