ئەڤرۆ نیوز:
تورا میدیایی یا BBC یا برێتانی لیستا ناڤێ ١٠٠ ژنێن کاریگەر ل سەر ئاستێ جیھانێ بەلاڤ کر د بیاڤێ وەرزش، سیاسەت، زانست، ھونەر و یاسا دا کو ئەڤ ژنێن ناڤێن وان ھاتین د ئەکتیڤ و کاریگەرن ژوانا کچەکا کوبانێ د ناڤ ڤان ١٠٠ کەسان دایە.
ھەمان ژێدەتر دیارکر د ڤێ لیستێ دا ناڤێ کچا کورد نوژین مستەفا کو خەلکا کوبانێ یە چیروکا کوچبەریا خوە ژ حەلەب ھەتا ئەلمانیا ژ بەر شەرێ دژی داعشێ نڤیسایە و بویە جھێ سەرنج راکێشانێ لەورا ناڤێ وێ ژی د لیستا ١٠٠ ژنێن کاریگەر و ئەکتیڤ دا ھاتیە بەلاڤ کرن.
ئەڤرۆ نیۆز:
دەزگەهێن راگەهاندنا تورکیا دیار دکەن کو ئەردۆگانی دوهی ٤٠ کاندید بۆ باژێرڤانیێن تورکیا و باکورێ کوردستانێ راگەهاندن کو تنێ ئێک ژن هاتیە کاندید کرن و ژ بەر هندێ ژی گەلەک ژنێن د ناڤا رێزێن ئاکپارتیێ دا ژ ڤێ بریارێ دلگرانن، چونکو هەست ب هندێ دکەن نحەقی ل وان هاتیە کرن.
دەزگەهێن راگەهاندنێ یێن نێزیکی ئاکپارتیێ ژی دیار دکەن کو هێشتا ناڤێ گەلەک کاندیدێن دی یێن ئاکپارتیێ بۆ باژێرێن جودا جودا یێن تورکیا نەهاتینە راگەهاندن و رەنگە گەلەک ژن بهێنە کاندیدکرن، لێ چاڤدێرێن سیاسی دیار دکەن کو راگەهاندنا چهل کاندیدان کو تنێ ئێک ژن تێدا بوویە ئاماژەکە ب هندێ کو ڤێجارێ دێ رێژا کاندیدێن ژن بۆ سەرۆکاتیا باژیرڤانیان ل گۆر هەلبژارتنێن بۆری کێم بیت.
ئه‌ڤرۆ نیوز،هه‌ژار مه‌عروف:
نوونەرێن باکورێ کوردستانێ دخۆلێن پلا سێ و دوو یا تورکیا ته‌پاپێ دا به‌ردوامی دا ئه‌نجامێن خوه یێن لاواز پشتی دڤێ حه‌فتیێ دا ژ سه‌رجه‌مێ پێنچ یانا بتنێ ئێک شیا سه‌رکه‌فتنێ توماربکه‌ت.
دخۆلا پلا دو دا یانا ئامەد سپور پشتی بورینا پێنچ یاریان ل دیڤ ئێک نه‌شیای سه‌رکه‌فتنێ توماربکه‌ت د ڤێ حه‌فتیێ دا شیا سه‌رکه‌فتنه‌کا مه‌زن ل سه‌ر یانا غازی عنتاب ل یاریگه‌ها وێ توماربکه‌ت ب چار گولان بێ به‌رامبه‌ر، پشتی ڤێ سه‌رکه‌فتنێ ئامه‌د خالێن خمه گه‌هاندنه ١٨ خالان ژ ١٤ یاریان کو پێنچ سەرکەفتن ل گەل سێ وەکھەڤیا و شه‌ش خوسارەتیا .
