ئەڤرۆ نیوز:
وەزارەتا ساخلەمی و ژینگەها عیراقێ راگەھاند: د ٢٤ دەمژمێرێن بوری دا، دو ھزار و ٩٧٦ حالەتێن نوو یێن کۆرۆنایێ و ھزار و ٨٤٩ حالەتێن باشبوونێ و ٥٥ حالەتێن وەغەرکرنێ ھاتینە تۆمار کرن.
وەزارەتا ساخلەمیا عیراقێ ئامارێن نوو یێن کۆرۆنایێ راگەھاندن
نووترين نووچه
- نێچیرڤان بارزانی دوپاتیێ ل بهێزكرنا پێكڤەژیانا ئاشتییانە د ناڤبەرا هەموو پێكهاتەیاندا دكەت
- د. شێرزاد زەكەریا: توركیا و پەكەكێ بۆ ئاشتیێ پێدڤی ب هاریكاریا سەرۆك بارزانی هەیە
- باسكێ سەدری: پشكدارییێ د وێ حوكمەتەكێ دا ناكەین یا کو چارچۆڤەیێ هەماهەنگیێ تێدا بیت
- سەرۆك بارزانی و سەرۆكێ باسكێ (غەد) یێ سووری رەوشا سیاسی و ئەمنی یا دەڤەرێ گەنگەشەكر
- نێچیرڤان بارزانی و بالیۆزێ بریتانیایێ پەیوەندیێن دوقۆلی گەنگەشەكرن
- مەسرور بارزانی: گرنگە حوكمەتەكا ب هێز و ئێكگرتی و خزمەتگوزار بهێتە پێكئینان
- سەرۆكێ حوكمەتا هەرێمێ دوپاتیێ ل دابینكرنا مافێن كوردێن سووریێ دكەت
- د. ڤیان سەبری: هەكە بەغدا پێگیری رێككەفتنا ل گەل هەرێمێ ببیت، ئێدی گرفتا مووچەی دروست نابیت
- هەولێر و بەغدا ل دۆر هنارتنا پەترۆلا هەرێما كوردستانێ رێككەفتن
- بافل تالەبانی ل بەغدا بزاڤێن مەسرور بارزانی سەبارەت پڕۆژەیێ (هەژمارا من) بلند هەلسەنگاندن
سه‌ره‌كى Twitter
حوکمەتا لبنانێ دەست ژ کار کێشانا خوە راگەهاند
جوتیارێن سێ قه‌زایان دێ پارێ خوە یێ به‌رهه‌مێ گه‌نمێ ئه‌ڤسالە وه‌رگرن
ئه‌ڤرۆ نیوز، بارزان مزوورى:
ته‌یب تاهر رێڤه‌به‌رێ سایلویا شێخان بۆ ئه‌ڤرۆ نیوز گۆت: (وه‌زاره‌تا بازرگانى یا حكومه‌تا عێراقێ سێ ملیار دینار بۆ پارێزگه‌ها دهوك ره‌وانه كرینه بۆ وان جوتیارێن ئه‌ڤساله به‌رهه‌مێ خوە یێ ده‌غلۆ دانێ راده‌ستێ سایلویێن پارێزگه‌ها دهوك كرى ،سه‌رجه‌مێ وان سێ ملیارا به‌هرا شێخان میاره‌ك و سه‌د و هه‌شتێ چار ملیون دینارن).
ناڤهاتى خویاكر ئه‌و پارێ نها هاتى قوناغا ئێكێ یه بۆ ماوێ سێ رۆژا سه‌گێ ڤان پارا دهێتە دابه‌شكرن ل سه‌ر جوتیارا لدوڤ هژمارا كارتا جوتیارى یا به‌رهه‌مێ خوە راده‌ستێ سایلویا شێخان كرى هه‌ر جوتیاره‌كێ وى سه‌گى وه‌ردگریت دشێت ئێكسه‌ر سه‌ره‌دانا بانكا شێخان بكه‌ت بۆ وه‌رگرتنا پارێ خوە لدوڤ رێنمایێن ساخله‌میێ ژبه‌ر كو د نها دا ئه‌م د قوناغه‌كا هه‌ستیار داینه یا مه‌ترسیا ڤایرۆسێ كورونایێ).
