ئەڤرۆ نیوز‎:‎

کاسا یانێن جیھانێ قوناغا پێش دووماھیێ
‏٧:٣٠‏‎ ‎کاشیما ئەنتلرز ژاپونی * ریال مەدرید ئسپانی

کاسا ھەڤگرتیا یانێن ئنگلیزی قوناغا چارێک دووماھیێ
‏١٠:٤٥‏‎ ‎ئەرسینال * توتنھام ھوتسپێر
‏١٠:٤٥‏‎ ‎چێلسی * بورنموس

خولا ئەلمانیا حەفتیا ١٦‏
‏٨:٣٠‏‎ ‎شالکە * بایرن لێڤرکوێزن
‏١٠:٣٠‏‎ ‎ڤێردر برێمن * ھوڤینھایم
‏١٠:٣٠‏‎ ‎فرایبورگ * ھانوڤەر ٩٦‏
‏١٠:٣٠‏‎ ‎بایرن میونخ * لایبزیک
‏١٠:٣٠‏‎ ‎ماینز ٠٥ * ئەنتراخت فرانکفورت‏

کاسا یانێن فرەنسا
‏٨:٤٥‏‎ ‎ئەمیان * لیون
‏١١:٠٥‏‎ ‎موناکو * لوریان
‏١١:٠٥‏‎ ‎دیگون * بوردو
‏١١:٠٥‏‎ ‎مارسیلیا * ستراسبورگ
‏١١:٠٥‏‎ ‎رێن * نانت

ئەڤرۆ نیوز‎:‎

ھێرشبەرێ یانا بروسیا دورتموند یا ئەلمانی نمرەکا نوو یا پیڤای د تومارکرنا گولان دا دخولا ئەلمانیا دا تومارکر‎.‎

باکو ئەلکاسیر ئەوێ شیای گولا ئێکانە یا یانا خو ل خولەکا ٨١ یا یاریا یانا خوە ل ھەمبەر فورتونا دەسلدورڤ د یاریا حەفتیا ١٦ دا تومار بکەت کو تیما وی دڤێ ‏یاریێ دا خوسارەت بوو، ھاتە ھژمارتن یاریزانێ ئێکێ ددیروکا خولا تەپا پێ یا ئەلمانیا دا گولا ١٠ وەکو یاریزانەکێ یەدەک تومار بکەت‎.‎

ئەڤ یاریزانێ ٢٥ سالی ل مێرکاتویا ھاڤینا بوردی دا ب ھەڤبەستەکا بەروەخت بو ماوێ سالەکێ ژ بەرشەلونە ھاتیە ڤەگوھاستن بو بروسیا دورتموند و شیایە ھەتا ‏نوکە ئاستەکێ نمونەی پێشکێش بکەت و نوکە یانا وی ھزر د ئیمزاکرنا ھەڤبەستا وی ب شێوەکێ فەرمی دھێتە کرن‎.‎

ئەڤرۆ نیوز:

ستێرا تەپا پێ یا ئەرژەنتینی و گولکەرێ یانا بەرشەلونە یا ئسپانی ئاھەنگ ب وەرگرتنا خەلاتێ پێلاڤا زێری یا ژلایێ روژناما مارکا یا ئسپانی دھێتە پێشکێشکرن بو باشترین گولکەرێ پێنچ خولێن مەزنێن ئوروپی ل وەرزێ بوری گێران.

لیونێل میسی ئەڤ خەلاتە ب دەستخوەڤە بر پشتی شیای ھەڤرکیەکا گەرم ل سەر ڤی ناسناڤی بکەت و شیابوو ٣٤ گولان تومار بکەت زێدەتر دو گولان ژ ستێرا مسری و یانا لێڤەرپول محەمەد سەلاح و چار گولان زێدەتر ژ ھاری کینێ ئنگلیزی.

د رێزبەندا باشترین گولکەرێن خولێن ئوروپی دا کریستیانو رونالدو ل رێزا نەھێ ھات کێمتر نەە گولان ژ میسی ئەوێ بو جارا پێنجێ ئەڤ خەلاتە ب دەستخوەڤە بری.

