ئەڤرۆ نیوز:

بەری دەمەکێ کێم ئەڤرۆ رۆژا سێشەمبی وەزیرێ وزەیا ئەمریکا رێک پێری گەھشتە ھەولێرێ و ژلایێ سەروک بارزانی ڤە ھاتە پێشوازی کرن.

د ڤێ سەرەدانێ دا بریارە وەزیرێ وزەیا ئەمریکا چەند کومبوونێن تایبەت دگەل سەورک بارزانی و نێچیرڤان بارزانی سەروک وەزیرێن ھەرێما کوردستانێ ئەنجام بدەت دەربارەی بابەتێن پەترول و غازا ھەرێما کوردستانێ دیسان دەربارەی چارەنڤیسێ پەترولا کەرکووک ژی دێ گوتوبێژ ھێنە کرن لەورا دھێتە پێشبینی کرن ئەڤ سەرەدانە گرنگیەکا باش بۆ وزەیا ھەرێما کوردستانێ ھەبیت.

دھێتە چاڤەرێ کرن پشتی دەمەکێ دی کونگرەکێ رۆژنامەڤانی ژی بۆ سەروک بارزانی و رێک پێری وەزیرێ وزەیا ئەمریکا بھێتە رێکخستن.

ئەڤرۆ نیوز:

شەڤا بوری چەند کەسێن نە نیاس ب گولەیان تەقە ل بارەگایێ لژنا ناوچا چەمچەمال یا پارتی کریە.
د بەیاننامەکێ دا لژنا ناوچا چەمچەمال یا پارتی راگەھاندیە شەڤا بوری ل دەمژمێر یازدە و نیڤ شەڤ چەند کەسێن نە نیاس ب گولەیان ھێرش کریە سەر بارەگایێ وان و خوش بەختانە چو زیانێن گیانی نەبووینە تنێ یێن مادی ھەبوون لەورا داخواز ژ دەزگایێن ئەمنی یێن دەڤەرێ دکەین ب زووترین دەم تاوانباران دەستەسەر بکەن و رادەستی دادگەھێ بھێنە کرن.
ل ماوێ بوری چەندین جارە ل پارێزگەھا سلێمانیێ و دەڤەرا گەرمیان و راپەرین و ھەلەبچە تەقە ل بارەگایێ پارتی ھاتیە کرن و دەزگایێن ئەمنی ب ئەرکێ خوە یێ پاراستنا بارەگایێن حزبی نەرابوویە و تاوانبار ژی دەستەسەر نەکرینە.

ئه‌ڤرۆ نيوز، عه‌زيز هه‌ورامى:

سێ ئه‌ندامێن نوو يێن جڤاتا پارێزگه‌ها سلێمانێ بڕياره‌ ئه‌ڤرۆ رۆژا سێشه‌مبى 11ى كانوونا ئێكێ 2018 سووندا قانوونى بخون، پشتى كۆمبوونا جڤاتا پارێزگه‌هێ دهێته‌ كرن و ده‌ست ژ كاركێشانا جێگرێ سه‌رۆكێ جڤاتێ دهێته‌ په‌سه‌ندكرن و كه‌سه‌كێ دى وه‌كو جێگرێ سه‌رۆكێ جڤاتێ ژى بهێته‌ ده‌ستنيشانكرن.

زياد كاكه‌ره‌زا، سه‌رۆكێ فراكسيۆنا پارتى ديموكراتى كوردستان ل جڤاتا پارێزگه‌ها سلێمانيێ بۆ ئه‌ڤرۆ نيوز گۆت: “ئه‌ڤرۆ جڤاتا پارێزگه‌ها سلێمانيێ كوم بيت كو سێ ژ ئه‌ندامێن نوو يێن فراكسيۆنا پارتى و ئێكه‌تيێ و گۆڕان دێ سووندا فانوونى خون و بنه‌ ئه‌نداكێن جڤاتا پارێزگه‌هێ”.

زێده‌تر گۆت: “هه‌ر د وێ كۆمبوونێ دا ئه‌ڤرۆ دێ ده‌ست ژ كاركێشانا جێگرێ سه‌رۆكێ جڤاتا پارێزگه‌هێ په‌سه‌ند كه‌ت و كه‌سه‌كێ دژى هه‌لبژێريت بۆ جێگرێ سه‌رۆكێ جڤاتا پارێزگه‌هێ”.

ئاماژه‌ ب وێ چه‌ندێ ژى كر كو ل دانا شه‌هيد جه‌زا ئه‌ندامێ جڤاتا پارێزگه‌ها سلێمانيێ ژ فراكسيۆنا پارتى خوه‌ بۆ جڤاتا نوونه‌رێن عيراقێ به‌ربژار كر و سه‌ركه‌فت و ئه‌ڤرۆ دێ به‌رزان حامد كو رێژا چارێ ل ده‌نگدانێ ب ده‌ست خوه‌ ڤه‌ ئينابوو دێ ل جهێ وى سووندا قانوونى خوت و بيته‌ ئه‌ندامێ جڤاتا پارێزگه‌ها سلێمانيێ.