ئه‌ڤرۆ نیوز:
بۆ به‌رهه‌ڤبوون ل روونشتنا دانا باوه‌ریێ ب حوكمه‌تا نوو یا عیراقێ، عادل عه‌بدولمه‌هدى، سه‌رۆك وه‌زیرێ راسپاردى گه‌هشته ئاڤاهیێ په‌رله‌مانى.
عادل عه‌بدولمه‌هدى گه‌هشته ئاڤاهیێ په‌رله‌مانى
نووترين نووچه
- پێدڤییە د پرۆسەیا سیاسی یا سووریێ دا هەلوەستێ كوردی ئێك بیت
- سەرۆكێ حوكمەتا هەرێمێ هەموو وەزارەت راسپاردن ب لەز لیستا مووچەیێ مەها ئادارێ بەرهەڤ بكەن
- هنارتنا پەترۆلێ دێ كاریگەری ل سەر داهاتێ ئیراقێ و كوردستانێ هەبیت
- حزبا كۆمۆنیستا چینی: ب گرنگیڤە دنێڕینە پەیوەندیێن خوە ل گەل پارتی دیموكراتی كوردستان
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
- رێككەفتنا 11 ئادارێ نموونەیا چارەسەرییەكا دادپەروەرانە بوو ل سەر بنەمایێ تێكگەهشتنێ
- سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
- مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن
- رێككەفتنا 11 ئادارێ دەستكەفتا خەبات و قوربانیدانا كوردستانییان و شۆڕەشا مەزن یا ئیلۆنێ بوو
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
سهرهكى Twitter
ئه‌ڤرۆ نیوز ناڤێن وه‌زیرێن كابینه‌یا نوو یا ئیراقێ ئاشكرا دكه‌ت
ئه‌ڤرۆ نیوز:
ئه‌ڤرۆ نیوز ناڤێن وه‌زیرێن كابینه‌یا نوو یا ئیراقێ ئاشكرا دكه‌ت كو بریاره ئه‌ڤ شه‌ڤه جڤاتا نوونه‌رێن ئیراقێ باوه‌ریێ بده‌ته كابینه‌یا عادل عه‌بدولمه‌هدى.
وه‌زاره‌تا ده‌رڤه: محه‌ممه‌د عه‌لا حه‌كیم
وه‌زاره‌تا ناوخۆ: فالح فه‌یاز
وه‌زاره‌تا به‌رگرى: فه‌یسه‌ڵ جه‌ربا
وه‌زاره‌تا نه‌فت: سامر غه‌زبان
وه‌زاره‌تا دارایى: فوئاد حوسێن
وه‌زاره‌تا پلاندانان: ئه‌یاد سامه‌ڕایى
وه‌زاره‌تا داد: ئه‌سما سادق
وه‌زاره‌تا په‌یوه‌ندییه‌كان: نه‌عیم روبه‌یعى
وه‌زاره‌تا ڤه‌گوهاستنێ: عه‌بدوڵڵا لعێبى
وه‌زاره‌تا په‌روه‌رده: سه‌با تائى
وه‌زاره‌تا ژێده‌رێن ئاڤێ: جه‌مال عادلا
وه‌زاره‌تا كشتوكاڵ: ساڵح حوسنا
وه‌زاره‌تا ته‌ندرووستى: عه‌لا‌و عه‌لوان
وه‌زاره‌تا پیشه‌سازى: ساڵح جبوورا
وه‌زاره‌تا رۆشنبیرى: حه‌سه‌ن روبه‌یعا
وه‌زاره‌تا كاره‌با: لوئه‌ى خه‌تیب
وه‌زاره‌تا خوێندنى باڵا: قوسه‌ا سوهه‌یل
وه‌زاره‌تا كار: باسم ره‌بیعى
وه‌زاره‌تا گه‌نجان: ئه‌حمه‌د عوبه‌یدى
وه‌زاره‌تا بازرگانى: محه‌ممه‌د هاشم جاسم
وه‌زاره‌تا ئاڤه‌دانكرنێ و نیشته‌جێكردن: به‌نگین رێكانى
ل ده‌ڤه‌را نزارێ زێبارێ رێ ب ئينانا دارێن هشك ب تنێ هاتيه دان
ئەڤرۆ، نەوزاد هلوری:
پشتی کو دوهی حوکمەت و لایەنێن شولەژێ بریاردای کو نابیت کەس بچیتە نزارێ زێبارێ ل سنورێ ناحیا شێلادزێ ، ئەڤ یەک بوویە جهێ نەرازیبونا خەلکی و بو دەما دو دەمژمێران پرا گوندێن زیباریان هاتە گرتن.
