ئەڤرۆ نیوز:
راھێنەرێ ئەلمانی و یانا لیڤەرپول یورگن کلوپ شیا دەستکەفتیەکا مێژوی ب خوە توماربکەت پشتی شیای ھەموو یانێن ئنگلیزی خوسارەت بکەت د ئەوان قارەمانیێن یانا وی تێدا پشکدار ھەر ژ وەرگرتنا پوستێ راھێنەریا یانا لیڤەرپول ژ سالا ٢٠١٥ وەرە.
ب سەرکەفتنا شەڤا بوری یا یانا لیڤەرپول ل سەر یانا ولڤرھامتون راھێنەرێ ناڤبری شیا سەرکەفتنا ھژمارە ٣٢ د مێژویا خوە دا ل گەل ئەوان یانێن بەرامبەر یاری کری کو یانا ولڤرھامتون یانا ئێکانە بوو شیای سەرکەفتنێ ل سەر یورگن کلوپ توماربکەت ھەر ژ وەرگرتنا وی وەکو راھێنەرێ لیڤەرپول پشتی ل سالا ٢٠١٧ شیای د قارەمانیا کاسا ئنگلتەرا دا شیای سەرکەفتنێ ل سەر توماربکەت و راھێنەرێ ناڤبری ب سەرکەفتنا شڤێدی شیا ئەوان ھەموو یانێن یاری بەرامبەر کری خوسارەت بکەت .

ئەڤرۆ نیوز:
تیما تەپا پێ یا یانا بەرشەلونە ئەڤ شەڤە ل دەمژمێر 8:30 یاریا خوە یا ڤێ حەفتیێ دێ دگەل یانا سێلتاڤیگو کەت ل یاریگەھا خوە کامپ نوو.
ھەر چەندە یانا بەرشەلونە نوکە سەرکێشا سەرێ لیستا خولێ یە ب 34 خالن و کێمتر سێ خالان نێزیکترین ھەڤرکا وێ سیڤیلیا و ئەتلەتیکو مەدرید دن، لێ ھەتا نوکە 19 گول پشتی بورینا 16 یاریان ل سەر بەرشەلونە ھاتینە تومارکرن کو دبیتە مەزنترین ھژمارا گولان ژ وەرزێ 2003 * 2004 وەرە دەمێ 21 گول ل سەر ھاتینە تومارکرن، ھەر چەندە ل سێ یاریێن دووماھیێ پاراستن ل سەر تورا گولێ ھاتیە کرن و دووماھی جار ل چار یاریان بوو ل وویڤ ئێک ل کانینا دویێ یا ئەڤ سالە.
کاروانێ خولا ئسپانیا پشتی یاریێن ڤێ حەفتیێ ل شەشی کانینا دویێ دووبارە دێ دەستپێکەت و بەرشەلونە دێ بیتە مێڤانا خیتاڤی و ریال مەدرید دێ یاریەکا ب زەحمەت دگەل ریال سویداد کەت.

ئەڤرۆ نیوز:
ھەردو یاریزانێن ھیلا بەرەڤانیا ریال مەدرید سێرجیو راموس و مارسێلو پێنگاڤەک مایە بوو برنا ناسناڤێ خوە یێ بستێ ل گەل یانا مەلەکی ھەکە شیان ناسناڤێ ئەڤرۆ یێ موندیالا یانێن جیھانی ب دەستخوڤەبر دێ بیتە ناسناڤێ ئەوان یێ ٢٠ د مێژویا ئەوان دا ل گەل وێ یانێ ھەر ژ ھاتنا ئەوان ل گەل یانا مەلەکی کو دێ نمرەکا نوو ل گەل ڤێ یانێ توماربکەن و پێشڤە چنە رێزا سیێ د مێژویا یاریزانێن پتر ناسناڤ ب دەستخوڤە بری ل گەل وێ یانێ.

