ئەڤرۆ نیوز:
سەفین دزەیی، ئاخفتنکەرێ ب ناڤێ حوکمەتا هەرێما کوردستانێ راگەهاند کو ژ ئەگەرێ مژوولیا وەلاتیان ب دەنگدانێ ڤە، سوبەهی ل هەرێما کوردستانێ بهێنڤەدانا فەرمی یە.
سەفین دزەیی: سوبەهی بهێنڤەدانە
نووترين نووچه
- پێدڤییە د پرۆسەیا سیاسی یا سووریێ دا هەلوەستێ كوردی ئێك بیت
- سەرۆكێ حوكمەتا هەرێمێ هەموو وەزارەت راسپاردن ب لەز لیستا مووچەیێ مەها ئادارێ بەرهەڤ بكەن
- هنارتنا پەترۆلێ دێ كاریگەری ل سەر داهاتێ ئیراقێ و كوردستانێ هەبیت
- حزبا كۆمۆنیستا چینی: ب گرنگیڤە دنێڕینە پەیوەندیێن خوە ل گەل پارتی دیموكراتی كوردستان
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
- رێككەفتنا 11 ئادارێ نموونەیا چارەسەرییەكا دادپەروەرانە بوو ل سەر بنەمایێ تێكگەهشتنێ
- سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
- مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن
- رێككەفتنا 11 ئادارێ دەستكەفتا خەبات و قوربانیدانا كوردستانییان و شۆڕەشا مەزن یا ئیلۆنێ بوو
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
سهرهكى Twitter
ل سلێمانیێ گەف ل نونەرێن پارتی دھێنەکرن
ئەڤرۆ نیۆز، قائید میرۆ:
بەرپرسەکێ پارتی دیموکراتی کوردستان ھۆشداریێ ددەت ل سلێمانیێ گەف ل نونەرێن پارتی دھێنەکرن و ھێزێن چەکدار دھێنە بکارئینان بۆ سەختەکاریان.
رزگار ئەژی گۆران، بەرپرسێ دەزگەھێ ھەلبژارتنێن پارتی ل سلێمانی و ھەلەبجە بۆ ئەڤرۆ نیۆز دیارکر” ژلایێ ئێکەتیێ ڤە گەف ل بریکارێن لایەنێن سیاسی و کارمەندێن کۆمسیۆنێ دھێنەکرن و سەختەکاریێن مەزن ھاتینەکرن ل دەنگدانا ئەڤرۆ دا، ژبەرکو بڕیارێن کۆمسیۆنێ وەکی خوە ناھێنە بجە ئینان و دەنگدەرێن لایەنەکێ سیاسی بێ بەلگە یێ دەنگی ددەن.
ئەڤی بەرپرسێ پارتی ئاشکراکر” گەف ل نونەرێن پارتی و لایەنێن سیاسی ھاتینەکرن و مە وەک پارتی دیموکراتی کوردستان چەندین سکالا تۆمارکرینە و دێ ب ڕێیا قانوونێ داخوازا مافێ وەلاتیان بکەین.
رزگار ئەژی گۆران ئاماژەکر” ل چەند بنگەھێن دەنگدانێ ھێزێن چەکدار ھاتینە کۆمکرن و تەقە ل بنگەھەکێ دەنگدانێ ھاتیە کرن، لەوڕا ھەگەر پڕۆسە بڤی شێوەی بڕێڤەبچیت دێ دەنگدان کەڤیتە بن پرسیارێ.
کۆمسیۆنێ رێکنەدا دو سەرکردەیێن کورد دەنگێ خوە بدەن
ئەڤرۆ نیۆز، قائید میرۆ:
ئەڤرۆ دگەل دەستپێکرنا پڕۆسا دەنگدانێ بۆ پەرلەمانێ کوردستانێ ھەردو سەرکردەیێن حزبا شوعی یا کوردستانێ سەرەدانا بنگەھێن دەنگدانێ کرن ژبۆی دەنگێ خوە بدەن، بەلێ رێگری ل ئەڤان ھەردو سەرکردەیان ھاتەکرن دەنگێ خوە بدەن.
گورەی زانیاریێن دەست ئەڤرۆ نیۆز کەفتی ئەگەرێ رێکنەدان ب دەنگدانا وان دو سەرکردەیان بۆڤێ چەندێ ڤەدگەڕیت تەمەنێ وان ل ٩٠ سالیێ بۆریە و گورەی بڕیارا کۆمسیۆنێ نەشێن دەنگێ خوە بدەن.
