ئه‌ڤرۆنيوز:
شه‌ڤا بۆرى ل باژێرێ چه‌لێ سه‌ر ب پارێزگه‌ها هه‌كارى به‌فر بارى وئه‌و باژێر سپى كر وژبه‌ر به‌فرێ شۆفێر تووشى چه‌ندين ئاسته‌نگان بوون.
شه‌وی رابردوو له شارۆچكه‌ی یوكسه‌كۆڤا سه‌ربه پارێزگای هه‌كاری، به‌فر باری و شارۆچكه‌كه سپی پۆشی وبه هۆی به‌فره‌كه‌شه‌وه شۆفێران ناوبه‌ناو دووچاری سه‌ختی بوون.
پشتى به‌فر بارينێ وه‌لاتيێن وى باژێرێ به‌فر ل سه‌ر تنرۆمبێل وبه‌رده‌م خانيێن خوه وجهێن كارێن خوه رامالى.
ئه‌ڤرۆنيوز:
ژێده‌رێن ئه‌منى يێن عيراقێ ئاشكراكرن كو دهێرشه‌كا فرۆكێن هه‌ڤپه‌يمانان ل سه‌ر ده‌ڤه‌را عه‌تشانه ل باكوورێ رۆژئاڤايێ مووسل 14 چه‌كدارێن داعشێ هاتنه كوشتن.
يه‌حيا ره‌سول، په‌يڤدارێ سه‌نته‌رێ راگه‌هاندنێ يێ سه‌ر ب وه‌زاره‌تا به‌رگريا عيراقێ ڤه دبه‌ياننامه‌كێ دا راگه‌هاند” دهێرشا فرۆكێن هه‌ڤپه‌يمانان دا دژى داعشێ بۆ سه‌ر چيايێن عه‌تشانه ل مووسل 14 چه‌كدارێن داعشێ هاتنه كوشتن.
ئه‌ڤرۆنيوز:
په‌يڤدارێ وه‌زاره‌تا ساخله‌ميا عيراقێ بۆ ئه‌ڤرۆ نيوز دياركر كو قوربانيێن له‌هيێن چه‌ند رۆژێن بۆرى ل هژماره‌كا پارێزگه‌هێن ناڤه‌راست وباشوورێ عيراقێ گه‌هشتيه 21 حاله‌تێن گيان ژ ده‌ستدانێ.
سه‌يف به‌در، په‌يڤدارێ وه‌زاره‌تا ساخله‌ميا عيراقێ بۆ ئه‌ڤرۆنيوز گۆت ژى، هژمارا برينداران ل وان پارێزگه‌هێن تووشى له‌هيان بووين گه‌هشته 108 كه‌سان.
ئه‌ڤرۆنيوز:
رێڤه‌به‌ريا گشتى يا ره‌گه‌زنامێ ل هه‌رێما كوردستانێ ئه‌ڤرۆ ئێكشه‌مبى 25/11/2018 رۆهنكرنه‌ك بۆ وه‌لاتيان به‌لاڤكر وتێدا ئاماژێ دده‌ت كو پێدڤيه فۆرما كارتا نيشتمانى بۆ زارۆيێن نوو ژدايك دبن بهێته داگرتن.
رێڤه‌به‌ريا ناڤبرى ل سه‌ر به‌رپه‌رێ خوه ل تۆرا جڤاكى يا فه‌يسبووكى به‌لاڤكر” ب برياره‌كا رێڤه‌به‌ريا گشتى يا ره‌گه‌زنامێ ل عيراقێ، ئه‌و زارۆيێن نوو ژدايك دبن، پێدڤيه پشتى سێ هه‌يڤان فۆرما كارتا نيشتمانى بۆ بهێته داگرتن ل گه‌ل به‌رهه‌ڤكرنا به‌لگه‌ناما ژدايكبوونێ (بيان ولاده، بۆ مامه‌لا كارتا نيشتمانى، هه‌روه‌سا پێدڤيه كارتا نيشتمانى بۆ دايك وبابێن زارۆى بهێته دروستكرن.
ئەڤرو نیوز، نه‌وزاد هلۆرى:
ب مه‌ره‌ما پێشئێخستنا كه‌رتێ چاندنێ و بیستانێن هناران، ئازاد هه‌له‌بجه‌ى جوتیارێ نموونه‌یێ كوردستان و باژێرێ هه‌له‌بجه ژ نێزیك سه‌ره‌دانا ده‌ڤه‌را بارزان كر و ل گه‌ل جوتیارێن ده‌ڤه‌رێ كومبوو و چه‌ندین رێنمایى دانه جوتیاران، ئه‌و بو ئه‌ڤرۆ نیوز دیاردكه‌ت كو شاشیێن جوتیاران كه‌رتێ چاندنێ ل ده‌ڤه‌را بارزان لاوازكریه.
