ئەڤرۆ نیوز:
پەیڤدارا وەزارەتا دەرڤە یا روسیا ماریا زاخارۆڤا راگەهاند کو بریارا ترامپی یا ل دۆر ڤەکێشانا هێزێن ئەمریکا ل سووریێ بریارەکا د جهێ خوە دایە و ئەم کەیفخوەشین، چونکو هەتا هێزێن ئەمریکا ل سووریێ بمینن ئاستەنگی دێ ل هەمبەر پرۆسێسا سیاسی هەبن و ژ بەر هندێ ئەم پشتەڤانیێ ل هەلویستێ ترامپی دکەین.
ل ئالیێ دی سەرۆکێ روسیا ژی راگەهاند کو ئەو باوەر ناکەت ئەمریکا هەموو هێزێن خوە ژ سووریێ ڤەکێشیت.
ئەڤرۆ نیوز، بارزان مزووری:
دلشاد محەمەد راگەھاندنکار ژ پشکا ھاتنوچوونا قەزا شێخان بۆ ئەڤرۆ نیوز ئاشکرا کر کو ئەڤرۆ دەمژمێر ١:٠٠ پشتی نیڤرۆ رێککەفتی ٢٠ کانونا ئێکێ ٢٠١٨ ل سەر رێیا سەرەکیا شێخان بۆ کومەلگەھا مەھەت ل نێزیک گوندێ بێتنار رویدانەک د ناڤبەرا ترۆمبێلەکا بارھەلگر ژ جورێ ترێلە مارسیدس و ترۆمبێلەکا تایبەت ژ جورێ سورینتو رویدا د ئەنجام دا کەسەک ب سەختی بریندار بوو و ھاتە ڤەگوھاستن بۆ نەخوەشخانا شێخان یا گشتی و نھا لبن چاڤدێریا نوژداران دایە.
ئەڤرۆ نیوز، نەوزاد ھلۆری:
عەبدولرەحمان تێلی ئێکە ژ خوەدان پێشەسازیێن شێلادزێ بۆ ئەڤرو نیوز گۆت: (ئەڤە پتری ١٠ سالانە ئەم دناڤ بازارێ شێلادزێ کارێ ئاسنگەریێ دکەین، کارێ مە دەنگەکێ نەخوەش ھەیە و بێزایا خەلکی دکەت، بەلێ ژ بەر کو حوکمەت و جھێن شولەژێ چوو ھاریکاریا مە نەکرینە، ئەم ژی نەشێن جھێن خوە ڤەگوھێزین).
وارشین بەرواری، رێڤەبەرێ ناحیا شێلادزێ بۆ ئەڤرۆ نیوز گۆت: (پێشەسازیا شێلادزێ د نوکە دا ھەموو لسەر بازارێ شێلادزێ ھاتیە دابەشکرن و دزڤرین بۆ چەند سالەکا بەری نوکە، ژ بەر کو ئەو بازار ب رێک و پێکی نەھاتیە چێکرن و سەر و سیمایێ شێلادزێ تێکدایە و بەرپیێن خەلکی و شوفێرا و شێلادزێ بەتەنگ کریە، کار دھێتەکرن کو ھەموو ئەو جھێن پێشەسازی و بازرگانی بۆ دەرڤەیی شێلادزێ بھێنە ڤەگوھاستن و تا رادەیەکێ ژی جھـ ھاتیە دیارکرن).
زێدەتر گۆت: (پێشەسازیا شێلادزێ نێزکێ ١٠٠ جھان بخوە ڤە دگریت، لسەر ھەموو جوران ھاتیە دابەشکرن، ئەگەر بچیتە ژ دەرڤەیی باژێری دێ شێلادزێ ب رەنگەکێ باشتر و جوانتر ھێتە پێش).
ئەڤرۆ نیوز:
ستێرا گەنج یا ھولەندی و بەرەڤانێ یانا ئەیاکس ئەمستردام یا ھولەندی فرینکی دی یونگ چەند مەرج دیارکرن کو پێدڤی یە ل دەڤ وێ یانێ ھەبن ئەوا یاری دێ ل ماوێ بھێت بوو کەت .
رۆژناما سپورات یا ئیسپانی دیارکریە دی یونگ دیارکریە ئەو یانا ئەو ل ماوێ بھێت ب ھەلبژێریت پێدڤی یە تیمەکا ب ھێز بیت و ژ تیمێن بەربژاربیت بوو برنا ناسناڤێن نافخوی ل سەر ئاستێ وەلاتێ خوە ھەردیسان چامپیونیز لیگ و کێمترین تشت ئەو ھەر حەفتی یاریەکێ ل گەل بکەت ھەردیسان شێوازێ کرنا وێ ھێرشبەری بیت و پشت بەستنێ ل سەر یاریا ئێگرتی بکەت.