ژلایێ خۆڤەژی بھائەدین نووری سەرکردەیێ بەرێ یێ حزبا شوعی بۆ دەزگەھێن راگەھاندنێ دیار” دێ ھەمبەر بێ بەھرکرناوی ل پڕۆسا دەنگدانێ سکالایێ لسەر کۆمسیۆنا بلندا ھەلبژارتنێن ھەرێما کوردستانێ تۆمار بکەت و ل مافێ خوە خۆشنابیت.
ده‌مێ پرۆسا ده‌نگدانێ ناهێته درێژكرن
ئه‌ڤرۆ نیوز، نه‌وزاد هلۆرى:
كومسیونا بلند یا سه‌ربخوه‌ى یا هه‌لبژارتن و راپرسێ یا هه‌رێما كوردستانێ دیاركر كو پرۆسا هه‌لبژارتنان دێ د ده‌ما خوه دا هێته دوماهى ئینان و چوو ده‌مژمێر بو ده‌نگدانێ ناهێنه درێژكرن.
رێزان حه‌مه ره‌شید ئه‌ندامێ جڤاتا كومسیاران یا سه‌ر ب كومسیونا بلند یا هه‌لبژارتن و راپرسێ د كونگره‌یه‌كێ رۆژنامه‌ڤانى دا دایه دیاركرن كو چوو بریارێن كومسیوونێ بو هه‌لبژارتنان ناهێنه گوهرین و دێ ب تمام پێگیریێ ب وان بریار و رێنمایان كه‌ن یێن كو هاتینه به‌لاڤكرن و گۆت: (ده‌مژمێر 6:00ێ ئێڤارى پرۆسه‌یا هه‌لبژارتنان دێ هێته راگرتن و ب چوو شێوه‌یان ناهێته زێده‌كرن ، و هه‌ر ده‌نگه‌كێ پشتى ده‌مژمێر 6:00 بهێته‌دان ناهێته هژمارتن).
زێده‌تر گۆت: (كومسیونێ ژوره‌كا عه‌مه‌لیاتان پێكئینایه و نونه‌رێن هه‌موو لیست و قه‌وارێن سیاسى تێدانه، و دنهادا ب چوو شێوه‌یان وه‌لاتى نكارن ب تنێ ب ره‌گه‌زنامێ نابیت ده‌نگێ خوه بده‌ن به‌لكو دڤێت لگه‌ل خوه ناسناما بارێ كه‌سایه‌تى ل گه‌ل خوه بینن).
چاڤدێرەک: بڕیارێن کۆمسیۆنێ رێگرن ل سەختەکاریێ
ئەڤرۆ نیۆز، قائید میرۆ:
چاڤدەرەکێ سیاسی ئاشکراکر، بڕیارێن کۆمسیۆنێ یێن شەڤا بۆری ژبۆی رێگری کرنێ بو ل بزاڤێن سەختەکاریان د پڕۆسا ھەلبژارتنێن پەرلەمانێ کوردستانێ دا.
دلزار حەسەن، چاڤدێرێ سیاسی بۆ ئەڤرۆ نیۆز دیارکر” بڕیارێن کۆمسیۆنا بلندا ھەلبژارتنێن د شەڤا بۆری دا جھێ خوەدا بوون، ژبەرکو وەک ھاتیە بەلافکرن لایەنەکێ سیاسی دخواست سەختەکاریێن مەزن د پڕۆسا ھەلبژارتنێن پەرلەمانێ کوردستانێ بکەت و دخواست بەلگەنامەیێن دەنگدانێ بھێتە دروستکرن و ساختەکرن، بەلێ بڕیارێن کۆمسیۆنێ ٩٥%ێ ئەف بزاڤێن سەختەکاری کرنێ کێم کرینە.
دلزار حەسەن ئاماژەکر” پێشبینی دھێتەکرن دانێ ئێڤای ھژمارا دەنگدەران زۆر زێدەببیت، ژبەرکو خەلکێ مە زۆربەیا وان دانێ سپێدێ ژبەر ترسا سڕایێ د بەر دەرگەھێن بنگەھێن دەنگدانێ دانێ ئێڤاری دێ دەنگێ خوە بدەن.
