ئەڤرۆ نیوز:
ژێدەرێن دەنگوباسان ھوسا دەنە خویاکرن کو رێیا سەرەکی ناڤبەرا پارێزگەھا ھەولێر و مووسل دا ھاتیە داخستن ژ ئەگەرێ پەیدابوونا لەھیان.
ژێدەرێن رۆژنامەیێن عیراقی ھوسا دیارکریە کو ئەڤرۆ ژ ئەگەرێ باران بارینێن بەردەوام و پەیدابوونا لەھیان رێیا سەرەکی یا ناڤبەرا ھەولێر و مووسل ھاتیە داخستن ژلایێ زالگەھێن ھەردو لایان ڤە، دیسان ئەنجومەنێ پارێزگەھا نەینەوا ژی بارێ نە ئاسایی ژی ل پارێزگەھێ راگەھاند.
ئەڤرۆ نیوز:
پولیسێن فرەنسا ئەڤرۆ رۆژا شەمبی ھژمارا خوەنیشاندانێن پاریس راگەھاند ئەوێن د ناڤبەرا پولیس و خوەنیشاندەران پەیدابووین.
پولیسێن فرەنسا ئاشکرا کریە کو ئەڤرۆ رۆژا شەمبی ٦٥ کەس بریندار بووینە ژوانا یازدە پولیسن ژئەگەرێ شەر و پێکدادانێن ناڤبەرا ھەردو لادا پەیدابوین ژ ئەگەرێ گرانبونا بھاھیێ پانزینێ ل فرەنسا دیسان دوازدە ترومبێل ژی ژلایێ خوەنیشاندەران ھاتینە سوتن.
ئەڤرۆ نیوز:
راھێنەرێ یانا ریال مەدرید سانتیاگو سولاری پێکھاتێ یانا خوە بۆ یاریا ئەڤ شەڤە بەرامبەر یانا ڤالێنسیا ژ گەرا چاردێ یا خولا ئسپانی ئاشکرا کرن و گوھۆرین کەفتیێ پشتی دو یاریزانێن ستێر ژ پێکھاتیێ تیمێ دوورخستن.
پێکھاتیێ یاریا ئەڤ شەڤە دا ھەردو ستێرێن یانێ مارسێلو و یێ ھێلا ناڤین تونی کروس ژ پێکھاتێ تیمێ ھاتنە دوورخستن بێ کو ئەگەرێن ڤێ بریارێ بھێنە دیارکرن.
ژ ئەگەرێ ھنگافتنێ ھەر ئێک ژ کاسیمێرو، ناچو، فایخو ژی پشکداریێ ناکەن.
ئەڤرۆ نیوز:
ئێکەتیا تەپا پێ یا کوردستانێ د کومبوونا خوە یا ئەڤرۆکە دا چەندین بریار دەرخستن دەربارەی روودانێن یاریا د ناڤبەرا دھۆک و زاخۆ پەیدابووین دوھی رۆژا ئەینی ژ خولا ھەرێما کوردستانێ یا تەپا پێ.
ژ وان بریارێن ھاتینە دەرکرن وەک دەسپێک یاریا بھێت یا یانا زاخۆ ژ خولا ھەرێما کوردستانێ بەرامبەر یانا پێشمەرگە یا ھەولێر دێ ل یاریگەھا یانا شێخان ھێتە کرن و بێ جەماوەر.
بریارە سوبەھی لژنەیەک سەرەدانا یاریگەھا یانا دھۆک یا وەرزشی بکەت بۆ دیارکرنا زیانێن گەھشتینە یاریگەھێ و دبیت ل حەفتیا بھێت ھژمارەکا بریارێن دی بھێنە دەرکرن.
ئەڤرۆ نیۆز، رەمەزان هەرنی:
وه‌لاتیەكێ مسرى ب مه‌ره‌ما كاركرنێ ل گەل قونته‌رچيه‌كى قەستا كوردستانێ كریە وپشتی چەند رۆژێن كاركرنێ، خودانێ كارى پارێن وی نەداینێ و مایە بێكار و ل سەر جادەیان دنڤیت.
رۆژنامەڤان دلدار هەركی، شاهد حالێ روودانێ بۆ ئەڤرۆ نیۆز گوت” وه‌لاتیەكێ مسری ب ناڤێ عەبدولرەحمان ئیسماعیل، بەرى چەند رۆژان ب مەره‌ما كاركرنێ ژ وەلاتێ مسرێ قەستا هه‌رێما كوردستانێ كریە و ل گەل قونته‌رچيه‌كى دەست ب كاركرنێ كریە و نوكە قونته‌رچى كار ل گەل نەمایەو پارێ وی ژی نەدایێ و ل سەر جادەیان ول بن تەنەكاو كافیافە دنڤیت و قونته‌رچى ژی يێ چوويه هەولێرێ”.
