ئەڤرۆنیوز،سەباح زێباری:
ھاولاتیەکێ گوندێ گومانا یا سەر ب قەزا ئاکرێ ڤە ددەتە دیارکرن کو قوتابخانا گوندێ وان گەلەک یا کەڤن بوو، مەترسیا ھەرفینێ ل سەربوو.
زێدەتر عەکان عەبدولسەلام دیارکر خێرخوازەک رابوو ب چێکرنا قوتابخانەکا نوو بۆ گوندێ گومانا کو ئەڤە چەند مەھەکە کار ل سەر دھێتەکرن و قوتابخانە بەرەڤ قوناغا دووماھیێ چوویە و قوتابخانە ژ شەش پۆلا پێک دھێت، بەری قوتابخانە بھێتە ئاڤاکرن قووتابخانێ مەترسیا ھەرفینێ ل سەربوو، لێ پشتی کو قوتابخانەکا نووی ھاتیە دورست کرن مەترسی نەما.
ئەڤرۆ نیوز:
فوتو، مشیر شەریف:
بەری ئەنجامدانا ڤێ یاریێ ھندەک ژ پشتەڤانێن یانا زاخۆ دەست ب توندوتیژیێ کر د یاریگەھێ دا و رابون ب شکاندنا کورسیکێن یاریگەھا یانا دھۆک یا وەرزشی و تورا دەوروبەری یاریگەھێ.
یاریا دێربیا پارێزگەھێ د ناڤبەرا یانا دھۆک و زاخۆ دا بێ گۆل ب دووماھی ھات ژ یاریێن گەرا حەفتێ یا خولا ھەرێما کوردستانێ یا تەپا پێ بۆ یانێن نایاب.
د ڤێ یاریێ دا ئەوا جەماوەرێ ھەردو یانا ئامادە بووی ئاستەکێ باش ھاتە پێشکێش کرن ژ لایێ یاریزانێن ھەردو یانێن زاخۆ و دھۆک ڤە لێ چو ژ ھەردو تیمان نەشیان گۆلەکێ تومار بکەن و یاری بێ گۆل ب دووماھی ھات، ب ڤی ئەنجامێ دھۆکێ ھژمارا خالێن خوە گەھاندنە ١٣ خالان ل رێزا ل رێزا دویێ یا رێزبەندا خولێ و زاخۆ ژی ب ھەشت خالان ل رێزا شەشێ.
ئەڤرۆ نیوز:
یانا بەرشەلونە بۆ یاریا خوە یا بھێت ئەوا دێ دگەل ڤیاریال کەت ل ڤێ حەفتیێ ژ خولا ئسپانیا یا تەپا پێ دێ نەچار بیت کوژمێ پێنج ملیۆنا بدەتە یانا بەنفیکا یا پرتوگالی.
ل دووڤ پەیامەکێ سایتێ سپورت یێ ئسپانی دیارکر یانا بەرشەلونە نەچارە کوژمێ پێنج ملیۆن یورویا بدەتە یانا بەنفیکا یا پرتوگالی بەرامبەر پشکداریا یاریزانێ وێ یێ پرتوگالی نیلسون سمیدو د ڤێ یاریێ دا ژبەرکو ل دووڤ ھەڤبەستا ناڤبەرا ھەردو یانا دا پشتی پشکداریا ٥٠ یاریزانێ ناڤھاتی دگەل یانێ پێدڤیە یانا کەتالونی کوژمێ ٥ ملیۆن یورویا بدەتە یانا پرتوگالی.
ئەڤرۆ نیوز:
فوتو مشیر شەریف:
نوکە یاریێن خولا ھەرێما کوردستانێ یا تەپا پێ ژ گەرا حەفتێ دھێنە کرن و ژ گرنگترین یاریێن ڤێ حەفتیێ دێربیا پارێزگەھێ یە ناڤبەرا یانا دھۆک و زاخۆ.
بەری دەسپێکرنا ڤێ یاریا دێربی ھندەک ژ پشتەڤانێن یانا زاخۆ دوبارە کارێن توندوتیژیێ ئەنجام دان و بوو ئەگەرێ تێکدانا یاریگەھا دھۆک و شکاندنا کورسیکێن یاریگەھێ دگەل شکاندنا توورا دەوروبەری یاریگەھا یانا دھۆک یا وەرزشی.
ئەڤرۆ نیوز:
دونالد ترەمپ سەروکێ ویلایەتێن ئێگرتی یێن ئەمریکا کومبوونا خوە یا فەرمی دگەل سەروکێ تورکیا رەجەب تەیب ئەردوگان رەتکر.
د ڤی دەربارەی دا سارە ساندرێز ئاخفتنکەرا کوچکا سپی یا ئەمریکا راگەھاند سەروکێ ئەمریکا دونالد ترامپ کومبوونێن خوە یێن فەرمی دگەل ھەر ئێک ژ سەروکێ تورکیا و کوریا ژێری ئەنجام نادەت، ل شوونا کومبونێ دێ ھندەگ گوتوبێژێن نە فەرمی دگەل وان ئەنجامدەت.
ئەڤە د دەمەکی دایە بریاربوو ل کومبوونا وەلاتێن G٢٠ ئەوا ل ئەرژەنتین ھاتیە ئەنجامدان سەروکێ تورکیا ئەردوگان دگەل سەروکێ ئەمریکا دونالد ترامپ کوم بیت لێ نە ئەڤ چەندە نەھاتە پێش و ل روژێن بوری ژی کومبونا خوە دگەل سەروکێ رووسیا فلادیمێر پوتین ژی ئەنجام نەدا.
