ئه‌ڤرۆنيوز:
ژێده‌ره‌كێ ئاگه‌هدار ب مالپه‌رێ سومه‌ريه نيوز راگه‌هاند، سه‌رۆك مه‌سعود بارزانى دێ سه‌ره‌دانا دو وه‌لاتێن كه‌نداڤى كه‌ت.
مالپه‌رێ سومه‌ريه نيوز ژزارده‌ڤێ ژێده‌ره‌كێ ئاگه‌هدار به‌لاڤكر كو سه‌رۆك بارزانى ل نێزيك دێ سه‌ره‌دانا ئيماراتێ وسعوديێ كه‌ت.
ئاماژه كر ژى كو سه‌ره‌دانا سه‌رۆك بارزانى بۆ وان هه‌ردو وه‌لاتێن كه‌نداڤى دێ پشتى سه‌ره‌دانا وى بۆ به‌غدا ونه‌جه‌ف بيت.
ئەڤرۆ نیوز:
ئاسایشا قەزا سوران ئاشکرا کر کو ئەوان دەست ب سەر ٣٠ کگم ماددەیێن ھوشبەر دا گرتن، و ئەو کەسێ ڤێ ھاتیە گرتن ژی خەلکێ ھەرێما کوردستانێ یە.
ئاسایشا قەزا سوران یا سەر ب پارێزگەھا ھەولێر ڤە ئەو چەندە ژی ئاشکرا کر کو ب رێکا قەچاخ کەسەکێ خەلکێ ھەرێما کوردستانێ ب رێکا ترومبێلەکا ھژمارە بەغدا ٣٠ کگم ماددەیێن ھوشبەر ژ جورێ ھییرۆیین ڤەشارت بوون ھاتە دەستەسەر کرن كو ژ وەلاتێ ئیرانێ ئینابوون، نوکە ژی ھێشتا ڤەکولین دگەل دا دھێتە کرن و ئەنجامێن وێ ژی دێ ل ماوەێ بھێت ھێتە بەلاڤ کرن.
ئەڤرۆ نیۆز:
ل گۆر دەزگەهێن میدیایی یێن ئەفغانستانێ بەری دەمەکێ مەولەوی عەبدولبەسیر حەقانی سەرۆکێ جڤاتا زانایێن کابول ل ئەفغانستانێ هاتە تیرۆر کرن.
بەرپرسەکێ هێزێن پۆلیسێن ئەفغانستانێ دیار کریە کو چەند کەسێن نەنیاس هێرشی حەقانی کرینە و ل جهێ روودانێ جانێ خوە ژ دەست دایە، لێ هەتا نها چو کەس و گرۆپەکێ بەرپرسیاریا خوە ل هەمبەر کوشتنا حەقانی دیار نەکرینە و ڤەکۆلین ل دۆر ڤی بابەتی ژی بەردەوامن.
ئەو یەک د دەمەکێ دایە کو د ماوەیێ چەند مەهێن بۆری دا ل ئەفغانستانێ چەندین زانایێن ئایینی ب دەستێ هندەک کەسێن نەنیاس هاتنە تیرۆرکرن و ئێکەتیا زانایێن ئەفغانستانێ ژی دبێژیت دەولەت وەکو پێدڤی پاراستنا ڤان کەسان ناکەت و خەمساری هاتیە کرن.
ئەڤرۆ نیوز:
د یاریێن گەرا شەشێ یا خولا نایاب کوردستانێ دا د یاریەکا پاشخست دا ژ ڤێ گەرێ تیما تەپا پێ یا ئاکرێ توشی خوسارەتیێ بوو ل سەر دەستێ یانا نەوروز ب سێ گۆلان بەرامبەر گۆلەکێ.
