ئەڤرۆ نیوز، محەمەد عەلی نوری:

شەش یاریزانێن کور و کچێن پارێزگەھا دھۆکێ پێنگاڤا ئێکێ یا ھەڤرکیێن قارەمانیا خانزاد یا نیڤدەولەتی بۆ یاریا شەترەنجێ ب سەرکەفتیانە ھاڤێتن، پشتی شیاین د یاریێن خوە یێن ڤەکرنا قارەمانیێ دا سەرکەفتنێ ل سەر ھەڤرکێن خوە تۆماربکەن ئەوا نوکە ل ھەولێرا پایتەخت ب پشکداریا ١٠٧ یاریزانێن ھەرێمێ و عیراقێ و ئیران و سوریا و ئوردنێ دھێنە کرن.

سەرمەد بەرواری سکرتێرێ ئێکەتیا شەترەنجا پارێزگەھێ بۆ ئەڤرۆ نیوز راگەھاند کو ھەر شەش یاریزانێن دھۆکێ، سەلمان محەمەد قەسیم، نزار جەمیل، مستەفا کەمال، محەمەد عەبدولرەحمان، کارین کەمال و ڤین کەمال نوونەراتیا پارێزگەھێ د قارەمانیا نیڤدەولەتی یا خانزاد کریە کو ھەڤرکیێن وان دێ ب سیستەمێ سویسری نەھـ گەران بۆ ماوێ پێنچ رۆژا یا بەردەوامبیت.

ھەروەسا ناڤھاتی گۆت: یاریزانێن دھۆکێ شیان سەرکەفتنا ئێکێ د قارەمانیێ دا تۆماربکەن و پێنگاڤەکا باش بەر ب قۆناغا دویێ پاڤێژن، ئەڤەژی دەستپێکە بۆ زێدەتر باوەری بخوە و ھەڤرکیێ ل سەر رێزێن پێشیێ و دیارکر کو یا گرنگ د ڤێ قارەمانیێ دا ئەوە ھەرسەرکەفتنەکا یاریزان تۆماربکەن ژلایێ ئێکەتیا نیڤدەولەتی یا شەترەنجێ دھێتە ھژمارتن و د ل سەر خالێن خوە یێن لیستا یاریزانێن ڤێ یاریێ دا دھێتە زێدەکرن تایبەت یاریزانێن سەر ئاستێ دەر‌ڤە پشکداری ھەبن وەکو کارین کەمال و مستەفا کەمال.

ئەڤرۆ نیوز:

ستێرا ھێلا ناڤینا یانا بەرشەلۆنا و ھەلبژارتیێ کرواتیا راکیتیچ ل گەل ئیدارا یانا کەتەلونی رێککەفتی یە ل ڤەگوھاستنێن بھێت پێکھاتیێ یانا بەرشا ب جھبھێلت .
رادیویا کەتەلونیا بەلاڤەکریە راکیتیچ ھەتا رادەیەکێ مەزن ل گەل بەرشەلۆنا گەھشتی یە رێککەفتنێ بوو چوونا خوە ژ خۆلا ئیسپانیا و ل دیڤ گوتنا وێ رادیو نوکە یاریزانێ ناڤبری خانیێ خوە ل باژێرێ بەرشەلۆنا فروتی یە ھەردیسان زاروکێن خوە فرێکرینە قوتابخانەیا زمانێ فرەنسی .
وێ رادیویێ ئاماژە ب وێ چەندێ ژی کریە ئارمانجا راکیتچ ئەوە ل ڤەگوھاستنێن بھێت ھەڤبەستا یانا پاریس سانجێرمان ئیمزا بکەت پشتی ل مێرکاتویا ھاڤینا ئەڤ سالە دا یانا فرەنسی نەشیای د ڤەگوھاستنێن وی دا نە سەرکەفتی لێ ل دیڤ ئەڤان خالێن راکیتیچ دکەت ل ماوێ بوری وێ چەندێ د گەھینت ھەردو یانە گەھشتی نە رێکەفتنێ لەورا وی یاریزانی دەست ب فروتنا خانی ھەردیسان زاروکێن خوە ڤێری زمانێ فرەنسی دکەت.

ئەڤرۆ نیوز:

پشتی ل شەڤا سێ شەمبیا بوری یانا ئەنتر میلان نەشیای دەربازی قوناغا ١٦ بیت ژ قارەمانیا چامپیونیز لیگا ئورۆپا ، یانا ریال مەدرید ئەڤ چەندە ب دەلیڤە دیتی یە جارەکا دی ھاتیە سەر ھێلا دانوستاندنان ل گەل گولکەرێ وێ یانێ یێ ئەرژەنتینی ئیکاردی رۆژناما ئاس یا ئیسپانی دیارکریە یانە ریال مەدرید دەست ب لڤینا کریە ل گەل یاریزانی و یانا وی بوو ڤەگوھاستنا وی ژ یانا ئەنتر میلان پشتی یانا وی نەشیای دەربازی قوناغا ١٦ بیت ژ چامپیونیز لیگ ھەر چەندە ل ماوێ بوری ژی یانا ریال چەندین بزاڤکرن بوو ڤەگوھاستنا وی لێ د سەرکەفتی نەبوون بزاڤێن یانا مەلەکی .

ل دیڤ گوتنا وێ رۆژنامی ئیکاری حەزا کرنا یاری ھەیە ل چامپیونیز لیگ و تایبەت ل گەل یانەکا مەزن ژبەرکو وی بەری نوکە دیارکر بوو خەونا ھەر یاریزانەکی ئەوە ل گەل یانەکا مەزن ب گەھیتە قوناغێن دووماھیی ژ وێ قارەمانیێ و ھەڤرکیێ ل سەر برنا ناسناڤی بکەت .

ھەژی گوتنێ یە ئیکاری ل وەرزێ ئەڤ سالە ١٢ گول ل گەل یانا ئەنتر میلان ل خۆلا ئیتالیا و چامپیونیز لیگ تومارکرینە کو ھەشت ل خولا ئیتالیا و چار گول چامپیونیز لیگ توماکرینە.