ئەڤرۆ نیوز، نەوزاد هلوری:
حەجی محەمەد پێپەرخی، کەسایەتی و سترانبێژێ مللی کو ئەڤە چەند سالەکە ژ کارێ هونەری و سترانان دوورکەفتی ،ل ناحیا دێرەلووکێ وەغەرکر کو خودانێ چەندین سترانایە.
سامی بنیامین، نڤیسەر و نیاسەکێ نێزیکی وی بۆ ئەڤرۆ نیوز گۆت: ( بەری دەمەکێ کەسایەتی و سترانبێژێ مللی ل ناحیا دێرەلوۆکێ وەغەرکر، کو ئیک بوو ژ سترانبێژین مللی یێن کەڤن و چەندین ستران هەنە و خزمەتەکا باش یا سترانا مللی د وەختێ گەنجاتیا خوە دا هەتا چەند سالێن بوری کریە).
زێدەتر گوت: (ئەڤە نێزیکێ سالەکێ بوو ناڤبری تووشی نەخۆشیەکێ ببوو، ئەڤرۆ ل دێرەلوکێ وەغەرکر، ل گورستانا دێرەلوۆکێ ب ئامادەبوونا خەلکێ دەڤەرێ هاتە ڤەشارتن، گرنگە جهێن شولەژێ سترانا وی ژ بیر نەکەن).
حەجی محەمەد پێپەرخی، ل سالا 1935 ژ دایکبوویە و د ژیێ گەنجاتیێ دا ستران گوتینە، هونەرمەند ئەحمەد دلوڤان چەندین سترانێن وی گوتینە و تۆمارکرینە.
نيشاندان
