ئه‌ڤرۆنيوز:
پشتى نيڤرۆيا ئه‌ڤرۆ شه‌مبيێ 29/9/2018 فرۆكه‌كا له‌شكرێ عيراقێدناڤبه‌را كفرى وخورماتو كه‌فته خوار وشه‌ش كه‌س كو تێدا بوون يێن برينداربووين.
فرۆكه‌كا له‌شكرێ عيراقێ كه‌فته خوار
نووترين نووچه
- پێدڤییە د پرۆسەیا سیاسی یا سووریێ دا هەلوەستێ كوردی ئێك بیت
- سەرۆكێ حوكمەتا هەرێمێ هەموو وەزارەت راسپاردن ب لەز لیستا مووچەیێ مەها ئادارێ بەرهەڤ بكەن
- هنارتنا پەترۆلێ دێ كاریگەری ل سەر داهاتێ ئیراقێ و كوردستانێ هەبیت
- حزبا كۆمۆنیستا چینی: ب گرنگیڤە دنێڕینە پەیوەندیێن خوە ل گەل پارتی دیموكراتی كوردستان
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
- رێككەفتنا 11 ئادارێ نموونەیا چارەسەرییەكا دادپەروەرانە بوو ل سەر بنەمایێ تێكگەهشتنێ
- سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
- مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن
- رێككەفتنا 11 ئادارێ دەستكەفتا خەبات و قوربانیدانا كوردستانییان و شۆڕەشا مەزن یا ئیلۆنێ بوو
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
سهرهكى Twitter
ئاگه‌هداريه‌ك ژ كۆمسيۆنا هه‌لبژارتنان بۆ ده‌نگده‌ران
ئه‌ڤرۆنيوز:
كۆمسيۆنا بلند يا هه‌لبژارتنان وراپرسيێ ل هه‌رێما كوردستانێ د رۆهنكرنه‌كێ دا وه‌لاتيان بۆ ديتنا جهێن ده‌نگدانا وان ئاگه‌هدار دكه‌ت.
كۆمسيۆنا هه‌لبژارتنان دياركر” بۆ پشت راستبوونا وه‌لاتيان ژ ناڤێن خوه ل رۆژا ده‌نگدانێ وبنگه وجهێ ده‌نگدانێ ووه‌رگرتنا هه‌ر پێزانينه‌كا دى، دشێن بێ به‌رانبه‌ر په‌يوه‌نديێ ب ڤێ هژمارا موبايلێ بكه‌ن:
80033333 كۆره‌ك
80033333 ئاسيا سێل
يان وه‌لاتى دشێن سه‌ره‌دانا مالپه‌رێ تۆمارا ده‌نگده‌ران بكه‌ن ب ڤى ناڤونيشانى
ئەو قوتابیێن بووینە سەرکەفتیێن ئێکێ هاتنە خەلاتکرن
ئەڤرۆ نیوز ، زنار تۆڤی:
ئەڤرۆ نێچیرڤان بارزانی سەرۆکێ حوکمەتا ھەرێما کوردستانێ قوتابیێن سەرکەفتیێن ئێکێ یێن قۆناغا دازدێ ئامادەیی ل سەر ئاستێ ھەرێما کوردستانێ ل ھەولێرێ خەلات کرن.
سەرۆکێ حوکمەتێ د رێورەسمێن خەلاتکرنێ دا و ب بەرھەڤبوونا پشتیوان سادق وەزیرێ پەروەردێ د پەیڤەکێ دا بەحسێ پرۆسا خواندنێ ل ھەرێما کوردستانێ کر و دیارکر، سەرەرای وان ھەموو کێشە و قەیرانان لێ پرۆسا پەروەردێ ل ھەرێما یا بەردەوامە و نوکە پتر ژ شەش ھزار قوتابخانان و پتری ملیۆنەک و 700 ھزار قوتابی و 174 ھزار مامۆستا ل ھەرێما کوردستانێ ھەنە.
ناڤهاتی گۆت ژی: مامۆستایێن ژن ل ھەرێما کوردستانێ ب رێژا 60% یا مامۆستایێن ھەرێمێ پێکدھێن، ئەم بزاڤان دکەین کو کرێیا مامۆستایێن وانەبێژ زێدە بکەین.
