ئەڤرۆ نیۆز:
بەرپرسەکێ سەربازی یێ نێجیریا بۆ BBC راگەهاند کو ئەڤرۆکە ل رۆژهەلاتێ وەلاتێ مە چەکدارێن داعشێ هێرشی بنگەهەکێ سەربازی کرینە و د ئەنجام دا هەتا نها چهل سەربازێن مە جانێ خوە ژ دەست داینە و گەلەک سەرباز ژی بریندارن و شەر ژی ل گەل چەکدارێن رێکخراوا تیرۆرستی یا داعشێ بەردەوامە.
هەروەسا پشتی نیڤرۆیێ ژی چەکدارێن داعشێ هێرشی باژێرێ مایدوگوری یێ نێجیریا کرن و هەتا نها هژمارا کوشتی و برینداران ناهێتە زانین و بەرپرسەکێ ئەمریکا ژی دبێژیت داعش دخوازیت جارەکا دی خوە بهێز کەت و مەترسیێ بۆ جیهانێ دروست کەت، ژ بەر هندێ ژی دڤێت هەموو وەلاتێن جیهانێ ل دژی داعشێ هەڤکاریا هەڤدو بکەن.
ئه‌ڤرۆ نیوز، ئازاد نسری:
ئه‌ڤرو سپێدێ 19-11-2018ل هولا كونفرانسا ب ئاماده‌بونا نه‌وروز مه‌ولود وه‌زیرا باژێرڤانی وگه‌شت وگوزارێ وفه‌رهاد ئه‌مین ئه‌تروشی پارێزگه‌رێ دهوكێ وسه‌روكێن زانكویێن پارێزگه‌ها دهوكێ وقایمقامێن پارێزگه‌هێ ورێڤه‌به‌ر وبسپورێن ئاڤ وسولینا وبه‌رپرسێن رێكخراوێن مروڤایه‌تی (( كونفرانسێ راگه‌هاندنا پلانا ستراتیجیا پارێزگه‌ها دهوكێ بو ئاڤ وسولینا ))هاته ئه‌نجامدان.
كونفراس ژلایێ پارێزگه‌ها دهوكێ وب هه‌ڤكاری دگه‌ل زانكویا دهوكێ ورێكخراوا (GIZ) یا ئه‌لمانی هاتیه به‌رهه‌ڤكرن.
درێ ورسمێن كونفراسیدا مصلح دهوكی سه‌روكێ زانكویا دهوكێ په‌یڤه‌ك پێشكێشكر وب خێر هاتنا هه‌موو به‌رهه‌بوڤیان كر وته‌كه‌زی ل سه‌ر گرنگیا ئاڤێ وپاراستنا وێ كر كو ب ره‌نه‌گه‌كێ باشتر سه‌ره‌ده‌ری دگه‌ل مه‌زاختناوێ بهێته كرن.
پاش وه‌زیرا باژێرڤانی وگه‌شت وگوزارێ دپه‌یڤه‌كێدا ده‌ست خوشی ل وان هه‌موو لایه‌نان كر یێن ئه‌ڤ پلانا پێنچ سالی ئاماده‌كری وسوپاسیا رێكخراوا (GIZ) یا ئه‌لمانی كر كو گه‌له‌ك هاریكاری كرینه وپروژه چێكرینه تایبه‌تی پروژێ ئاڤێ بو فه‌یدیێ وكه‌مپێن ئاواره وپه‌نابه‌را ل دومیز وجهێن دی وپشته‌ڤانیا وه‌زاره‌تێ نیشان دا بو بجه ئینانا پلانا ستراتیجی یا ئاڤ وسولینا ل پارێزگه‌هێ.