عارف هه‌مدلى، جوتیاره‌كێ ده‌ڤه‌را بارزانه بۆ ئه‌ڤرۆ نیوز گۆت: (ب مه‌ره‌ما هه‌ڤكاریكرنا جوتیارێن ده‌ڤه‌را بارزان ب تایبه‌تى ب دانا رێنمایى بو باشتركرنا كه‌رتێ چاندنێ ب تایبه‌تى هناران، ئازاد هه‌له‌بجه‌ى ژ نێزیك سه‌ره‌دانا ده‌ڤه‌را بارزان و چه‌ند گونده‌كێن ده‌ڤه‌رێ كر و ل گه‌ل جوتیاران كومبوو و سه‌حا هژماره‌كا بیستانێن هناران دا و رێنمایێن تایبه‌ت دانه جوتیاران)
زێده‌تر گۆت: (پشتى گه‌ریان دناڤ بیستان و چاندنێ ل ده‌ڤه‌را بارزان، پاشا رێكخستنه‌كا تایبه‌ت بو باشتر رێنمایكرنا جوتیاران دیاركرنا هه‌موو ئه‌گه‌ر و شاشیێن جوتیاران ئه‌نجام دا، سوپاس بو خودێ ب هاریكاریا وى ئه‌م شیاین چه‌ندین شاشیێن خوه بزانین چونكى ئه‌ڤه چه‌ند ساله ئه‌م چاندنێ دكه‌ین و وه‌كو پێدڤى مه مفا ژ چاندنا خوه وه‌رنه‌گریه)
هه‌موو سالان ب رێیا فروتنا به‌رهه‌مێن هنارێ به‌شه‌ك ژ جوتیارێن ده‌ڤه‌را بارزان داهاته‌كێ په‌یدا دكه‌ن، به‌لێ ژبه‌ركو ده‌ڤه‌را بارزان ده‌ڤه‌ره‌كا چیایى یه ، به‌رهه‌مێ جوتیاران توشى سه‌رمایێ دبیت و زیانێن زور ب وان دكه‌ڤن.
ئازاد هه‌له‌بچه‌ى جوتیارێ نموونه‌یى ل هه‌له‌بجه كو لسه‌ر داخوازیا جوتیارێن ده‌ڤه‌رێ قه‌ستا ده‌ڤه‌را بارزان كربوو دچارچوڤێ گه‌ریان بوناڤ هژماره‌كا بیستانێن هناران گۆت: (ده‌ڤه‌را بارزان ئێكه ژ ده‌ڤه‌رێن چیایى و دوره ده‌ست و زێده‌تر دكه‌ڤیته به‌ر گورانكاریێن كه‌ش و هه‌واى، ئه‌ڤه سه‌ره‌راى كود بیت ئاخ و ئاڤ و نه‌شاره‌زایا جوتیاران دوارێ چاندنێ دا كارتێكرنێن زۆر لسه‌ر كه‌رتێ چاندنێ بكه‌ت، ژبه‌رڤى َگرنگه كو جوتیارێن ده‌ڤه‌را بارزان بزان ندێ كه‌نگى و چه‌وا ده‌ست ب چاندنێ كه‌ن داكو باشترین به‌رهه‌م ره‌وانه‌یێ بازارى بكه‌ن)
زێده‌تر گۆت: (پرانیا جوتیارێن ده‌ڤه‌را بارزان گه‌له‌ك ل نێزیك بنه‌دار و شتلێن هناران چاندینه، ئه‌ڤ یه‌ك بویه سه‌ده‌م كو دارێن هناران توشى هشكبوون و مرنێ ببن، هنده‌ك ژ جوتیاران ژى ل ئاخه‌كا ره‌ق و نه‌یا گونجاى هنار چاندینه و بویه سه‌ده‌م كو ئاڤ وه‌كو پێدڤى نه‌گه‌هیته ره‌هێن وان، دیسان وه‌كو پێدڤى داروبارێن ده‌ڤه‌رێ نه‌هاتینه كه‌زاختن و وه‌كو ته‌راشان لێهاتینه، هه‌ردیسان هنارێن ده‌ڤه‌رێ توشى كرمى بوونێ بوینه و نێزیكه ئه‌ڤ كرمه بگه‌هیته ره‌هێن وێ و ببیته سه‌ده‌ما هشككرنا هناران، ژبه‌رڤێ گرنگه جوتیارێن ده‌ڤه‌رێ رێنمایێن پێدڤى وه‌ربگرن به‌رى كو هه‌ر پێنگاڤه‌كێ بهاڤێژن داكو بشێن باشترین به‌رهه‌م ره‌وانه‌یێ بازارى بكه‌ن و زیاندار نه‌بن)
ده‌ڤه‌را بارزان ژ شه‌ش ناحیا و 270 گوندان بخوڤه دگریت، پرانیا گوندێن وێ چاندن لێ دهێته‌كرن، پرانیا ئه‌و چاندنا ل ده‌ڤه‌رێ ژى دهێته‌كرن ب مه‌ره‌ما ژیانا روژانه‌یه، به‌شه‌ك ژ جوتیاران به‌رهه‌مێن خوه دفروشن.