ژلایەکێ دووڤە د یاریێن گەرا ١٤ ژ قوناغا ئێکێ ژ خۆلا پلا سێ یا تورکیا یا تەپا پێ کو چار یانێن کوردی د پشکدارن و د یاریێن کوما ئێکێ دا باتمان سپور نه‌ل ناڤ ئه‌رد و حه‌ماوه‌رێ خوه خوساره‌ت بوو ل گه‌ل یانا هوپا سپور ب گوله‌کێ کو باتمان نوکه ١٦ خالان هه‌نه ل رێزا یازدێ دھێت و د یاریێن کوما دوێ دا یانا وان سپور بوو یاریا دوێ ل دیڤ ئێک وه‌کهه‌ڤبووی پشتی ئه‌ڤ جاره ژی ل گه‌ل یانا ئادیمن سپور وه‌کهه‌ڤبووی کو وان سپور خالێن خوه گه‌هانده ٢٢ خالان ژ رێزا سێ پاشڤه چو رێزا چارێ.
د یاریێن کوما سێ دا دو یانە پشکدارن ئەوژی یانێن دیاربەکر سپور و جەزیرە سپور کو هه‌ردو نوونه‌رێن باکورێ کوردستانێ دڤێ حه‌فتیێ دل نه‌شیا سه‌رکه‌فتنێ توماربکه‌ن کو سێ دو خالێن گرنگ ژ ده‌ستدان پشتی ل گه‌ل یانا ئه‌نقره ئادیامه‌ن سپور وه‌کهه‌ڤبووی و جه‌زیره سپور به‌ردوامی دا ئه‌نجامێن خوه لاواز ل وه‌رزێ ئه‌ڤ ساله و ڤێ حه‌فتیێ دا ژی ل گه‌ل یانا خالیدی خوساره‌ت بوو ب گوله‌کێ کو دبیته خوساره‌تیا شه‌شێ ل وه‌رزێ ئه‌ڤ ساله و پاشڤه چو رێزا دووماهیێ.
ئه‌ڤرۆ نیوز:
یانا به‌رشه‌لونا ئه‌ڤرۆ ب فه‌رمی هنگافتنا یاریزانێ خوه یێ به‌رازیلی راڤینا راگه‌هاند کو یانا ناڤبری د به‌یانامه‌کێ دا دیارکری یه پشتی یاریا ئه‌وان یا شڤێدی ل گه‌ل ئه‌تله‌تیکو مه‌درید ب دووماهیی هاتی یاریزانێ وێ راڤینا توشی هنگافتنێ بوویه ل جوکێ وی یێ چه‌پێ و چاڤه‌رێ دهێته‌کرن ل چه‌ند روژێن دی نشته‌گه‌ریه‌ک بوو بهێته‌کرن.
یانێ ئاماژه ب وێ چه‌ندی ژس کریه کو راڤینا دێ بوو ماوێ شه‌ش هه‌یڤان ژ یاریگه‌هان دورکه‌ڤیت.
ئەڤرۆ نیو:
ئێکەتیا تەپا پێ یا ئسپانی دیارکر لژنەیا سزایان یا سەر ب ئێکەتیا وان ڤە دێ ھەردو یانێن ئەتلەتیکو مەدرید و بەرشەلونە سزا دەت ژ بەر روویدانێن ڤێ یاریێ دا پەیدابوین ئەوا دوھی شەڤ ھاتیە کرن ژ گەرا سێزدێ یا خولا لالیگایێ.
رۆژناما ئاس یا ئسپانی ئاشکرا کر کو لژنا سززایان یا سەر ب ئێکەتیا تەپا پێ یا ئیسپانی ڤە دێ ھەردو یانێن ئەتلەتیکو مەدرید و بەرشەلونە سززا دەت ژ ئەگەرێ گیروبونا ھاتنا د ناف یاریگەھێ دا ل دەمێ بھێنڤەدانا ناڤبەرا ھەردو گێمان کو سززایێ وێ ژی دێ کوژمەکێ پارەی بیت.
دیسان ئێکەتیا ئسپانی بریار دایە سززایەکی ل سەر یانا ئەتلەتیکو مەدرید ب سەپینت کو دبیت یاریگەھا واندا میتروپولیتانو بھێـە داخستن پشتی یانا بەرشەلونە گۆلا وەکھەڤیێ ل خولەکا ٩٠ تومارکری و بویە ئەگەر پشتەڤانێن یانا ئەتلەتیکو مەدرید ھندەک تشت د یاریزانێن یانا کەتالونی وەرکرین.