رێژا پشکداریکرن د هەلبژارتنان دا ب ڤی رەنگی یە
دهۆك: تۆڕا چاڤ ب 864 چاڤدێران چاڤدێريا هه‌لبژارتنان دكه‌ت
ئه‌ڤرۆ نيوز، نيوار محه‌مه‌د سه‌ليم:
كاوه عه‌بدولعه‌زيز ئێك ژ نوونه‌رێن تۆڕا چاڤ يا رێكخراوێن نه‌حكومى ل پارێزگه‌ها دهۆكێ راگه‌هاند كو ئه‌وان ل سه‌رانسه‌رى پارێزگه‌ها دهۆكێ چاڤدێر هه‌نه و گۆت: “بۆ ڤان هه‌لبژارتن ب 864 چاڤدێران چاڤدێريا هه‌لبژارتنان دكه‌ت”.
زێده‌تر گۆت: “كۆمسيۆن وه‌كو به‌رى نوكه يا هاريكار نينه د ئاسانكاريان دا بۆ وه‌لاتيان دا كو بشێن ده‌نگێن خوه بده‌ن”.
دا زانين ژى كو ئه‌و بڕيارا شڤێدى دايى كو هه‌كه ناسناما عيراقى بيت، پێدڤيه يا بارێ كه‌ساتى ژى ل گه‌ل بيت، ئاسته‌نگ ل هه‌مبه‌ر وه‌لاتيان دروست كريه.
ب ڤیدیۆ: خەلکێ دەڤەرا ئامێدیێ ب گەرمی پشکداریێ د دەنگدانێ دا دکەن
ئەڤرۆ نیوز، نەوزاد ھلۆری:
سپێدەھیا ئەڤرۆ وەکو ھەر دەڤەرەکا دی یا کوردستانێ ، خەلکێ سنوورێ قەزا ئامێدیێ ب گشتی و شێلادزێ ب تایبەتی قەستا سندوقێن دەنگدانێ دکەن و ب ئازادانە دەنگێ خوە ددەن.
سالح عومەر ئێکە ژ دانعەمرێن شێلادزێ و دەنگێ خوە دایە ، ئەو ب دلەکێ تژی ڤیان داخوازێ ل خەلکێ کوردستانێ دکەت کو قەستا سندوقێن دەنگدانێ بکەن و دەنگێ خوە بدەن داکو ئێدی کورد توشی دەر ب دەری و کێشەیان نەبن.
ژلایەکێ دیڤە کیانێن سیاسی ددەن دیارکرن کو ھەتا نوکە چ کێشە د پرۆسەیا ھەلبژاردنان دا درۆست نەبوینە و خەلک ب ئازادی دەنگێ خو ددەت
ل سنوورێ قەزا ئامێدیێ 20 بنگە و 122 وێستگەھێن دەنگدانێ ھەنە و زێدەتری 61 ھزار کەسان مافێ دەنگدانێ ھەیە.
پارێزگه‌رێ دهۆكێ داخوازه‌كێ ژ ده‌نگده‌ران دكه‌ت
ئه‌ڤرۆ نیوز:
فه‌رهاد ئه‌مین ئه‌تروشی پارێزگه‌رێ دهوكێ راگه‌هاند، داخوازێ ژ وه‌لاتیان دكه‌ین ل ده‌مێ ده‌نگدانێ هه‌موو به‌لگا ل گه‌ل خوه بینن داكو چو هێجه‌ت و به‌هانه بۆ كۆمسیونێ و هنده‌ك لایه‌نێن سیاسی نه‌مینن.
ئه‌ڤرو سپێدێ 30 / 9/2018 ( فه‌رهاد ئه‌مین ئه‌تروشی) پارێزگه‌رێ دهوكێ ل قوتابخانا سیه ننا ل باژێرێ دهوكێ ده‌نگێ خو دا و پشتی ده‌نگ دانێ دكونگره‌كێ روژنامه‌ڤانی دا گوت . به‌ری هه‌ر تشته‌كی پیروزباهیا خه‌لكێ كوردستانێ ب گشتی و پارێزگه‌ها دهوكێ ب تایبه‌تی دكه‌م داخاز ژ هاولاتیان كر هه‌می قه‌ستا ده‌نگ دانێ بكه‌ن ومافێ خو یێ یاسایی و ئه‌ركێ نیشتمانی ئه‌نجام بده‌ن داكو كوردستانه‌كا بهێز و پروسه‌كا دیمه‌كراتی برێڤه بچیت و رویه‌كێ جوان و شارستانی بده‌ینه جیهانێ ل سه‌ر كوردستانیو ده‌ستا ژ ڤی مافی خو یێ گرنگ به‌رنه‌ده‌ن ,
هه‌روه‌سا داخاز ژ كارمه‌ندین كومسیونی و ده‌زگایێن ئێمناهیێ كر دگه‌ل هاولاتیان و هندی دشیان دا بیت ل دیف رێنمایا ویاسا یێ هاریكا ر و پشته‌ڤان بو خه‌لكێ كو ب ساناهی و بیێ ئاسته‌نگ ده‌نگێ خو بده‌ن و گه‌له‌ك ل سه‌ر خه‌لكێ گران نه‌كه‌ن و ب زه‌حمه‌ت نه‌ئێخن داكو خه‌لك بشێت ده‌نگێ خو بده‌ت و ژێ بی بار نه‌بیت .
