ئەڤرۆ نیوز:
پشتی ب دووماهی هاتنا یاریا دناڤبەرا هۆلەندا و ئەلمانیا ل شەڤا بوری، یاریزانێ هۆلەندی ڤان دایک چوویه دەف دادڤانێ یاریێ هاتیگان یێ رۆمانی، خەمباریا خوە بۆ وی دیارکریه، ژ بەر مرنا دایکا وی.
هەر چەندە وی دادڤانی بەری دەستپێکرنا یاریێ زانی بوو،کو دایکا وی وەغەرکریە، بەلێ وی بریاردا کو وێ یاریێ برێڤە ببەت، لێ پشتی فیرکا دووماهیێ یا یاریێ وی دادڤانی دناڤا یاریگەهێ دا دەست ب گریانێ کریە.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 21ى چريا دويێ 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:3
| 100 دولارێ ئه‌مريكى | 120.500 دينار |
| 100 يۆرۆيێ ئه‌ورۆپى | 137.000 دينار |
| 100 ليرێ توركى | 22.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 21ى چريا دويێ 2018ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 گرام زێرێ (ع) 18 | 37500 |
| 1 گرام زێرێ (ع) 21 | 42500 |
| 1 گرام زێرێ (ع) 22 | 44500 |
| 1 گرام زيڤ | 3000 |
ئەڤرۆ نیوز، نەوزاد ھلۆری:
وەزارەتا خواندنا بلند و ڤەکولینێن زانستی یا حوکمەتا ھەرێما کوردستانێ د کونفرانسەکێ رۆژنامەڤانی دا رێزبەندا زانکۆیێن ھەرێما کوردستانێ بۆ سالا خوادنێ 2017-2018 راگەھاندن.
ئەنجامێن رێزبەندا زانکۆیێن کوردستانێ ب ڤی رەنگی یە:
باشترین زانکۆیێن ھەرێما کوردستانێ ب گورەيی پیڤەرێ ڤەکۆلینێن زانستی ھاتینە دیارکرن
– زانکۆیا کوردستان ل ھەولێر
– زانکۆیا سۆران ل پارێزگەھا ھەولێر
– زانکۆیا سەلاحەدین ل پارێزگەھا ھەولێر
– زانکۆیا سلێمانیێ
– زانکۆیا چەرمۆ ل پارێزگەھا سلێمانیێ
باشترین زانکۆیێن ھەرێما کوردستانێ ب گورەيی پیڤەرێ ستافێ ئەکادیمی ھاتینە دیارکرن
- زانکۆیا ھەولێر یا نوژداری
– زانکۆیا کوردستان
– زانکۆیا سۆران ل پارێزگەھا ھەولێر
– زانکۆيا کۆیە ل پارێزگەھا ھەولێر
– زانکویا پۆلیتەکنیکی یا ھەولێر
باشترین زانکویێن ھەرێما کوردستانێ ب گورەيی پیڤەرێ نیڤدەولەتی ھاتینە دیارکرن
- زانکۆیا کوردستان
– زانکۆیا سۆران ل پارێزگەھا ھەولێر
– زانکۆیا پۆلیتەکنیکی یا ھەولێر
– زانکۆیا دھۆک
– زانکۆیا راپەڕین ل پارێزگەھا سلێمانیێ
باشترین زانکۆیێن ھەرێما کوردستانێ ب گورەی فیدباکا قوتابیان
- زانکۆیا راپەڕین ل پارێزگەھا سلێمانیێ
– زانکۆیا کۆیە ل پارێزگەھا ھەولێر
– زانکۆیا کوردستان
– زانکۆیا گەرمیان ل پارێزگەھا سلێمانیێ
– زانکۆیا چەرمۆ ل پارێزگەھا سلێمانیێ
