ئەڤرۆ نیوز:
ل گۆر دەزگەهێن راگەهاندنا جیهانی رێژا پشکداریا خەلکی د خوەنیشادانان ل فرەنسا کێم دبن و ئەڤرۆکە ل پاریس ل گۆر رۆژێن بۆری گەلەکێ کێم خەلکی پشکداری د خوەنیشادانان دا کرینە و ئالۆزی ژی کێمتر بوون.
ئاژانسا فرانس پرێس دیار دکەت کو پشتی سەرۆکێ فرەنسا سۆز دایی هندەک داخوازیێن خوەنیشادەران قەبوول بکەت رێژەکا بەرچاڤ یا خەلکی ئێدی پشکداریێ د خوەنیشادانان دا ناکەن و هەکە چو ئالۆزیێن نوو روو نەدەن رەنگە هەفتیەکا دی خوەنیشادان ل فرەنسا ب دووماهی بهێن.
ئەڤرۆ نیوز:
ئیمزاکرنا ھەڤبەستێ دگەل گولپارێزێ بەلجیکی تیبو کورتوا ژلایێ یانا ریال مەدرید ڤە بویە ئەگەرێ ژ دەست دانا جھێ سەرەکی یێ گولپارێز کیلور ناڤاس، لێ ئەڤە نابیتە ئەگەرێ چونا ناڤاسی ژ یانا وی د مێرکاتویا زڤستانێ دا، لێ پاشەروژا ناڤاسی دگەل ریال نەیا دیارە د دەمێ بھیت دا.
ھاتنا زاروکی ناڤاسی بۆ سەر دونیا یێ د شوباتێ دا و پاراستنا خیزانا خوە و خوجھیا وی ل پایتەختێ مدرید پشتی دەستا ژ یاریکرنی بەردەت و کرینا خانیەکی ل پایتەختی ریگرن بۆ چونا وی ژ نافا ریال مدرید و ھەروەسا نەبونا یانێن مەزن مینا ریالێ کو ھەمان مووچەیێ یانە یا ریالێ ٥ ملیون یورونە سالانە بدەنێ داکو ھەڤبەستی ئیمزا بکەتن دگەل ریگرن بۆ چونا وی و ھەروەسا یانەیا ریال نەفیت دەستا ژ گولپارێزێ خوە بەردەت چونکی ماوێ ھەڤبەستا وی ھەتا سالا ٢٠٢٠ بەردەوامە و دێ دڤی وەرزێ زڤستانێ ژی دگەل یانەیا خوە مینیت و دێ پشتبەستنا یانا ریال ل سەر سولاری بیت د قارەمانیا کاسا جیھانی یا یانا دا پشتی نافاسی بریارا دویرکەفتنی دای د یاریا سیسکا موسکو دا.
ئەڤرۆ نیوز:
خولا ئنگلیزی حەفتیا ١٧
٦:٠٠ توتنھام – بیرنلی
٦:٠٠ کریستال پالاس – لێستر سیتی
٦:٠٠ واتفورد – کادریف سێتی
٦:٠٠ ولڤەرھامبتون – بورنوسموس
٨:٣٠ فولھام – ویستھام یونایتد
خولا ئسپانی حەفتیا ١٦
٦:١٥ ڤەلەد ئەلوەلید – ئەتلەتیکو مەدرید
٨:٣٠ ریال مەدرید – رایو ڤالیکانو
١٠:٤٥ ئیبار – ڤالنسیا
خولا ئیتالیا حەفتیا ١٦
٨:٠٠ ئەنتەر میلان – ئودونیزی
١٠:٣٠ تورینو – یوڤانتوس
خولا ئەلمانیا حەفتیا ١٥
٥:٣٠ شتودگارد – ھێرتا بەرلین
٥:٣٠ ھانوڤەر ٩٦ – بایرن میونخ
٥٠:٣٠ ئوجسبورگ – شالکە
٥:٣٠ ھوڤینھایم – بروسیا مونشنکلادباغ
٥:٣٠ فورتا دوسلدورف – فرایبورگ
٨:٣٠ بروسیا دورتموند – ڤێردەربریمن
ئەڤرۆ نیوز، هۆشەنگ تاجر:
زانا سەزەن ئەندامێ سەرکردایەتیا پارتیا ماف و ئازادیان و نوونەرێ وێ پارتیێ ل هەرێما کوردستانێ بۆ ئەڤرۆ نیوز دیار کر کو هەتا نها ب فەرمی ژ ئالیێ هەر دو پارتیێن PSK و PAKب فەرمی داخواز ژ مە نەهاتیە کرن کو ل گەل وان ب رێیا نوونەرێن سەربخوە پشکداریێ د هەلبژارتنێن باژێرڤانیان یێن سالا ٢٠١٩ ل تورکیا دا بکەین و گۆت: ( ل هندەک دەزگەهێن راگەهاندنێ ئەو یەک بەلاڤ بوویە لێ هەتا نها ب رەنگەکێ فەرمی داخواز ژ مە نەهاتیە).