ئەڤرۆ نيۆز:
نما نەريمان چالاکڤانا زارۆ ل سەر تورێن جڤاكى ل سەر پەيچێ سەرەكی یێ خوە پارچە ڤيديويەك بەلاڤكريە و تێدا نووچەيێ گرتنا بابێ خوە راگەهاند و ب توندى هەموو ئەو كەس و لايەن شەمزاركرن كو بابێ وێ گرتيە.
وەكو نمايێ دايە دياركرن كو بابێ وێ ل سەر سكالايەكا رێكخراوا پاراستنا زارۆیان هاتيە گرتن، هەڤدەم هەموو ئەو كەس و لايەن ژى شەمزار كرن كو رابووينە ب گرتنا بابێ وێ و ب باوەريا نمايێ رزگاركرنا زارۆیا ل سەر جادەيان گرنگتر بوو ژ گرتنا بابێ وێ.
دهێتە زانين كو نەريمان ئەندامێ مەكتەبا راگەهاندنا سوسياليستا كوردستانێ يە و هەڤدەم ژى ئەندامێ كارا يێ سەنديكا رۆژنامەڤانێن كوردستانێ يە.
ئەڤرۆ نیۆز، هۆشەنگ تاجر:
فەیسەل ئیسماعیل ئەندامێ سەرکردایەتیا پارتی دیموکراتی کوردستان/ سووریا بۆ ئەڤرۆ نیۆز دیار کر کو دانا خالێن سنۆری ئانکۆ بنگەهێن سەربازی ل سنۆرێ د ناڤبەرا رۆژئاڤایێ کوردستانێ و تورکیا ژ ئالیێ ئەمریکا ڤە چەند مەرەمێن خوە یێن گرنگ هەنە، یا ئێکێ ئەمریکا دخوازیت ڤێ پەیامێ بدەتە تورکیا کو ئەم دێ سنۆران پارێزین و ناهێلن چو مەترسی ل سەر تورکیا هەبیت، چونکو ئەمریکا هەتا نها ژی تورکیا ب هەڤپەیمانا خوە یا سەرەکی ل ناتۆ دبینیت و ناخوازیت پەیوەندیێن وێ ل گەل تورکیا تێک بچن.
ناڤهاتی هەروەسا دیار کر کو دانانا ڤان خالێن پشکنینێ بۆ رۆژئاڤایێ کوردستانێ ژی گەلەکێ باشە، چونکو رەوشا رۆژئاڤا ئالۆزە و خەلکێ مە دترسیت کارەساتێن وەکو عەفرینێ جارەکا دی دوبارە ببن، چونکو هەکە تورکیا هێرشی رۆژهەلاتێ فراتێ بکەت دێ کارەساتێن مەزن روو دەن و گۆت: (دەمێ ئەمریکا ڤان خالێن سنۆری ئانکۆ بنگەهێن سەربازی دانێت ئێدی رێگری ل هێرشێن تورکیا ژی دهێتە کرن و ئەو یەک بۆ پاراستنا رۆژئاڤایێ کوردستانێ ژی گرنگیەکا خوە یا تایبەت هەیە).
ئه‌ڤرۆ نیوز، هه‌ژار:
پشتی یاریێن گه‌را شه‌شێ ژ خۆلا پلا نایاب یا کوردستانێ ب دووماهیی هاتین کو دڤێ حه‌فتیێ دا دهۆک خوه ژ خوساره‌تیه‌کا مسوگه‌ر قورتالکر و پشتی وه‌کهه‌ڤبووی ب دو گولان ل گه‌ل برایه‌تی کو دهۆکێ گولا وه‌کهه‌ڤیێ ل دقیقا ٩٣ تومارکر بوو، زاخۆ شیا سه‌رکه‌فتنا ئێکێ توماربکه‌ت ده‌مێ ب سه‌رکه‌فتی ل سه‌ر ده‌ربه‌ندیخان و زێره‌ڤانی و ئاکرێ به‌رده‌وامی دا ئه‌تجامێن لاواز پشتی خوساره‌ت بووین.
