ئەڤرۆ نیوز:
بەرپرسێ راگەھاندنا بۆردێ کارۆبارێن مرۆڤایەتی ل پارێزگەھا دھۆکێ راگەھاند، کۆمسیۆنا بلند یا پەنابەران ل نەتەوەیێن ئێکگرتی دێ پارەی ل شوونا گازێ ل سەر ٩٠ ھزار خێزانێن ئاوارە و پەنابەر بەلاڤ کەت.
سالم سەعید، بەرپرسێ راگەھاندنا بۆردێ کارۆبارێن مرۆڤایەتی بۆ ئەڤرۆ نیوز دیار کر کو وان چەندین جاران داخواز ژ عیراقێ کریە گازێ بۆ ئاوارە و پەنابەران دابین بکەت، بەلێ چو جاران ل دووڤ داخوازا وان نەھاتینە و چو جاران گاز بۆ ئاواران دابین نەکریە، لەوما کۆمسیۆنا بلند یا پەنابەران ل نەتەوەیێن ئێکگرتی (UNHCR) ل دووڤ داخوازا ئاواران ھات و بریار دایە پارەی ل شوونا گازێ ل سەر ٩٠ ھزار خێزانێن ئاوارە و پەنابەر بەلاڤ کەت.
ناڤھاتی ئاماژە دا وێ چەندێ کو بریارە ھەر خێزانەکا پەنابەر ل شوونا گازێ ٤٨٠ ھزار دیناران وەرگریت و ھەر خێزانەکا ئاوارە ژی ل شوونا گازێ ٣٠٠ ھزار دیناران ژ کۆمسیۆنا بلند یا پەنابەران ل نەتەوەیێن ئێکگرتی (UNHCR) وەرگریت.
ئەڤرو نیوز، سالار دۆسکی:
رێڤەبەرێ بەنداڤا دھۆکێ ئاشکراکر کو بارانێن رۆژێن بوری خێر و بەرکەت بوون، ل ھەر سێ رۆژێن بوری ٦٠ ملیمێن بارانێ باریبوون و ب ڤێ چەندێ دو ملیۆن مەترێن چارگوشە یێن ئاڤێ ل سەر بەنداڤا دھۆکێ زێدەبووینە، ئەڤە ژ سەرێ ھەیڤا ١٠ وەرە ھەتا نوکە چار ملیۆن مەترێن چارگۆشە یێن ئاڤێ چووینە سەر بەنداڤا دھۆکێ و گۆت: “ژ دەستپێکا وەرزێ ئەڤ سالە ھەتا دوھی ٢٣٧ ملیمێن بارانێ ھاتینە و ئەڤ سالە ژ سالا بوری باشترە”.
فەیسەل نوری، رێڤەبەرێ بەنداڤا دھۆکێ بۆ ئەڤرۆ نیوز دیار کر کو نوکە ٣١ ملیۆن و نیڤ مەترێن چارگۆشە یێن ئاڤێ د بەنداڤا دھۆکێ دا ھەنە، ئەڤ سالە ھاتنا بارانان دەسپێکەکا باشە و ل دووڤ پێزانینێن سەقاناسیێ ل ئەڤێ ھەیڤێ دێ پێنچ جاران باران باریت و ھەر جارەکێ بۆ دەمێَ چەند رۆژان دێ یا بەردەوام بیت و گۆت: ” ل سەرانسەری پارێزگەھا دھۆکێَ رەوشا باران بارینێ یا باشە”.
ناڤھاتی ئاماژە دا وێ چەندێ کو وەرزێ زڤستانێ ئاڤ ل بەنداڤا دھۆکێ دا دھێتە عمبارکرن و ل وەرزێ ھاڤینێ دھێتـە مەزاختن و گۆت: “بۆ سەخبیریکرن و دابینکرنا ئامیران بۆ بەنداڤێ ل ئەڤ سالە پێدڤی ب ٣٠٠ ملیۆن دینارانە، د دەمێَ پێنج سالێن بووری دا بتنێ جارەکێ پارە بۆ سەخبێریکرنا بەنداڤا دھۆکێ ھاتبوونە تەرخانکرن، ئەڤە د دەمەکی دایە سالانە بەنداڤا دھۆکێ پێدڤی ب سەخبێریکرنێ ھەیە، بەری قەیرانێ سالانە کوژمەکێ پارەی دھاتە تەرخانکرن”.