دلدارى گوت ژی” وه‌لاتيێ مسری 800 هزار دینار ل دەف وى قونته‌رچى يێن هه‌ين كو ل كوردستانێ كار بۆ كریە ونوكە بێ كار و پارە مایە و لبن توتيايێن ئاسنى و ل سەر جادەیان دنڤیت چەند رۆژەكە وه‌لاتيان ب خێرا خوە گەهاندیە ناحیا گردەسێن ل قه‌زا ئاكرێ و ل كافیەكێ دنڤیت”.
دياركر ژى” من هندەك جلكێن زڤستانێ و هندەك هاریكاری بۆ وى پێشكيشكرن و دێ هندەك هاریكاریان بۆ كومكەین و دێ وى ڤرێكەینە وه‌لاتێ مسرێ”.
ئاماژه كر كو وى وه‌لاتيێ مسری گوتيه ب مه‌ره‌ما كرينا بهایێ تكێتا فرۆكێ گوهاركێن كچا خوە فروتینەو هاتیە كوردستانێ بۆ كاركرنێ ونوكە ژی پارێ من هاتیە خوارن و بێ كار مایمە.
دلدار ئەوژی گوت” كو پەیوەندی ب وی قونته‌رچى كریە كو پارێن وی وه‌لاتيێ مسرى بدەت بەلێ ب بهانەیا نەبوونا پارەی گۆتیە نەشێم هەموویان بدەم وب تنێ دشێم هندەكا ب دەمێ “.
ئه‌ڤرۆنيوز:
ئه‌ندامه‌كێ په‌رله‌مانێ عيراقێ ژ ليستا ده‌وله‌تا قانوونێ ليستا سائيرون وچه‌ند ليستێن دى تۆمه‌تباردكه‌ت ب رێگريكرنێ ل به‌رده‌م تمامكرنا كابينا حوكمه‌تا عادل عه‌بدولمه‌هدى پشتى كو وان ليستان پۆستێن خوه يێن وه‌زارى وه‌رگرتين، هه‌روه‌سا داخواز ژ عه‌بدولمه‌هدى كر له‌زێ د دياركرنا به‌ربژارێن هه‌شت پۆستێن وه‌زارى يێن ڤالا دكابينا خوه دا.
عه‌بدولهادى سه‌عداوى، ئه‌ندامێ په‌رله‌مانێ عيراقێ ژ ده‌وله‌تا قانوونێ بۆ ئه‌ڤرۆ نيوز گۆت” نابيت عادل عه‌بدولمه‌هدى تنێ بينه‌ر بيت وهه‌شت پۆستێن وه‌زارى دكابينا وى دا هێشتا ماينه ڤالا وپێدڤيه ب زووترين ده‌م وان پۆستان تژى بكه‌ت”.
گۆت ژى”ليستا سائيرون وچه‌ند ليستێن دى بۆچوونێن خوه ل سه‌ر عه‌بدولمه‌هدى سه‌پاندينه ورێ نه‌دايه وى وان هه‌شت پۆستێن وه‌زارى تژى بكه‌ت ورێگريێ لێ دكه‌ن دپرسا پێشكێشكرنا ناڤێن به‌ربژارێن وه‌زاره‌تێن وى ئه‌وێن ماينه ڤالا بۆ په‌رله‌مانى بۆ ده‌نگدانێ ل سه‌ر”.
ئه‌ڤرۆنيوز:
ل پارێزگه‌ها هه‌ولێرێ بژارتنا ماسيان ب داران هاته قه‌ده‌غه‌كرن وخودانێ هه‌ر جهه‌كێ بژارتنا ماسيان ب داران ڤێ بريارێ بجه نه‌ئينيت دێ جهێ وى هێته داخستن.