دیسا پشتیوان سادق ئاشکراکر ژی، پشتی سەرھلدانا 1991 پتر ژ پێنج ھزار قوتابخانا ھاتینە ئاڤاکرن، نوکە ژی کوردستانێ پێدڤی ب ئاڤاکرنا 500 قوتابخانێن دی ھەیە.
دو گەنجێن دهۆكێ 70 كلیۆمەتران ب پیان چوون بۆ دەنگدانێ
ئەڤرۆ نیۆز، سالار دۆسكی
دو گەنجێن پارێزگەها دهۆكێ 70 كیلۆمەتران ب پیادە دچن بۆ بنگەهێ خوە یێ دەنگدانێ وەك هاندانەك بۆ وەلاتیان كو سبە 30/9/2018 قەستا سەر سندوقێن دەنگدانێ بكەن و دەنگێ خوە بدەن.
رەشید محەمەد رەشید، خەلكێ گوندێ وەرمێلێ یە، بۆ ئەڤرۆ نیۆز گۆت: ل شەڤا 28-29 /9 دەمژمێر هەشتی شەڤ مە دەست ب چوونێ ب پیان كریە ژ سەنتەرێ باژێرێ دهۆكێ بۆ گوندێ وەرمێلێ، ئەڤرۆ دەمژمێر سێ ونیڤ دێ گەهینە گوندێ وەرمێلێ و سوباهى دێ بەرهەڤ بین بۆ دەنگدانێ.
گۆت ژى” ئەنجامدانا ڤی كاری چەند پەیام بۆ يێن هه‌ين ئكو خەلك وێ رۆژێ ل مال نەمینيت و بچیت دەنگێ خوە بدەن و وژدانا خوە ئارام بكەن و پەرلەمانەك بهێتە دروستكرن دەنگ ونوونه‌رێ خەلكێ كوردستانێ بیت”.
خوياكر كو هەر دو هەڤالێن ئێكن و هەردويان سۆزدابوو كارەكی بكەن خزمەتا مللەتێ خوە بكەن.
رەشید محەمەد رەشید ژ دایكبوویێ سالا 1989 یە و شڤان رمەزان عبدولره‌حمان، ژ دایكبوویێ سالا 1979 خەلكێ گوندێ وەرمێلێ نە دەڤەرا دۆسكی یا.
ب ڤیدیۆ – جوتسایدێ (شێلادزێ – دێره‌لوك) هاته ڤه‌كرن
ئه‌ڤرۆ نیوز، نه‌وزاد هلۆرى:
ب به‌رهه‌ڤبوونا پارێزگارێ دهۆكێ و رێڤه‌به‌رێ كومپانیا دارین گرۆپ و قایمقامێ ئامێدیێ و رێڤه‌به‌رێ گشتیێ رێك و پرا و چه‌ند رێڤه‌به‌رێن دن یێن داموده‌زگه‌هێن حكومى و خه‌لكێ ده‌ڤه‌رێ، پرۆژێ جوتسایدێ شێلادزێ – دێره‌لوك هاته ڤه‌كرن.
پارێزگارێ دهۆكێ د په‌یڤه‌كێ دا دایه دیاركرن كو زێده‌بارى قه‌یرانا دارایى كارتێكرن لسه‌ر درۆستكرنا پرۆژه و خزمه‌تگوزاریان كریه به‌لێ ل به‌رچاڤ وه‌رگرتنا ره‌وشا خه‌لكى حوكمه‌ت ل سه‌ر درۆستكرنا پرۆژان به‌رده‌وامه. جوتسایدێ شێلادزێ – دێره‌لووك ئێكه ژ پرۆژێن ستراتیجى و هه‌ردوو ناحیێن ناڤبرى پێكڤه گرێدده‌ت و كوژمێ نێزیكێ 26 ملیار دیناران بو هاتینه مه‌زاختن و كومپانیا دارین گرۆپ ب ئه‌ركێ بجهكرنا پرۆژه‌ى رابویه.
سوبەهی نێزیکی سێ ملیۆن وەلاتیان دێ دەنگێ خوە دەن
ئەڤرۆ نیوز ، زنار تۆڤی:
سوبەهی ئێکشەمبی 30 ئیلۆنا 2018 دێ هەلبژارتنێن گشتی یێن پەرلەمانێ کوردستانێ هێنە ئەنجامدان و نێزیکی 3 ملیۆن کەسان مافێ دەنگدانێ هەیە.