ئەڤرۆ، سالار دۆسکی:
سەرۆکێ کۆمەلا ژین یا کێم ئەندامان ب ھەلکەفتا رۆژا جیھانی یا کێم ئەندامان کو دکەڤیتە رۆژا ٣ى كانوونا ئێكێ ٢٠١٨ێ یا ھەر سالەکێ رەخنە گرتن و دیارکر کو کەس نوزانیت چەند کێم ئەندام ل ھەرێما کوردستانێ ھەنە.
نسرەت بۆتی، سەرۆکێ کۆمەلا ژین یا کێم ئەندامان بۆ ئەڤرۆ نیوز دیار کر کو ھەتا نوکە ئەو ھژمارا کێم ئەندامان ل پارێزگەھا دھۆکێ ژی نوزانن، چونکی ھندەک کێم ئەندام ھەنە دو راپۆرتێن نۆشداری ھەنە و ھەر ئێک ب پلەکێ یە و گۆت: “ئەڤە ٢٧ سالە سەرژمێری بۆ کێم ئەندامان نەھاتیەکرن و ھەر ئێک ل دووڤ حەزا خوە ئامارەکێ بۆ کێم ئەندامان دروست دکەت”.
ناڤھاتی خویا کر کو مخابن رۆژ بۆ رۆژێ پتر کێم ئەندام دھێـە تەپەسەکرن، ل دووڤ پێزانینێن وان بتنێ ل پارێزگەھا دھۆکێ ئەڤ کارە ھاتیەکرن و نانێ ب ھزران کێم ئەندامان ھاتیە بڕین و گەلەک ھاتینە ڤەگوھاستن بۆ سەر لیستا دانعەمران و دەست کورتان و کێم ئەندام ھەیە پێ وی یێ بریە و ئەڤە چەند سالە مووچێ وی ھاتیە راگرتن و گۆت: ” لژنا پزیشکی ناڤێن چار ھزار و ٥٠٠ کێم ئەندامان ژ وەرگرتنا مووچەی دەرخستینە ب بھانا وێ چەندێ کو پلا وی یا کێم ئەندامەتیێ یا کێمە، ھەکە چو دەستیردانا ھاتنوچوونێ نادەنێ دێ بێژنێ تو کێم ئەندامی بووتە نینە و ئەڤە چ وەلاتان نینە”.
ل دووماھیێ سەرۆکێ کۆمەلا ژین یا کێم ئەندامان دیار کر کو رۆژا جیھانی یا کێم ئەندامان سوبەھی رۆژا ٣ى كانوونا ئێكێ ٢٠١٨ێ دێ ب چەندین چالاکیان ل پارێزگەھا دھۆکێ ھێتە ساخکرن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 2ى كانوونا دويێ 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:3
| 100 دولارێ ئه‌مريكى | 119.800 دينار |
| 100 يۆرۆيێ ئه‌ورۆپى | 137.000 دينار |
| 100 ليرێ توركى | 23.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 2ى كانوونا ئێكێ 2018ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 گرام زێرێ (ع) 18 | 37500 |
| 1 گرام زێرێ (ع) 21 | 42500 |
| 1 گرام زێرێ (ع) 22 | 44500 |
| 1 گرام زيڤ | 3000 |
ئەڤرۆ نیوز:
یاریزانێ ئسپانی یێ گەنجێ ھێلا ناڤین شیا ئاستەکێ ژ ھەژی و دلخوشکەر دنیڤا ئێکێ یا یاریا ل ھەمبەر ڤالنسیا د حەفتیا 13 یا خولا ئسپانیا دا پێشکێش بکەت.
مالپەرێ ئوبتا یێ تایبەتمەند دبیاڤێ ژمارە و سەرژمێریاریان دا ل سەر پەیچێ خوە یێ ئسپانی راپورتەک بەلاڤەکر و تێدا دیارکر کو ئوبتا خوسیە د 45 خولەکێن نیڤا ئێکێ یا یاریێ دا شیا ھەبونا خوە یا ب ھێز دیاربکەت و د ڤی ماوەی شیا 48 باسێن سەرکەفتی ژ سەرجەمێ 49 پاسان ب گەھینتە ھەڤالێن خوە ب رێژا 98 ژ سەدا سەرکەفتنێ و زێدەتر ژ ھەر یاریکەرەکێ دی د یاریگەھێ دا.
دھێتە زانین دڤێ یاریێ دا راھێنەرێ ئەرژەنتینی یێ یانا ریال مەدرید سانتیاگو سولاری بریار ب پشکداریا ھژمارەکا یاریزانێن گەنج دابوو ژ وانا ریجلون و دانی سیبایوس و مارکوس یورینتی.