ئەڤرۆ نیوز:
ئێکەتیا تەپا پێ یا ئەمریکا ژێری ب فەرمی یاریگەھا سانتیاگو بێرنابیو یا تایبەت ب یانا ریال مەدرید ڤە ھەلبژارت بۆ ئەنجامدانا یاریا چونێ ژ یا دووماھیا کاسا لێبرتادورێس دەستنیشان کر ئەوا دێ ناڤبەرا یانا ریڤەرپلێت و بوکاجونیورز دا ھێتە کرن.
ئەلیخەندرو دومینیگێز سەروکێ ئێکەتیا تەپاپێ یا ئەمریکا ژێرێ زێدەتر دیارکر ژبەر ئەو روودانێن تێکدانێ یێن پشتەڤانێن یانا ریڤەرپلێت دژی یاریزانێن یانا بوکاجونیورز ئەنجامداین ل شەمبیا بوری نەچار کرین ھزر د ئەنجامدانا ڤێ یاریێ ژ دەرڤەی وەلاتێ ئەرژەنتین ئەنجام بدەین و لەورا ل دووماھیێ یاریگەھا سانتیاگو بێرنابیو ھاتە ھەلبژارتن بۆ ئەنجامدانا ڤێ یاریێ ژبەر چەند ئەگەران ژوانا، پشتەڤانێن ئەرژەنتین دشێن ب ساناھی بەر ب وەلاتێ ئسپانیا گەشتێ بکەن دیسان ھەبوونا ھژمارەکا زوور یا پەنابەرێن ئەرژەنتینیا ل وەلاتێ ئسپانیا دێ شێن تەماشەی دیتنا ڤێ یاریا سوپەر کلاسیکو کەن.
ئه‌ڤرۆنيوز:
به‌رپرسێ راگه‌هاندن وپه‌يوه‌نديێن سه‌رۆكاتيا باژێرڤانيا دهۆكێ بۆ ئه‌ڤرۆنيوز راگه‌هاند، پشتى ئه‌م ژلايێ رێڤه‌به‌ريا كه‌شناسيێ ل دهۆكێ هاتينه ئاگه‌هداركرن ل دۆر باران بارينێ وئه‌گه‌رێ دروستبوونا له‌هيان ل ئه‌ڤرۆ ئه‌ينيێ وسوباهى شه‌مبيێ، ئاگه‌هداريا وه‌لاتيان دكه‌ين دئاماده‌باشيێ دابن ب تايبه‌تى ئه‌و مالين دكه‌ڤنه سه‌ر رووبارێ هشكه‌رۆى.
ئيسماعيل مسته‌فا، به‌رپرسێ راگه‌هاندن وپه‌يوه‌نديێن سه‌رۆكاتيا باژێرڤانيا دهۆكێ بۆ ئه‌ڤرۆنيوز گۆت ژى” سه‌رۆكاتيا باژێرڤانيا دهۆكێ نوكه دئاماده‌باشيێ دايه بۆ هه‌ر ئه‌گه‌ره‌كێ له‌هيان”.
ئه‌ڤرۆ نیوز:
بو بجهئینانا بریارێن سه‌روكێ حكومه‌تا هه‌رێما كوردسنتانێ (به‌هزاد على ئاده‌م ) جێگرێ پارێزگه‌رێ دهوكێ دگه‌ل قایمقامێن قه‌زایێن سنورێ پارێزگه‌ها دهوكێ و رێڤه‌به‌رێن گشتى یێن ساخله‌میێ و باژێرڤانیا كومبوو.
به‌راهیێ دگه‌ل رێڤه‌به‌رێ گشتى یێ ساخله‌میێ گه‌نگه‌شا چاوانیا كونترول كرن و رێكخستنا ده‌رمانخانه و كوگه‌هێن ده‌رمانا و رێكگرتنێ ل ده‌رمانێن سه‌خته هاته كرن وگوهداریا پێشنیار و بوچونێن رێڤه‌به‌ریا گشتى یا ساخله‌میا پارێزگه‌هێ كر و جێگرێ پارێزگه‌رێ دهوكێ بوچونێن جودا دیار كرن بێخه‌مه‌ت كونترول كرنا بابه‌تێ ده‌رمانا و نه‌هێلانا ده‌رمانێن سه‌خته‌و كێم كوالتى.
دیڤدا رێڤه‌به‌رێ گشتى یێ باژێرڤانیا ل پارێزگه‌ها دهوكێ به‌حسێ پێدڤى و كێم و كاسیێن باژێرڤانیێن سنورێ پارێزگه‌هێ ژ بودجێ و ئامیره‌تا كر و گه‌نگه‌شه‌كا به‌رفره‌ه ل سه‌ر چاوانیا چاره‌كرنا ڤان ئاریشه و كێماسیا هاته كرن ,
پاشێ ژرێكخستنا كارێ كارگێرى و خویه‌تى و ژمێریارى گوهداریا قایمقامێن سنورێ پارێزگه‌هێ كر و هه‌ر قایمقامه‌كى جودا به‌حسێ پێدڤى و كێم و كاسیێن خو كر و گه‌نگه‌شه و دان و ستاندن لسه‌ر هاتنه كرن بێخه‌مه‌ت باشتر كرنا خزمه‌تكرنا هاولاتیان و رێكخستنا كارێ كارگێرى ل قه‌زایێن پارێزگه‌هێ .
نيشاندان