ئەڤرۆ نیوز:
چاڤەرێ دھێتەکرن ئەڤرۆ ل دەمژمێر ٧:٣٠ مەغرەب ھەردو یانێن ریال مەدرید یا ئیسپانی و عەین یا ئیماراتی یاریا دووماھیا قارەمانیا موندیالا یانێن جیھانی ئەنجامدان .
راھێنەرێ یانا ریال مەدرید سولاری د کونگرێ رۆژنامەڤانی دا دیارکر سوباھی ئەو دێ یاری کەن بێ گومان بوو پاراستنا ڤی ناسناڤی و برنا ناسناڤی بوو جارا چارێ د مێژویا یانێ دا و ئەو ھەر ژ روژا ژ وەلاتێ ئیسپانیا بەر ب ئیماراتێ ھاتین ئەو ب ئارمانجا برنا ناسناڤی ھاتبووینە وەلاتێ ئیمارات ھەردیسان ھەر قارەمانیەکا یانا ئەوان پشکداریێ تێدا بکەت بێ گومان بوو ناسناڤی ئەو پشکداری تێدا کەن.
ھەردیسان سولاری ئاماژە ب وێ چەندێ ژی کر ل سەر ئەوان پێدڤی یە ئەو رێزێ ل تیما بەرامبەر بگرن راستە تیما عەین ل کێشوارێ ئاسیا یاری کەت لێ پێدڤی یە رێزگرتنەکا مەزن ل وێ یانێ بگرین ژبەرکو ئەوێ ل پێش دووماھیا قارەمانیێ ل سەر کیستێ ئێک ژ یانێن بەرنیاس ل جیھانێ گەھشتی یە دووماھیا قارەمانیێ و ئەو نابینت گەھشتنا وێ وەکو سپرایزەکێ بوو بەلکو ب شیانێن خوە گەھشتی یە ڤێ قوناغێ و ب دیتنا وی ئەو دبینت ئەڤ قارەمانی یە ژ قارەمانیێن دی چیاوازترە و ئاستێ یانێن پشکدار ب ھێزترە و ئاستێ قارەمانیێ ب گشتی ژ قارەمانیێن دی ب ھێزترە.

سولاری ل دووماھیێ ئاماژە ب وێ چەندێ ژی کر برنا ناسناڤێ موندیالا یانێن جیھانێ دی بیتە پالدەرەکێ مەزن بوو ئەوان ئەو بشێن ھەڤرکیێ ل سەر ناسناڤێن دی ژی بکەن ئەوێن ئەو تێدا پشکدار و دبینت دێ بیتە دەرگەھەکێ مەزن بوو ئەوان بشێن ھەڤرکیێ ل سەر ئەوان ناسناڤان ژی بکەن.

ئەڤرۆ نیوز:
راھێنەرێ کرواتی و یانا عەین یا ئیماراتی زوران مامیتچ سەبارەت یاریا دووماھیا موندیالا یانێن جیھانێ ئەوا بریارە سوباھی ل باژێرێ ئەبو زەبی یا ئیماراتی دناڤبەرا ریال مەدرید و یانا عەین بھێتەکرن ناڤبری ل دور وێ یاریێ دیارکر ئەو دێ ھەموو شیانێن خوە تەرخان کەن بوو ئەنجامەکێ باش و ئەو باش د زانن ئەو دێ ھەمبەری ئێک ژ باشترین یانێن جیھانێ یاری کەن لێ یا ل سەر مللێن ئەوان ئەو دێ بزاڤێ کەن پێشکێش بکەن و گەھشتنا ئەوان بوو یاریا دووماھیێ نە ب بەخت یان وەکو سپرایزەکێ بوو بەلکو ب شیانێن خوە ئەو گەھشتی نە یاریا دووماھیێ.
ھەردیسان راھێنەرێ یانا عەین ئەو چەندە ژی دیارکر ئەو نزانن دێ ژ کیڤە ل گەل یانا ریال مەدرید دەستپێکەن کو ھەکە ئەو بێژن ئەوان مارسێلو ھەیە ئەوان ل ھەمان ھێل ھەر ئێک ژ راڤائێل ڤاران و کارڤاخال و راموس ھەنە و ھەر ھێلەکا یانێ ب ڤی شێوەی یا پری ستێرە لەورا ل سەر ئەوان پێدڤی یە ئەو ب ھوژداری ل گەل ڤێ یانێ یاری بکەن.
وی راھێنەرێ ئەو چەندە ژی دیارکر ریال مەدرید راستە نوکە نە ل رەوشا خوە یا جارانە لێ ریال مەدرید ژ ئەوان یانا ھەیبەتا خوە ھەیە و دڤان جورا قارەمانیان دا شارەزایەکا مەزن ھەیە و ناڤێ وێ و مێژویا وێ تێرا وێ چەندێ کەت یاریزان ئاستەکێ بلند پێشکێش بکەن و کرنا یاری بەرامبەر یانەکا ب ڤی شێوەی دێ بوو ئەوان گەلەک یا ب زەحمەت بیت لێ ئەو ژی خوە نا کەنە پاریەکێ ب سانەھی بوو تیما بەرامبەر یا ل سەر مللێن ئەوان دێ پێشکێش کەن بوو پاراستنا ناڤێ یانێ و تەپا پێ یا وەلاتێ ئیمارات.
ھەژی گوتنێ یە یانا عەین ب سێ سەرکەفتنا گەھشتی یە یاریا دووماھیا قارەمانیێ کو دو یاریان دا ب لێدانێن پەنەلتیا ب سەرکەفتی یە کو د یاریا ئێکێ دا ل سەر قارەمانیا کێشوارێ ئیقانوس ویلنگتون یا نیوزلەندی ب لێدانێن پەنەلتیا و ل یاریا گەرا دوێ ل سەر تەرجی یا تونسی قارەمانیا ئەفریقیا ب دو گولان و ل یاریا پێش دووماھیی ل سەر ئێک ژ ھێزترین یانێن جیھانێ یانا رێڤەرپلێت ب لێدانێن پەنەلتیان.