هه‌روه‌سا پارێزگه‌رێ دهوكێ گوت: جارائێكێ یه كومسیونا هه‌لبژارتنا یا كوردستانێ هه‌لبژارتنا ئه‌نجام دده‌ت له‌ما وه‌سا دیاره كو گه‌له‌ك كێماسی و ئاسته‌نگ هه‌نه و خه‌لك گازندا دكه‌ن دوهی دره‌نگی شه‌ف هنده‌ك رێنمایێن نوی هاتینه دان وان گه‌له‌ك خه‌لك ئالوز كریه له‌وما داخازێ ژ خه‌لكێ دكه‌ین وان هه‌می به‌لگا دگه‌ل خو بینن داكو ج هێجه‌ت و به‌هانه بو كومسیونێ و هنده‌ك لایه‌نێن سیاسی نه‌مینن كو نه‌هێلن خه‌لك ده‌نگێ خو بده‌ت لێ دیسا دێ بیزم هیڤیدارو ئه‌ف بابه‌ته نه‌بیته بابه‌تێ تولڤه‌كرنێ ژ هاولاتی و یان لایه‌نه‌كی سیاسی كو جهه‌ته‌ك یان لایه‌نه‌ك كی بیت سه‌خته‌كاریێ دكه‌ت، هه‌روه‌سا گوت ب هیج ره‌نگه‌كی دگه‌ل سه‌خته‌كاریێ نینین و هه‌ر رێنمایه‌كا پێدڤی بیت وه‌كو حكومه‌تا خوجهی ئه‌م دێ بجهئینین بو هندێ ساخته‌كاری نه‌هێته كرن لی بلا هێجه‌تا سه‌خته‌كاریێ نه‌بیته ئه‌گه‌رێ هندێ گه‌له‌ك خه‌لك ژ مافێ ده‌نگدانێ بێ به‌هر ببن.
دیسان گوت مه وه‌كو حكومه‌ت و لژنا ئه‌منی ل پارێزگه‌هێ رێكارێ ئێمناهیێ یین باش ل هه‌می بنگه‌ها كرینه بو هندێ رێك ل سه‌خته‌كاریێ بهێتی گرتن و سندوق پشتی ده‌نگدانێ دپاراستی بن.
ب وێنه: ب رێڤه‌چوونا پرۆسا ده‌نگدانێ ل پارێزگه‌ها دهۆكێ
ئه‌ڤرۆ نيوز، نيوار محه‌مه‌د سه‌ليم:
سپێده‌هيا ئه‌ڤرۆ رۆژا ئێكشه‌مبى رێكه‌فتى 30ى ئيلۆنا 2018ێ ده‌نگدانا گشتى بۆ په‌رله‌مانێ كوردستانێ ده‌سپێكر.
ب گۆره‌يى داتايێن كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ سێ مليۆن و 85 هزار و 461 كه‌سان مافێ ده‌نگدانێ د هه‌لبژارتنێن په‌رله‌مانێ كوردستانێ دا هه‌يه، ژ وێ ژمارێ ژى دو مليۆن و 911 هزار و 313 كه‌سان مافێ پشكداريكرنێ د ده‌نگدانا گشتى دا هه‌يه.
ب ره‌نگه‌كێ گشتى ل سه‌رانسه‌رى هه‌رێما كوردستانێ نێزيكى 700 كه‌سان خوه به‌ربژار كريه و دێ هه‌ڤركيێ ل سه‌ر 111 كورسيێن په‌رله‌مانێ كوردستانێ كه‌ن.
ل سنورێ پارێزگه‌ها دهۆكێ نێزيكى 100 به‌ربژاران هه‌نه كو 40 ژ وان پارتى و 21 ئێكه‌تى و 18 ئێكگرتوو و گۆان سێ و هه‌ر ئێك ژ كۆمه‌ل و نه‌وه‌يى نوێ ژى ئێك كانديد هه‌يه.