هه‌ر بڤێ هه‌لكه‌فتێ پارێزگه‌رێ دهوكێ په‌یڤه‌ك پێشكێشكر وبناڤێ حكومه‌تا كوردستانێ وپارێزگه‌ها دهوكێ سوپاسیا هه‌موو لایه‌نان كر یێن ئه‌ڤ پلانه به‌رهه‌ڤكری هه‌روه‌سا سوپاسیا رێكخراوێن یونسێف و(GIZ) یا ئه‌لمانی كر كو هاریكاربوینه بو ئاماده‌كرنا پلانێ وئاماژه دا گرنگیا ئاڤێ چ دوارێ ڤه‌خارنێ دا بیت یان دوارێ چاندنێ دا وگوت ئاڤ ژیانه وژیان بێ ئاڤ نابیت وزور یا فه‌ره سه‌ره‌ده‌ریه‌كا رێكخستی دگه‌ل ئاڤێ بهێته كرن نه‌خاسمه ئیرو روژ بو روژێ ئاریشا كێمبونا ئاڤێ ل روژهه‌تا ناڤێن په‌یدادبیت وگرفتاری ژێ چێدبن نمونه ژی كێمبونا ئاڤا روبارێن دجله وفراته وهیڤی خاستن كو ئه‌ڤ پلانا ستراتیجی ببیته هوكار كوئاڤ كێم تر بهێته مه‌زاختن وسه‌رده‌ری بره‌نگه‌كێ باشتر دگه‌ل ب كارئینانا وێ بهێته كرن.
دته‌وه‌ره‌كێ دی دا پارێزگه‌رێ دهوكێ به‌حسێ هاتنا وێ ژمارا زور یا په‌نابه‌ر وئاوارن كر كو ئه‌و بوینه بارگرانی لسه‌ر هه‌موو سه‌كته‌رێن خزمه‌تكاری تایبه‌تی سه‌كته‌رێ ئاڤێ .
و گوت :مه وه‌كو حكومه‌تا هه‌رێمێ پروژێن ئاڤێ ل قه‌زایێن دهوك وسێمێل وزاخو وئامێدیێ چێكرینه ول ئاكرێ ژی دقوناغا بجهئینانێ دایه وخواست كو بشێن ل قه‌زایێن به‌رده‌ره‌ش وشێخان ژی بجه بینن.
ل دوماهیێ گوت : دڤێت ئالیێ په‌روه‌ردێ ژی گرنگیێ بابه‌تێ ئاڤێ بده‌ت كو ئاڤ دهه‌موو واراندا بره‌نگه‌كێ ئابوری بهێته مه‌زاختن وسه‌ركه‌فتن بو كونفراسی خواست.
پاش په‌یڤێن رێكخراوێن یونسێف (GIZ) یا ئه‌لمانی هاتنه خاندن وته‌كه‌زی ل سه‌ر گرنگیا ئاڤێ كرن وخواستن ب ره‌نگه‌كێ ئابوری بهێته مه‌زاختن وپشته‌ڤانیا خو پلانا ستراتیجی دیاركرن.
پاش په‌نه‌لێ ئێكێ ده‌ست پێكر وهه‌ر ئێك ژرێڤه‌به‌رێ ئاڤێ ل دهوكێ ورێڤه‌به‌رێ ئاڤا ده‌وروبه‌ران ورێڤه‌به‌رێ سولینا به‌حسێ پلانا ستراتیجی وگرنگیا وێ كر.
پاش رێڤه‌به‌رێ بجهئینانا به‌رناما ل BRHA رونكرن دانه سه‌ر ژمارا ئاواره وپه‌نابه‌ران ل سنورێ پارێزگه‌ها دهوكێ وكارتێكرنا وان ل سه‌ر مه‌زاختنا ئاڤێ وپلانێن پاشه‌روژێ یێن مه‌زاختنا ئاڤێ ل ناڤ وده‌رڤه‌ی كه‌مپا .
ل دوماهیێ پروژێ پلانانا ستراتیجی یا ئاڤ وسولینا بو پێنچ سالا ژلایێ مسعود كاره‌ش نوینه‌رێ وه‌زاره‌تا باژێرڤانی وگه‌شت وگوزارێ هاته راگه‌هاندن كو بریاره هه‌تا سالا 2023یێ به‌رده‌وامبیت.