باشترین زانکۆیێن ھەرێما کوردستانێ ب گورەيی پیڤەرێن دلنیا جوری ھاتینە دیارکرن
- زانکۆیا کۆیە ل پارێزگەھا ھەولێر
– زانکۆیا دھۆکێ
– زانکۆیا کوردستان
– زانکۆیا سەلاحەدین
– زانکۆیا سلێمانیێ
باشترین زانکویێن ھەرێما کوردستانێ ب گورەی پیڤەرێن چالاکیێن کەلتووری و جڤاکی ھاتینە دیارکرن
- زانکۆیا دھۆکێ
– زانکۆیا زاخۆ ل پارێزگەھا دھۆکێ
– زانکۆیا سەلاحەدین
– زانکۆیا کۆیە ل پارێزگەھا ھەولێر
– زانکۆیا کوردستان
باشترین زانکۆیێن ھەرێما کوردستانێ ب گورەی پیڤەرێن پەرتوکخانە و ژێدەرێن زانستی ھاتینە دیارکرن
- زانکۆیا کوردستان
– زانکۆیا ھەولێری یا نوژداری
– زانکۆیا سۆران ل پارێزگەھا ھەولێر
– زانکۆیا سەلاحەدین
– زانکۆیا راپەڕین ل پارێزگەھا سلێمانیێ
باشترین زانکۆیێن ھەرێما کوردستانێ ب گورەی پیڤەرێن دووڤچوون و دەستکەفتنا دەلیڤێن کاری د ھەردو ستکەرێن حوکمی و کەرتێ تایبەت ھاتینە دیارکرن
- زانکۆیا کوردستان
– زانکۆیا پۆلیتەکنیکی یا سلێمانیێ
– زانکۆیا کۆیە ل پارێزگەھا سلێمانیێ
– زانکۆیا سلێمانیێ
– زانکۆیا ھەولێر یا نوژداری
رێزبەندا زانکۆیێن ئەھلی ل کوردستانێ
رێزبەندا زانکۆیێن ئەھلی ل ھەرێما کوردستانێ ب گورەی پیڤەرێن ڤەکولینێن زانستی بڤی رەنگی یە
- زانکۆیا گەشپێدانا مرویی
– زانکۆیا جیھان
– زانکۆیا ئیشک
– زانکۆیا کۆمار
– زانکۆیا ئەمریکی ل سلێمانیێ
ئەڤرۆ نیوز، سالار دۆسکی:
نڤسینگەھا سەرۆکێ حوکمەتا ھەرێما کوردستانێ ل دۆر نەخۆشیا ھۆنەرمەندێ کومێدی خەلیل قەدشی ھاتە دەنگ، ژڤانە ب نێزیکترین دەم چاڤدێریا خەلیل قەدشی بھێتەکرن.
ھۆنەرمەندێ بەرنیاسێ کۆمێدی خەلیل قەدشی، ئەڤرۆ ٢١/١١/٢٠١٨ بۆ ئەڤرۆ نیوز ئاشکرا کر کو نوکە ل باژێرێ ھەولێرێ یە، ل دووڤ بانگەوازا نڤسینگەھا بەرێز (نێچیرڤان بارزانی) سەرۆکێ حوکمەتا ھەرێما کوردستانێ چووینە، ھاتیە ھایدارکرن کو دێ ل بن چاڤدێریا نڤسینگەھێ بیت و یا پێدڤی بیت دێ بۆ ھێـتەکرن.
ھەڤدەم ھونەرمەندێ کومێدی جەلال عەبدوللا کو ل گەل ھونەرمەند خەلیل قەدشی نوکە ل ھەولێرێ یە گۆتنێن (خەلیل)ی پشتراستکرن کو ل دووڤ بانگەوزیا نڤسینگەھا سەرۆکێ حوکمەتێ ھاتینە ھەولێر و رۆژا شەمبی یا بھێت دێ یا پێدڤی بۆ ھونەرمەند خەلیلی ھێـتەکرن، ل ناڤخوە و ھەکە نۆشداران دیار کر کو چارەسەری ل دەرڤە دێ ھێتە رەوانەکرن بۆ دەرڤە.
جەلالی ئاشکرا کر ژی کو نۆشداران خەلیل قەدشی ئاگەھدارکریە کو ھاریکاریا خوە نەکریە و نەخوەشیێن وی زێدەبووینە و دێ ھەموو بزاڤا کەن چارەسەری بۆ بھێـتە دیتن.