لدووڤ کۆمسیۆنا بلندا سەربەخۆیا هەلبژارتن و راپرسیێ ل هەرێما کوردستانێ، سوبەهی ل دەمژمێر 8 سپێدێ دێ هەلبژارتنێن گشتی یێن پەرلەمانێ کوردستانێ دەستپێ دکەن، ئەڤ پرۆسە دێ بۆ ماوێ 10 دەمژمێران یا بەردەوام بیت، هەروەسا و ژبلی رێکخستیێن ناڤخوە و نوونەرێن ئالیێن سیاسی و کونسۆلخانە و رێکخستیێن بیانی ژی دێ چاڤدێریا وێ پرۆسێ کەن.
هەروەسا کۆمسیۆنێ دیارکریە ژی، سوبەهی 2 ملیۆن 914 هزار کەسان مافێ دەنگدانێ هەیە، دیسا 773 کەس ژ 29 لیست و قەوارێن سیاسی کاندیدن و دێ هەڤرکیێ ل سەر 111 کورسیێن پەرلەمانێ کوردستانێ کەن.
كومسیۆنێ ئامارێن فەرمی ل سه‌ر ده‌نگدانا تایبه‌ت به‌لاڤكرن
ئه‌ڤرۆ نیوز، نه‌وزاد هلۆرى:
دوهى ل هه‌رێما كوردستانێ ده‌نگدانا تایبه‌ت بو په‌رله‌مانێ كوردستانێ ده‌ست پێ كر و ب گوره‌ى ئه‌وان نووترین پێزانین و داتایێن كومسیونێ به‌لاڤكرى، رێژا گشتى یا پشكداریا د ده‌نگدانا تایبه‌ت دا گه‌هشته 91.69%.
ب گوره‌ى داتایا كومسویونا بلند بو سه‌ربخوه‌ى یا هه‌لبژارتن و راپرسیێ یا هه‌رێما كوردستانێ رێژا پشكداریا د ده‌نگدانا تایبه‌ت دا بڤى ره‌نگى بوو.
1- پارێزگه‌ها هه‌ولێر 67 هزار و 413 دەنگ كو دبیته ڕێژا 92.7% پشكداریا د ده‌نگدانێ دا.
2- پارێزگه‌ها سلێمانیێ 55 هزار و 580 دەنگ كو دبیته ڕێژا 89.3% پشكداریا د ده‌نگدانێ دا.
3- پارێزگه‌ها دهۆك 31 هزار و 294 دەنگ كو دبیته ڕێژا 93.6% پشكداریا د ده‌نگدانێ دا.
4- پارێزگه‌ها حه‌له‌بچه دوو هەزار و 27 دەنگ كو دبیته ڕێژا 93.1% پشكداریا د ده‌نگدانێ دا.
و تێكرا ژمارا ده‌نگان د ده‌نگدانا تایبه‌ت دا دگه‌هیته 156 هزار و 314 ده‌نگ و ب رێژا 91.69% پشكدارى كریه.
سامسۆنگێ مۆبایلا دویێ یا 512 گیگابایتی ئێخسته بازاری
ئەڤرۆ نیوز ، زنار تۆڤی:
كۆمپانیا سامسۆنگ ل دووماهیا هەیڤا ئیلۆنێ نووترین مۆبایل ئێخسته بازاری کو گەلەک ب شێوازەکێ جوان و بهێز دروست كریه و سه‌رنجا خه‌لکێ پێ راكێشایه.
نووچەک د مالپه‌رێ gadgets دا هاتیە بەلاڤەکرن و تێدا بەحسێ نووترین مۆبایلا سامسۆنگ دکەت و ئاماژه پێ دایه، کو سامسۆنگێ ل دووماهیا هەیڤا ئیلۆنێ ئێك ژ باشترین جۆرێن مۆبایلێ ئێخستیه بازاری کو ناڤێ وێ کریە Galaxy A7.