ناڤهاتی راگەهاند کو بارەگایێن مە و یێن وان پارتیان نێزیکێ یەکترن هەکە ب فەرمی داخواز ژ مە بهێتە کرن ئەم ژی وەکو هاکپار دێ ل سەر چاوانیا پشکداریێ و مەرجێن وان گەنگەشە بکەین لێ هەتا نها ب فەرمی تشتەک بۆ مە نەهاتیە.
ئەڤرۆ نیوز:
بریارە یاریزانێ ھولەندی یێ یانا بایرن میونخ یا ئەلمانی ڤەگەریتە خولا وەلاتێ خوە ھولەندا برێکا یانا ئایندھوڤن.
یاریزانێ ناڤبری بۆ رۆژنامەیا بێلد یا ئەلمانی دیارکریە کو وی ل بەرە ڤەگەریتە یانا ئایندھوڤن یا ھولەندی ل ھاڤینا بھێت و دووماھیێ ب کاروانێ خوە یێ وەرزشی دگەل باڤاری بینت ژبەرکو وی دڤێت بەر ب خولەکا دی بچیت پشتی چەندین ناسناڤ ل ماوێ بوری دگەل یانا خوە یا ئەلمانی دەستڤە ئینای لەورا نوکە دەمێ گوھۆرینێ یە.
ھەر د ڤی دەربارەی دا راھێنەرێ یانا ئایندھوڤن مارک ڤان بومل ئاشکرا کر کو نوکە پەیوەندی ناڤبەرا وان و رووبن دا ھەنە و بریارە ڤەگوھاستنا وی ل ھەیڤا خزەیرانا سالا ٢٠١٩ بھێتە راگەھاندن.
ئەڤرۆ نیوز:
دەزگەهێن راگەهاندنا ئیرانێ دیار کرن کو پشتی گەفێن ئەمریکا یێن ل سەر چینێ بۆ راگرتنا پەیوەندیێن بازرگانی پرانیا کۆمپانیێن چینێ نەچار ماینە کو ژ ئیرانێ دەرکەڤن و نها بەرێ خوە ددەنە هەرێما کوردستانا عیراقێ.
ل ئالیێ دی هاتە راگەهاند کو چەندین کۆمپانیێن چینی کو د بیاڤێ پەترۆلێ دا کار دکەن دخوازن ل هەرێما کوردستانێ دەست ب پرۆژێن مەزن بکەن و دەزگەهێن راگەهاندنا جیهانی ژی دیار دکەن کو پشتی گەفێن ئەمریکا کۆمپانیێن چینی ب جهێ ئیرانێ بەرێ خوە ددەنە هەرێما کوردستانا عیراقێ کو دەڤەرەکا دەولەمەندە ب پەترۆلێ و ئەو یەک دێ کارتێکرنەکا خوە یا باش بۆ هەرێما کوردستانێ هەبیت.
ئەڤرۆ نیوز:
ئەڤرۆ سەروک بارزانی پێشوازی ل سەروکێ جڤاتا نوونەرێن عیراقێ محەمەد حەلبووسی کر و دکومبوونەکێ دا دوپاتکر کو گیروبونا تمامکرنا کابینەیا حوکمەتا نوو یا عیراقێ دێ کێشەیان کورتر ل و عیراقێ بەر ب رێیەکا نەدیار بەت.