گۆلێن ڤێ یاریێ ل دەسپێکا یانا نەوروز شیا پێشبکەڤیت دەمێ یاریزانێ ئاکرێ ب خەلەتی گۆل ل سەر تیما خوە کری، د نیڤا دویێ دا پیشەکارێ یانا ئاکرێ ئەدیبایور شیا گۆلا وەکھەڤیێ توماربکەت پشتی ڤێ گۆلێ یاریزانێن نەوروز ئاسو روستەم و ئاراز مستەفا شیان دو گۆلان توماربکەن و یاریێ ب سێ گۆلان بەرامبەر گۆلەکێ ب دووماھی بینن
ئەڤرۆ نیوز:
ل دووڤ پەیامەکێ سایتێ ئسرائیل عەرەبیە کو تێدا ھاتیە کو خەلکێ عیراقی گەھشتیە وێ باوەریێ کو ھەڤپەیمانیا عیراقێ دگەل ئیرانێ بوویە ئەگەرێ نە ئارامیا دەڤەرێ ب گشتی و ھێدی ھێدی ئەڤ چەندە یا ب روونی ئاشکرا دبیت ل دەف خەلکێ عیراقێ و ھەر کێشەیا ل دەڤەرێ روودەت ئیران ل پشتە زێدەباری قوولترکرنا کێشەیێن نافخو کو ئیران حەز ناکەت عیراق ئارام بیت، لەورا ل دووڤ راپرسیەکێ د گەل خەلکێ عیراقێ ھاتیە ئەنجامدان تێدا ٤٨% خەلکێ عیراقێ د خوازن پەیوەندیێن وان دگەل وەلاتێ ئسرائیل بھێتە دانان ژبەرکو دووژمنا سەرەکی یا عیراقێ ئیرانە.
ئەڤرۆ نیوز، ئەمیر ئەترووشی:
پارێزەرێ دوسەیا جینۆساید ناساندنا تاوانێن داعش دژی پێکھاتان ل ھەرێما کوردستانێ راگەھاند، بریارە ل دەمەکێ نێزیک دادگەھا تاوانێن نێڤدەولەتی کار بۆ جینۆساید ناساندنا تاوانێن داعش بھێتە کرن.
ئەیاد کاکەیی، پارێزەرێ دوسەیا جینۆساید ناساندنا تاوانێن داعش دژی پێکھاتان بۆ (ئەڤرۆنیوز) دیار کر، ژ سالا ٢٠١٤ وەرە ئەم دیکۆمێنتان بۆ جینۆساید ناساندنا تاوانێن داعش دژی پێکھاتان کۆمدکەین، بەلێ ژ بەر کو ھەتا نھا عیراق د وێ دادگەھێ دا ئەندام نەبوویە، لەوما ئەڤ چەندە ھاتبوو پاشخستن و نھا پشتی کۆمکرنا ھەموو دیکۆمێنتێن پێدڤی بۆ جینۆساید ناساندنا تاوانێن داعش دژی پێکھاتان، مە ئەو فایلە ب فەرمی بۆ دادگەھا تاوانێن نێڤدەولەتی رەوانەکر.
کاکەیی ئاماژە ب ھندێ ژی دا، کۆنگرەیەک ل دەستپێکا ھەیڤا ١٢ یا بھێت دێ ل دور رۆلێ دادگەھا بلند یا تاوانان یا نێڤدەولەتی ھێتە سازکرن و ئەم ژی دێ تێدا بەشدار بین و گۆتیشی: ئەم دێ ھەموو بزاڤان کەین بۆ ھندێ دانپێدانێن نێڤدەولەتی ب جینۆساید ناساندنا تاوانێن داعش دژی پێکھاتان ل ھەرێما کوردستانێ بھێتە کرن.
ئەڤرۆ نیۆز:
جێمس جێفری نوونەرێ تایبەتێ ئەمریکا بۆ کاروبارێن سووریێ راگەهاند کو ئەمریکا چو دەمەکێ پەیوەندیێن خوە ل گەل دەستهەلاتا بەشاری ئاسایی ناکەت، چونکو بەشار ئەسەد ب پشتەڤانیا ئیرانێ بوویە ئەگەرێ کوشتنا ب هزاران وەلاتیێن سووریێ و گۆت: (لێ ئەمریکا ب چو رەنگەکێ بزاڤا گوهۆڕینا دەستهەلاتا سووریێ ژی ناکەت و گەلێ سووریێ دشێن د هەلبژارتنەکا ئازاد و دیموکرات دا بریارا خوە بدەن).
نوونەرێ تایبەتێ ئەمریکا بۆ کاروبارێن سووریێ ل دۆر چاوانیا چارەکرنا قەیرانا سووریێ ژی دیار کر کو دڤێت مەرجێن ناڤخوەیی ل سووریێ بۆ هەلبژارتنەکا ئازاد گونجای بن، وی دەمی گەلێن سووریێ بخوە دشێن بریارەکا راست بدەن، ژ بەر هندێ ژی وەکو ئەمریکا ئەم چو دەستێوەردانێ بۆ گوهۆڕینا دەستهەلاتێ ل سووریێ ناکەین.
نيشاندان