راپورتێن روژنامه‌ڤانی ل برێتانیا دایته‌ دیارکرن یاریزانێ هه‌لبژارتیێ ئنگلته‌را و یانا چێلسی  لوفتوس چیک حه‌زا دکه‌ت پێکهاتیێ یانا خوه‌ بجه بهێلت ژبه‌رکو راهێنه‌رێ تیمێ ب رێژه‌کا کێم پشت به‌ستنێ لسه‌ر شیانێن وی دکه‌ت.

یاریزانێ ناڤبری ل وه‌رزێ بوری ب شێوه‌یێ خواستن ژ یانا چێلسی به‌ر ب یاتا کریستال پالاس چوبوو ل گه‌ل وێ یانێ شیابوو ئاسته‌کێ بلند قێشکێش بکه‌ت و وێ یانێ ل ده‌ستپێکا ڤی وه‌رزی گه‌له‌ک بزاڤکرن بۆ کرینا وی یاریزانی لێ یانا چێلسی ره‌تکر یاریزانێ خوه‌ بفروشیت.

مالپه‌رێ میرور یا برێتانی دیارکریه‌ یانا چێلسی هزر ل فروتنا چیک دا نه‌کریه‌ هه‌ر چه‌نده‌ هه‌ر ئێک ژ یانێن شالکه‌ ئه‌لمانی و کریستال پالاس يا ئنگلیزی ب فه‌رمی داخوازی ژ یانا له‌نده‌نی کریه‌ بۆ ڤه‌گوهاستنا  یاریزانێ ناڤبری کو وی ژی حه‌زا کرنا یاریێ ل یانه‌کا دی هه‌یه‌ داکو ده‌لیڤه‌یا خوه‌ باشتر بینن ژبه‌رکو ل دیڤ گوتنا وێ روژنامێ یاریزانێ ناڤبری ژ وێ چه‌ندێ ترسێت کێمکرنا یاریا ل گه‌ل یانا چێلسی‌ بیته‌ ئه‌گه‌رێ دورکه‌فتنا وی ل گه‌ل هه‌لبژارتیێ  ئنگلته‌را.

ئەڤرۆ نیوز:
ژ یاریێن گەرا ئێکێ یا خولا پلە ئێکا کوردستانێ ئەڤرۆ یانا گارە شیا ب خالەکا گرنگ ژ یاریگەھا سەیدسادق ڤەگەریت پشتی وەکھەڤ بووین بێ گۆل د یاریێن کوما دویێ دا.
د ڤێ یاریێ دا یانا گارە شیا ب ئاستەکی باش پێشکێش بکەت و یاریێ بێ گۆل ب دووماھی بینت د یاریەکا ب زەحمەت دا دگەل یانا سەیدسادق ژبەرکو ئەڤ یانەیە خودان پشتەڤانەکا ب ھێزە، د ڤێ یاریێ دا یانا گارە شیان شێوازێ یاریا خوە ب سەپینن و چەندین ھێرشێن مەترسیدار ل سەر گۆلا تیما ھەڤرک پەیدا بکەن لێ ژ ئەگەرێ لەزێ نەشیان چو مفای ژ ڤان ھێرشان وەرگرن و ڤێ یاریێ ب وەکھەڤی بێ گۆل ب دووماھی بینن و ب خالەکێ ڤەگەریتە پارێزگەھی.

ئه‌ڤرۆ نیوز،هه‌ژار مه‌عروف:

ھەر پێنچ نوونەرێن باکورێ کوردستانێ دخۆلێن پلا سێ و دوو یا تورکیا دا دڤێ حه‌ڤتیێ دا نه‌شیان سه‌رکه‌فتنێ توماربکه‌ن پشتی سێ یانه‌ خوساره‌ت بووین و دو وه‌کهه‌ڤبوون.

دخۆلا پلا دو دا یانا ئامەد سپور نه‌شیا مفایێ ژ ئه‌رد و جه‌ماوه‌رێ خوه‌ بینت پشتی ل یاریگەھا خوە خوساره‌ت بووی ل گەل یانا ئینگولو سپور ب گوله‌کێ بێ به‌رامبه‌ر ژ چارچوڤێ یاریێن گه‌را ١٣ ژ خولێ ، کو خالێن ئامه‌د هه‌ر مان ١٥ خالان ژ ١٣ یاریان کو چار سەرکەفتن تومارکرینە ل گەل سێ وەکھەڤیا و شه‌ش خوسارەتیا .

ژلایەکێ دووڤە د یاریێن گەرا ١٣ ژ قوناغا ئێکێ ژ خۆلا پلا سێ یا تورکیا یا تەپا پێ کو چار یانێن کوردی د پشکدارن و ن د یاریێن کوما ئێکێ دا باتمان سپور نه‌شیا پێشکه‌فتنا خوه‌ پارێزیت پشتی وه‌کهه‌ڤبووی ل گه‌ل یانا نازلی سپور ب دو گولان کو باتمان ل نیڤا ئێکێ یا پێشکه‌فتی بوو ب دو گولان لێ ل نیڤا دوێ نازلی  ل ٢٠ ده‌قیقه‌یێن دووماهیێ شیا دو گولان ل دیڤ ئێک توماربکه‌ت و ب ڤێ وه‌کهه‌ڤیێ باتمان خالێن خوە گەھاندنە ١٦ خالان ل رێزا ١٠ دھێت و د یاریێن کوما دوێ دا یانا وان سپور کو ل وەرزێ ئەڤ سالە د رەوشەکا باش دا بوریت دەلیڤەکا باش ژ دەستێن خوە دا پشتی د یاریا خوە یا ڤێ گەرێ دا ل یاریگه‌ها خوه‌ ل گه‌ل هه‌ڤرکا خوه‌ یانا یه‌نی ئوردو وه‌کهه‌ڤبووی ب دو گولان و وان سپور رێزا شیێ د ڤێ کومێ دا پاراست ب ٢١ خالان.

د یاریێن کوما سێ دا دو یانە پشکدارن ئەوژی یانێن دیاربەکر سپور و جەزیرە سپور هه‌ردو نوونه‌رێن باکورێ کوردستانێ دڤێ کومێ دا توشی خوساره‌تیێ بوون کو دیاربه‌کر ل گه‌ل ئێک ژ هه‌ڤرکێن خوه‌ توشی خوساره‌تیێ بوو ئه‌وژی ل گه‌ل کاره‌چه‌با ی بیرلیک سپور ب گوله‌کێ و جه‌زیره‌ سپور ل ناڤ ئه‌رد و جه‌ماوه‌رێ خوه‌ ل گه‌ل سه‌وکێشا کومێ بایبورت سپور خوساره‌ت بوو ب دو گولان بێ به‌رامبه‌ر و پشتی ڤێ حه‌ڤتیێ دیازبه‌کر سپور سێ رێزت پاشڤه‌ زفری ژ رێزا دوێ پاشڤه‌ چو رێزا پێنچێ ب ٢٢ خالان و جه‌زیره‌ هه‌ر ما ل رێزا ١٦ ب ١٢ خالان