ئه‌ڤرۆنيوز:
سه‌رۆك وه‌زيرێن عيراقێ يێ راسپاردى عادل عه‌بدولمه‌هدى (سى ڤى) يێن به‌ربژارێن كابينا نوو يا حوكمه‌تا عيراقێ ئاراسته‌ى په‌رله‌مانێ عيراقێ كرن وب گۆره‌ى ژێده‌رێن ده‌نگوباسان، برياره سوباهى حوكمه‌تا نوو بهێته راگه‌هاندن.
ل دووڤ ده‌نگوباسه‌كێ مالپه‌رێ (غه‌د پرێس) يێ عيراقى، سه‌رۆك وه‌زيرێن راسپاردى بۆ پێكئينانا حوكمه‌تێ سى ڤى يێن به‌ربژارێن كابينا نوو ئاراسته‌ى په‌رله‌مانى كرينه ب مه‌ره‌ما ئاكه‌هداربوون ل ئه‌زموون وكارێن وان به‌رى پرۆسا ده‌نگدانێ ل سه‌ر كابينا نوو بهێته دان.
برياره سوباهى په‌رله‌مانێ عيراقێ كۆمببيت وعادل عه‌بدولمه‌هدى وبه‌ربژارێن وى بۆ كابينا نوو يا حوكمه‌تێ پشكداريێ دوێ كۆمبوونێ دا بكه‌ن وپاشى ده‌نگ ل سه‌ر حوكمه‌تا وى بهێته دان.
به‌رى نوكه ژى چه‌ندين ده‌زگه‌هێن راگه‌هاندنێ به‌لاڤكربوو كو حوكمه‌تا عيراقى يا نوو دێ ل رۆژا چارشه‌مبى 24/10/2018 هێته راگه‌هاندن.
نيشاندان
