ئەڤرۆ نیوز:
چاڤەرێ دھێتەکرن ئەڤ شەڤە دەمژمێر ھەشت و نیڤ یانا بەرشەلۆنا ل یاریگەھا خوە مێڤانداریا یانا سالتاڤیگو بکەت ژ چارچوڤێ یاریێن گەرا ١٧ ژ خۆلا لالیگا ئیسپانی و رۆژناما ئاس یا ئیسپانی پێکھاتیێ چاڤەرێکری یێ یانا بەرشەلۆنا ئاشکرا کریە .
تێرشتیگن گولچیی
ل ھێلا بەرەڤانیێ ئەلبا و لینگلێت و پیپی و سیمیدو
ل ھێلا ناڤین ڤیدال و پوسکێس و راکیتچ
ل ھێلا ھێرشبەریێ مێسی و سوارێز و عوسمان دیمبلی

ئەڤرۆ نیوز:
ل ماوێ چەند رۆژێن بوری ھژمارەکا رۆژنامەیێن ئورۆپی ئاشکرا کربوو مورینھو دێ جارەکا دی ڤەگەریتە ریال مەدرید ڤە وەکو راھێنەر پشتی ژ پوستێ وی ل گەل یانا مانچێستەر یوناید ھاتیە دورخستن .
رۆژناما مارکا ئیسپانی کو ئێک ژ رۆژنامەیێن نێزیکی یانا ریال مەدرید ئەڤ دەنگوباسە رەتکر و دیارکر د ھزرا ریال مەدرید دا نینە جارەکا دی مورینھوی ڤەگەرین و چو راستی بوو ئەوان دەنگوباسان نینە ل دیڤ ژێدەرێن نێزیکی یانێ ئەوی رۆژنامێ پەیداکرین.
ھەردیسان ئەوێ رۆژنامێ ئاشکرا کریە ژی یانا ریال مەدرید نوکە ھزر ل ئینانا چو راھێنەرێن نوو نەکریە و پشت بەستنێ دێ ل سەر راھێنەرێ خوە یێ نوکە کەت تایبەت پشتی ئەوان ئەنجامێن باش ل گەل یانێ تومارکرین .
ئەوێ رۆژنامێ ئەو چەندە ژی نە ڤەشارت کو پەیوەندیێن سەرۆکێ یانا ریال مەدرید فلورنتینو پێریز ل گەل راھێنەرێ پورتوگالی جوزێ مورینھو گەلەک د باشن و بەردەوام ل گەل ئێک ب رێیا نامەیێن کورت ل گەل ئێک ئاخفن لێ ئەو وێ چەندێ ناگەھینت کو ئەو دێ جارەکا دی وی راھێنەری ڤەگەرینتە یانا مەلەکی و سەرۆکێ وێ یانێ بەردەوام پشتەڤانیا مورینھوی کر ل دەمێ یانا مان یوناید .
مارکا دیارکر ژی ریال مەدرید ئەوێ چەندێ ژبیر ناکەت یا ل سالا ٢٠١٣ رویدا د خورڤا گوھورینا یاریزانان دا دەمێ ئاریشە دناڤبەرا مورینھوی و ھژمارەکا یاریزانان دا پەیدا بووی لەورا ئەڤ چەندە گەلەک یا ب زەحمەت بیت یانا وی راھێنەری جارەکا دی ڤەگەرینت و باشترین رێک ئەوە ریال ھزر ل ڤەگەراندنا وی نەکەت بتنێ پەیوەندیێن خوە ل گەل وەکو ھەڤال بھێلت لێ وەکو کار نە د بەرژوەندیا ریال مەدرید دا یە مورینھو جارەکا دی ڤەگەریتە یانا ریال مەدرید.

کاسا یانێن جیھانێ

دیارکرنا رێزا سیێ

4:30 کاشیما ئەنتلرز ژاپونی * رێڤەرپلێت ئەرژەنتینی
یاریا دووماھیێ
7:30 ریال مەدرید ئسپانی * عەین ئیماراتی

خولا ئسپانی حەفتیا 17
3:00 ریال بیتس * ئیبار
6:15 ئەتلەتیکو مەدرید * ئسپانیول
8:30 بەرشەلونە * سێلتاڤیگو
10:45 ئەتلەتیکو بلباو * ڤەلەد ئەلوەلید

خولا ئنگلیزی حەفتیا 18
3:30 ئەرسینال * بێرنلی
6:00 چێلسی * لێستر سێتی
6:00 مانچستەر سێتی * کرستال پالاس
6:00 نیوکاسل یونایتد * فولھام
6:00 ویستھام یونایتد * واتفورد
8:30 کادریف سیتی * مانچستەر یونایتد

