ئەڤرۆ نیۆز، قائید میرۆ:

بڕیارە ئەڤرۆ لپەرلەمانێ عێراقێ پۆستێ سەرۆک کۆمارێ عێراقێ بھێتە ئێکلاکرن، گورەی زانیاریێن ئەڤرۆ نیۆز ھژمارەک پەرلەمانتارێن ئێکەتیێ ژی دێ دەنگی دەنە بەربژێرێ پارتی دیموکراتی کوردستان.

ژێدەرەکی ژ فڕاکسیۆنا پارتی دیموکراتی کوردستان ب ئەڤرۆ نیۆز راگەھاند” بڕیارە ئەڤرۆ نیڤرۆ پەرلەمانێ عێراقێ لدۆر ھەلبژارتنا سەرۆک کۆمارێ کۆمببیت و ئەگەر پارتی و ئێکەتی نەگەھشتن چو رێکەفتنان ئەڤە دێ دکتۆر بەرھەم سالح وەک بەربژێرێ ئێکەتیێ و دکتۆر فوئاد حوسێن وەک بەربژێرێ پارتی دێ ب دەنگێن پەرلەمانتاران ھێنە ئێکلاکرن، ھەرچەندە ئەگەر ھەنە دناڤا فڕاکسیۆنێن کوردستانی ئەف بابەتە بھێتە ئێکلاکرن.

ل دۆر سەرکەفتنا بەربژێرێ پارتی ئەڤی ژێدەری گۆت” کارێ باش ھاتیەکرن بۆ سەرکەفتنا دکتۆر فوئاد حوسێن و لایەنێن عەرەبی ژی سۆزدایە دەنگی بدەنێ، ھەتا ھژمارەک پەرلەمانتارێن ئێکەتیێ دەنگی نادەنە دکتۆر بەرھەم سالح و سۆزدایە دەنگی بدەنە دکتۆر فوئاد حوسێن بەربژێرێ پارتی دیموکراتی کوردستان.

ئەڤرۆ نيوز:‏

پەیڤدارێ جڤاتا سەرکرداتیا پارتی دیموکراتی کوردستان ل سلێمانیێ و ھەلەبجە دیار کر کو ل ھەلبژارتنێن خولا ‏پێنجێ یا پەرلەمانێ کوردستانی پارتی دیموکراتی کوردستان ل سنوورێ پارێزگەھا سلێمانیێ ب رەنگەکێ بەرچاڤ ‏رێژا دەنگێن خوە زێدەکریە و پارتی دێ سۆزێن خوە ل گەل دەنگدەرێن خوە بجە ئینیت.‏

عەتا شێخ حەسەن، پەیڤدارێ جڤاتا سەرکرداتیا پارتی دیموکراتی کوردستان ل سلێمانیێ و ھەلەبجە بۆ رۆژناما ‏ئەڤرۆ دیار کر کو دەنگێن پارتی ب رێژەکا باش ل چاڤ ھەلبژارتنێن بۆری ل گورەی ئەنجامێن نەفەرمی زێدەبووینە ‏و گۆت: “پارتی دیموکراتی کوردستان رێزا سێیێ ل پارێزگەھا سلێمانیێ ب دەستڤەئینایە، ئەو ئەنجامێن ب رێیا ‏بریکارێن پارتی گەھشتینە مە دەنگێن پارتی دیموکراتی کوردستان ل سنوورێ پارێزگەھا سلێمانیێ و دەوروبەرا د ‏ھەلبژارتنێن خۆلا پێنجێ یێن پەرلەمانێ کوردستانێ دا ب رەنگەکێ بەرچاڤ زێدەبووینە”.‏

ناڤھاتی ئاماژە دا وێ چەندێ کو پارتی د خەما دەنگدەرێن خوەدایە ل ھەموو کوردستانێ دێ سۆزێن خوە بجە ‏ئینیت و گۆت: “ئەو درووشمێن ل دەمێ بانگەشێ ھاتینە ب کارئینان دێ خزمەتا دەنگدەران پێ ھێتەکرن ل ھەموو ‏کوردستانێ، پارتی دێ خودان سۆزا خوە بیت و پشتی ھەلبژارتنان دێ سۆزا خوە ل گەل دەنگدەرێن خوە بجە ئینیت.‏

