ئەڤرۆ نیوز، هۆشەنگ تاجر:

ناموک دوروکان رۆژنامەڤانێ ناڤدارێ تورکیا بۆ ئەڤرۆ نیوز دیار کر کو ئەمریکا فشارێن خوە ل سەر پەیەدێ زێدە لێ کرینە دا کو رازی بیت پێشمەرگێن رۆژ بچنە سەر سنورێ رۆژئاڤایێ کوردستانێ و تورکیا، هەکە پێشمەرگێن رۆژ بچنە سەر سنوری تورکیا ژی نەشێت هێرشی رۆژهەلاتێ فراتێ بکەت، چونکو ل گەل پێشمەرگێن رۆژ دێ هێزێن ئەمریکا ژی سنوری پارێزن و گۆت: (راستە هەتا نها پەیەدە ب ڤێ داخوازیا ئەمریکا رازی نەبوویە، لێ هەکە ئەمریکا فشارێن خوە ل سەر پەیەدێ زێدە لێ کەت دێ ئەو ژی رازی بن).

ناڤهاتی ئەو یەک ژی دیار کر کو هەتا ١٠ رۆژێن دی بابەتێ چوونا پێشمەرگێن رۆژ دێ ئێکلا بیت و نها هەڤدیتن هەنە لێ دیارە جارێ بریارا دووماهیێ نەهاتیە دان و گۆت: (ئەز ب باوەرم هەکە پێشمەرگێن رۆژ بچن دێ رەوش ئارام بیت و ئەمریکا ژی بۆ بەرژەوەندیێن خوە نها ڤێ دخوازیت، چونکو رۆژئاڤایێ کوردستانێ بۆ ئەمریکا گرنگیەکا خوە یا تایبەت هەیە و ب ساناهی ناخوازیت دەستان ژ رۆژئاڤایێ کوردستانێ بەردەت).

ئەڤرۆ نیوز:

بەری دەمەکێ هایکو ماس وەزیرێ دەرڤە یێ ئەلمانیا ل گەل شاندەکێ گەهشتیە فرۆکەخانا هەولێرێ و ژ ئالیێ کەریم شنگالی وەزیرێ ناڤخوە یێ هەرێما کوردستانێ پێشوازی لێ هاتە کرن.

هەروەسا هاتە زانین دێ وەزیرێ بەرگیریێ یێ ئەلمانیا ل گەل بەرپرسێن هەرێما کوردستانێ ل دۆر پەیوەندیێن ئەلمانیا و هەرێما کوردستانێ و رەوشا دەڤەرێ دانوستاندنان کەت.