ئەڤرۆ نیوز:
پشتی کارگێریا یانا مانچێستەر یوناید یا ئینگلیزی دوھی ب فەرمی دورخستنا راھێنەرێ خوە یێ پورتوگالی جوزێ مورینھو راگەھاندنی ھژمارەکا مەزن یا رۆژنامەیێن ئورۆپی چەندین راھێنەر بەربژارکربوون بوو وەرگرتنا پوستێ راھێنەریا وێ یانێ ل جھێ مورینھوی لێ کارگێریا مان یوناید بەروڤاژی ھەموو پێشبینیا راھێنەرەکێ نوو دەست نیشانکر.
یانا مانچێستەر یوناید ل سەر مالپەرێ خوە یێ فەرمی راگەھاند کارگێریا یانێ ستێرا خوە یا نەرویجی یێ بەری نوکە ئولی گونار سولشکایر وەکو راھێنەرێ یانێ یێ بەروەخت ھەتا دووماھیا ڤی وەرزی دەست نیشانکر.
سولشکایر ل سالا ١٩٩٦ ھەتا ٢٠٠٧ یاری ل یانا مانچێستەر یوناید کر بوو ل گەل ڤێ یانێ چەندین ناسناڤ ب دەستخوڤە برینە ھەردیسان ئێک ژ ستێرن یانێ بوو دەمێ ل سالا ١٩٩٩ شیان قارەمانیا چامپیونیز لیگا ئورۆپا ب دەستخوڤە ببەن و ب گولا وی یا ھەرە گرنگ مان یوناید شیا بیتە قارەمانا چامپیونیز لیگ کو ل دقیقا ٩٣ شیابوو گولا دوێ و سەرکەفتنێ ل سەر یانا بایرن میونیخ توماربکەت کو راپورتێن رۆژنامەڤانی وەسا داینە دیارکر ئەرێ سولشاکیر دێ شێت پشتی بورینا ٢٠ سالان جارەکا دی کیفخوشیێ بێختە دلێ جەماوەرێ یانا مانچێستەر یوناید کو پشتی بەری ٢٠ سالان شیای ئێک ژ مەزنترین دەستکەڤتی بو وێ یانێ توماربکەت ب گولا خوە و جەماوەر چاڤەرێ کیقخوشیێ نە ل سەر دەستێ وی ڤێ چارێ وەکو راھێنەر.

وەکو راھێنەری ناڤبری مێژویەکا مەزن وەکو ژیانا یاریزانی نینە کو دەستپێکا خوە وەکو راھێنەر پوستێ راھێنەریا تیما دوێ یا مانچێتسەر یوناید ژ سالا ٢٠٠٨ ھەتا ٢٠١١ وەرگرت بوو پاش بەر ب وەلاتێ خوڤە چوو پوستێ راھێنەریا مولدە وەرگرت ژ سالا ٢٠١١ ھەتا ٢٠١٣ شیا چەند دەستکەفتیان ب دەستخوڤە توماربکەت و بوو وەرزێ ٢٠١٣-٢٠١٤ پوستێ راھێنەریا یانا کاردیف ستی وەرگرت لێ ل گەل وێ یانێ ھەتا رادەیەکێ مەزن یێ سەرکەفتی نەبوو ل سالا ٢٠١٥ جارەکا دی ڤەگەریا وەلاتێ نەرویچ ئەرکێ راھێنەریا یانا مولدە وەرگرت و ھەتا نوکە ل گەل وێ یانێ یێ بەردەوام بوو کو ھەڤبەستا وی بریار بوو ٢٠٢١ ب دووماھیی بێت لێ پشتی مان یوناید داخوازی ژ خواستی ئەوی داخوازا لێبورینێ ژ پوستێ یانا مولدە کر و پوستێ مان یوناید وەرگرت بەروەخت,

سولشکایر  ل گەل رونالدوی ل دەمێ یانا مانچێستەر یوناید