ئەڤرۆ نیوز، بارزان مزووری:
جێگرێ دەستەیا گشتی یا رێکخستنا پێشمەرگەی بۆ ئەڤرۆ نیوز ئاشکرا کر کو د نھا دا پێشمەرگە ژ سالێن بۆری ب ھێزترە، مێژوویێ ژی پەسەند کر کو پێشمەرگە چو جارا نەشکەستیە بەرامبەری وان ھەموو کەسێن دوژمناتیا پێشمەرگەی کری و بزاڤ کرین ھێرشێ بکەنە سەر ئاخا کوردستانێ.
عەمید ھەلگورد حکمت، جێگرێ دەستەیا گشتی یا رێکخستنا پێشمەرگەی دیار کر کو نوکە پێشمەرگە ژ سالێن بۆری ب ھێزترە، چونکی وان ھەموو سەربورێن د چار سالێن بەرەڤانیێ دیتینە و نھا ب وان سەربوران بوویە خودان پلان و چەکەکێ مەزن یێ پێشکەفتی د دەستان دایە و دشێت مەزنترین رێکخراوێن تیرۆرستی ژناڤ بەت.
ناڤھاتی خویا کر کو ھەرچەندە پێشمەرگە ئێکەم ھێز نینە ل سەرانسەری جیھانێ، بەلێ پێشمەرگە مەزنترین رێکخراوا تیرۆرستی یا جیھانی یا ژناڤ بری وبویە ئێکەم ھێز ل جیھانێ بو ژناڤبرنا رێکخراوا تیرۆرستی یا داعش.

ئەڤرۆ نیوز، قائید میرۆ:

بڕیارە ل چەند رۆژێن داھاتی شاندێ بلندێ پارتی دیموکراتی کوردستان سەرەدانا لایەنێن سیاسی بۆ پێک ئینانا کابینا نوو یا حوکمەتا ھەرێما کوردستانێ و پەرلەمانتارەکێ پارتی ژی دبێژیت، دەستپێکێ دێ پرسا دەستەیێن سەرۆکاتیێ دگەل ئێکەتیێ و گۆڕان ئێکلا کەین.
زانا مەلا خالید، پەرلەمانتارێ پارتی ل پەرلەمانێ کوردستانێ بۆ ئەڤرۆ نیوز دیار کر کو پارتی لیژنا بلندا دانوستاندنان پێک ئینایە و ل دەمەکێ نێزیک دێ سەرەدانا ئێکەتیێ و بزاڤا گۆڕان کەت بۆ ئێکلاکرنا پۆستێن سەرۆکاتیێن ھەرێما کوردستانێ و گۆت: “پارتی دخوازیت ئێکەم پرس دێ دەستەیا سەرۆکاتیا پەرلەمانی ئێکلاکەت داکو پەرلەمان بشێت بەربژارێ پارتی بۆ پێک ئینانا کابینا حوکمەتێ راسپێریت”.
پەرلەمانتارێ فڕاکسیۆنا پارتی ئاشکرا کر کو پارتی دێ پرسا کاراکرنا قانوونا سەرۆکاتیا ھەرێما کوردستانێ ژی دگەل ئێکەتیێ و گۆڕان ئێکلاکەت، ھەکە راستڤەکرن ژی بۆ بھێتەکرن دێ دانوستاندن ل سەر ھێنەکرن و پارتی دێ سەرۆکاتیا ھەرێما کوردستانێ کاراکەت.
ل دۆر ژڤانێ پێک ئینانا کابینا حوکمەتێ زانا مەلا خالد خویا کر کو چو ژڤان نەھاتینە دیارکرن، بەلێ پشتی دەستپێکرنا دانوستاندنان دێ گەھینە ھندەک ئەنجامان، کو دێ حوکمەت کەنگی ھێتە پێک ئینان.