ئەڤرۆ نیوز،ھەژار مەعروف:
حەفتی بوو حەفتیێ گوھورین د ھەلویستێ خۆلا پلا نایاب یا کوردستانێ دا پەیدا دبن ژبەر ئەو ھەڤرکیا بەردەوام دناڤبەرا یانێن پشکدار دخولێ دا دڤێ حەفتیێ دا ژی گوھورین ل رێزێن پێشیێ دا پەیدابوون کو دھۆک سەرێ لیستەیا خولێ ژ یانا پێشمەرگا ھەولێر وەرگرت.
نوونەرێن پارێزگەھا دھۆکێ دڤێ حەفتیێ دا ئەنجامێن ئەوان ژ حەفتیا بوری باشتر بوون کو ھەردو یانێن دھۆک و زێرەڤانی شیان سەرکەفتنێ توماربکەن و زاخۆ ئاکرێ ژی بەردەوامی دا ئەنجامێن خوە یێن لاواز و ھەردوو یانە ل رێزبەندیا دووماھیێ دھێن.
پشتی بورینا ١٠ حەفتیان ھەلویستێ خولێ ب ڤی رەنگێ خوارێ یە
١- دھۆک ٢٠ خال
٢- پێشمەرگا ھەولێر ١٩ خال
٣- پێشمەرگا سلێمانیێ ١٧ خال
٤- ئارارات ١٧ خال
٥- نەوروز ١٦ خال
٦- زێرەڤانی ١٦خال
٧- ھندرین ١٥ خال
٨- شێروانە ١٤ خال
٩- دەربەندیخان ١٢ خال
١٠- ھەولێر ١٠ خال
١١- گازی باکور ٩ خال
١٢- زاخۆ ٩ خال
١٣- برایەتی ٧ خال
١٤ ئاکرێ ٥ خال

ئەڤرۆ نیوز:
پشتی تیما تەپا پێ یا ئاکرێ ئەڤرۆ توشی خوسارەتیا حەفتێ بووی ل وەرزێ ئەڤ سالە دەستەیا کارگێریا یانا ئاکرێ راھێنەرێ تیمێ مەحمود مەجید ژ پوستێ راھێنەریا وێ تیمێ دورخست ب رێککەفتنا ھەردو یان.
ژێدەرەکێ نێزیک ژ کارگێریا یانا ئاکرێ بۆ ئەڤرۆ نیوز دیارکر پشتی یاریا ئەڤرۆ د گەرا دەھێ دا یانا ئاکرێ ل ناڤ ئەرد و جەماوەرێ خوە توشی خوسارەتیێ بووی ل گەل یانا شێروانە ب سێ گولان بەرامبەر دو گولان کارگێریا یانێ ھەر پشتی یاریێ ئێکسەر کومبوون ل گەل راھێنەرێ یانێ کر بۆ ھەلوەشاندنا ھەڤبەستا وی و راھێنەرێ ناڤبری ژی داخوازا لێبورینێ ژ کارگێریا یانێ کر بوو ھەر کێماسی یەکێ.
ژلایەکێ دیڤە ئەوی ژێدەری ئاماژە ب وێ چەندێ ژی کر سێ راھێنەر بەربژارن بوو پوستێ راھێنەریا یانا ئاکرێ ل ماوێ بھێت کو دو راھێنەر رەگەز عەرەبن و ئێک ژ ئەوانا کورد