ئێک ژ وان وەلاتیێن کو دخرڤەبونێ دا پشکداربوی بۆ ئەڤرۆنيوز گوت: (ماوەیەکێ زورە ئەم ب دەوارا دچینە دارا ،و دارێن هشک دئینین، بەلێ ژبەرکو هندەک کەسێن دی دارێن تەر دبرن ، لایەنێن شولەژێ هەموو خەلک بێ بەهرکر ژ داران و دارێن تەر و هشک قەدەغەکرن ،ئەڤە بوویە جهێ نەرازیبونا خەلکی وخرفەبونەکا نەرازیبونێ ئەنجامدا و خواست رێ بۆ ڤەکرنا دارێن هشک بهێتەدن).
نزار زێباری ، وەڵاتیەکێ ئێک ژ وان گوندێن دەڤەرا زێبارێ یە ل سنورێ ناحیا شێلادزێ ل سەر گرتنا رێ بو ئەڤرۆ گۆت: (نێزیکێ دو هەیڤایە د رێیا پرا حەفت گوندێن زێباریان ل سنوورێ ناحیا شێلادزێ خەلک دچیتە داران و دارێن تەر و هشک دبرن ، بەلێ ژبەرکو وەرزێ زڤستانێ هات و سەرمایە خەلکێ وان گوندان چاڤێ خوە ل خەلکی نقاند و چو نەگوتێ ، بەلێ پشتی کو حوکمەتێ گاز لسەر خەلکی به‌لاڤكرى لایەنێن شولەژێ و زالگەها ژینگەهێ ل سەر پرا دەڤەرا زێبارێ بریاردایە کو ئێدی نابیت خەلک بچنە داران ب تایبەتی دارێن تەر ژبەرکو ژینگەها دەڤەرێ دهێتە تێکدان و خەلک دلوڤانیێ ب ژینگەهێ نابەت).
زێدەتر گۆت: (حوکمەتێ ب ئێکجاری چونا داران قەدەغەکر چ تەر یان هشک ، و خەلکی رێيا پرێ کو دچیتە حەفت گوندان گرت و دخوازن کو لایەنێن شولەژێ رێ بدەنێ بۆ ئینانا دارێن هشک بتنێ و پشتی فشار و گڤاشتنێن زور ژلایێ خەلکى ڤه، ل دوماهیێ لایەنێن شولەژێ رێیا وان ڤەکر کو تنێ دارێن هشک بینن).
ئه‌ڤ شه‌ڤه به‌رشه‌لونا بێ ميسى دێ ياريێ ل گه‌ل ئه‌نتر ميلان ئه‌نجام ده‌ت
ئه‌ڤرۆنيوز:
دچارچۆڤێ ياريێن گه‌را سيێ ژ خۆلا قاره‌مانێن ئه‌ورۆپا، ئه‌ڤ شه‌ڤه دێ چاندين يارى هێنه ئه‌نجامدان كو گرنگترين يارى دێ دناڤبه‌را به‌رشه‌لونا يا ئيسپانى ومێهڤانا وێ ئه‌نتر ميلان يا ئيتالى دا بيت.
يانا به‌رشه‌لونا دێ بێ ياريكه‌رێ خوه ميسى ياريا ئه‌ڤ شه‌ڤه كه‌ت، كو ددوماهى ياريا به‌رشه‌لونا دخۆلا ئيسپانى دا ل به‌رامبه‌ر يانا ئه‌شبيليا ده‌ستێ وى تووشى هنگافتنێ بووى ول دووڤ راپۆرتێن نوشدارى يێن يانا به‌رشه‌لونا ميسى بۆ ده‌مێ 3 حه‌فتيان ياريێ ناكه‌ت.