ئەوێ رۆژنامێ ئاشکرا کریە ژی ئارمانجا وی ب ئەڤان ئاخفتنان ئەوە یانا بەرشەلۆنا کو یاریزانێ ناڤبری حەز دکەت ل ڤەگوھاستنێن بھێت ھەڤبەستا بەرشەلۆنا ئیمزا بکەت سەرەرای بزاڤێن مەزن یێن یانێن مانچێستەر سیتی و چێلسی و بایرن میونیخ کو کوژمەکێ مەزن بوو ڤی یاریزانی بەرھەڤکریە لێ ڤی یاریزانی ھەتا رادەیەکێ مەزن بریارا ھەلبژارتنا خوە دایە ئەوژی یانا بەرشەلۆنا.
ژلایەکێ دیڤە دورسون رێڤەبەرێن کارێن یاریزانێ ناڤبری دیارکریە ل حەفتیا بھێت دی یونگ ھەتا پشتی ھەلکەفتێن چەژنا سەرێ سالێ دێ بریارا خوە یا دووماھیێ ل سەر پاشەرۆژا خوە دەت و یانا نوو.
ژلایەکێ دیڤە بابێ یاریزانێ ناڤبری دیارکر یاریزان رێژەیا ٩٥% ل ڤەگوھاستنێن بھێت دێ ھەڤبەستا یانەکا نوو ئیمزا کەت و پێکھاتیێ یانا ئەیاکس ئەمستردام ب جە ھێلیت.
راپورتێن رۆژنامەڤانی ل ئیسپانیا داینە دیارکرن یانا نوو یا دی یونگ بەرشەلۆنا و یانا بەرشەلۆنا ل گەل یاریزانی گەھشتی یە رێککەفتنێ و بریارە ل ماوێ چەند رۆژێن بھێت ب فەرمی ھەڤبەستا ئەوی یاریزانی ل گەل یانا کەتەلونی بھێتە راگەھاندن.
ئەڤرۆ نیوز، هۆشەنگ تاجر:
د. نەوزاد عەبدوللا بسپۆرێ سیاسەتا دەرڤە یا ئەمریکا بۆ ئەڤرۆ نیوز دیار کر کو بریارا ترامپی ل دۆر ڤەکێشانا هێزێن ئەمریکا ل سووریێ یا چاڤەرێ کری نەبوو، چونکو ئاریشێن ل سووریێ هەتا نها نەهاتینە چارەکرن و بەرژەوەندیێن ئەمریکا ل سووریێ د بن مەترسیێ دانە، ژ بەر هندێ ژی هەکە ئەمریکا هەموو هێزێن خوە ژ سووریێ ڤەکێشیت دێ مەترسیێن مەزن بۆ بەرژەوەندیێن ئەمریکا ل رۆژهەلاتا ناڤین دروست ببن و گۆت: (بابەت تنێ سووریا نینە بەلکو بابەت هەموو رۆژهەلاتا ناڤینە).
د. نەوزادی ئەو یەک ژی دیار کر کو ترامپی بەری نها ژی گەلەک بریار داینە لێ پاشی ژێ ڤەبوویە، هەکە ژ ڤێ بریارا خوە ڤەنەبیت دێ رەوش ئالۆز لێ هێت و گۆت: (پرانیا بەرپرسێن ئەمریکا ب تایبەتی ژی وەزیرێ دەرڤە مایک پۆمپیۆ و شیرەتکارێ ئێمناهیێ یێ کۆچکا سپی جۆن بۆلتۆن ل دژی بریارا ترامپی نە و ژ بەر هندێ ژی هەتا نها دیار نینە کا دێ رەوش بەر ب کیڤە چیت، چونکو رەوش گەلەکێ ئالۆزە و بریارا نها یا ترامپی د بەرژەوەندیا نەیارێن ئەمریکا دایە).
ئه‌ڤرۆ نيوز:
نمایشکەرا مۆدێلێن جلکان یا ئەمریکی کیندال جینیر ل سەر لیستا نمایشکەران بۆ وەرگرتنا پارەی ل سالا 2018 ھات، داھاتێ وێ ژی گەھشتیە 22.5 ملیۆن دۆلاران، ئانکو مووچێ وێ یێ سالێ ھندی ژیێ وێ یە کو ژیێ وێ 23 سالن.
