ئه‌ڤرۆ نيوز:
به‌رى ده‌مه‌كێ كێم كۆمبوونا لژنا هه‌ڤپشكا د ناڤبه‌را حوكمه‌تا عيراقێ و جڤاتا نوونه‌ران دا ل دۆر بوودجه‌يى ده‌ستپێكر و دهێته پێشبينيكرن بۆ حوكمه‌تێ بهێته ڤه‌گه‌راندن.
دوهى ژى كۆمبوونه‌كا ده‌سپێكى د ناڤبه‌را ڤێ لژنێ داهتبوو كرن و 47 خال هاتبوونه ده‌ستنيشانكرن ژبۆ گه‌نگه‌شێ و ئه‌حمه‌د سه‌فار، ئه‌ندامێ جڤاتا نوونه‌رێن عيراقێ ل لژنا ئابوورى، راگه‌هاند بوو كو كودان نه‌هـ خالێن سه‌ره‌كى هه‌نه كو كار ل سه‌ر بكه‌ن و د بووجه‌يى دا جهـ بگرن.
ئه‌ڤرۆ نيوز:
یانا ریال مەدرید یا ئسپانی دەست ب بەرھەڤیان کریە بو یاریا ل ھەمبەر یانا ئیبار ژ دەرڤەی یاریگەھا خوە ل روژا شەمبیا بھێت ژ چارچوڤێ یاریێن حەفتیا سێزدێ ژ خولا ئسپانیا و راھێنەرێ وێ سانتیاگو سولاری یێ چاڤەرێ ڤەگەریانا یاریزانێن خوە یێن نێڤدەولەتی دکەت ل دور روژێن بھێت.
یانا ریال مەدرید دێ کەڤیتە ھەمبەر ئاریشەکا مەزن بو ڤێ یاریێ ب ئەگەرا ھنگافتنا ھژمارەکا یاریزانێن وێ یێن ھێلا بەرەڤانیێ.
کاپتنێ یانێ سێرجیو راموس توشی ھنگافتنەکا سڤک بویە ل یاریا ئسپانیا و کرواتیا و دبیت پشکداریێ ل یاریا بھێت یا ریال نەکەت ژبەرڤێ چەندێ ئەرکێ راھێنەری زێدەتر ب زەحمەت کەفتیە و ھەر چەندە دانی کارفاخال و ماورسیلو و خیسوس فاییخو ژ ھنگافتنێ ڤەگەریاینە لێ ب دوور دھێتە دیتن پشکداریێ یاریێ ببن و ھەروەسا ئەو چەندە ژی یا ئاشکرا یە کو ناتشو و ریجیلون ژی یاریێ ناکەن ئەوێن ل یاریا بەرامبەر سێلتاڤیکو توشی ھنگافتنێ بوین.
ب ڤێ چەندێ ل یاریا ھەمبەر ئیبار یانا ریال مەدرید دێ یا بێ باربیت ژ شەش یاریزانێن ھێلا بەرەڤانیێ و سولاری یێ نەچارە پشتبەستنەکا مەزن بێخیتە سەر رافائێل فاران و ئەلفارو ئودریوزیولا و دبیت خافییر سانشێزی ژی ژ تیما کاستیا و چەند بەرەڤانێن دی ژی داخواز بکەت.
ئه‌ڤرۆ نيوز:
ستێرا گەنج یێ ھێلا ھێرشبەریا یانا بەرشەلونە ل ڤێ دووماھیێ یێ د ماوەکێ ب زەحمەت را دبوریت.
تایبەت پشتی راھێنەرێ یانێ ئارنستو فالڤێردی بریاردا وی سزا بدەت و ژ پشکداریا یاریا ل ھەمبەر ریال بیتس بێ بار بکەت ئەوا ب خوسارەتیا بەرشەلونە ب دووماھی ھاتی.
چەند رەفتارێن عسمان دێمبلی یێن ڤان دو حەفتیێن بوری بوینە جھێ دانوستاندنان ژ وانا نە پشکداریا وی د راھێنانا دا بێ ئاگەھدارکرنا یانێ و دویڤدا دیارکریە کو تەلەفونا وی یا شەحنکری نەبوو و دویڤدا پشتی بورینا دەمژمێرەکێ ژ راھێنانا پەیوەندی ب یانێ کریە و گازندە کرینە کو یێ نەخوشە و ئاریشە د گەدێ دا یێن ھەین و داخوازا نوشداری کریە بچیتە مالا وی و ئەڤ داخوازیا وی یانێ ب جە ئینایە.