ناڤهاتى دیار ژی کر جوتیارێن قه‌زا شێخان و ئاكرێ و به‌رده‌ره‌ش ئه‌وێن هژمارا كارتا وان د هه‌رسێ رۆژێن ده‌ستپێكێ گه‌نم راده‌ست كرى دشێن سوبه رۆژا سێ شه‌مبى 11/8/2020 سه‌ره‌دانا سایلویا شێخان بكه‌ن بۆ وه‌رگرتنا سه‌گێ خوە یێ به‌رهه‌مێ ئه‌ڤسالە.
رێڤه‌به‌رێ سایلویا شێخان گۆت ژى ئه‌ڤسالە سایلویا شێخان زێده‌تر 50 هزار ته‌نێن گه‌نمێ جوتیارێن شێخان و ئاكرێ به‌رده‌ره‌ش وه‌رگرتبوو .
فه‌رمانگه‌ها قه‌ره‌بوكرنا قوربانیێن ده‌ستێ داعشێ ل شێخان دهێتە ڤه‌كرن
ئه‌ڤرۆ نیوز، بارزان مزوورى:
د.خالیدا خه‌لیل ئەنداما په‌رله‌مانێ عێراقێ بۆ ئه‌ڤرۆ نیوز دیار کر د به‌رده‌وامیا بزاڤێن مه دگه‌ل حكومه‌تا عێراقێ بۆ دانا مافێن وان كه‌سێن بوینه قوربانى د ده‌ستێ داعش دا كو مافێ وان نه‌هێتە خارن بریار هاتیه دان بۆ ڤه‌كرنا”فه‌رمانگه‌ها قه‌ره‌بوكرنا قوربانیێن ده‌ستێ رێكخراوا تیرۆرستى یا داعش” ل قه‌زا شێخان ب هاریكاریا قایمقامێ قه‌زا شێخان كو به‌رده‌وام هاریكار بوویه دگه‌ل مه بۆ ڤه‌كرنا ڤێ فه‌رمانگه‌هێ و ئاڤاهى ژى بۆ هاتیه دابین كرن، ب تنێ مایه ب رێوره‌سم بهێتە ڤه‌كرن بریار بوو ئه‌ڤ فه‌رمانگه‌هه ل شه‌نگال بهێت ڤه‌كرن به‌لێ ژ به‌ر كو رێژا هه‌ره مه‌زن یا ئاوارێن شه‌نگال ئه‌وێن بوینه قوربانیێن تیرۆرستى ل كه‌مپێن شێخان بنه‌جه بووینه).
ناڤهاتىێ خویاكر ئه‌ڤه شه‌ش سالن حكومه‌تا عێراقێ ئه‌و كه‌سێن بووینه قوربانى یێن تیرۆرستى قه‌ره‌بو نه‌كرینه ئاوارێن شه‌نگال ئه‌وێن بووینه قوربانى ل كه‌مپێن شێخان و زاخۆ و دهوك دشێن سه‌ره‌دانا ڤێ فه‌رمانگه‌هێ بكه‌ن فورمێن خۆ پر بكه‌ن دا بهێنە قه‌ره‌بوكرن.
سكرتێری ئه‌نجوومه‌نی سه‌ركردایه‌تی یه‌كێتی: له‌گه‌ڵ پارتی هه‌ماهه‌نگیمان هه‌یه
ئه‌ڤرۆ نیۆز، عه‌زیز هه‌ورامی:
دووای دوو كۆبونه‌وه‌ی پافڵ تاڵه‌بانی هاوسه‌رۆكی یه‌كێتی له‌گه‌ڵ وه‌فدێكی باڵای پارتی به میوانداری نێچیرڤان بارزانی سه‌رۆكی هه‌رێم و كۆبونه‌وه‌ی له‌گه‌ڵ مه‌سروور بارزانی سه‌رۆكی حكوومه‌تی هه‌رێم، پێوه‌ندییه‌كانی پارتی و یه‌كێتی گڕوتینی تێكه‌وته‌وه،بڕیاره سبه‌ی 11ی ئاب شاندی پارتی و یه‌كێتی له دووكان كۆببنه‌وه.