جەلال عەبدوللایی گۆت: سوپاس بۆ نڤسینگەھا سەرۆکێ حوکمەتا ھەرێمێ کو ھایداری رەوشا ھونەرمەند خەلیل قەدشی بوویە و چاڤدانەکا باش ل خەلیلی دھێتەکرن، ژ خەلیلی خواستیە چ وەلات ب ڤێت بۆ چارەسەریێ دبەرھەڤن، پتر حەزا خەلیلی حەزا چوونا وەلاتێ تورکیا یە کو مفا ژ چارەسەریا وی وەلاتی دیتی یە و حوکمەتا ھەرێمێ ژی ھەموو بەرھەڤی بۆ چارەسەریا خەلیلی دووپاتکرینە.
ل دووماھیێ جەلال گۆت : سوپاسیا ھەموو خەلکێ دھۆکێ دکەین کو بەردەوام ل گەل مە بووینە و ھایداری رەوشا ھەڤالێ مە خەلیل قەدشی بووینە، کەیف خوشین کو ئەڤا مە کری ژ سالا ١٩٩٢ وەرە ھەتا نوکە ل پێش چاڤێن خەلکێ مەیە و ئەڤێ چەندێ ئەم گەلەک کەیف خوش کرینە.
ئەڤرۆ نیۆز:
برایان هۆک نوونەرێ تایبەتێ کاروبارێن ئیرانێ ل وەزارەتا دەرڤە یا ئەمریکا راگەهاند کو پشتی ئەمریکا دەست ب سزادانا ئیرانێ کری هەتا نها سەد کۆمپانیێن مەزن یێن جیهانی ژ ئیرانێ دەرکەفتینە و پارێ ئیرانێ بهایێ خوە ژ دەست دایە و رەوشا ئابووری یا وی وەلاتی گەلەکێ خراب بوویە و گۆت: (رۆژانە ئێک ملیۆن بەرمیل نەفتا ئیرانێ بۆ بازارێن جیهانێ هاتیە کێم کرن کو ئەڤە ژی وەسا دکەت ئابووریا ئیرانێ ژناڤ بچیت).
ناڤهاتی ئەو یەک ژی دیار کر کو ئیرانێ هەتا نها ١٦ ملیارد دۆلار پارە ل سووریێ، یەمەنێ و عیراقێ بۆ پشتەڤانیا گرۆپێن تیرۆرستی مەزاختینە و ئەمریکا ئێدی رێ نادەت ئیرانێ رەوشا رۆژهەلاتا ناڤین ئالۆز بکەت و دێ یا پێدڤی کەین و گۆت: (ئەم بەرهەڤیان بۆ سزایێن زێدەتر ل دژی ئیرانێ دکەین).
ئەڤرۆ نیوز، رێوار مزیری:
رێڤەبەریا گشتی یا سەقاناسی و ئەرد ھەژێ ل ھەرێما کوردستانێ ئاشکرا کر کو ل ئێڤاریا رۆژا پێنجشەمبی ٢٢ ی چریا دویێ ٢٠١٨ێ دێ پێلەکا باران بارینێ ھەرێما کوردستانێ ڤەگریت و بۆ دەمێ پێنج رۆژان دێ یا بەردەوام بیت و ل دەڤەرێن چیایی ژی دەلیڤا بەفربارینێ دێ ھەبیت.
د راگەھاندنەکێ دا پشکا پێشبینیان ل رێڤەبەریا گشتی یا سەقاناسی و ئەرد ھەژێ ل ھەرێما کوردستانێ ئاشکرا کریە کو ژ ئەگەرێ کارتێکرنا پێلەکا نزما دەریا سۆر و دەریا سپی ل ئێڤاریا رۆژا پێنجشەمبی دێ پێلەکا باران بارینێ ھەرێما کوردستانێ ڤەگریت و پێشبینی دھێتە کرن ئەڤ پێلە ھەتا رۆژا دووشەمبێ یا بەردەوام بیت.