ژێدەرێن روژنامەڤانی یێن ئسپانی وەسا دیار دکەن ئەگەرێن دێمبلی ھەڤالێن دورمانێن وی نە ئەوێن ژ زاروکینیێ ل گەل دا و نوکە ژی د نێزیکی وی نە ل بەرشەلونە.
ھەروەسا راپورتەکێ دا ھاتیە دیارکرن کو دەما نوشداری سەردانا مالا دێمبلی کری ھەڤالەکێ وی دەرگەە بو ڤەکریە و ھندەک کەسێن دی نە ژ خێزانا وی د مالێ ڤەبوون و چەندین بزاڤکرن کو نوشداری رازی بکەت یێ نەخوشە لێ نوشداری باوەر ژێ نەکریە.
د راپورتەکا دی یا روژنامەڤانی دا ھاتیە ئاشکرا کرن کو ھەڤالێن ل دورمانێن ڤی یاریزانی بزاڤێ دکەن گەلەک گرنگیێ نەدەتە کرنا یاریێ ل بەرشەلونە و ھەکە بخوازیت بمینت یاریزانەکێ پیشەکار پێدڤیە ژ ڤان ھەڤالان دوورکەڤیت.
ئه‌ڤرۆ نيوز، نيوار محه‌مه‌د سه‌ليم:
به‌رپرسێ به‌ره‌يێ توركمانى ل هه‌رێما كوردستانێ راگه‌هاند كو ئه‌و داخوازا ئێك ژ پۆستێن سه‌روه‌ريێ ل هه‌رێما كوردستانێ دكه‌ن ل گه‌ل ئێك ژ وه‌زاره‌تێن سه‌روه‌ريێ يان ژى يا خزمه‌تگۆزارى.
ئايدن مه‌عروف، به‌رپرسێ به‌ره‌يێ توركمانى ل هه‌رێما كوردستانێ، بۆ ئه‌ڤرۆ نيوز گۆت: “ده‌نگۆيه‌ك هه‌يه كو دێ سه‌رۆكێ وه‌زيران و سه‌رۆكێ په‌رله‌مانى دو جێگر هه‌بن، هه‌كه هات و ئه‌ڤ بڕياره كه‌فته كارى ل وى ده‌مى پێدڤيه جێگره‌كێ سه‌رۆك وه‌زيران بۆ توركمانان بيت”.
زێده‌تر گۆت: “هه‌كه ئه‌ڤ بڕياره بجهـ نه‌هات و هه‌ر وه‌كو به‌رى نوكه مان، پێدڤيه پۆستێ جێگرێ سه‌رۆكێ په‌رله‌مانێ كوردستانێ بۆ پێكهاتێ توركمانان بيت”.
دا زانين ژى كو د كابينا حوكمه‌تێ ژى دا پێدڤيه توركمان د كابينێ دا هه‌بن و وه‌زاره‌ته‌كا سه‌روه‌ريێ يان ژى ئێكا خزمه‌تگۆزاريێ ب پێكهاتێ توركمانان بهێته دان.
ئەڤرۆ نيوز، نەوزاد ھلۆری:
دەمەکێ زۆرە ھونەرمەندێ گەنج نوژدار محەمەد تاھر تووشی نەخۆشییەکا گران بوویە، بەلێ ھەتا نوکە نەھاتیە چارەسەرکرن و رۆژ بۆ رۆژێ نەخۆشیا وی گرانتر دبیت، سەندیکا ھونەرمەندێن کوردستانێ ژی گازندێ ژ جھێن شولەژێ دکەت.
ئەڤین بۆتانى، سەرۆکا لقێ دھۆک یا سەندیکا ھونەرمەندێن کوردستانێ بۆ ئەڤرۆ نيوز گۆت: (ھونەرمەندێ گەنج نوژدار محەمەد تاھر دەمەکێ زۆرە تووشی نەخۆشییەکا گران بوویە، بەلێ ھەتا نوکە نەھاتیە چارەسەرکرن و رۆژ بۆ رۆژێ نەخۆشیا وی گرانتر دبیت، کو ئەڤ یەک ژی جھێ داخێ یە و پێدڤی بوو ھەتا نوکە لایەنێن شولەژێ خوە ل وی کربایە خودان و ئەو ژ وێ نەخۆشیێ رزگار کربایە).