فه‌رید ئه‌سه‌سه‌ر سكرتێری ئه‌نجوومه‌نی گشتی سه‌ركردایه‌تی یه‌كێتی نیشتیمانی كوردستان، به ئه‌ڤرۆ نیۆزی ڕاگه‌یاند:”پێوه‌ندی پارتی و یه‌كێتی له قۆناخی بنیات نانه‌وه‌دایه،ماوه‌یه‌كی دوور و درێژ پێوه‌ندییه‌كه به سارو و سڕی مایه‌وه ئێسته هه‌ست كردن به لێپرسراوه‌تی و پێداویستییه‌كانی هه‌لومه‌رجی ناوخۆی كوردستان و عێراق بۆچوون هه‌یه له نێوان هه‌ردوو حزب پێویسته له‌م قۆناخه ته‌بایی و یه‌كڕیزی تێبپه‌ڕێنین.
هه‌روه‌ها ده‌ڵێ:” له به‌غدا له چوارچێوه‌ی حكوومه‌تی عێراق و له ناوچه كوردستانییه‌كانی ئه‌ره‌وه‌ی ئیداره‌ی هه‌رێمی كوردستان، هه‌ماهه‌نگی له نێوانیاندا هه‌یه له ناو هه‌رێمی كوردستان ئه‌وه‌نده هه‌ماهه‌نگیان نه‌بێت،هه‌نێك ڕوداو دێته ئاراوه ڕوئیایه‌كی نه‌ته‌وه‌ی هه‌یه نمونه له به‌غدا یاسایه‌ك ده‌ربچێت كاریگه‌ری له‌سه‌ر كوردستان هه‌بێت پارتی و یه‌كێتی و حزبه‌كانی تریش یه‌ك هه‌ڵوێستیان هه‌یه.
ئاماژه‌ی بۆ ئه‌وه‌كرد، ده‌بێت ڕێكه‌وتنێك هه‌بێت كارێكی وابكات پێوه‌ندیه‌كانمان له‌سه‌ر به‌رژه‌وه‌ندیه گشتییه ستراتێژیه‌كان دامه‌زرابێت،نه‌وه‌كو له‌سه‌ر بنه‌مای هه‌ڕه‌شه و مه‌ترسییه‌كاتییه‌كان وه‌ك ئه‌وه‌ی ئێسته‌ده‌ی بینین لێپرسراوه‌تی ده‌كه‌وێته سه‌ر شانی پارتی و یه‌كێتی پێوه‌ندیه‌كانیان له‌سه‌ر بنه‌مایه‌كی پته‌وتر ڕێك بخه‌نه‌وه.
سكرتێری ئه‌نجوومه‌نی گشتی سه‌ركردایه‌تی یه‌كێتی ، دووپاتر كرده‌وه:”لایه‌نه‌كان چه‌ند له ناوخۆی كوردستان ته‌بابن،به‌دڵنیاییه‌وه له به‌غدا و ناوچه جێناكۆكه‌كان هه‌ماهه‌نگی نێوانیان زیاتر ده‌بیێت چه‌ند كێشه له‌ناوخۆی هه‌رێم له نێوانیانداهه‌بێت كاریگه‌ری خه‌راپی ده‌بێت له‌به‌غدا و له‌ناوچه‌كوردستانییه‌كانی ده‌ره‌وه‌ی ئیداره‌ی هه‌رێم ده‌بێت.
