ئەڤرۆ نیۆز، ئەمیر ئەترووشی:

سەرۆکێ دەستەیا بلندا بنگەھێ لالش راگەھاند، وان ھاریکاریێن دراڤی ل سەر ٣٤ خێزانێن ئاوارێن شنگالێ یێن دەستکورت و ھەژار ل کەمپا خانکێ بەلاڤکرن و ب مەھان شێوە ل سەر ٣٤ خێزانێن کەمپا کەبەرتۆ١ ژی.

شێخ شامۆ، سەرۆکێ دەستەیا بلندا بنگەھێ لالش ل پارێزگەھا دھۆکێ بۆ ئەڤرۆ نیۆز دیار کر، ب ھەلکەفتا جەژنا رۆژیێن ئێزی، ئەڤرۆ چارشەمبیێ ٥/١٢/٢٠١٨ێ، ھاریکاریێن دارایی ب سەر ٣٤ خێزانێن شنگالێ یێن دەست کورت و ھەژار ل کەمپا خانکێ ھاتنە بەلاڤکرن ب ھەماھەنگی دگەل کارگێریا کەمپێ و لقا پارتی ل شنگال.

زێدەتر گۆت: ھەر ل ھەمان رۆژ دا ھاریکاریێن دراڤی ب سەر ٣٤ خێزانێن شنگالێ یێن دەست کورت و ھەژار ل کەمپێن کەبەرتوو ١ و ٢ دا ھاتنە بەلاڤکرن.

ئەڤرۆنیۆز، سالار دۆسکی:

وەک ئامادەبوون بۆ لەھیان باژێرڤانیا زاخۆ ھەژمارەکا لژنان دروست کر، سەرۆکێ ئەندازیاران ل وێ باژێرڤانیێ ئاشکراکرکو پێدڤی یە خەلک ژی د ھاریکاربن ل گەل باژێرڤانیێ بۆ ھەر کارەکێ نە چاڤەرێکری.

ئەندازیار ئەدھار محەمەد رەشید سەرۆکێ ئەندازیاران ل باژێرڤانیا زاخۆ بۆ ئەڤرۆ نیوز گۆت: چار لژنە ل باژێرڤانیێ زاخۆ ھاتینە پێکئینان، کۆمپانیێ ژی پێنچ لژنە دروستکرینە، ھەفکاریەکا باش ھەیە و ھەموو تاخێن مەترسیا لەھیان ل سەر ھەیە ھاتینە کونترۆلکرن.

ناڤبری گۆتژی: دو تاخێن زاخۆ پەیوەندی ب باژێرڤانیێ کریە مەترسیا دروستبوونا لەھیان ھەیە، ل پرا دناڤبەرا پیشەسازی دا و تاخێ نەوروز دا، تاخێ پشت کۆچکا ھونەری ژی مەترسیا دروست بوونا لەھیان ھەیە، مەترسی ل سەر خانیێن نێزیکی دەڤەرا جەلالی ھەیە، تاخێ پشت پەیمانگەھا تەکنیکی ژی مەترسی یا دروست بوونا لەھیان ل سەر ھەیە، پتریا خانیێن مەترسی ل سەر ھەین ل دەمێ لەھیان ھەموو زێدەگاڤی نە، ئەڤان مالان ھایدار دکەین کو ھاش خوە ھەبن تایبەت ل دەمێ ھاتنا بارانێن زۆر.

ل دۆر دروستبوونا ھوکارێن چێبوونا لەھیان، ناڤبری ئاماژە کرە وێ چەندێ کو ئەو سولینێن ھاتینە دروستکرن ل تاخێن مەترسی ل سەر ھەین، ھێزا لەھیا نینە ئانکو ئاڤ رادبیت ئەڤجا لەھی دروست بیت و سولین نەشین کونترۆلا وێ بارانێ بکەن، دیسا داخازێ ژ خەلکێ خوە ژ دکەین ھاریکاربن ل گەل مە چنکو گەلەک جاران گلێشی دھاڤێژن رێکا ئاڤێ دا و راناکەن و ئەڤە دێ بیتە دەسپێکەک بۆ دروستبوونا لەھیان.

ئەندازیار ئەدھار نەڤەشارت ژی کو ل دەسپێکا ڤی وەرزی ھەتا نوکە چو لەھی ل قەزا زاخۆ دروست نەبووینە، ب پشتەڤانیا ھەموو سازیێن حوکمی و پەیوەندار و حزبی رەوشا کونترۆلکریە.

ناڤبری ئەو ژی ئاشکراکر کو رەوشا کەمپێن زاخۆ ژ لەھیان یا پاراستی یە و مەترسیا دروست بوونا لەھیان ل سەر نینە، پێشتر ھەموو بەرھەڤی ھاتبوونەکرن.

ئەڤرۆ نیوز، سەباح زێباری:

راید کارزان زوھێر بەرپرسێ راگەھاندنا رێڤەبەریا پولیسێن دارستان و ژینگەھا ئاکرێ بۆ ئەڤرۆ نیوز دیارکر کو سالا چووی تنێ دو کەیسێن برینا دارێن تەر ھەبووینە، لێ د ئەڤسالەدا چوار کەیسێن برینا دارێن تەر ھەبووینە کو بەرامبەر سالا چووی زێدەتربووینە و دناڤ کەیساندا ھەبووینە کو بازرگانی ب دارێن تەرکریە، ئەڤ چەندە ژی سەرپێچی یە ل دووڤ قانوونێ و ئەڤ کەسە ھاتینە رەوانە کرن بۆ دادگەھێ پێخەمەت وەرگرتنا سزایێ خوە.
ناڤھاتی زێدەتر دبێژت: کو ھەر کەسێ دارێن تەر ببریت دێ پێرابونێن قانوونی دگەل ھێنە ئەنجامدان ژبەرکو سەرپێچیە، لێ بۆ برینا دارێن ھشک و کەزاخەکرنێ پێدڤی یە سەرەدانا بنگەھێن پولیسێن و دارستان و ژینگەھێ بکەن داکو رێنمایا بۆ دیارکەن سوزناماکێ ژێ وەرگرین و نابیت ئەو ژ رێنمایێن رێڤەبەریا دارستان و ژینگەھێ دەربکەڤیت و چەند دەمژمێر بۆ دھێنە دیارکرن ھەتا کو ئەو کارێ خوە دکەت ئەو ژ دەمژمێر شەشی سپێدێ یە ھەتا ٥ مەغرەب ل دووڤدا دووڤچوون ل سەر پشت راستبوون ل کارێ وی دھێتەکرن.