ئه‌ڤرۆ نيوز:
عادل عه‌بدولمه‌هدى سه‌رۆك وه‌زيرێن عيراقێ، د نڤيساره‌كێ دا ، ناڤێ به‌ربژێرێن هه‌شت وه‌زاره‌تێن خوه راده‌ستى په‌رله‌مانى كر كو برياره رۆژا سێ شه‌مبى ، په‌رله‌مان كۆم ببيت و ده‌نگدانێ ل سه‌ر ناڤێن وان بكه‌ت كو پێكدهێن ژ:
– فالح فەهد فەیسەل فەیاز، وەزیرێ ناڤخو
– فەیسەل جەربا، وەزیرێ بەرگری.
– قوسەی عەبدولوەهاب سوهێل، وەزیرێ خوێندنی باڵا.
– د. سەبا خەیرەدین تائی، وەزیرێ پەروەردە.
– د. عەبدولئەمیر حەمدانی، وەزیرێ رۆشنبیری.
– هەناء عەمانوئێل گۆرگیس، وەزیرا کۆچ وکۆچبەران.
– د. نوری ناتق دلێمی، وەزیرێ پلاندانان.
– دادوەر دارا نوردەین، وەزیرێ داد.
ئەڤرۆ نیۆز، ئەمیر ئەترووشی:
كونسولا وەلاتێ ئیتالیا ل هەرێما كوردستانێ خانم سیرینا مۆرۆنی سەرەدانا كەمپا خانكێ یا ئاواران كر ب ئارمانجا ژ نێزیك دیتنا رەوشا كەمپێ و ئاواران و ئامادەبوون دكۆنسێرتەكا ستران گۆتنێ ل ناڤ كەمپێ دا، ژلایێ خۆڤە هاریكارێ پارێزگارێ دهۆكێ ب گەرمی پێشوازیا كونسولا ئیتالی كر و سۆپاسیا پشتەڤانیا وەلاتێ وان كر بۆ هەرێما كوردستانێ كر.
سالم سەعید، بەرپرسێ راگەهاندنا بۆردێ كارۆبارێن مرۆڤایەتی بۆ ئەڤرۆ نیۆز دیار كر كو د ڤێ سەرەدانێ دا كونسولا وەلاتێ ئیتالیا ل پێش كۆنسێرتەكا ستران گۆتنێ كو ژلایێ رێكخراوا upp یا ئیتالی ڤە هاتبوو بەرهەڤكرن، و چەندین ستران و برگێن موزیكێ هاتن پێشكێشكرن، هەروەسا ژمارەكا مەزن یا ئاواران و ب تایبەت تەخا زارۆیان ل پێش كۆنسێرتێ ئامادەبوون، ئارمانحا سەرەدانا كۆنسولا ئیتالی و ئەنجام دانا كۆنسێرتێ پشتەڤانیكرنا ئاوارانە و ب تایبەت د بوارێ سایكولۆجی دا و بەلاڤكرنا كەیفخۆشیێ ل ناڤ تەخا زارۆیان.
ئەڤرۆ نیوز ، نەوزاد هلۆرى:
مه‌سرور بارزانى كورێ مه‌سعود مه‌لا موسته‌فا بارزانى یه و ل سالا 1969 ژ دایكبویه، ئه‌ندامێ مەکتەبا سیاسیا پارتى دیموكراتى كوردستانه، دبیته سه‌رۆكێ جڤاتا ئاسایشا هه‌رێما كوردستانێ، ئه‌ڤرۆ ژلایێ سه‌ركرداتیا پارتى دیموكراتى كوردستان وه‌كو به‌ربژار بو پێكئینانا كابینه‌یا نوو یا حوكمه‌تا هه‌رێما كوردستانێ و سه‌روك وه‌زیرێن هه‌رێما كوردستانێ هاته دیاركرن.
مه‌سرور بارزانى ل سالا 1985 گه‌هشتیه دناڤ رێزێن پێشمه‌رگه‌ى كو ژیێ وى 16 سال بوون، ل سالا 1988 پشكدارى د شه‌رێ خواكورك دا ل وى ژیێ بچوك كربوو دژى رژێما به‌عس، دیسان ل سالا 1991 پشكدارێ سه‌رهلدانێ بویه، دژیانا خوه دا چه‌ندین جاران توشى شه‌ر و ئالوزى و نه‌خوشى و ده‌ربده‌ریان دبیت.
بارزانى خواندنا خوه یا ناڤنجى ل ئیرانێ تمام كریه، پاشان باوه‌رناما به‌كالوریوسی د خواندنێن نیڤده‌وله‌تى دا ل زانكویا ئه‌مریكى ل واشنتون یا پایته‌خێ ئه‌مریكا وەرگرتیە.