هەروەسا گۆتیە، سامسۆنگ گالاكسی ئه‌ی حه‌فت تایبه‌تمه‌ندیێن ب هێز بۆ هاتینە دانان و ژ روویێ دیزاینێ ڤە ب هه‌مان شێوەی گەلەک یا جوانه، هه‌روه‌سا شاشه‌کێ مەزن بۆ هاتیە دانان كو دگەهیته 6.00 ئینجا، ل گه‌ل پرۆسێسه‌رێ 2.2 گێگاهێرتز كو ئه‌ڤێ هێزەکا زۆر بۆ دابین كریه، رامێ وێ مۆبایلێ چار گێگابایته و میمۆریێ دناڤدا زێدە دکەت بۆ 512 گیگابایتا.
سامسۆنگ كۆمپانیەکا نێڤده‌ولە‌تی یا كۆریا باشوره كو یا تایبه‌ته ب دروستكرنا به‌رهه‌مێن ئه‌لەكترۆنی، ل سالا 1938 هاتیە دامه‌زراندن و نوکە ئێكه ژ كۆمپانیایێن ب هێز ل جیهانێ بۆ دروستكرنا ئامێرێن ئه‌لەكترۆنی و خودانا باشترین مۆبایله د جیهانێدا و رۆژانه ب ملیۆنان به‌رهه‌مێن وێ كۆمپانیێ دهێنە فرۆشتن.
سه‌رۆك بارزانی په‌یامه‌ك به‌لاڤكر
ئەڤرۆ نیوز ، زنار تۆڤی:
سه‌رۆك مەسعود بارزانی ل دوور سه‌ره‌دانا به‌رهه‌م سالحی په‌یامه‌ك به‌لاڤكر و تێدا دیاركریە: مه پێ باشبوو هه‌موو ئالیێن كوردستانی ل سه‌ر کاندیدەکێ بۆ سەرۆک کۆمارێ عیراقێ رێككه‌فتبان.
د په‌یاما سه‌رۆك مه‌سعود بارزانی دا هاتیه: به‌رهه‌م سالحی ل سه‌ر داخوازا خوه سه‌ره‌دانا وی كریه بۆ پرسکرن و بۆچوونێ ل سه‌ر پۆستێ سه‌رۆك کۆمارێ عیراقێ.
هەروەسا د په‌یاما بارزانی دا هاتیه: پۆستێ سه‌رۆك کۆمارێ عیراقێ گرێدای ئستیحقاقا سیاسی یه بۆ گه‌لێ كوردستانێ و نه‌كو بۆ کەس و لایەنەکی، دیسا وی پۆستی په‌یوه‌ندی ب هه‌موو پێكهاتێن عیراقێ ڤه هه‌یه ب گه‌لێ كوردستانێ ژی و دیارکر ژی: مه پێ باشبوو هه‌مو ئالیێن كوردستانی ل سه‌ر ئێك به‌ربژار رێككه‌فتبان، لێ براده‌رێن ئێكه‌تیێ ئێکلایەنی كاندیدێ خوه دیاركر و پاشی ئالیێن كوردستانی و پارتی ژی كاندیدێ خوه بۆ وی پۆستی دیاركر.
سەرۆک بارزانی ئاشكراکر ژی: نوکە بۆ ئێكلایكرنا پرسا سەرۆک کۆماری پێدڤی ب میكانیزما ئالیێن كوردستانیه و دڤێت رێز ل پرانیا خه‌لكی بهێته گرتن و دیاركرنا كه‌سه‌كی بۆ سه‌رۆكاتیا كۆماریا عیراقێ بۆ رایا فراكسیۆنێن كوردستانی ل به‌غدا ڤەد‌گه‌ریت و هه‌ر به‌رێزه‌كێ رازیبوونا پرانیا نوونه‌رێن ئالیێن كوردستانی ب ده‌ستڤەئینا بلا وه‌ك كاندیدێ كوردستانێ بۆ سه‌رۆكاتیا كۆماری بهێته دیاركرن.
ل دووماهیێ ژی سه‌رۆك بارزانی خواست رێز ل بۆچوونا پرانیا فراكسیۆنێن كوردستانی ل به‌غدا بهێته گرتن.
کۆمسیۆن: رێژا پشکداریێ د دەنگدانا تایبەت دا 92% بوویە
نيشاندان
WP Facebook Auto Publish Powered By : XYZScripts.com