ئه‌ڤرۆنيوز:

به‌رپرسه‌كێ وه‌زاره‌تا به‌رگريا ئه‌مريكى (بنتاگۆن) راگه‌هاند، ئه‌و هێزێن ئه‌مريكى يێن ژ سووريێ هاتينه‌ ڤه‌كێشان، دێ ل هه‌ولێرێ هێنه‌ به‌لاڤكرن.

كه‌نالێ (الحره‌) ژ زارده‌ڤێ به‌رپرسه‌كێ بنتاگۆن به‌لاڤكر “دو هزار و130 سه‌ربازێن هێزێن تايبه‌ت يێن ئه‌مريكى ل رۆژێن دهاتى دێ خوه‌ ژ سووريێ ڤه‌كێشن ول هه‌ولێرێ هێنه‌ به‌لاڤكرن.

كۆچكا سپى يا ئه‌مريكى ئه‌ڤرۆ چار شه‌مبى به‌لاڤكر كو هێزێن ئه‌مريكى دێ ژ سووريێ هينه‌ ڤه‌كێشان. ئه‌ڤ چه‌نده‌ هات پشتى سه‌رۆكێ ئه‌مريكى دۆنالد ترامپ راگه‌هاندى كو ئه‌مريكا شيا داعشێ ل سووريێ بشكێنيت.

ئه‌ڤرۆنيوز:

نوونه‌رێ پارتى ديموكراتى كوردستان ل مسرێ بۆ ئه‌ڤرۆنيوز دياركر ب مه‌ره‌ما پێشڤه‌برنا په‌يوه‌نديێن هه‌رێما كوردستانێ ووه‌لاتێ مسرێ دهه‌موو بواران دا، وان ده‌ست ب بزاڤان كريه‌ بۆ ئه‌نجامدانا چالاكيێن ره‌وشه‌نبيرى يێن هه‌ڤپشك.

شێركۆ حه‌بيب، نوونه‌رێ پارتى ديموكراتى كوردستانێ ل مسرێ بۆ ئه‌ڤرۆنيوز گۆت” نوكه‌ ئه‌م بزاڤان دكه‌ين بۆ ئه‌نجامدانا چالاكيێن ره‌وشه‌نبيرى وهونه‌رى يێن هه‌ڤپشك”.

دياركر”مه‌ره‌م ب ڤێ بزاڤێ ئه‌وه‌ كار بكه‌ين بۆ ئاشنابوونا هه‌ردو گه‌لێن كوردستانێ ومسرێ ب كه‌لتوور وره‌وشه‌نبيريا هه‌ڤدو”.

ل ده‌مێ بۆرى، نوونه‌رێ پارتى ل مسرێ چه‌ندين ديدار ل گه‌ل كه‌سايه‌تيێن ره‌وشه‌نبيرى ورۆژنامه‌ڤانێن مسرى ئه‌نجامداينه‌، ل دۆر ره‌نگڤه‌دانا هزرا ئه‌نجامدانا چالاكيێن ره‌وشه‌نبيرى يێن هه‌ڤپشك ل ده‌ف وان، شێركۆ حه‌بيب گۆت” وان كه‌سايه‌تيێن ره‌وشه‌بيرى يێن مسرى خوه‌شحاليا خوه‌ دياركريه‌ وپێشوازى ل وێ هزرێ كريه‌”.