ئه‌ڤرۆ نيوز:

یانا لوس ئەنجلوس گالاکسی یا ئەمریکی یا بزاڤێن بەرسینگرتنێ ل گەل ستێرا خوە یا سویدی دکەت کو نە ‏ڤەگەریتە یانا خوە یا بەرێ ئەی سی میلان یا ئیتالی و ئاماژە ھاتیە کرن ک ھەبونا وی ل ناڤا رێزێن یانا وان ‏گەلەک یا گرنگە ل پشکداریا خولا پیشەکارێن ئەمریکی.‏

زێدەتر راھێنەرێ یانا گالاکسی جوڤان کیروڤسکی دوپاتکریە کو ئەو دخوازن پاراستنێ ل سەر یاریزانێ خوە ‏یێ سویدی زەلاتان ئیبراھیموڤیچی بکەن ئەوێ بو ماوێ چەند سالان یاری ل خولا ئیتالیا کرین و ل ڤێ ‏دووماھیێ ناڤێ وی ب ڤەگوھاستنێ دوبارە بو خولا ئیتالی و تایبەت یاریگەھا سان سیرو ھاتیە گرێدان.‏

ھەڤبەستا یاریزانێ سویدی ل گەل یانا لوس ئەنجلوس گالاکسی ماوێ سالەکێ یێ مای و کارگێریا یانا وی ‏ناخوازن دەستا ژێ بەردەن و بەردەوام دبزاڤێ دانە یێ کەیفخوشبیت و ئاستێن باشتر نیشان بدەت.‏

ئه‌ڤرۆ نيوز:

رەوشا نوکە یاریزانێ یانا بەرشەلونە تێدا دژیت بویە ئەگەر ھژمارەکا یانێن ئوروپی بزاڤێن ڤەگوھاستنا وی بو ‏ناڤا رێزێن خوە بکەن تایبەت ل مێرکاتویا زڤستانێ.‏

یاریزانێ ئسپانی یێ ھێلا ناڤین دینیس سوارێز ژلایێ خوەڤە یێ بزاڤێن ب جە ھێلانا رێزێن یانا بەرشەلونە ‏دکەت ل مێرکاتویا زڤستانێ پێخەمەت پشکداریەکا زێدەتر د یاریان دا و تایبەت پشتی بو ماوەکە ل گەل ‏یاریزانێن یەدەک مای ب ئەگەرا ھەبونا گەلەک یاریزانان بو جھێ ئەو یاریێ لێ دکەت.‏

ئێک ژ یانێن دخوازن ڤی یاریزانی ببەنە ناڤا رێزێن خوە یانا ئەرسینال یا ئنگلیزی دەست ب لڤینا کریە ژبو ‏ئیمزاکرنا ھەڤبەستا ڤەگوھاستنا وی ل دەستپێکا سالا بھێت ئەوژی پشتی راھێنەرێ یانێ ئونای ئیمری ‏داخوازکری ئەوێ بزاڤا ب ھێز ئێخستنا ھێلا ناڤینا یانا خوە دکەت و ژلایێ خوەڤە دێنس سوارێزی ژی ‏روناھیا کەسک بو یانا ئەرسینال ھەلکری کو یێ بەرھەڤە دانوستاندنان بکەت.‏

ئه‌ڤرۆ نيوز:

مژەوی بوونێ کونترول ل سەر بابەتێ پاشەروژا یاریزانێ فرەنسی و ستێرا یانا پاریس سان جێرمان یا فرەنسی ‏گرتیە ئەوێ دێ ھەڤبەستا وی ل گەل یانا وی ل دووماھیا ڤی وەرزی ب دووماھی ھێت و چاڤەرێبوونەکا ‏مەزن بۆ پێشوازیکرنا وی ژ لایێ یانا بەرشەلونە دھێتە کرن.‏

ئەدریان رابیۆ دخوازیت بھێتە ڤەگوھاستن بۆ ناڤا رێزێن یانا بەرشەلونە ل ھاڤینا بھێت و نوکە یێ ‏نێزیکی ڤێ چەندێ دبیت و بێ بەرامبەر رێزێن یانا فرەنسی ب جە بھێلیت پشتی چەندین داخوازیێن یانا ‏خوە رەتکرین بۆ نووکرنا ھەڤبەستێ و ژ بەر ڤێ چەندێ راھێنەرێ یانا ل یاریێن دووماھیێ دانایە ل گەل ‏یاریزانێن یەدەک.‏

ژ لایەکێ دی ڤە ھاتیە زانین کو یانا بەرشەلونە ژی ھەتا نوکە نەگەھشتیە رێککەفتنێ ل گەل ڤی یاریزانی و ‏ئەو شیان ژی نینن ھەتا ماوێ ھەڤبەستا وی ب دووماھی نەھێت و زێدەتر ژ ترسا وێ چەندێ سیناریویا ل ‏گەل ھەردو یاریزانان ئەنتونیو گریزمان و دانی سیبایوس دووبارە نەبیت دەما ل گەل یێ ئێکێ رێککەفتنێ و ل ‏دووماھیێ بریار دای بمینتە ل گەل ئەتلەتیکو مەدرید و یێ دویێ چوویە ناڤ رێزێن ھەڤرکا وێ ریال مەدرید.‏