ل دووڤ نڤيسارا قايمقاميا قه‌زا ناڤه‌ندا هه‌ولێرێ يا هژمار 10518 ل 27/11/2018 كو هاتيه ئاراسته‌كرن بۆ هۆبا چاڤدێريا ساخله‌مى ل رێڤه‌به‌ريا كاروبارێن ساخله‌مى ل هه‌ولێرێ وتێدا دووپاتيێ ل نڤيساره‌كا خوه يا به‌رى نوكه دكه‌ت كو تێدا هاتيه” ئاگه‌هداريا هه‌موو رێڤه‌به‌ريێن باژێرڤانيێن سنورێ پارێزگه‌ها هه‌ولێرێ هاتيه كرن ئه‌و خوارنگه وجهێن ماسى ب شێوازێ (سوتنا داران) به‌رهه‌ڤ دكه‌ن، ژ نوكه وپێڤه نابيت ب چو شێوه‌كى دار بهێته بكارئينان بۆ بژارتنا ماسيان، به‌رۆڤاژى ڤێ چه‌ندێ جهێن وان دێ هێنه داخستن”.
قايمقاميا قه‌زا ناڤه‌ندا هه‌ولێرێ ل دۆر ئه‌گه‌رێن وێ بريارێ ، دبێژيت” ژبۆ پاراستنا ساخله‌ميا وه‌لاتيان وپاراستنا ژينگه‌هێ ودارستانان كو سامانه‌كێ نيشتمانى نه”.
ئه‌ڤرۆنيوز:
ده‌زگه‌هێن راگه‌هاندنێ يێن عيراقى به‌لاڤكر كو پارێزه‌رێ ره‌غه‌د سه‌دام حسێن راگه‌هانديه، ل ڤان نێزيكان ره‌غه‌د، ئه‌وا ژ سالا 2003 ل ئوردنێ ئاكنجى، دێ سه‌ره‌دانا به‌غدا كه‌ت.
پارێزه‌رێ كچا سه‌دام دياركريه كو ئه‌و ل گه‌ل چه‌ند ليستێن سياسى ل عيراقێ رێككه‌فتيه بۆ پێشوازيكرنێ ل ره‌غه‌د سه‌دام حسێن.
گۆت ژى” سه‌ره‌دانا كچا سه‌دامى بۆ به‌غدا دێ يا ب له‌ز بيت وژبلى به‌غدا دێ سه‌ره‌دانا ده‌ڤه‌رێن رۆژئاڤايێ عيراقێ ژى كه‌ت”.
ب گۆره‌ى وان ده‌زگه‌هێن راگه‌هاندنێ يێن عيراقى، باليۆزخانا عيراقێ ل ئوردنێ يا ئاگه‌هداره ل دۆر زڤرينا كچا سه‌دامى بۆ به‌غدا كو دێ ب پاسه‌پۆرتا خوه يا عيراقێ وێ سه‌ره‌دانێ ئه‌نجام ده‌ت.
ئه‌ڤرۆنيوز:
ئێكه‌تيا نێڤده‌وله‌تى يا ديرۆك وئامارێن ته‌پا پێ (IFFHS) راگه‌هاند راهێنه‌رێ فره‌نسى زه‌يندين زێدان راهێنه‌رێ به‌رێ يێ يانا ريال مه‌دريد يا ئيسپانى ناسناڤێ باشترين راهێنه‌رێ ته‌پا پێى يێ يانه‌يان بۆ سالا 2018 ب ده‌ستڤه‌ئينانا وراهێنه‌ري ئه‌لمانى يۆرگه‌ن گلۆپ راهێنه‌رێ لێڤه‌رپۆل ل رێزا دويێ هات ويێ ئيسپانى بيب گوارديۆلا راهێنه‌رێ مانشسته‌ر سيتى ل رێزا سيێ هات ويێ ئه‌رجه‌نتينى ديگۆ سيميۆنى راهێنه‌رێ يانا ئه‌تله‌تيكۆ مه‌دريد ل رێزا چارێ هات ويێ ئيتالى ماسيميليانۆ ئه‌ليگرى راهێنه‌رێ يۆڤه‌نتوس ل رێزا پێنجێ هات.
ئه‌ڤرۆنيوز:
ده‌زگه‌هێن راگه‌هاندنێ يێن توركى ئاشكراكر كو ئه‌مريكا 150 بارهلگرێن مه‌زن يێن چه‌كى وته‌قه‌مه‌نيێ وتانك وزريپۆش وترومبێلێن له‌شكرى هنارتنه ده‌ڤه‌را منبح وهه‌موو ئه‌و چه‌كه راده‌ستى يه‌په‌كێ كرن.
راگه‌هاندنا توركى، ل دووڤ مالپه‌رێ كوردستان تى ڤى، به‌لاڤكر ژى ئه‌و چه‌ك ب رێيا عيراقێ هاتينه ڤه‌گوهاستن بۆ قامشلى وژ وێرێ به‌ر ب منبج هاتينه هنارتن.
نيشاندان