ئەڤرۆ نیوز:
به‌غدا ل هه‌مبه‌ری پێدانا شایستێن دارایی یێن هه‌رێما كوردستانێ مه‌رجان بۆ حوكمه‌تا هه‌رێمێ ددانیت و دڤێت حوكمه‌تا هه‌رێمێ رۆژانه پابه‌ند بیت ب هنارتنا 250 هزار به‌رمیلێن نه‌فتێ و راده‌ستكرنا وی داهاتی بۆ كۆمپانیا سۆمۆ.
ئه‌ندامه‌كێ لیژنا دارایی ل په‌رله‌مانێ عیراقێ بۆ رۆژناما ئه‌ڤرۆ دیاركر: په‌رله‌مانتارێن كورد پێشنیارێن خوه یێن داینه وه‌زاره‌تا دارایی و وێ لیژنا حكومی یاكو ره‌شنڤیسێ بۆدجێ سالا 2018 دانیت، رێژا هه‌رێمێ ژ مووچێ زیندانیێن سیاسی و ئه‌نفالكریان و چاڤدێریا جڤاكی، هه‌موو د گرێداینه ب ڤرێكرنا 250 هزار به‌رمێلێن نه‌فتێ د رۆژانه دا، هه‌كه هه‌رێما كوردستانێ پابه‌ندی ڤی مه‌رجی نه‌بیت، عێراق دێ بژارده‌كا دی وه‌كو یا سالا بوری ب كار ئینیت و دێ گۆژمه‌كێ پاره‌ی هنێریت، بۆ مووچێ فه‌رمانبه‌ران و چو پارێ زێده‌تر نا هنێریت، هزر ل بژارده‌یا دویێ نه‌كریه، چونكی ئه‌ڤه كارێ مه نینه، هه‌كه پێگیری پێ نه‌هێته كرن، ئه‌ڤ چه‌نده دێ مینیته ل سه‌ر رێككه‌فتنه‌كا سیاسی وه‌كو سالا بوری، په‌یوه‌ندی وه‌كو به‌رێ مینن، ئه‌ڤه بژارده‌كا خرابه، چونكی نوكه ره‌وش هه‌موو یا هاتیه گوهۆرین و ل به‌رژه‌وه‌ندا هه‌رێمێ دایه، هه‌كه پێگیریێ پێ بكه‌ت، د بیته ئه‌گه‌ره‌ك ژی كو وه‌زیرێ دارایی و سه‌رۆك وه‌زێن عیراقێ ژی ئیحراج نه‌بن، چونكی هه‌لویستێ عادل عه‌بدولمه‌هدی ل گه‌ل كوردانه، هه‌ر ژ كێشا بۆدجه‌ی و پێشمه‌رگه‌ی و مادێ 140 و ئه‌و كێشێن دیتر یێن ماینه هه‌لاویستی.
د.ئه‌حمه‌د سه‌فار ئه‌ندامێ لیژنا دارایی یه ل په‌رله‌مانێ عیراقێ زێده‌تر دبێژیت: كوردان نه‌ه خالێن سه‌ره‌كی یێن داینه وێ لیژنا حكومی و دڤێت ئه‌و پێ پابه‌ند بن، مه جه‌خت ل سه‌ر هندێ كریه، كو داخوازیێن مه بهێنه بجهئینان، دیسا ئه‌ڤه ل سه‌ر هه‌رێمێ دمینیت، كانێ دێ ب چو رێك ئیدارا وی مالی كه‌ت یێ كو ژ به‌غدا دهێت، دێ چاوا ل سه‌ر هه‌موو كه‌رتان به‌لاڤ كه‌ت، هه‌كه بندیوار نه‌مینن و مووچه ب دادپه‌روه‌رانه بهێته دابه‌شكرن، ئه‌و پاره تێرا هه‌رێمێ كه‌ت، هه‌ر چه‌نده هه‌تا نوكه ئه‌م وه‌كو كورد د گه‌شبین نینین، ژبۆ هنارتنا موسته‌حه‌قاتێن پێشمه‌رگێ هه‌رێما كوردستانێ ژ لایێ حوكمه‌تا به‌غدا ڤه، لێ دیسا ئه‌ڤه ژی دێ مینیته لدووڤ په‌یوه‌ندیێن سیاسی، هه‌ر چه‌نده نوكه دیتنا عه‌ره‌بان ژ به‌ری نوكه باشتره و دیسا نو كه ژی كورد د ئێك ده‌نگن، لێ هه‌كه كورد پابه‌ند نه‌بن، رێككه‌فتنا بۆدجه‌ی نامینیت.