ياريا ئه‌ڤ شه‌ڤه يا به‌رشه‌لونا وئه‌نتر ميلان دچارچۆڤێ ياريێن كۆما دويێ نه كو هه‌ردو يانێن توتنهام يا ئينگليزى وئايندهۆڤن يا هوله‌ندى ژى تێدانه وبه‌رشه‌لونا سه‌ركێشيا كۆمێ دكه‌ت ب 6 خالان ژ دو ياريان وئه‌نتر ميلان ب ل رێزا دويێ دهێت ب هه‌مان خال به‌لێ ب كێمتر گۆلان ژ به‌رشه‌لونا وتوتنهام وئايندهۆڤن بێ خال ل رێزێن سيێ وچارێ دهێن.
دهۆكيه‌ك دێ بيته وه‌زير دحوكمه‌تا عيراقێ دا
ئه‌ڤرۆنيوز:
ژێده‌ره‌كى نێزيك ژ فراكسيۆنا پارتى ديموكراتى كوردستان ل په‌رله‌مانێ عيراقێ بۆ ئه‌ڤرۆنيوز دياركر كو پارتى دێ سێ پۆستێن وه‌زارى ل به‌غدا وه‌رگريت ژبه‌ركو حزبا ئێكێ يه ل عيراقێ ژ روويێ ده‌نگ وكورسيان ڤه دهه‌لبژارتنێن په‌رله‌مانێ عيراقێ دا.
وى ژێده‌رى گۆت ژى” وه‌زاره‌تێن دارايى وئاكنجيكرنێ وباژێرڤانيان دێ بۆ پارتى ديموكراتى كوردستان بن”.
دياركر” به‌ربژارێن پارتى بۆ پۆستێن وه‌زارى ل به‌غدا هه‌ر ئێك ژدكتۆر فوئاد حسێن بۆ پۆستێ وه‌زيرێ دارايى وبه‌نگين رێكانى بۆ پۆستێ وه‌زاره‌تا ئاڤه‌دانكرن وئاكنجيكرنێ كو به‌رى نوكه ژى بۆ ده‌مێ چه‌ندين سالان به‌نگين رێكانى بريكارێ وه‌زاره‌تا ڤه‌گۆهاستنێ بوو ل عيراقێ، ديسا نه‌وزاد هادى پارێزگه‌ري نوكه يێ هه‌ولێرێ ده‌خيل بۆ پۆستێ وه‌زيرێ باژێرڤانيان”.
به‌ربرسه‌كێ پارتى: حەشدا شەعبی تیرۆریستێن داعشێ دكه‌تە چەكدارێن خوه
ئه‌ڤرۆنيوز:
به‌پرسێ لقێ 15 يێ پارتى ديموكراتى كوردستان راگه‌هاند، حه‌شدا شه‌عبى ل سنورێ خانه‌قين ده‌ست ب ڤه‌گه‌راندنا داعشان كريه ودكه‌ته چه‌كدارێن خوه، ئه‌وژى دچنه سه‌ر گوندان وده‌ست ب سه‌ر ئه‌ردێ كوردان دا دگرن.
شێخ جەعفەر شێخ مستەفا، بەرپرسێ لقێ 15 يا پارتی دیموكراتی كوردستان ل خانەقین گۆت “پشكه‌كا عه‌ره‌بان ل سنورێ خانه‌قين ل ده‌مێ خوه كه‌ڤنه به‌عسى بوون وپاشى چوونه ناڤ رێكخراوا قاعيده وپشتى هاتنا داعشێ ژى ده‌ست ل گه‌ل وان تێكهه‌ل كر وبوونه چه‌كدارێن وان، ئه‌ڤه ژى هه‌موو بۆ وێ چه‌ندێ دا دژايه‌تيا كوردان بكه‌ن وشه‌ر ل گه‌ل پێشمه‌رگه‌ى دكر وپێشمه‌رگه‌ك ژى شه‌هيد كريه، پشتى وێ چه‌ندێ كو پێشمه‌رگه‌ى ده‌ڤه‌ر رزگاركرى، ئه‌و ره‌ڤين، به‌لێ ده‌مه‌كه حه‌شدا شه‌عبى ل دژى كوردان رێككه‌فتن ل گه‌ل وان كريه وڤه‌دگه‌رينيت بۆ ده‌ڤه‌رێ ووان دكه‌نه چه‌كدار دناڤ رێزێن خوه دا، ئه‌و ژى دچنه سه‌ر گوندان ل سنورێ شێخ باوه وده‌ست ب سه‌ر ئه‌ردێ كوردان دا دگرن”.
