ئه‌ڤرۆ نيوز:
مه‌كته‌با سياسى يا ئێكه‌تى نشتيمانى كوردستان پشتى كۆمبوونا خوه يا ئه‌ڤرۆ ل باره‌گايێ مه‌كته‌يا سياسى يا خوه ل سلێمانيێ ئه‌ڤرۆ كۆمبوونه‌ك ئه‌نجام دا و پشتى كۆمبوون ب دووماهى ژى هاتى، راگه‌هاندنه‌ك به‌لاڤكر و راگه‌هاند، ئێكه‌تى ب هه‌ڤپشكا راسته‌قينه و بڕيارا هه‌ڤپشك و به‌رپرساتيا هه‌ڤپشك، دێ پشكدارى كابينا نوو يا حوكمه‌تێ بيت.
ده‌قێ راگه‌هاندنێ:
ئەمڕۆ سێشەممە 27-11-2018، به‌سه‌رپه‌رشتی كۆسره‌ت ره‌سوڵ عه‌لی، جێگری سكرتێری گشتی، به ئاماده‌بوونی د.به‌رهه‌م ئه‌حمه‌د ساڵح، جێگری دووه‌می سكرتێری گشتی، كۆبوونه‌وه‌ی ئاسایی مه‌كته‌بی سیاسی یه‌كێتیی نیشتمانیی كوردستان له سلێمانی به‌ڕێوه‌چوو.
له كۆبوونه‌وه‌كه‌دا، دۆخی سیاسی و قۆناغی نوێی پرۆسه‌ی سیاسی له عێراق، تاوتوێكرا، یه‌كێتی په‌یوه‌ندییه له‌مێژینه‌یه‌كانی له‌گه‌ڵ پێكهاته‌كان و هێزه سیاسیه‌كانی عێراق په‌ره‌پێیده‌دات، به ئامانجی چاره‌سه‌ركردنی كێشه‌كان و ده‌سته‌به‌ركردنی مافه ده‌ستوری و دیموكراسیه‌كانی گه‌لی كوردستان.
دۆخی كوردستان و گفتوگۆكانی په‌یوه‌ست به پێكهێنانی كابینه‌ی نۆیه‌می حكومه‌تی هه‌رێمی كوردستان هه‌ڵسه‌نگێنرا، به‌رده‌وامیی گفتوگۆكانی نێوان یه‌كێتی و پارتی و لایه‌نه‌كانی تر بۆ پێكهێنانی حكومه‌ت به گرنگ زانراو له‌مباره‌یه‌وه جه‌خت له‌وه كرایه‌وه، یه‌كێتی به شه‌راكه‌تی ڕاسته‌قینه و بڕیاری هاوبه‌ش و به‌رپرسیارێتی هاوبه‌ش، به‌شداری كابینه‌ی نوێ حكومه‌ت ده‌كات.
ئاماژه به‌وه‌شدرا، سه‌روه‌ت و سامانی هه‌رێم به یه‌كسانی بخرێته خزمه‌تی بوژانه‌وه‌ی زیاتری كوردستان و گوزه‌رانی خه‌ڵك و په‌ره‌پێدانی بواره جیاجیاكان له خزمه‌تگوزاری، په‌روه‌رده، كشتوكاڵ، ئاوه‌دانكردنه‌وه‌و ئارامی و ئاسایش و بوژاندنه‌وه‌ی ئابوری كوردستان.
له ته‌وه‌رێكی تری كۆبونه‌وه‌كه‌دا، سیاسه‌تی چه‌سپاو و له‌مێژینه‌ی یه‌كێتی، له‌باره‌ی پاراستنی یه‌كڕیزی لایه‌نه سیاسیه‌كانی كوردستان، بۆ قۆناغه‌كه و به‌دیهێنانی مافه‌كانی گه‌لی كوردستان به پێویستیه‌كی گرنگی قۆناغه‌كه ناوبرا.
دۆخی حزبی و رێكخراوه‌یی، ته‌وه‌رێكی تری كۆبونه‌وه‌كه بوو، كاروباری مه‌كته‌ب و مه‌ڵبه‌ند و ئۆرگانه‌كان و چۆنێتی سازدانه‌وه‌یان بۆ راپه‌ڕاندنی ئه‌رك و به‌رپرسیاریه‌تیه‌كانی قۆناغه‌كه و چاره‌سه‌ركردنی كه‌موكورییه‌كان تاوتوێكران و له‌مباره‌یه‌وه چه‌ند بڕیارێكی گرنگ درا.
بڕیاریشدا، بۆ تاوتوێكردنی پرسه سیاسیه‌كانی كوردستان و عیراق و كاروباری حزبی، رۆژی شه‌ممه‌ی داهاتوو ئه‌نجومه‌نی سه‌ركردایه‌تی یه‌كێتی كۆببێته‌وه.
راگه‌یاندنی مه‌كته‌بی سیاسی
نيشاندان