ئەڤرۆ نیوز، سەباح زێباری:
ژ سەدەما باران بارینێ دێرەکا دیروکی ل گوندێ شەرم یا سەر ب قەزا ئاکرێ ڤە زیان پێ کەفتی یە و پشکەک ژ وێ دێرێ ھاتیە ھەرفاندن، کو ل گورەی دیتنا دیروکناسا مێژوویا وێ دێرێ بۆ بەریا ٦٠٠ سالان ڤەدگەریت.
ھاولاتیەکێ وی گوندی ددەتە دیارکرن کو پشکەکا دێرێ ژبەر بارانەکا زور ھاتیە ھەرفاندن و ترسا ھێشتا ھەرفاندنێ یا ھەی و ئەم د ترسین کو زیانێ بگەھینیتە مالێن ل دەف دێرێ و داخوازا مە ئەوە حکومەت ڤان جھا نوژەن بکەت، چونکی جھەکێ گەشتیاری یە و لایەنێ دی ژی مەترسی ل سەر مالێن دەردورا وێ پەیداکریە.
ھیوا شیمال رێڤەبەرێ شینوارێن ئاکرێ ژی ددەتە دیارکرن کو ل سنورێ دەڤەرا ئاکرێ نێزیکی ٧٠٠ جھێن شینواری و دیروکی ھەنە، ژبەر وێ بارانا زور یا چەند روژێن بوری زیان ب ئێک ژدێرا کەفت کو دێرەکا کەڤنارە و رەخەکێ وێ زیان پێ کەفتی یە، ئەڤ جھێن شیواری پێدڤی نوژەنکرنێ نە، ئەو ژی دڤێت بودجە بۆ بھێتە دابینکرن، داکو ل ئایندەی دا ئەڤ جھێن شینواری ژ مەترسیا نافچوونێ داوی بھێن، چونکی ئەگەر ھوسا ب چیت دێ گەلەک جھێن کەڤنارێن شینواری ل ناڤ چن و خراب دبن.
مە وەکو رێڤەبەریا شینواری داخوازی گەھاندینە لایەنێن پەیوەندیدار کو ب شێوەکێ گشتی رێکە چارەکا ب لەز بۆ وان جھێن شینواری ببینن، لێ ھەتا نوکە چو بودجە نەھاتی یە خەرجکرن.
نيشاندان