هه‌لویستێ خۆلێ ب ڤی ره‌نگی یه پشتی بورینا شه‌ش یاریان
۱- پ. سلێمانیێ ١٤ خال
۲- پ. هەولێر ١٣ خال
۳- دهۆک ١٢ خاڵ
٤-ئارارات ١١ خال
٥- نەورۆز ٩ خال
٦- گازی باکوور ٧ خال
۷- زاخۆ ۷ خال
۸- هەولێر ٧ خال
۹-دەربەندیخان ٦ خال
۱۰-زێرەڤانی ٦ خال
۱۱- هەندرێن ٥ خال
۱۲- ئاکرێ ٤ خال
۱۳- شێروانه ٤ خال
۱٤- برایەتی ٣ خال
ئەڤرۆنیۆز، سالار دۆسکی:
ھەڤال مەجید ئێکەم کلیپا خوە یا مۆزیکێ بناڤێ (نالینەک) ل تورێن جڤاکی بەلاڤەدکەت، دیارکر کو کو مافێ پاراستنێ بۆ چ کەسێ نینە، چنکو بێ سپونسەری ئەڤ کارە ئەنجام دایە.
ھەڤال مەجید بۆ بۆ ئەڤرۆنیۆز ئاشکراکر کو ل دەسپێکێ گەلەک گرنگی ب مۆزیک و ستایلێ مۆزیکا کوردی دایە، ل دەسپێکا مەوالەکێ ب کەمانێ دژەنیت، دووڤ دا ب سترانەکا ھونەرمەندێ (محەمەد شێخۆ) بەردەوام دبیت ھەر مۆزیک ب کەمانێ ھاتیە ژەنیت، دووڤ دا مەوالەک ب ئاھاتا دھێتە گۆتن ب دەنگێ (ھوزان دھۆکی) ستران ب کەمانێ بەردەوام دبیت.
ناڤبری ئاماژەکرە وێ چەندێ کو کلیپ ل ستودیۆیا خوە یا خوە یا ب ناڤێ (hm) میۆزیک تۆمارکریە (رەند)ی بناغێ کلیپێ دروست کریە، (محەمەد جەمال) ب کارێ مۆنتاژ و دەرھێنانێ رابوویە، ل دووماھیێ گۆت: ئەڤە ئێکەم کارێ منە و ھیڤی خوازە ل پاشەرۆژێ کارێن باشتر ئەنجام بدەت.
ئەڤرۆ نیۆز، هۆشەنگ تاجر:
دارا ناتق ئەندامێ سەرکردایەتیا پارتی دیموکراتی کوردستان/ ئیران بۆ ئەڤرۆ نیۆز دیار کر کو دوهی سەرۆکێن هەموو پارتێن رۆژهەلاتێ کوردستانێ ل ناڤەندا هەڤکاریا پارتێن رۆژهەلاتێ کوردستانێ کۆمبوون و ل دۆر رەوشا دووماهیێ یا رۆژهەلاتێ کوردستانێ و ئیرانێ دانوستاندن کرن و گۆت: (ئارمانجا سەرەکی یا ڤێ کۆمبوونێ ئەڤ بوو دا رەوشا سیاسی یا دووماهیێ ل ئیرانێ و رۆژهەلاتێ کوردستانێ گەنگەشە بکەن، چونکو پێشبینیا هندێ دهێتە کرن ل ڤێ زڤستانێ پێلەکا خوەنیشادانان ل ئیرانێ و رۆژهەلاتێ کوردستانێ دەستپێ بکەت و پارتێن رۆژهەلات ژی خوە بۆ هندێ بەرهەڤ دکەن).
ناڤهاتی دیار کر کو رەوشا سیاسی یا رۆژهەلاتێ کوردستانێ و ئیرانێ گەلەکێ خرابە و خەلک ژ سیستەمی بێزار بووینە، ژ بەر هندێ ئەم پێشبینی دکەین سەرهلدانێن جەماوەری دەستپێ بکەن و ببیتە ئەگەرێ دەستپێکرنا قۆناغەکا نوو و گۆت: (پارتێن رۆژهەلات ژی ژ بەر هندێ دوهی کۆمبوون دا خوە بۆ هەر گوهۆڕینەکێ بەرهەڤ بکەن و دێ کۆمبوونێن ناڤەندا هەڤکاریا پارتێن رۆژهەلاتێ کوردستانێ بەردەوام بن، چونکو ئەم چاڤەرێ گوهۆڕینێن مەزن دکەین).
نيشاندان