رێكێن سه‌ره‌كى یێن ناڤ سه‌نته‌رێ شێخان دوباره دهێنە قێركرن
ئه‌ڤرۆ نیوز، بارزان مزوورى:
ئه‌ندازیار خالد نه‌رمۆ، سه‌رۆكێ باژێرڤانیا شێخان بۆ ئه‌ڤرۆ نیوز گۆت: (پرۆژێ سه‌خبێرى كرنا رێكێن ناڤخۆ یێن شێخان هاتیه جێ به جێكرن ب كۆژمێ 250 ملیون دینارا ژ بودجه‌یا تایبه‌ت یا پارێزگه‌ها دهوك ب هه‌ڤكارى دگه‌ل قایمقامیا قه‌زا شێخان ب سه‌رپه‌رشتیا لژنه‌كێ كو پێك دهێت ژ ژماره‌كا ئه‌ندازیارا ب رێكا راسته‌وخۆ دهێته جێ به جێكرن).
ناڤهاتى خویاكر پرۆژه پێك دهێت ژ سه‌خبێرى كرنا رێكێن سه‌ره‌كى یێن ناڤ سه‌نته‌رى باژێرێ شێخان ئه‌وێن كو ببوونه جهێ گله‌ى و گازنده‌یێن وه‌لاتیان ئه‌ڤه بۆ ماوێ چه‌ندین سال بۆ ئه‌ڤ رێكه نه‌هاتبوونه سه‌خبێرى كرن هه‌موو به‌ره‌ڤ نه‌مانێ چووبون).
دیار ژی کر درێژاهیا وان رێكێن دهێنە سه‌خبێركرن ب درێژاهیا 30 هزار میترێن دوجا دهێنه قێركرن دگه‌ل دروستكرنا وان ته‌سێن سه‌ر رێكێن ناڤخو دروست بووین د نها دا كارێ ل سه‌ر به‌رده‌وامه بۆ ماوێ دو رۆژێن بهێت دێ ب دووماهیك هێن.
دو رزگاربوویێن دەستێ داعش بۆ ماوێ دو رۆژان هاتینه کەرەنتین کرن
ئه‌ڤرۆ نیوز، بارزان مزوورى:
به‌رى دو رۆژان دو رزگاربوویێن ده‌ستێ داعش ژنه‌ك و زارۆیه‌ك یێن ئێزدى ل كه‌مپا هولێ ل سووریا ده‌ربازى ئاخا كوردستانێ بووینه و هاتینه ڤه‌گوهاستن بۆ جهێ کەرەنتیكرنێ ل په‌رستگه‌ها لالش، هه‌ر دو ژ وان خه‌لكێ گوندێ تلبه‌ناتن سه‌ر ب قه‌زا شه‌نگال .
سه‌عدى ده‌روێش، رێڤه‌به‌رێ جهێ کەرەنتیكرنێ ل په‌رستگه‌ها لالش بۆ ئه‌ڤرۆ نیوز گۆت: (ئه‌ڤه ماوێ دو رۆژانه ئه‌و ژن و زارۆك ل كه‌مپا هولێ ل سووریا گه‌هشتینه شێخان د کەرەنتیكرنێ دانه ره‌وشا وان یا باشه چ نیشانێن نه‌خوشیێ لێ نینن به‌لێ پشكنین یا بۆ هاتیه كرن بۆ ماوێ دو رۆژان د کەرەنتیكرنێ دانه ئه‌ڤرۆ پشكنینێن وان دێ ده‌ركه‌ڤن هەکە ئه‌نجامێن پشكنینا وان باش بوون دهێته ڤه‌گوهاستن بۆ مالباتا وان).
ناڤهاتى خویاكر ئه‌و هه‌ر دو رزگاربووى مالباتا وان ژى چاڤه‌رێ دیتنا وانن به‌لێ هه‌تا ئه‌نجامێن پشكنینا وان ده‌رنه‌كه‌ڤن راده‌ستێ مالباتا وان ناهێنە كرن.
وەزارەتا ساخلەمیێ ئامارا ٢٤ دەمژمێرێن بۆری ل هەرێمێ راگەهاند
ئەڤرۆ نیوز:
ل گۆر ئامارەکا نوو یا وەزارەتا ساخلەمیا هەرێما کوردستانێ د ماوەیێ ٢٤ دەمژمێرێن بۆری دا ل هەرێما کوردستانێ ٥٠٨ کەس تووشی کۆرۆنایێ بووینە و ١٧ کەسان ژی جانێ خوە ژ دەست داینە.