ل دوماهیێ كونفرانسی كونگره‌كێ روژنامه‌ڤانی بو به‌رێزان پارێزگه‌رێ دهوكێ و وه‌زیرا باژێرڤانیان وسه‌روكێ زانكویا دهوكێ ورێكخراوا(GIZ) یا ئه‌لمانی هاته ل دارخستن وهه‌موویان گرنگیا پلانێ بو پێنچ سالێن بهێت به‌رچاڤكرن وپشته‌ڤانیا خو بو بجهئینانێ دیاركرن.
ئەڤرۆ نیوز:
بریارە ئەڤ شەڤە ل دەمژمێر ١٠:٤٥ شەڤ یاریێن کوما ئێکێ ژ قارەمانیا نەتەوەیێن ئوروپا بھێتە کرن و د بھێزترین یاریا ئەڤ شەڤە دا ئەلمانیا دێ مێڤانداریا ھەلبژارتیێ ھولەندا کەت.
بەری ڤێ یاریێ ھەلبژارتیێ ھولەندا بەری نوکە ٢٦ یاری دگەل ئەلمانیا ئەنجامداینە و د ھەشت یاریان دا سەرکەفتن تومارکریە و حەفت سەرکەفتن بۆ ئەلمانیا بەرامبەر یازدە وەکھەڤیان د مێژوویا یاریێن وان یێن مێژوویی دا.
بۆ یاریا ئەڤ شەڤە ھولەندا دێ ب مورالەکا بھێز ھێتە د ڤێ یاریێ دا ژبەرکو بەری نوکە سەرکەفتن ل گەرا بوری ل سەر فرەنسا تومارکریە و ئەلمانیا ژی و نوکە د کوما ئێکێ دا فرەنسا سەرکێشا کومێ یە ب حەفت خالان و ھولەندا رێزا دویێ ب شەش خالان و ئەلمانیا رێزا سیێ و دووماھیێ ب ئێک خال و دێ بیتە یاریا دووماھیێ یا ڤێ کومێ ئەلمانیا چو دەلیڤە بۆ دەربازبونا قوناغا دووڤ دا و ھولەندا تنێ پێدڤی ب وەکھەڤیێ یە دەربازی قوناغا دویێ بیتوەک سەرکێش.
ئه‌ڤرۆ نیوز،هه‌ژار مه‌عروف:
سه‌رۆکێ ئێکه‌تیا ته‌پا پێ یا عیراقێ عه‌بدولخالق مه‌سعود خوه بۆ پوستێ ئه‌ندامه‌تیا ئێکه‌تیا ته‌پا پێ یا ئاسیا به‌ربژارکریه وه‌کو نوونه‌رێ عیراقێ کو بریاره هه‌لبژارتیێن ئێکه‌تیا ئاسیا ل سالا بهێت بهێنه‌کرن.
عه‌بدولخالق مه‌سعود د داخویانیه‌کێ دا بۆ ئه‌ڤرۆ نیوز دیارکر وی بۆ هه‌لبژارتیێن ئێکه‌تیا ته‌پا پێ یا ئاسیا به‌ربژارکریه و وی باوه‌ریه‌کا مه‌زن ب خوه هه‌یه دێ شێت بیته ئه‌ندامێ مه‌کته‌با ته‌نفیزی ل ئێکه‌تیا ئاسیا و په‌یوه‌ندیێن باش ل گه‌ل هژماره‌کا ئێكه‌تیێن عه‌ره‌بی و ئاسیا هه‌نه.
هه‌ژی گوتنێ یه عه‌بدولخالق ماوێ زێده‌تر پازده ساله کاردکه‌ت ل ئێکه‌تیا ته‌پا پێ يا عیراقێ و ماوێ پێنچ سالانه وه‌کو سه‌رۆکێ ئێکه‌تیا ته‌پا پێ عیراقێ يه.