دهۆک سه‌رێ لیستێ ڤه‌گه‌راند و ئاکرێ به‌ردوامی دا ئه‌نجامێن خوه‌ لاواز

ئه‌ڤرۆ نیوز: 

به‌ری ده‌مه‌کێ کێم یاریێن گه‌را ده‌هێ ژ خۆلا پلا نایاب یا کوردستانێ ب دووماهیێ هاتن کو یانا دهوک به‌رده‌وامی دا ئه‌نجامێن خوه‌ یێن باش ل وه‌رزێ ئه‌ڤ ساله‌ و ئاکرێ ژی یا به‌رده‌وامه‌ لسه‌ر ئه‌نجامێن خوه‌ یێن لاواز.

ل یاریگه‌ها پێشمه‌رگا سلێمانیێ تیما ته‌پا پێ یا دهۆک شیا سه‌رکه‌فتنه‌کا گرنگ ل سه‌ر یانا پێشمه‌رگا سلێمانیێ توماربکه‌ت ب دو گولان به‌رامبه‌ر گوله‌کێ کو هه‌ردو گولێن دهۆک ژلایێ یاریزانان نێچیرڤان شوکری و ئه‌حمه‌د سه‌بری هاتنه‌ تومارکرن و ب ڤی ئه‌نجامی دهوک خالێن خوه‌ گه‌هاندنه‌ ٢٠ خالان پێشڤه‌ چو سه‌رێ لیسته‌یا خولا کوردستانێ پشتی مفا ژ خوساره‌تیا سه‌رکێشا خولێ دیتی تیما پێشمه‌رگا هه‌ولێر ده‌مێ  د دێربیا پیرمام دا پێشمه‌رگه‌ ل گه‌ل یانا ئارارات خوساره‌ت بووی ب دو گولان به‌رامبه‌ر گوله‌کێ کو پێشمه‌رگا هه‌ولێر ب ڤێ خوساره‌تیێ پاشڤه‌‌ زڤری رێزا دوێ.

ژلایه‌کێ دی ڤه‌ یانا ئاکرێ به‌رده‌وامی دا ئه‌نجامێن خوه‌ یێن لاواز ل وه‌رزێ ئه‌ڤ ساله‌ ده‌مێ ئه‌ڤرۆ ژی توشی خوساره‌تیا خوه‌ یا حه‌فتێ بووی ل وه‌رزێ ئه‌ڤ ساله‌ و ئه‌ڤ جاره‌ ل سه‌ر ده‌ستێ یانا شێروانه‌ ل ناڤ ئه‌رد و جه‌ماوه‌رێ خودا ب سێ گولان به‌رامبه‌ر دو گولان.

ئەڤرۆ نیوز:

راپورتێن رۆژنامەڤانی یێن برێتانی ئاشکرا کرینە بەرەڤانێ پورتوگالی و یانا بشکتاش یا تورکی نێزیکی ئیمزاکرنا ھەڤبەستا ئێک ژ یانێن خۆلا پلا نایاب یا ئینگلیزی بوویە ل ماوێ ڤەگوھاستنێن بھێت.
پیپی ئەوێ ل ماوێ چەند رۆژێن بوری ھەڤبەستا وی ژ لایێ یانا تورکی ڤە ھاتیە ھەلوەشاندن ژبەر ئەو رەوشا دارایی یا لاواز ئەو یانا تورکی نوکە کەڤتیە تێدا.
رۆژناما ریکورد دیارکریە پیپێ یێ ٣٥ سالی نێزیکی ئیمزاکرنا ھەڤبەستا یانا ولڤرھامبتون یا ئینگلیزی بوویە کو ئەڤ یاریزانە دێ ب ھەڤبەستەکا سەربەست پەیوەندی ب وێ یانێ کەت .
ئەوێ رۆژنامێ ئەو چەندە ژی ئاشکرا کر وێ یانێ ل ڤەگوھاستنێن ھاڤینا بوری بزاڤێن مەزن کر بوو ڤەگوھاستنا ئەوی لێ یانا تورکی ل وی دەمی ل سەر ڤەگوھاستنا پیپی رازینەبوو ھەردیسان کوژمەکێ پاری یێ مەزن خواست لێ پشتی ھەڤبەستا وی ھاتیە ھەلوەشاندن نوکە باشترین دەلیڤە بوو وێ یانێ بەر دەست کەڤتیە ھەڤبەستێ ل گەل ئیمزا بکەن و ل دیڤ گوتنا وێ رۆژنامێ ئەوێ ولڤرھامبتون دەست ب دانوستاندنان کریە بوو ئیمزاکرنا ھەڤبەستا ئەوی یاریزانی.