ئەڤرۆ نیۆز:
کەمال کلچدار ئوگلۆ سەرۆکێ گشتی یێ پارتیا کۆماریا گەل کو وەکو مەزنترین پارتیا ئۆپۆزسیۆنێ ل تورکیا دهێتە نیاسین ئەڤرۆکە ل دۆر بریارا دادگەها مافێ مرۆڤان یا ئورۆپا ئاخڤی و دیار کر کو هەکە تورکیا دبێژیت ئەز دەولەتا قانوونێ مە و یاسا سەروەرە دڤێت رێزێ ل بریارا دادگەها ئورۆپا بگریت و دەمیرتاشی ئازاد بکەت.
سەرۆکێ گشتی یێ پارتیا کۆماریا گەل ئەو یەک ژی دیار کر کو ب سالانە تورکیا دخوازیت ببیتە ئەندامێ ئێکەتیا ئورۆپا و مخابن هەتا نها ژی ئەو یەک دروست نەبوویە، هەکە مە بڤێت ببینە ئەندامێ ئورۆپا دڤێت رێزێ ل قانوونێن وان بگرین، ژ بەر هندێ ژی دڤێت دەولەتا تورکیا رێزێ ل بریارا دادگەها مافێ مرۆڤان یا ئورۆپا بگریت و دەمیرتاشی هەر زوو ئازاد بکەت.
ئەڤرۆ نیوز، لەزگین جوقی:
قایمقامێ قەزا شنگالێ دیار کر کو ئیدارا شنگالێ چەندین داخواز ژ قۆنسلێ ئەمریکا ل ھەرێما کوردستانێ کرن ژوان ژی ئەمریکا فشاری ل سەر بەغدا دروست بکەت و ھەموو ھێزێن نەقانوونی شنگالێ چوول بکەن و ئاوارە بزڤرنە ڤە.
مەحما خەلیل، قایمقامێ قەزا شنگالێ بۆ ئەڤرۆ نیوز دیار کر کو ئیدارا شنگالێ داخواز ژ قۆنسلێ ئەمریکا کر ب رژدی کاربکەن بۆ دیتنا چارەنڤیسێ ب ھزاران کەسێن ئێزدی یێن ل جینوسایدا شنگالێ ھاتینە بێ سەرووشوونکرن، ھەتا نوکە چو ژ چارەنڤیسی وان دیارنینە، ھەروەسا داخواز ھاتەکرن فشارێ بێخیتە سەر حوکمەتا عیراقی بۆ دەرخستنا ھێزێن نە شەرعی د ناڤ ئاخا شنگالێ دا و پاراستن و ھەڤکاریا پێکھاتێن دەڤەرێ بکەن داکو خەلک بشێت ب ئاشتی و ئازادی د ئارامی بژین و بزڤرنە سەر جە و مالێن خوە ل شنگالێ.
ناڤھاتی خویا کر کو داخواز ژ نوونەرێن وەلاتێ ئەمریکا ل ھەرێما کوردستانێ ھاتەکرن کار بکەن بۆ پشتەڤانیا دەڤەرا شنگالێ و فشارێ ل سەر حوکمەتا عیراقێ بکەن بۆ وێ چەندێ شنگال ژ ھێزین نەقانوونی بھێتە ڤالاکرن و گۆت: “قۆنسلێ ئەمریکا بەرھەڤیا خوە نیشا دا ب ھەموو شیانێن خوە پشتەڤانیا ئیدارا شەرعی یا شنگالێ بکەت”.
نيشاندان