ئەڤرۆ نیۆز، هۆشەنگ تاجر:
د. رەزوان بادینی سیاسەتمەدارێ رۆژئاڤایێ کوردستانێ بۆ ئەڤرۆ نیۆز دیار کر کو ئەمریکا نها دبێژیت ژ بەر شەرێ ل دژی داعشێ و هەبوونا ئیرانێ دێ ل سووریێ مینن، لێ ئەڤە بەهانە نە و ئەمریکا دخوازیت بۆ دەمەکێ درێژ ل سووریێ بمینیت و گۆت: (هەتا نها ئەمریکا حسابێ ل سەر کوردان دکەت، چونکو کورد ل سووریێ بۆ ئەمریکا هەڤپەیمانێن باشن و ژ بلی کوردان ئەمریکا چو هێزەکا دی نینە کو حسابێ ل سەر بکەت).
ناڤهاتی ئەو یەک ژی دیار کر کو ئەمریکا و تورکیا هندەک داخوازی ل دۆر رەوشا سووریێ ل هەڤدو هەبوون، تورکیا دخواست ئەمریکا دەستان ژ پشتەڤانیکرنا پەیەدێ بەردەت و ئەمریکا ژی دخوازیت تورکیا خوە ژ روسیا دوور بکەت، لێ تشتێ دیار دبیت هەتا نها ژی هەر دو ئالیان داخوازیێن ئێکتر قەبوول نەکرینە، ژ بەر هندێ ژی جارێ ئەمریکا دێ ل گەل کوردان ل سووریێ بەردەوام بیت.
ئەڤرۆ نیوز:
سەروکێ یانا ھەولێر دیارکر ژ ئەگەرێ نەبونا پشتەڤانیێ دێ دەرگەھێ یانێ دائێخن ئەگەر پشتەڤانیا دارایی بۆ یانێ نەھێتە کرن.
زێدەتر عەبدولا مەجید د داخویانیەکێ دا بۆ ئەڤرۆ نیوز ئاشکرا کر ھەتا نوکە چو لایەنا ھاریکاریا کارگێریا یانێ نەکریە ژلایێ دارایی ڤە و د شیان دا نینە ب ڤی شێوەی بەردەوامیێ بدەینە کاروانێ خوە د خولا عیراقێ دا ژبەرکو مە دو تیم ھەنە د خولا عیراقێ و کوردستانێ دا و د شیان دا نینە مووچێن ڤان یاریزانا دابین بکەین.
ناڤھاتی ئەو چەندە ژی دیارکر کو ھەتا نوکە مە پشتەبستن ل سەر داھاتێ یانێ دکر لێ ئەگەر ب ڤی شێوەی بیت ھەتا ھەیڤەکا دی ئەو دێ خوە ژ خولا عیراقێ ڤەکێشن و دبیت دەرگەھێ یانێ ژی دائێخین.
ئەڤرۆ نیوز، سالار دۆسکی:
نادر رۆستی، پەیڤدارێ دەستەیا گەشتوگوزارێ ل حوکمەتا ھەرێما کوردستانێ ئاشکرا کر کو بەرھەڤیان دکەن بۆ ھاتنا بەفرێ ل وەرزێ زڤستانێ ب وێ مەرەمێ فیستڤالێن خشاندنێ بھێنە ئەنجامدان.
نادر رۆستی ئەو یەک ژی بۆ ئەڤرۆ نیۆز گۆت: (وەکو دەستەیا گەشتوگوزار هەر سالێ، بەرھەڤیان دکەین بۆ فیستڤالان و ھەکە چ رێگری نەبن و چ کاودانێن نەخوەش پەیدا نەبن و پشتی ھاتنا بەفرێ دێ ل کورەک و چومان فیستڤال ھێنە ئەنجامدان و دیسان دێ ھەڤکار بین ل گەل رێڤەبەریا، گەشتوگوزار ل سلێمانیێ و دھۆکێ ژی).