ژ لایەکێ دویڤە نەھینیا دەرکەفتنا یاریزانێ وێلزی گارسبێلی یێ ریال مەدرید ل خولەکا 63 یا یاریێ ھاتە ئاشکراکر ئەوژی ھنگافتنا ڤی یاریزانی بوو و راھێنەر نەچاربوو ب گوھوریت ھەر چەند نەرازیبون ل سەر دێمێ ڤی یاریزانی یا دیاربوو و وەسا دھاتە پێشبینیکرن کو یێ رازی نینە لێ دویڤدا چارەسەرکەرێن تیمێ بەفر دانایە سەر رانێ وی وەسا دیاربوو یێ ھنگافتی یە.
ئەڤرۆ نیوز:
یاریا ئاگری یا بوکسانێ دناڤبەرا بوکسڤانێ ئەمریکی دیونتای وایلدر و یێ ئنگلیزی تایسون فیورە ل لوس ئەنجلوس ب وەکھەڤی ب دووماھی ھات.
ب ڤی ئەنجامی بوکسڤانی ئەمریکی دیونتای وایلدر شیا پاراستنێ ل سەر ناسناڤێ کێشا گران یێ جڤاتا بوکسڤانێن جیھانێ بکەت.
دڤێ یاریێ دا دو جاران دھاتە چاڤەرێکرن بوکسڤانێ ئەمریکی یاریێ د بەرژەوەندا خوە دا ب دووماھی بینت، لێ بوکسڤانێ ئنگلیزی شیا ب شێوەکێ سەریر و نەچاڤەرێکری رابیتە سەرپێت خوە و ل پرانیا دەمێن ڤێ یاریێ فیوری شیابو ب رێکا بەرەڤانیکرن و ھێرشکرنا ب شارەزی کونترولێ ل سەر یاریێ بکەت و ژلایێ خوەڤە شیا پاراستنێ ل سەر ئەنجامێن خوە بکەت و ھەتا نوکە توشی چو خوسارەتیان نەبویە.
فیوری ھەتا نوکە شیایە 27 سەرکەفتنا تومار بکەت و ل سالا بوری دوبارە ڤەگەریا جیھانا بوکسانێ پشتی بو ماوێ دو سالان ھاتیە راگرتن ب ئەگەرا ب کارئینانا کەرستێن بھێزکەر و دیسان وایلدر ئەمریکی 40 سەرکەفتن دکاروانێ خوە یێ پیشەکاریێ دا یێن کەین 39 ژ وانا ب دربێ کەفتنێ بویە.
ئه‌ڤرۆ نيوز:
ژ ئه‌گه‌رێ وه‌غه‌ركرنا جۆرج بۆشێ باب، سه‌رۆكێ به‌رێترێ يێ ئه‌مريكا، نێچيرڤان بارزانى، سه‌رۆك وه‌زيرێن هه‌رێما كوردستانێ سه‌ره‌خۆشيه‌ك ئاراسته‌ى خێزانا وان كر.
ئه‌ڤه ژى ده‌قێ په‌يامێ يه:
ب هه‌لكه‌فتا وه‌غه‌ركرنا سه‌رۆكێ به‌رێترێ يێ ئه‌مريكا جۆر بۆشێ باب، پرسه و سه‌ره‌خۆشيێ ل خێزانا به‌رێزى دكه‌ين ب تايبه‌ت سه‌رۆكێ به‌رێترێ يێ ئه‌مريكا به‌رێز جۆرج ده‌بليۆ بۆش و دوست و هه‌ڤالێن وى دكه‌م. د ڤى ده‌مێ دژوار دا هه‌ڤسۆز و هه‌ڤخه‌مين، خودايێ مه‌زن هاريكارێ هه‌موو لايه‌كى بيت.
گه‌لێ كوردستانێ رێز و پێزانينێن زۆر بۆ رۆلێ سه‌رۆك بۆشێ باب هه‌نه كو ل سالا 1991ێ رۆلێ سه‌ره‌كى د سه‌پاندنا ده‌ڤه‌را دژى فرينێ ل هه‌رێما كوردستانێ ديت و خه‌لكێ كوردستانێ ژ سته‌م و دوژمنكاريا رژێما به‌عس پاراست و بوويه ئه‌گه‌رێ ڤه‌ژاندنا هه‌رێما كوردستانێ كوردستانێ. سه‌رۆك بۆشێ باب بۆ هه‌رده‌م دێ د بيره‌وه‌ريێن گه‌لێ كوردستانێ دا مينيت.
نێچیرڤان بارزانى
سه‌رۆك وه‌زیرێن هه‌رێما كوردستانێ
2ى كانوونا ئێكێ 2018
نيشاندان