ئه‌ڤرۆنيوز:
ده‌سته‌يا گشتى يا كه‌شناسيێ وبيڤه‌له‌رزان ل عيراقێ به‌لاڤكر كو سه‌نته‌رێ بيڤه‌له‌رزا ئه‌ڤرۆ ئه‌وا ل ده‌مژمێر 7:37 ئه‌ڤ شه‌ڤه رووداى، ل رۆژئاڤايێ ئيرانێ بوو وب دووريا تنێ 30 كيلۆمه‌تران ژ باژێرێ خانه‌قينێ بوو ل پارێزگه‌ها ديالا.
دوره‌يد مه‌عموورى، رۆژنامه‌ڤان ل باژێرێ به‌عقوبه سه‌نته‌رێ پارێزگه‌ها ديالا كو باژێرێ خانه‌قين سه‌ر ب وێ پاريزگه‌هێ ڤه يه، بۆ ئه‌ڤرۆنيوز گۆت”چو زيانێن گيانى ومادى نه‌بوون ژ ئه‌نجامێ بيڤه‌له‌رزى كو پارێزگه‌ها ديالا وب تايبه‌تى باژێرێ خانه‌قين نێزيك ترين ده‌ڤه‌رين عيراقێ بوون بۆ سه‌نته‌رێ وێ بيڤه‌له‌رزێ كو ده‌ڤه‌را سه‌ربيل زه‌هاب بوو ل ئيرانێ”.
دوره‌يدى گۆت ژى” تيمێن به‌رگريا شارستانى ل پتريا ده‌ڤه‌رێن پارێزگه‌ها ديالا يێن كه‌فتينه دحاله‌تا ئاماده‌باشيێ دا وه‌كو به‌رهه‌ڤيه‌ك بۆ هه‌ر پێشهاته‌كێ يان بيڤه‌له‌رزه‌كێ”.
ئه‌ڤرۆنيوز:
سه‌رۆك وه‌زيرێن هه‌رێما كوردستانێ، نێچيرڤان بارزانى ئه‌ڤرۆ ئێكشه‌مبى 25/11/2018 پێشوازى ل شانده‌كێ بلند يێ فره‌نسى كر كو ژ ماريێل دو سارنێز سه‌رۆكا لژنا په‌يوه‌نديێن ده‌رڤه وبه‌رگريێ ل په‌رله‌مانێ فره‌نسا وكلۆد گۆزاگن وديلفن ئۆ ئه‌ندامێن لژنێ وبرۆنۆ ئۆبێرت باليۆزێ فره‌نسا ل عيراقێ ودۆمنيك ماس كۆنسۆلێ فره‌نسا ل هه‌رێما كوردستانێ پێكهاتبوو.
شاندێ فره‌نسى به‌رده‌واميا هاريكاريان بۆ هه‌رێما كوردستانێ دهه‌موو بوارانم دووپاتكر وپێنگاڤێن حوكمه‌تا هه‌رێمێ ژى بۆ دروستكرنا باوه‌ريێ وچاره‌كرنا كێشێن هه‌ولێرێ وبه‌غدا ب رێيا ديالۆكێ وپرۆسا سياسى ل هه‌رێمێ وئێكرێزيا لايه‌نێن كوردستان ب گرنگ هژمارت.
نێچيرڤان بارزانى سوپاسيا هاريكاريا به‌رده‌وام يا فره‌نسا بۆ هه‌رێما كوردستانێ كر ل ده‌مێن سه‌خ تدا ب تايبه‌تى سالا بۆرى ده‌مێ سه‌رۆكێ فره‌نسى ماكرۆن پشته‌ڤانيا هه‌رێما كوردستانێ وقه‌وارێ وێ يێ سياسى كرى.
نيشاندان