د ڤێ کومبوونا ناڤبەرا سەروک بارزانی و محەمەد حەلبووسی دا ل سەلاحەدین ھاتیە ئەنجامدان تەئکید ل سەر پرەنسیپێن ھەڤسەنگیا دامودەزگایێن حوکمرانیی و کەرتێ ئەمنی و سەربازی ھاتە کرن.
د ڤێ کومبوونێ دا بەحس ل سەر دووماھی پێنگاڤێن تمامکرنا کابینا وزاری یا حوکمەتا نوو یا عیراقێ و ئەو ئاستەنگێن ل بەر سنگێ وێ دھێنە پێش ھاتنە کرن دیسان بەحس ل سەر پروسەیا سیاسی و ئەو کێشەیێن دھێنە پێش ڤێ چەندێ ھاتنە گوتوبێژ کرن.
ھەر د ڤێ کومبوونێ دا سەروک بارزانی ئەو چەندە ژی دوپاتکر گیروبونا تمامکرنا کابینەیا وەزارەتێن حوکمەتا عیراقێ دێ کێشەیان کویرتر کەن و دێ عیراقێ بەر ب چارەنڤیسەکێ نەدیار بەن.
د لایەکێ دی یێ ڤێ کومبونێ دا ھەردو لا دوپات کرن ل سەر پرەنسیپێن ھەڤسەنگیا دامودەزگایێن حوکمەتا عیراقێ و کەرتی ئەمنی و سەربازی کر، سەروک بارزانی پشتەڤانیا خوە بۆ سەروکێ جڤاتا نوونەرێن عیراقێ دیارکر بۆ چارەسەرکرنا کێشەیان و بلەزکرنا پروسەیا سیاسی یا عیراقێ کو ژ سالا ٢٠٠٣ وەرە پروسەیا سیاسیا نوکە باشترین دەرفەتە بۆ چارەسەرکرنا کێشەیان و ئاڤاکرنا باوەریەکا نوو ناڤبەرا لایەنێن سیاسی دا.
ئەڤرۆ نیوز:
وەزارەتا دارایی د نڤیسارەکا فەرمی دا چەندین رێنمایێن نوو دەربارەی فەرمانبەرێن گرێبەست بۆ دامودەزگایێن میری یێن سەر ب حوکمەتا ھەرێما کوردستانێ ڤە دەرکرن.
د ڤێ نڤیسارێ دا ئەوا ل رۆژا چارشەمبی ل رێکەفتی ١٢/١٢/٢٠١٨ ب ئیمزایا وەزیرێ دارایی رێباز حەملان ھاتیە دەرکرن ھاتیە ئێدی دەمێ داخوازا دامەزراندنا فەرمانبەرێن گرێبەست دکەن پێدڤیە ڤان خالان بەرچاڤ وەرگرن ژوانا ئەو رێڤەبەریا پێدڤی ب فەرمانبەرێ گرێبەست بیت پێدڤیە ب نڤیسارەکا فەرمی داخواز بکەت ب ھەمان بسپور و باوەرنامە بیت د ماوێ ھەمان سال بھێتە داخوازکرن.
رێنمایێن نوو ھاتینەدەرکرن بۆ فەرمانبەرێن گرێبەست:
١. ئەو فەرمانبەرێ دھێتە داخوازکرن ب شێوێ گرێبەست پێدڤیە ب نڤیسارەکا فەرمی ژلایێ وی دەزگایی بیت و داخواز بکەت.
٢. دڤێت میلاکێ فەرمانبەرێ فەسل کری یا وێ سالێ بیت یا فەرمانبەرێ نوو تێدا ل جھێ وی بھێتە دامەزراندن.
٣. وێنەیەک ژ فەرمانا فەسل کرنا وی بھێتە ھاوپێچکرن
٤. ئەو کەسێ ل جھێ وی دھێتە دانانان پێدڤیە ب ھەمان باوەرنامە و بسپوری بیت و ئەڤ چەندە د فەرمانێ دا بھێتە دیارکرن.