ل سالا 1998 مه‌سرور بارزانى دزڤریته هه‌رێما كوردستانێ و ژلایێ كونگرێ 12ێ دا ژلایێ پارتى دیموكراتى كوردستان دهێته هه‌لبژارتن بو لژنا ناڤه‌ندى یا وێ پارتێ، دبیته رێڤه‌به‌رێ گشتى ئاژانسا گشتى یا هه‌والگیرى، ل سالا 2012 ژى ژلایێ سه‌رۆكێ هه‌رێما كوردستانێ یێ به‌رێ ، مه‌سعود بارزانى دهێته دیاركرن كو ببیته راوێژكارێ ئاژانسا پاراستنا هه‌رێما كوردستانێ و هه‌تا نوكه به‌رده‌وامه.
مه‌سرور بارزانى د شه‌رێ روو ب رووبوونا ل گه‌ل داعش روله‌كێ به‌رچاڤ هه‌بویه و شیایه پاراستنێ سه‌ر ئه‌من و ئاسایشا هه‌رێما كوردستانێ بكه‌ت، ببیته ئێك ژ هه‌ڤپه‌یمانێن ژناڤبرنا داعش ئه‌ڤا كو ژلایێ ئه‌مریكا هاتیه دیاركرن بو ناڤبرنا داعشێ ل عیراق و سووریا.
زێده‌بارى كارێن ئه‌من و ئاسایشێ هه‌ڤده‌م مه‌سرور بارزانى دوارێ خێرخوازى ژى دا روله‌كێ كارا هه‌بویه، ل سالا 2005 ده‌زگه‌هێ بارزانى یێ خێرخوازى دامه‌زراند كو روله‌كێ كارا د كارێن خێرخوازى بو هه‌ژار و كێم ده‌رامه‌ت و په‌نابه‌ر و ئاواره‌یان هه‌یه ل هه‌موو ده‌ڤه‌رێن كوردستانێ و پارچێن دن یێن كوردستانێ و چه‌ند باژێره‌كێن عیراقێ، سه‌رپه‌رشتیا هزاران زاروكێن ئێتیم و سێوى و كه‌س و كارێن پێشمه‌رگه و شه‌هیدان دكه‌ت و هه‌یڤانه موچه‌ى دده‌ت وان.
مه‌سرور بارزانى خێزانداره و چوار زاروك هه‌نه، هه‌ر ئێك ژ زمانێن كوردى و عه‌ره‌بى و ئینگلیزى و فارسى دزانیت، ل پیرمام ئاكنجیه، ئه‌ڤرۆ ژلایێ سه‌ركرداتیا پارتى دیموكراتى كوردستان وه‌كو به‌ربژار بو پوستێ سه‌رۆكێ حوكمه‌تا هه‌رێما كوردستان و كابینا نوو هاته دیاركرن.
شاره‌زایێن وارێ سیاسى دده‌ن دیاركرن كو پێكئینانا حوكمه‌تا هه‌رێما كوردستانێ ژلایێ مه‌سرور بارزانى سه‌ربور و ئه‌زمونه‌كا نوویه و ب كه‌ساتیه‌كێ كارێزما دده‌ن دیاركرن.
ئامێدیێ، مەحمود نھێلی:
بھەلکەفتا رۆژا جیھانیا خودان پێدڤیێن تایبەت رێڤەبەریا پەروەردا قەزا ئامێدیێ و دەزگەھێ خێرخوازیێ بارزانی و ب ئامادەبوونا چەندین بەرپرسێن حزبی و حکومی و پەرلەمانتارێن کوردستانێ و ھەژمارەکا زۆرا کەسانێن خودان پێدڤێن تایبەت سازکرن و تێدا چەندین قوتابیێن خودان پێدڤێن تایبەت ھاتنە خەلاتکرن.
ئیسماعیل محەمەد قایمقامێ قەزا ئامێدیێ د پەیڤەکی دا ئارمانجا ساخکرنا ڤێ رۆژێ دیار کر و گۆت: ( ساخکرنا ڤێ رۆژێ بۆ زێدەکرنا تێگەھشتن و ھشیارکرنا جڤاکی یە ل سەر کەسانێن خودان پێدڤیێن تایبەت و پاراستنا مافێن وانە د ھەموو بیاڤێن ژیانێ دا).
ھەروەسا ناڤێن چەندین کەسانێن خودان پێدڤیێن تایبەت وەک میناک ئینا کو کەسانێن سەرکەفتی و زانا و خودان شیان بووینە د کارێن خوەدا و تەکەز کر، کو کەسانێن خودان پێدڤیێن تایبەت ژی دشێن ببنە کەسێن بناڤ و دەنگ د جیھانێ دا.
قایمقامێ قەزا ئامێدیێ بەرھەڤیا خوە ژی دیارکر، بۆ ھاریکاری و پشتەڤانیکرنا خودان پێدڤیێن تایبەت ل دەڤەرێ بۆ ھەر کارەکی.