شێخ مسته‌فا زێده‌تر بۆ مالپه‌رێ فه‌رمى يێ پارتى ديموكراتى كوردستان گۆت” ئه‌و ل ده‌مێ خوه ل قه‌ره‌بوويا وان ئه‌ردان هه‌ر ئێك ژوان 20 مليۆن دينار ژى وه‌رگرتينه، به‌لێ نوكه ب پشته‌ڤانيا حه‌شدا شه‌عبى دخوازن ب زۆرى ئه‌ردێن كوردان داگير بكه‌ن، له‌وما مه ژى سه‌ركردايه‌تيا پارتى ل دۆر وێ چه‌ندێ ئاگه‌هدار كريه”.
به‌رپرسێ لقێ 15 يێ پارتى به‌حسێ وێ چه‌ندێ ژى كر كو ل ده‌مێ بۆرى هژماره‌كا خێزانان ڤه‌گه‌رياينه وتنێ ل سێ رۆژێن بۆرى 20 خێزانێن دى يێن داعشان هاتينه ڤه‌گه‌راندن بۆ جه‌له‌ولا كو نوكه يێن دخانيێن گرێ دا، چونكى وان چو جه نينن تێدا ئاكنجى بن ودخوازن كێشان بۆ وه‌لاتيێن كورد دروست بكه‌ن.
پارتی ناڤێن وەزیرێن خوه هنارتنه بەغدا
ئه‌ڤرۆنيوز:
سه‌رۆكا فراكسيۆنا پارتى ديموكراتى كوردستان ل په‌رله‌مانێ عيراقێ راگه‌هاند، پارتى ناڤێن به‌ربژارێن خوه بۆ پۆستێن وه‌زارى هنارتنه به‌غدا.
ڤيان سه‌برى، سه‌رۆكا فراكسيۆنا پارتى ديموكراتى كوردستان بۆ مالپه‌رێ فه‌رمى يێ پارتى ديموكراتى كوردستان گۆت” كارناما حوكمه‌تا عيراقێ بۆ پارتى يا گرنگه نه‌كو پۆسته، له‌وما نوكه پارتى ل به‌غدا دبزاڤ وكۆمبوونان دايه تاكو دانوستاندنێ ل سه‌ر هنده‌ك ژخالێن كارناما حوكمه‌تێ بكه‌ت، چونكى دبيت هنده‌ك ژ خالان پێدڤى ب دانوستاندنا زێده‌تر بيت، وێ ژى په‌يوه‌ندى ب ناڤێن وه‌زيران ڤه يا هه‌ى وپارتى ديموكراتى كوردستان ژى ناڤێن وه‌زيرێن خوه هنارتينه به‌غدا ول دۆر وێ چه‌ندێ مه گرفت نينن”.
گۆت ژى” برياره ل ده‌مژمێر 8 ئه‌ڤ شه‌ڤه كارناما كابينا حوكمه‌تا عيراقێ بكه‌ڤيته به‌ر ده‌نگدانێ”.
ل دووڤ دووماهى پێزانينێن هاتينه به‌لاڤكرن وه‌زاره‌تێن دارايى وگه‌شتوگوزار وكۆچ وكۆچبه‌ران وداد دێ به‌هرا كوردان بن.