٥. ئەڤ رێنمایە ل رۆژا دەرکرنا وێ کار دێ پێ ھێتەکرن.
ئەڤرۆ نیوز:
بریت ماکگورک نوونەرێ تایبەتێ سەرۆکێ ئەمریکا بۆ شەرێ ل دژی داعشێ دیار کر کو هەکە تورکیا دەست ب ئۆپەراسیۆنەکا سەربازی ل باکورێ سووریێ بکەت دێ رەوشا وێ دەڤەرێ پتر ئالۆز بیت و ئەو یەک راست نینە، ئەم ل دژی ئۆپەراسیۆنەکا وەسا نە و نها واشنتۆن بزاڤێ دکەت ب رێیێن دبلۆماسی ڤی بابەتی چارە بکەت.
ناڤهاتی ئەو یەک ژی دیار کر کو دڤێت تورکیا هاریکار بیت دا داعش ب تەمامی ل سووریێ ژناڤ بچیت، هەتا داعش هەبیت دێ رەوشا دەڤەرێ ب گشتی ئالۆز بیت و ژ بەر هندێ ژی ئۆپەراسیۆنا تورکیا ل باکورێ عیراقێ خزمەتا ئاشتی و ئارامیێ ناکەت.
زاخۆ، عەلی حاجی:
ناحیا باتیفا ئەوا دکەڤیتە سەر ب قەزا زاخو ڤە زێدەتری ٤٨ دەمژمێرایە یا بێ کارەبا گشتی یە و ئەڤێ چەندێ ژی کێشە بۆ وەلاتیێن وێ ناحیێ دروست کرینە .
رزگار ئیبراھیم ئێک ژ ھاولاتیێن وێ ناحیێ یە دبێژیت: ل ١٣/١٢/٢٠١٨ ل دەمژمێر ٩ی سپێدێ کارەبا گشتی ژ باتیڤا یا ھاتیە برین و دەڤەرا مە دەڤەرەکا سارە ل وەرزێ زڤستانێ نەبونا کارەبێ ئاریشە بۆ مە دروست کریە و ئاڤا باتیڤا ب کارەبا گشتی ڤە گرێدایە ئەڤە بۆ ماوێ دو روژایە ئەم بێ ئاڤین و ئاڤا ڤەخارنێ ب دەست مە ناکەڤیت.
ناڤھاتی زێدەتر دبێژیت : ئەڤ کێشە سالانە دووبارە دبیت و مخابنی ڤە ھەتا نوکە نەشیاینە ڤێ کێشێ بۆ مە چارەسەر بکەن و تیمەک ژ دھوکێ دھێت بۆ چارەسەرکرنێ لێ ھەتا دھێن گەلەک گیرو دبن.
ل دور ڤێ کێشەیێ بەرپرسێ پشکا کارەبا باتیفا سەلیم سەعیدی بو ئەڤرو نیوز گۆت : کێشە یێ ل ھێلا KV١٣٢ دا نەبتنێ ناحیا باتیفا یێ ل ڤێ ئاریشێ دا بەلکو تاخێ تالکەبەرێ کو دکەڤیتە قەزا زاخو ھەمان کێشە ھەیە چونکی کارەبا وی تاخی ب باتیفا ڤە گرێدایە و مە ئەڤ کێشەیە چارەسەر کر لێ دوھی جارەکا دی کێبلێ وێ ھێلێ پەقی.
سەلیمی زێدەتر گۆت : تیمەک ژدھوکێ ھاتیە پێخەمەت چارەسەرکرنا وێ کێشەیێ دگەل کارمەندێت مە بەردەوامە و ئەم یێ ھەولا دەین ھێلەکا کاتی ژئەکادیمیا لەشکەریا زاخو بۆ باتیڤا ڤەگوھێزین دا ھاولاتیێن ناحیا باتیڤا ژڤێ کێشەیێ قورتال بن و ھەتا کو ب درستی کێشەیا ھێلا ١٣٢ KV چارەسەر بکەین .
نيشاندان