ئه‌ڤرۆ نيوز:
پشتی رۆژێن بۆری پارێزگەرێ نەینەوا گەڤێن دەرکرنا فەرمانبەرێن دەڤەرا شنگالێ کری ھەگەر نەڤەگەڕن سەر کارێ خوە قایمقامێ شنگالێ ئاشکرا دکەت، وانا مەرج ھەنە بۆ ڤەگەڕیانێ و حوکمەتا بەغداژی سۆزدایە بۆ بجە ئینانا مەرجێن وان و وەکی دبێژیت، ل چاڤەڕێی بجە ئینانا سۆزێن وان ماینە.
رۆژێن بۆری حوکمەتا عیراقێ ھەموو فەرمانبەرێن قەزا شنگالێ ئاگەھدارکرینە یێن پشتی روویدانێن 16ی ئۆکتۆبەرێ ئاوارەی ھەرێما کوردستانێ بووینە سالەکە نەڤەگەڕیاینە سەر کارێ خوە، کو ھەگەر نەڤەگەڕن دێ ھێنە لادان فەرمانبەرژی ژبەر داگیرکاریا حەشدا شەعبی و پەکەکێ بەرھەڤنینە ڤەگەڕن، مەحما خەلیل قایمقامێ شنگالێ بۆ رۆژناما ئەڤرۆ گۆت” راستە ئەم ھاتینە ئاگەھدار کرن و ھژمارا وان فەرمانبەران زێدەتری دو ھزار کەسانە و نوکە لھەرێما کوردستانێ ئاکنجینە، بەرھەڤنینە ڤەگەڕین شنگالێ ھەتا گەرەنتیەک بمە نەھێتەدان و رەوش نەھێتە ئاسایکرن، چونکە پارێزگەرێ نەینەوا نەشێت مەلسەر کاری لادەت، ژبەرکو جڤاتا قەزا شنگالێ باوەری دایە قایمقام و حوکمەتا خۆجھا شنگالێ و گورەی قانوونێ ھاتینە دانان کو دەستھەلاتا جڤاتا قەزایێ یە، حەفتیا بۆری ئەم کۆبووینە وەک ئیدارە و لیژنا ئەمنیا قەزا شنگالێ مە بڕیار دایە ڤەگەڕین، بەلێ مەژی مەرجێن خوە ھەنە بۆ ڤەگەڕیانێ.
مەحما خەلیل ددیارکر” مەرجێن خوە مەداینە ئیدارەیا پارێزگەھا نەینەوا یا سەر ب حوکمەتا عیراقێ، ئێک ژوان ھەلوەشاندنا ھژمارەک بڕیارێن حەشدا شەعبی و پێدانا گەرەنتیێ یە بۆ ڤەگەڕیانێ، ھەروەسا دەرکرنا چەکدارێن پارتا کرێکارێن کوردستانێ پەکەکێ یە ل دەڤەرا شنگالێ، پشتی ئەف مەرجە تێنە بجە ئینان ئەڤە ئەز وەکی قایمقام ب سێ رێڤەبەرێن ناحیا و جڤاتا قەزا شنگالێ و جڤاتێن ھەر سێ ناحیێن سەر ب شنگالێ ب فەرمانبەرڤە دێ ڤەگەڕین، وانا سۆزدایە مە کو دێ ئەڤان مەرجێن مە بەرچاف وەربگرن و نوکە ئەم یێ ل بەندا بجە ئینانا سۆزا بەغدا ھەردەمێ کەتە وارێ بجە ئینانێ دا ئیدی ئەمژی بەرھەڤین بچینە شنگالێ، بەرۆڤاژی بێی ھەبوونا چو گەرەنتیەکێ و ھەبوونا ئەڤان ھێزێن جودا بەرھەڤنینە ڤەگەڕین بۆ شنگالێ، بزانین دێ بۆ مە چکەن، بەلێ ھەگەر ئەو بخوازن گەفان بکەن ئەم ب قانوونێ کار دکەین و گورەی ھەلبژارتن ھاتینە دانان.
نيشاندان