ب گۆره‌يى ئه‌وان داتا و ئامارێن ب ده‌ست ئه‌ڤرۆ نيوز كه‌فتين، بۆ هه‌لبژارتنێن په‌رله‌مانێ كوردستانێ كۆمسيۆنا بلندا سه‌ربه‌خۆيا هه‌لبژارتن و راپرسيێ ل سه‌ر ئاستێ هه‌رێما كوردستانێ 218 بنگه‌هێن لاوه‌كى و هزار و 327 به‌نگه‌هێن ده‌نگدانێ و پێنج هزار و 811 ويستگه‌هێن ده‌نگدانێ ئاماده كرينه، ب ره‌نگه‌كى ل پارێزگه‌ها هه‌ولێر 577 بنگه‌هێن لاوه‌كى و بنگه‌هێن ده‌نگدان و دو هزار و 271 ويستگه‌هـ هاتينه دانان. ل پارێزگه‌ها سلێمانيێ 536 بنگه‌هێن لاوه‌كى و بنگه‌هێن ده‌نگدانێ و هزار و 468 ويستگه‌هـ هاتينه دانان. ل پارێزگه‌ها دهۆكێ ژى 303 بنگه‌هێن لاوه‌كى و بنگه‌هێن ده‌نگدان و هزار و 343 ويستگه‌هـ هاتينه دانان. ل هه‌له‌بچه ژى 136 بنگه‌هێن لاوه‌كى و بنگه‌هێن ده‌نگدانێ و 129 ويستگه‌هـ هاتينه ئاماده كرن.
هه‌ر ب گۆره‌يى ئامارێن كۆمسيۆنێ بۆ هه‌لبژارتنێن 30ى ئيلۆنێ زێده‌تر ژ 35 هزار فه‌رمانبه‌ران هاتينه مه‌شقكرن و د ماوێ چه‌ند رۆژێن بهێت دا 42 هزار فه‌رمانبه‌رێن دى كو د تايبه‌تن ب رۆژا هه‌لبژارتنان دێ مه‌شق پێ هێته كرن و رۆژا 15ى ئيلۆنێ ژى هه‌موو كه‌لوپه‌ل و پێدڤيێن كۆمسيۆنێ دێ گه‌هنه باره‌گايێ ئوفيسا نشتيمانى ل هه‌ولێر.
ب گۆره‌يى داتايێن كۆمسيۆنێ ل پارێزگه‌ها هه‌ولێرێ مليۆنه‌ك و 101 هزار و 518 كه‌سان مافێ ده‌نگدانێ هه‌يه و ژ وان ژى مليۆنه‌ك و 34 هزار و 864 كه‌سان د ده‌نگدانا گشتى و 66 هزار و 654 كه‌سان ژى د ده‌نگدانا تايبه‌ت دا مافێ پشكداريكرن د هه‌لبژارتنان دا هه‌يه.
ب گۆره‌يى داتايێن كۆمسيۆنێ ل پارێزگه‌ها سلێمانيێ مليۆنه‌ك و 195 هزار و 417 كه‌سان مافێ ده‌نگدانێ هه‌يه و ژ وان ژى مليۆنه‌ك و 133 هزار و 655 كه‌سان د ده‌نگدانا گشتى و 61 هزار و 762 كه‌سان ژى د ده‌نگدانا تايبه‌ت دا مافێ پشكداريكرن د هه‌لبژارتنان دا هه‌يه.
ب گۆره‌يى داتايێن كۆمسيۆنێ ل پارێزگه‌ها دهۆك 719 هزار و 375 كه‌سان مافێ ده‌نگدانێ هه‌يه و ژ وان ژى 676 هزار و 860 كه‌سان د ده‌نگدانا گشتى و 42 هزار و 515 كه‌سان ژى د ده‌نگدانا تايبه‌ت دا مافێ پشكداريكرن د هه‌لبژارتنان دا هه‌يه.
ب گۆره‌يى داتايێن كۆمسيۆنێ ل پارێزگه‌ها هه‌له‌بچه 69 هزار و 151 كه‌سان مافێ ده‌نگدانێ هه‌يه و ژ وان ژى 65 هزار و 934 كه‌سان د ده‌نگدانا گشتى و 3 هزار و 217 كه‌سان ژى د ده‌نگدانا تايبه‌ت دا مافێ پشكداريكرن د هه‌لبژارتنان دا هه‌يه.
نيشاندان
WP Facebook Auto Publish Powered By : XYZScripts.com