خولا ئیتالی حەفتیا 17
2:30 لازیو * کالیاری
5:00 میلان * فیورنتینا
5:00 ناپولی * سپال
5:00 پارما * بولونیا
8:00 کیڤو ڤیرونا * ئەنتەر میلان
10:30 یوڤانتوس * روما

خولا ئەلمانیا حەفتیا 17
5:30 بایر لێڤەرکوزن * ھێرتا بەرلین
5:30 لایبزیک * ڤێردەربرێمن
8:30 ئەنتراخت فرانکفورت * بایرن میونخ

خولا فرەنسی حەفتیا 19
11:00 پاریس سان جێرمان * نانت
11:00 موناکو * جانجون
11:00 مونتپلێ * لیون
11:00 بوردو * ئەمیان
11:00 ئەنجیە * مارسیلیا

ئەڤرۆ نیوز:
چاڤەرێ دھێتەکرن ئەڤرۆ ل دەمژمێر ٧:٣٠ مەغرەب ل یاریگەھا بن زاید ل باژێرێ ئەبو زەبی یێ ئیماراتی یاریا دووماھیا موندیالا یانێن جیھانی دناڤبەرا ھەردو یانێن ریال مەدرید ھەلگرا ھەردو ناسناڤێن دووماھیێ و یانا عەین نوونەرا مێڤانداریا قارەمانیێ بھێتەکرن .
دڤێ یاریێ دا بریارە ھژمارەکا مەزن یا بەرپرسێن وەرزشی و کەسانێن بەرنیاس ل سەر ئاستێ جیھانی ئامادەی وێ یاریێ بەن کو یانا ریال مەدرید دێ بزاڤێ کەت بوو پاراستنا ناسناڤی خوە یێ سێ ل دیڤ ئێک و ناسناڤێ چاری یێ موندیالا جیھانی بەرامبەر یانا عەین ئەوا ل یاریا پێش دووماھیێ حنێرەکا مەزن تومارکری و یانا رێڤەرپلێت ئێک ژ بەرنیاسترین یانێن کێشوارێ ئەمریکا دورخستی و ل سەر کیستێ وێ یانێ گەھشتی یە دووماھیا قارەمانیێ دێ بزاڤێ کەت بوو تومارکرنا حنێرەکێ .
رۆژناما ئاس یا ئیسپانی پێکھاتیێ چاڤەرێکری یێ یانا ریال مەدرید بوو یاریا ئەڤرۆ ئاشکرا کریە کو وێ رۆژنامێ دیارکریە راھێنەرێ یانا ریال مەدرید سولاری بوو یاریا بەرامبەر عەین دێ پشت بەستنێ ل سەر ھەر ئێک ژ کورتوا وەکو گولچیێ سەرەکی کەت ھەردیسان ل ھێلا بەرەڤانیێ راموس و ڤاران و کارڤاخال و مارسێلوی کەت ل ھێلا ناڤین ھەر ئێک ژ یاریزانان لورێنتی و کورس و مودرێچ ل ھێلا ھێرشبەریێ ڤاسکێس و کەرین بن زیما و گارس بێلی کەت.

ئەڤە ژی پێکھاتیێ ھەردو یانێن ریال مەدرید و عەین

ئەڤرۆ نیوز:
کابتنێ یانا ریال مەدرید و ستێرا ھێلا بەرەڤانیا وێ یانێ د بەرسڤا چەند رۆژنامەڤان دا د کونگرێ رۆژنامەڤانی یێ دووماھیا قارەمانیا موندیالا یانێن جیھانێ سەبارەت ئەو ئاخفتنێن بەری نوکە ھاتینە دیارکرن کو وی یاریزانی و رونالدوی دژی ئێک داخویانی داینە ناڤبری ئەو ئاخفتن ھەموو رەتکرن.
راموس د وی گونگرێ رۆژنامەڤانی دا ئەو ئەو چەندە ژی دیارکر ھەتا نوکە ئەوی چو گولێ نەبوویە کو رونالدوی ب خرابی بەحس ل سەر یانا ریال مەدرید یان وی تایبەت کربیت و ئەو ژی ئەوان ھەموو دەنگوباسان رەتکەت کو وی داخویانیەک دژی رونالدوی دابیت .
کابتنێ ریال مەدرید ئەو چەندە ژی دیارکر رونالدو ئێک ژ ھەڤالێن وی یێن خوشتڤی یە و ئەوان ھەردوکان گەلەک بیرھاتنێن خوش و نەخوش ل گەل ئێک ھەنە و ئەو گەلەک یێ کەیفحوشحالە ب ئەوان کارێن وی یێن سەرکەفتی ل گەل یانا وی یا نوو ، ھەردیسان داخوازا سەرکەفتنێ بوو وی دخوازیت ل گەل یانا وی یا نوو.