زێدەتر گۆت: (نوژدار ئێکە ژ ھونەرمەندێن دەنگخۆش و ئەکادیمی، ئەڤە چەندین جاران ل سەر کیستێ خوە دچیتە دەرڤە و مەزاختنێن زۆر کرینە، نەخۆشیا وی کارتێکرنێن زۆر ل سەر پەنکریاسێ و ریڤیکێن وی کریە، وەکو سەندیکا مە پەیوەندی ب چەندین جھێن شولەژێ کریە دا کو ب زووترین دەم چارەسەریا وی بھێتەکرن، بەلێ ھەتا نوکە کەسێ خوە لێ نەکریە خودان، ڤان رۆژان دووبارە چوویە ئەلمانیا ب مەرەما وەرگرتنا چارەسەریان و ل فرۆکخانەکا ئەلمانیا ژ بەر نەخۆشیا خوە دکەڤیت و کارتێکرن ل سەر نەخۆشیا وی زێدەتر دبیت، ژ بەرڤێ داخوازێ ژ ھەموو جھێن شولەژێ دکەین کو ب زووترین دەم خوە ل وی بکەنه خودان چونکو ھێشتا گەنجە و چاڤەرێ خزمەتێن زێدەتر ژ وی دھێنەکرن).
ھونەرمەندێ ناڤبری ژبلی وەکو ھۆنەرمه‌ند د ھەمان دەم دا خزمەتەکا بەرچاڤ د ئێکەتیا قوتابیان و ئێکەتیا لاوان ژی دا ھەیە، خودانێ چەند بەرھەم و کلیپێن ھونەری یە ژ وانان بلا بچن.
ئەڤرۆ نیۆز، ھۆشەنگ تاجر:
قارەمان خەلیل چالاکڤانێ مەدەنی ل باژێرێ خوێ یێ رۆژھەلاتێ کوردستانێ بۆ ئەڤرۆ نیۆز دیار کر کو ئەڤرۆکە سەرۆک کۆمارێ ئیرانێ سەرەدانا پارێزگەھا ئورمیێ کر و پاشی ژی سەرەدانا باژێرێ خوێ کر یێ رۆژھەلاتێ کوردستانێ کر، رۆحانی ھندەک پرۆژێن ئابووری ڤەکرن و د ئاخڤتنا خوە یا ل باژێرێ خوێ دیار کر کو مە بۆ ھەموو جیھانێ سەلماند کو ئەمریکا ئاریشان بۆ خەلکی دروست دکەت و ئەمریکا نەشێت ب سزایێن ئابووری ئیرادا مە ژناڤ ببەت.
ناڤبری ھەروەسا دیار کر کو سەرۆک کۆمارێ ئیرانێ بەحسێ قەیرانا ئابووری و رەوشا خراب یا ژیانا وەلاتیان نەکر و سۆز دا کو دێ نەھێلن رەوشا ژیانا وەلاتیان خراب ببیت و گۆت: (باوەریا خەلکێ رۆژھەلات ب سۆزێن رۆحانی ناھێت، چونکو بەری نھا ژی رۆحانی گەلەک سۆز دابوون لێ بجە نەئینان و ژ بەر ھندێ ژی خەلک دبێژن سۆزێن رۆحانی بێ بنەمانە و تنێ بۆ دلخوەشکرنا خەلکی یە کو ئەو یەک ژی چو ئەنجامێن خوە نابن).
دھۆک، لەزگین جوقی
سەرۆکێ جڤاتا پارێزگەھا دھۆکێ د پرێس کونفرانسەکێ رۆژنامەڤانی دا دیارکر کو ئەڤرۆ کۆمبوونەکا نە ئاسایی ل جڤاتێ ھاتە ئەنجامدان ل سەر ب سەرڤەچوونا ماوه‌یێ قانوونى یێ جڤاتێ، ئەم دێ بەردەوام بين بۆ دووڤچوونا کاروبارێن وەلاتیێن خوە دێ شولێ خوە ئەنجام دەين بێی ئەم بڕیارا دەربێخين، چاڤەرێینە پەرلەمانێ کوردستانێ ھەر چ زوويه ڤێ رەوشا ئالوز یا جڤاتێن پارێزگەھان چارەسەر بکەت. کارەکێ ب زەحمەت نینە جڤاتا وەزیران چارەسەر بکەت ھەتا ھەلبژارتنێن بھێت ژی وەخت بھێت رەنگە وەختەکێ درێژ بیت لەورا ئەم دخوازین ئەڤ رەوشا نوکە یا جڤاتێن پارێزگەھان بھێتە درێژکرن.