نادر رۆستی ئەو یەک ژی ئاشکرا کر کو سالانە ئەڤ چالاکی ل چەندین دەڤەرێن چیایی دھێتە ئەنجامدان و خەلکەک زۆر ژی بەرھەڤ دبیت و گەلەک بزاڤێن دی ژی دێ مە ھەبن).
ل ئالیێ دی عوبەیدوللا داوود رێڤەبەرێ گشتی یێ گەشتوگوزارێ ژی بۆ ئەڤرۆنیۆز ئاشکرا کر کو وەک گەشتوگوزار بەرنامە ھەنە بۆ فیستڤالێن سەر بەفرێ و خوە خشاندنێ ل چیایێن، گارە و مەتینی و بابلو لێ نوکە ژ بەر کاودانێن دارایی چ بەرنامە نین بھێنە ئەنجامدان.
ئەڤرۆ نیوز:
ژ دەسپێکا وەرزێ ئەڤ سالە ھەڤرکیەکا مەزن ل سەر ئینانا یاریزانێ ھێلا ناڤین یێ ھەلبژارتیێ سربیا و یانا لازیو میلینکو ساڤێچ بەردەوامە و ل دووماھیێ یانا ئەنترمیلان گەھشتیە رێککەفتنێ بۆ ئینانا ڤی یاریزانی.
رۆژناما کوریێری دیلا سیرا یا ئیتالی ئەڤرۆکە دیارکریە رێڤەبەرێ وەرزشی یێ یانا ئەنترمیلان یا ئیتالی ماروتا بەری نوکە حەزا ئینانا ڤی یاریزانی دیارکریە و ب فەرمی سەروکێ یانا لازیو ئاگەھدارکریە کو حەزا ئینانا ڤی یاریزانی دیارکریە بۆ یانا خوە.
بەری نوکە ماروتا رێڤەبەرێ وەرزشی یێ یانا یوڤانتوس بوو ل وی دەمی بزاڤ دکرن ڤی یاریزانێ سربی بەتە رێزێن خوە دگەل یانا خانما پیر لێ پشتی بەر ب یانا ئەنتر چوی ھەمان یاریزان ساڤێچ داخواز کریە بۆ یانێ و گەھشتینە رێککەفتنا دووماھیێ ژی بێ کو بھایێ کوژمێ ڤەگوھاستنا وی بھێتە دیارکرن.
ئەڤرۆ نیوز:
سەروکێ سەندیکا کارەبا ئیرانێ دیارکر ئەو قەبوول ناکەن حکومەتا عیراقێ کارەبێ ژ سعودیێ بکریت و بکەتە پێگوھۆرا ئیرانێ.
زێدەتر د ڤی چارچوڤەی دا بیام باقر بۆ دەزگایێن راگەھاندنا ئیرانێ دیارکریە بەری نوکە وەزیرێ کارەبا وەلاتێ سعودیێ بەر ب عیراقێ چویە و پاش یێ عیراقێ ژی بەر ب ریاز چویە بۆ دەسپێکرنا وەرگرتنا کارەبێ ژ وەلاتێ سعودیێ لێ بەرامبەر ڤێ چەندێ ئەو قەبوول ناکەن سعودی بیتە پێگوھۆرا ئیرانێ بۆ ژێدەرێن وزێ لەورا پێدڤیە عیراق چارەسەریا بنەرەتی بینت بۆ پەیداکرنا کارەبێ.
ل دۆر ھەمان بابەت بەری نوکە وەزرێ نەفتا عیراقێ سامر غەسبان پێشوازی ل وەزیرێ وزا سعودیێ کریە و بەحس ل پێشڤەچوونا پەیوەندیێن ھەردو وەلاتان کرینە و بەرقراربونا بازارێ نەفتێ ل سەر ئاستێ جیھانێ و پشکداریا کومپانیێن سعودی ل عیراقێ زێدەباری گەنگەشەکرنا کێشانا ھێلێن کارەبێ بۆ عیراقێ.
نيشاندان