کیندال ئەڤ سالە ژ ھەموو نمایشکەران پتر بەرھەڤی سەر دەپێن نمایشکرنێ بوویە و ھەروەسا پتر ریکلام بۆ کۆمپانیان کرینە.
د دووڤ وێ دا نمایشکەرا ئەمریکی کارلی کلۆس ل پلا دویێ ھات و داھاتێ وێ گەھشتیە 13 ملیۆن دۆلاران د سالا 2018 دا، ل پلا سیێ ژی کریسی تایگن ورۆزی ھانگتۆن یا بریتانی ل پلا سیێ ھات و داھاتێ وێ گەھشتیە 11.5 میلۆن دۆلاران.
ئه‌ڤرۆ نيوز:
ژن کلیلا ڤەکرنا دلێ زەلامانە، لێ ژن دێ چاوا بنە ئەو کلیل یا دەرگەھێ دلێ زەلامان پێ بھێتە ڤەکرن و بشێت دلی وی زەلامی راکێشیت یێ ئەو حەز ژێ دکەت.
زەلام حەز ژ ھندەک کۆمەکا رەفتار و ساخلەتان د کەن کو ل نک ژنان ھەبن، رەنگە ژی ل دەستپێکا دیتنێ زەلام ژبەر ھندەک ساخلەتان ژ ژنێ دوور بکەڤیت و جارەکا بزاڤا نێزیکبوونێ نەکەت، ژ وان ساخلەتان ژی:
گەلەک ئاخفتن: ئێک ژ وان رەفتارانە کو ژنان ل بەرچاڤێن زەلامان کێم دکەن، گەلەک ئاخفتن ل سەر بابەتەکێ کو دەردۆرێن خوە بێزار بکەت، بزاڤان بکە ژ وێ رەفتارێ دوور بکەڤە و ل گۆرەی یا پێدڤی باخڤە.
یاریکرن ب دفنێ: یاریکرن ب دفنێ یان لەقدانا لێڤان ساخلەتەکێ باش نینە و زەلام حەز ژێ ناکەن، بزاڤان بکە وان رەفتاران بەرانبەر زەلامی نەکە.
خوارندنا سەری: خوراندنا سەری یا پرچێ ئێک ژ وان رەفتارێن خرابن، ھەکە تە بڤێت ھمبەری زەلامی یا جوان وان رەفتاران نەکە.
دەمێ د ئاخڤی د دفنا خوە نەخەبتە، ھشیاری بی بەنیشتی ژی ھمبەری وی نەجوی.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 20ى كانوونا ئێكێ 2018ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 گرام زێرێ (ع) 18 | 37000 |
| 1 گرام زێرێ (ع) 21 | 43000 |
| 1 گرام زێرێ (ع) 22 | 45000 |
| 1 گرام زيڤ | 3000 |
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 20ى كانوونا ئێكێ 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 119.000 دينار |
| 100 يۆرۆيێ ئه‌ورۆپى | 136.000 دينار |
| 100 ليرێ توركى | 23.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیۆز، قائید میرۆ:
بڕیارە سالا داھاتی ھەلبژارتنێن جڤاتێن پارێزگەھێن عێراقێ بھێنە ئەنجامدان و بەرپرسەکێ پارتیژی دبێژیت، پارتی خوە بەرھەڤ دکەت بۆ پشکداری کرنێ د پڕۆسا ھەلبژارتنێن جڤاتێن پارێزگەھێن عێراقێ.
مەناف حەسەن بەرپرسێ نڤیسینگەھا ھەلبژارتنێن پارتی ل مووسل بۆ ئەڤرۆ نیۆز دیارکر” نوکە ئەم خوە بەرھەڤ دکەین بۆ پشکداری کرنێ د ھەلبژارتنێن جڤاتێن پارێزگەھێن عێراقێ و بەردەوام دگەل لیژنێن ناوچێن سنورێ مووسل کۆمبوون دھێنە رێڤەبرن ھەتا پارتی ڤێجارێ دەنگێن زێدەتر بدەستڤە بینیت.
مەناف حەسەن ئاماژەکر” بڕیارە ل نیڤا سالا داھاتی ھەلبژارتن بۆ جڤاتێن پارێزگەھێن عێراقێ بھێنە ئەنجامدان و ھەردەمێ ژڤانێ ھەلبژارتنان ھاتە دیارکرن، بێگومان پارتی یا بەرھەڤە پشکداریێ بکەت.
نيشاندان