ماموستایه‌ك ب چه‌ند رێيان هنده‌ك گوهۆرين و نوژه‌نكرنان ل قوتابخانه‌كێ دكه‌ت
ئه‌ڤرۆ نیوز، نه‌وزاد هلۆرى:
رێڤه‌به‌رێ قوتابخانا هندرین یا بنه‌ره‌ت نێزیكێ دو سالایه ب چه‌ند رێیێن جیاواز به‌رده‌وام گوهۆرين و نوژه‌نكرنان لسه‌ر قوتابخانا خوه دكه‌ت ، و ئه‌ڤ یه‌ك ژى بویه ئه‌گه‌ر كو قوتابخانه‌كا پیر لسه‌ر شێوازێ گه‌نجه‌كێ جوان ده‌ربكه‌ڤیت.
سه‌برى عه‌لى ، رێڤه‌به‌رێ قوتابخانا هندرین یا بنه‌ره‌تى بۆ ئه‌ڤرۆ نیوز گۆت: (ب مه‌ره‌ما جوانتركرنا قوتابخانێ و پاراستنا وێ ژ ناڤچونێ ب هه‌ڤكاریا چه‌ند لایه‌نان رابوینه ب نوژه‌نكرن و گوهرینان ل سه‌ر و سیمایێ قوتابخانێ ، و مه هژماره‌كا زور یا داروبارى و كه‌سكاتى و نه‌خشه و باخچه و دیكور ل قوتابخانێ درۆستكرینه ، و دیسان مه مه‌مه‌ره‌كێ تایبه‌ت بو ده‌ستشویا كچان درۆستكریه و چه‌ندین ده‌رگه‌ه و په‌نجه‌ر و چه‌ند پول ژى درۆستكرینه و جهێن ئاڤ و دانا ئاڤ ته‌زینك داناینه و چه‌ندین كێماسێن دیوار و بویاغان كرینه، و دیسان مه كه‌پر و جهێن نهانى درۆستكرینه داكو باران ل قوتابیان نه‌هێت و قوتابى بشێن بچنه ده‌رڤه ، و ئه‌ڤان هه‌موو گورانكاریان ژى مه‌زاختنێن زور چوینه).
زێده‌تر گۆت: (بپشكه‌ك ژ وان گوهۆرين و نوژه‌نكرنان پێدڤى ب مه‌زاختنێن زێده‌تر بو و دشیانێن مه‌ژى دا نه‌بو بكه‌ین ژبه‌رڤێ په‌روه‌ردا روۆژهه‌لات و رێكخراوا یونسێف و هه‌ند خێرخوازان هه‌ڤكاریا مه كریه ، ئه‌گه‌ر وه‌كو دن هه‌موو ژ كیسێ خوه مه چێكرینه، و دیسان ماموستایێن قوتابخانا هندرین ژى زور هاریكاریا مه كریه، و دچوار سالێن قه‌یرانێ دا زور پێدڤى بو كو گورانكاریان ل قوتابخانێ بكه‌ین و هه‌موو كێماسیان نوژه‌ن بكه‌ین به‌لێ ژبه‌ركو چوو هاریكارى نه‌بوون نه‌چاربوین ژ كیسێ خوه بكه‌ین).
رێڤه‌به‌رێ قوتابخانا ناڤبرى دیاركر ژى كو نها ئه‌و پێدڤى ب چه‌ند پوله‌كێن دینه و چه‌ندین گورانكاریێن دن بكه‌ن به‌لێ چوو شیان نینن و گۆت ژى: (قوتابخانا هندرین ل سالا 1986 هاتیه چێكرن و نێزیكێ 750 قوتابیان تێدا دخوونن، نوژه‌نكرن نكاریت سه‌ر و سیمایێ قوتابخانێ و كێماسێن وێ ڤه‌شێریت ، ژبه‌رڤێ گرنگه قوتابخانه سه‌ر ژ نوو بهێته چێكرن، و قوتابخامه ئینگلیزى یه پێدڤى ب سیسته‌مێ نیشاندانێ واته تێله‌ڤزیوونان دبیت بو گوتنا وانه‌یان ب تایبه‌تى بو زمانێ ئینگلیزى و وانه‌یا بیركاریێ ژبه‌رڤێ من بریاردایه هژماره‌كا تێله‌ڤزیونان ژى بخو قوتابخانێ بكرم ، مه ل به‌ره زێده‌تر ژى كار لسه‌ر چێكرنا كێماسیێن قوتابخانێ بكه‌ین).