ئەڤرۆ نيوز:

عەبدوللا مەلا نوری ئەندامێ بەرێ یێ پەرلەمانێ ھەرێما کوردستانێ یێ سەر ب ‏لیستا گۆڕانێ ڤە، ل سەر مالپەرێ تایبەتێ یێ فسێبوکی بەلاڤکریە و دبێژت، ‏پشتی ئەنجامێن دەنگدانێ بزاڤا گۆڕان بشێوەکێ بەرچاڤ دەنگێن خوە کێمکرینە، ‏ئەو ژی پشتی دیار بوونا ئەنجامێن بەراھیێ یێن نەفەرمی یێن ھەلبژارتنێن ھەرێما ‏کوردستانێ، کو بوویە جھێ گازندە و نەرازیبوونا پڕانیا ئەندام و ئالیگرێن بزاڤا ‏گۆڕان و داخوازا دەست ژ کار کێشانا رێکخەرێ گشتی و خانەیا راپەرین دکەن. ‏

عەبدوللا مەلا نوری د نڤیسارا خوەیا تایبەتدا ل ژێر ناڤونیشانێن ( داخوزا ‏لێبۆرنێ بکەن و دەست ژکارێن خوە بەردن) دبێژیت، دو گرۆ بەرپرسن ژ پاشەکێشا ‏بزاڤا گۆڕان. ‏

یا ئێگێ بەرێز رێکخەرێ گشتی و خانەیا راپەرین، ب ئەگەرێ لاوازی و خرابیا ‏سیاسەت و ھەلویست و شێوازێ برێڤەبرنێ یە. ‏

یا دۆی گرۆپێن دیترن کو ھندەک ژوان چ پۆستێن رێکخراویی نین، ئەوژی ب ئەگەری ‏ریکخەرێ گشتی و خانەیا راپەیرین و لاوازیا وانایە، کو ژ دەرڤەیی ئۆرگانێن ‏رێکخستنێ بتنێ گۆڕانن و ھەر پرۆژە بڕیارەکا ھاتبا بەردەست وانا بجە دئینان، ‏ھەولیست و پێنگاڤێن گرۆپا دوێ ب رەنگەنکی بوو کو مەترسی ل سەر ناسناما بزاڤا ‏گۆڕانێ دروست دکر. ‏

دپشکەکا دیا نڤیسارار خوەدا مەلا نوری گۆت: نوکە دەم ھاتیە رێکخەرێ گشتی و ‏ئەندامێن خانەیا راپەرین داخوازا لێبۆرینێ ژ خەلکێ کوردستانێ و گۆڕان خوازان ‏بکەن، دەست ژ کارێن خوە بەردەن، ھەڤدەم دڤێت رۆلێ خرابێ گرۆپێ دووژێ ب ‏دووماھی بھێت.‏

عەبدوللا مەلا نوری ھەروەسا داخوازێ ژ گۆڕانخوازان دکەت، کو پشتەڤانیا وی بھێتە ‏کرن، بۆ راستڤەکرنا بزاڤا گۆڕانێ و دەولەمەندکرن و بجھئینانا وان پرۆژێن بەری ‏نوکە ژ ئالیێ ھەلسۆراوێن گۆڕانێ ڤە ھاتینە دانان.‏

ل دووماھی گۆت: وەک کارەکێ ئەخلاقی یا ژ مەھاتی بۆ سەرخستنا گۆڕان د ‏ھەلبژارتنان دا مە خەمساری نەکریە، نوکە بتنێ مایە ب دەنگەکێ بلند و کارەکێ ‏فەرە ل سەر ملێن مە داخوازا گوھۆڕینان دناڤا گوڕانێ دا بکەین. ‏