ل داویا ڤی رێ و رەسمی خەلات و دیاری ب سەر چەندین قوتابیێن خودان پێدڤیێن تایبەت دا ھاتنە پارڤەکرن کو ژلایێ پەروەردا ئامێدیێ و دەزگەھێ خێرخوازیێ بارزانی ڤە ھاتبوونە ئامادەکرن.
ئەڤرۆ نیوز:
بەری دەمەکێ کێم ل پایتەختێ ئێرلەندا دبلن پشککێشانا قوناغا چارێک دووماھیا قارەمانیا نەتەوەیێن ئوروپی دا روودا پشتی ئنگلتەرا کەفتیە بەر ھولەندا.
د ڤێ پشکێشانێ دا پرتوگال دێ گەل ھەلبژارتیێ سویسرا کەت دێ ب شێوێ کوم ل وەلاتێ پرتوگال ئەڤ یاریە دێ ھێنە ئەنجام دان پشتی ھەرچار ھەلبژارتیێن سەرکەفتیێن ئێکێ دەربازی ڤێ قوناغێ بووین و ئەڤ یاریە دێ ل پێنجی خزیرانا سالا بھێت ھێنە ئەنجام دان.
ئەڤرۆ نیوز، مەحمود نھێلی:
بەری دەمەکێ کێم فرۆکەیێن تورکیا چیایێ ھنداڤی گوھەرزێ یێ سەر ب ناحیا دێرەلۆک ڤە بوردومانکرن.
ژێدەرەکێ ژ گوندێ گوھەرزێ بۆ ئەڤرۆ نیوز دیار کر کو ئەڤ شەڤ ٣\١٢\٢٠١٨ ل دەمژمێر پێنج و چل خولەک فروکەیێن تورکیا چیایێ ھنداڤا گوندێ وان بوردومانکرن و گۆت : ئەڤ بوردومانە گەلەک یا نێزیکی گوندی بوویە و پەنجەرێن خانیان ل دێرەلۆکی و گوندێن دەوروبەران ھەژیانە و بوویە ئەگەرێ ترسێ ل جەم ھاولاتیان تایبەتی ئاکنجیێن گوندێن دەوروبەران. تا نوکە زیانێن ڤێ بوردومانێ نەھاتینە زانین.
ئەڤرۆ نیۆز:
پەیڤدارێ وەزارەتا دەرڤە یا ئیرانێ بەهرام قاسمی راگەهاند کو هندەک کۆمپانیێن ئیرانێ سۆزێن جودا داینە هندەک کەسان و برینە جۆرجیا و ل وێرێ ژی نەشیاینە سۆزێن خوە بجه بینن و ژ بەر هندێ ژی حوکمەتا جۆرجیا ئەو کەسە سنۆرداش کرینە کو د ماوەیێ دو هەفتیان دا ٢٠٠ کەس هاتینە سنۆرداش کرن و گۆت: (بەرپرسێن جۆرجیا دبێژن چەندین کەسێن ئیرانی مادێن هۆشبەر ژی ل گەل خوە برینە وی وەلاتی و ئەم نها دووڤچوونا وی بابەتی دکەین).
ل ئالیێ دی ئاژانسێن جیهانی دیار دکەن کو پشتی سزایێن نوو یێن ئەمریکا ل سەر ئیرانێ گەلەک کەس بزاڤێ دکەن کو ژ ئیرانێ بچن، بەری نها ژی ب سەدان وەلاتیێن ئیرانێ بزاڤ کربوون بچنە بریتانیا لێ هاتنە دەستەسەر کرن.
ئەڤرۆ نیوز:
پەیڤدارێ ئێکەتیا نشتیمانی د کونگرەکێ رۆژنامەڤانی دا ل ھەولێرێ دیارکر کو ئەو رێزی ل بریارا پارتی دیموکراتی کوردستان دگرن ل دۆر دیارکرنا بەربژێرێن خوە دیسان پوستێ جێگرێ سەروکێ حوکمەتێ دێ بۆ وان بیت.
زێدەتر سەعدی پیرە د ڤی کونگرەی دا دیارکر ئەوان ب رێکا پەیڤدارێ پارتی زانیە کو وان بەربژێرێ وان بۆ پوستێ سەروک وەزیرێن ھەرێما کوردستانێ مەسرور بارزانی یە، و وان ھەڤپەیمانی دگەل پارتی ھەیە و دیارکرنا بەربژێرێ وان بۆ پوستێ سەروک وەزیران بریارا تایبەتە ب پارتی ڤە و رێز ل وێ بریارێ دگرین.
دیسان ناڤھاتی ئەو چەندە ژی دیارکر کو ئەو د ئازادن ھەر کەسەکی بۆ پوستێ جێگرێ سەروک وەزیران دەستنیشان بکەن ل ماوێ بھێت ژی ئێکەتی دێ ھەموو زانیاریان ل دۆر کابینەیا نوو یا حوکمەتا نوو وەرگرن داکو بشێن بەربژێرێن خوە ژی بۆ پوستان دیاربکەن بەری ب گەھیتە سالا نوو.
نيشاندان