30 هزار پۆليسێن ئيرانى بۆ كاره‌كێ هه‌ڤپشك ل گه‌ل عيراقێ هاتينه به‌رهه‌ڤكرن
ئه‌ڤرۆنيوز:
فه‌رماندێ هێزێن پۆليسێن ئيرانى، عه‌ميد حسێن ئه‌شته‌رى ئه‌ڤرۆ چارشه‌مبى 24/10/2018 راگه‌هاند، 30 هزار پۆليسێن ئيرانى دێ رابن ب پێشكێشكرنا خزمه‌تگوزاريان دهه‌موو بواراندا بۆ سه‌ردانكه‌رێن چله‌يا ئيمام حسێنى.
ئه‌شته‌رى ل دووڤ مالپه‌رێ (ئه‌خبار) گۆت” ئه‌و هێزا پۆليسان ل ده‌رگه‌هێن ميهران وشه‌لامجه وجزابه يێن سنورى ل گه‌ل عيراقێ وده‌ڤه‌رێن دى، دێ ب شه‌ڤ ورۆژ كارى بۆ پێشكێشكرنا خزمه‌تگوزاريان بۆ سه‌ره‌دانكه‌رێن چله‌يا ماته‌مينيا ئيمام حسێنى كه‌ن.
لژنا فه‌توايێ برياره‌ك ل دۆر ياريا پۆبجى ده‌ركر
ئه‌ڤرۆنيوز:
لژنا فه‌توايێ ل سه‌ر حه‌رام بوون يان نه حه‌رام بوونا ياريا پۆبجى كۆمبوو وبريار دا كو ئه‌ڤ ياريه بهێته حه‌رامكرن.
د. عرفان ره‌شيد، سه‌رۆكێ لژنا فه‌توا سلێمانيێ بۆ رووداوێ گۆت” دكۆمبوونا ئه‌ڤرۆ چارشه‌مبى 24/10/2018 كو ل سلێمانيێ هاتيه ئه‌نجامدان، بريار هاته دان كو كرنا ياريا پۆبجى بهێته حه‌رامكرن، چونكى ئه‌ڤ ياريه بوويه ئه‌گه‌رێ وێ چه‌ندێ خه‌لكه‌كێ زۆر ب تايبه‌ت گه‌نج ب ڤێ ياريێ ڤه مژوول ببن وده‌مێ وان ب هه‌روه بچيت”.
گۆت ژى” دئايينێ ئيسلامێ دا ژى يا هاتى، هه‌ر كه‌سه‌ك ده‌مێن خوه بێ چو ئه‌گه‌ره‌ك ب هه‌روه بده‌ت حه‌رامه، ئه‌ڤه ژى ژبه‌ر وێ چه‌ندێ يه كو ئه‌ڤ ياريه دچيته دوى چارچۆڤه‌ى دا وخه‌لكه‌كێ مه‌زن ل هه‌رێما كوردستانێ ب وێ ياريێ ڤه دمژوول بوون بێ كو چو مفايه‌كى ب گه‌هيننه خوه يا ده‌روبه‌رێ خوه”.
ياريا پۆبجى PUBG كورتكرنا (PlayerUnknown’s Battlegrounds) كو ئێك ژياريێن ئۆنلاينه وجۆره‌كێ Battle Royale يه، ئانكو ئه‌ڤ جۆره چه‌ند كه‌سه‌ك ل جهه‌كێ دياركرى دا ياريێ دكه‌ن ول دووماهيێ تنێ ئێك كه‌س ژناڤ واندا سه‌ردكه‌ڤيت، ئه‌و ياريه ژلايێ كۆمپانيا Bluehole هاتيه دروستكرن وده‌مێ چه‌ند هه‌يڤانه ل هه‌رێما كوردستانێ به‌لاڤبووى وخه‌لكه‌كێ مه‌زن ب تايبه‌ت گه‌نج ل سه‌ر مۆبايلين خوه داونلود دكه‌ين وياريێ پێ دكه‌ن.
نيشاندان
WP Facebook Auto Publish Powered By : XYZScripts.com