ل گۆر وەزارەتا ساخلەمیێ یا هەرێما کوردستانێ ل دهۆکێ ٣٢ کەسێن دی تووشی ڤایرۆسێ کۆرۆنایێ بووینە کو ل گۆر رۆژا بۆری ب رەنگەکێ بەرچاڤ رێژا تووشبوونێ کێمتر لێ هاتیە.
رێڤەبەریەک ل زاخۆ ب ئەرمەنان هاتە دان
ئەڤرۆ نیوز، عەلی حاجی :
ب گورەی نڤێسارەکا فەرمی یا رێڤەبەریا گشتی یا کارەبێ ل پارێزگەها دهوکێ یا ژمارە ١٧٧٣ کو تێدا هاتیە دیار کرن ل دویف فەرمانا وەزاری یا ژمارە ٢٧٧٠ و جێبەجێکرنا فەرمانا کارگێری یا پارێزگەها دهوکێ یا ژمارە ٤٦١ بریار هاتە دان ئەنوەر کرەبیت ئارشاک وەکو رێڤەبەرێ نوو یێ کارەبا زاخۆ دەست ب کار ببیت پشتی کو بو ماوەیەکێ ئەو پوستە مایە ڤالە و ژلایێ جێگرێ رێڤەبەرێ بەری نوکە یێ رێڤەبەریا بەلاڤکرنا کارەبا زاخۆ دهاتە برێڤەبرن .
ل دویف پێزانینێن ئەڤرۆ نیوز ئێکەم کەسە ژ ئەرمەنان ل زاخۆ هەر ژ سالا ١٩٩١ هەتا نوکە پوستێ رێڤەبەریا بەلاڤکرنا کارەبا زاخۆ وەردگریت.
سوپایێ یونانێ به‌رهه‌ڤه بۆ به‌رهنگاربوونا توركیا
ئه‌ڤرۆ نیوز:
سوپایێ یونانێ راگه‌هاند ل بلندترین ئاست هێزێن وه‌لاتی ئێخستنه د به‌رهه‌ڤیێ دا، بۆهه‌ر به‌رسڤدانه‌كا چالاكیا سه‌ربازیا توركیا كۆ بزاڤا ئه‌نجامدانێ ل رۆژهه‌لاتا ده‌ریا ناڤه‌راست دكه‌ت.
فه‌رمانده‌یێ سوپایێ یونانێ راگه‌هاند ب مه‌به‌ستا خوه به‌رهه‌ڤكرن بۆ به‌رهنگاربوونا مه‌شقێن سه‌ربازی و لێگه‌ریان ل رۆژهه‌لاتا ده‌ریا ناڤه‌راست، ته‌ڤایا موله‌تێن بهێنڤه‌دانێ ل یه‌كه‌یێن سه‌ربازی هاتینه ره‌تكرن.
فه‌رمانده‌یێ سوپایێ یونانێ ئه‌و چه‌نده‌ژی راگه‌هاند پرۆسه‌یا لێگه‌ران ریپیڤكرنێ ژلایێ توركیا ل دیڤ پترۆل و غازا سروشتی بله‌ز دهێته‌كرن ب تایبه‌ت ل ده‌ڤه‌رێن سه‌رتوخیبی یێن ناڤبه‌را توركیا و یونانێ.
فه‌رمانده‌یێ سوپایێ یونانێ ئه‌و چه‌نده ژی دیاركر هێزێن ده‌ریایێن توركیا دڤان دو هه‌فتیان دا ده‌ست ب پرۆسیسا ریپیڤیكرن ل ده‌ریا ناڤه‌راست، ئه‌ڤێ چه‌ندێ هیزێن یونانێ د به‌رهه‌ڤیێ دانه بۆ هه‌ر به‌رهنگاربوونه‌كا توركیا را بگه‌هینن.
نيشاندان
WP Facebook Auto Publish Powered By : XYZScripts.com