سێرجیو راموس د ماوێ ١٣ سالێن بوری ل گەل یانا مەلەکی شیا ١٩ ناسناڤان ب دەستخوڤە توماربکەت ئەوژی چار ناسناڤێن خۆلا ئیسپانیا ل گەل دو ناسناڤێن کاسا شاھێ ئیسپانیا و سێ کاسێن سوپەرا ئیسپانیا و ھەردیسان چار ناسناڤێن چامپیونیز لیگا ئورۆپا و سێ کاسێن سوپەرا ئورۆپا و ل گەل سێ ناسناڤێن موندیالا یانێن جیھانی.
مارسیلو ئەوێ ل سالا ٢٠٠٧ وەرە ل گەل یانا ریال مەدرید کو د ماوێ ١١ سالێن بوری دا  شیا ١٩ ناسناڤان ب دەستخوڤە توماربکەت ئەوژی چار ناسناڤێن خۆلا ئیسپانیا ل گەل دو ناسناڤێن کاسا شاھێ ئیسپانیا و سێ کاسێن سوپەرا ئیسپانیا و ھەردیسان چار ناسناڤێن چامپیونیز لیگا ئورۆپا و سێ کاسێن سوپەرا ئورۆپا ھەردیسان ھەمان رێژەیا برن موندیالێن یانێن جیھانێ.

ھەژی گوتنێ یە شەش یاریزان نوکە ل رێزبەندیا ئێکێ یا یانا ریال مەدرید دھێن کو بوو برنا پتر ناسناڤان ل گەل یانا ریال مەدرید ئەوژی ستێرا وێ یا بەری نوکە باکو خینتو ب برنا ٢٣ ناسناڤان و ل رێزا دوێ مانولو سانشێز ب ٢١ ناسناڤان و ل رێزا سیێ چار یاریزان دھێن ئەوژی ھەر ئێک ژ ئیکر کاسیاس و خوسیە ئەنتونیو کاما تشو ھەردیسان ھەردو یاریزان راموس و مارسێلو ب برنا ئەڤرۆ ئەڤ ھەردو یاریزانە دێ پێشڤە چنە رێزا سیێ د مێژویا یانا ریال مەدرید دا بوو برنا پتر ناسناڤان وەکو یاریزان.

ئەڤرۆ نیوز:

پشتی یانا مانچستەر یونایتد یا ئنگلیزی راھێنەرێ خوە یێ پرتوگالی جوزێ مورینھو ژ کارێ وی دوورخستی یانا ریال مەدرید پەیوەندی پێ کریە و دیسان نامە ژی بو ھنارتینە ل روژێن بوری.
روژناما مارکا یا ئسپانی ناڤەرۆکا پەیوەندیکرنا یانا ریال مەرید ب راھێنەرێ خوە یێ بەرێ ئاشکراکریە.
زێدەتر ئەو چەندە ژی ھاتیە خویاکرن کو دڤێ پەیوەندیێ دا یانا ریال مەدرید ب تنێ ھەبوونا خوە و ڤیانا خوە بۆ ڤی راھێنەری دیارکریە و دیسان دلگرانیا خوە ژی ھەمبەر دوورخستنا وی دایە دیارکرن و زێدەتر ڤێ پەیوەندیکرنێ چو گرێدان ب ڤەگەریانا وی بو وەرگرتنا ئەرکێ راھێنەریا یانا ریال ل شوونا یێ ئەرژەنتینی سانتیاگو سولاری نینە.
مورینھو ل روژێن بوری ب ئەگەرا ئەنجامێن لاواز و زێدەتر نەبونا پەیوەندیێن ب ھێز دناڤبەرا وی و یاریزانا و ژ دەست دانا ھەڤرکیا ناسناڤێ خولێ ژلایێ کارگێریا یانا مانچستەر یونایتد ھاتە دوورخستن ھەر چەندە شیای ل ماوێ بوری سێ ناسناڤان بو یانێ ب دەستڤە ببەت.