فەھیم عه‌بدولا حه‌مۆ سەرۆکێ جڤاتا پارێزگەھا دھۆکێ د پرێس کونفرانسەکێ رۆژنامەڤانی دا ئاشکەرا کر کو ئەو ل گەل ھەڤال وھەڤکارێن خوە ل جڤاتا پارێزگەھێ رێکەفتى نه کو ب بەردەوامیێ بده‌ینە کارێ خوە و دووڤچوونا ئاریشە و گازندێن خەلکێ خوە بکەين ھەتا چارەسەریەک بۆ ڤێ رەوشێ دھێتە دیتن، ئەم دێ بەردەوام بين ل سەر ئەنجامدانا کارێ خوە ل جڤاتێ.
زێدەتر گۆت: بڕیار نەھاتنە دان چونکو ماوەیێ قانوونى نەمایە ئەنجام ئەو بوویە بەردەوامى ب کارێ لیژنێن جڤاتێ بھێتە دان چونکو خەلک سەرا مە ددەن و پێدڤی دووڤچوونا کاروبارێن وان ھەیە لەورا ئەم ناھێلين جڤات بھێتە چوولکرن دێ کار یێ بەردەوام بیت.
ئاماژە دا وێ چەندێ ژی کو دیتنا من یان دڤێت ژ لایێ قانوونى ڤە بابەتێ جڤاتان بھێتە چارەسەرکرن و جڤات د دەستھەلات دار بن یان ژی نەبوونا وان باشتره ژ جڤاتێن بێ دەستھەلات، “دێ ھەموو لیژنێن جڤاتی وەکو خوە مینن دێ بەردەوامیێ ب کارێ خوە دەن”.
ئه‌ڤرۆ نیوز هه‌ولێر:
دیاردا كوشتن و ته‌قه‌كرنێ ل هه‌رێما كوردستانێ به‌ره‌ڤ زێده‌بوونێ دچیت و په‌یڤدارێ ده‌سته‌یا مافێ مرۆڤی ژی ئاماژێ ب ڤێ چه‌ندێ دكه‌ت كو پڕۆژه‌ك بۆ نه‌هێلانا چه‌كی یێ به‌رهه‌ڤه و پێدڤیه چه‌ك د ده‌ستێ وه‌لاتیێن سڤیل دا نه‌مینیت.
محه‌مه‌د گومه‌شینی، په‌یڤدارێ ده‌سته‌یا مافێ مرۆڤی بۆ رۆژناما ئه‌ڤرۆ گۆت: “پشتی شه‌ڕێ داعش روودانێن كوشتنێ و توندوتیژی یێ به‌ره‌ڤ زێده‌بوونێ دچن و ئه‌گه‌ر ژی بۆ هه‌بوونا ئه‌ڤێ رێژا زۆرا چه‌كی د ده‌ستێ وه‌لاتیان دا دزڤڕن و بوویه گه‌ف ل سه‌ر جڤاكێ مه، له‌وڕا مه وه‌كی ده‌سته‌یا سه‌ربخۆ یا مافێ مرۆڤی پڕۆژه‌یه‌ك هه‌یه بۆ حوكمه‌تێ و پێدڤیه حوكمه‌ت و په‌رله‌مان كار ل سه‌ر ڤێ چه‌ندێ بكه‌ن كو چه‌ك بهێته وه‌رگرتن و نابیت ب چو شێوه‌یه‌كی د ده‌ستێ وه‌لاتیان دا بیت؛ ژبلی هێزێن ئه‌منی”.
ل دۆر ده‌سته‌سه‌ركرنا تۆمه‌تاباران ژی محه‌مه‌د گومه‌شینی دیار كر، ئه‌ڤ ئاریشه‌یێن ژ ده‌رڤه‌ی قانوونێ دهێنه چاره‌سه‌ركرن، ب تنێ بۆ ده‌مه‌كێ دیاریكرینه و ل گه‌ل ده‌ربازبوونا ده‌می دوباره ئاریشه په‌یدا دبیت، بۆ نموونه ئاریشه به‌ری 25 سالان رووودایه و ل ده‌رڤه‌ی دادگه‌هێ هاتیه چاره‌كرن، به‌لێ پشتی ئه‌ڤان سالێن زۆر جاره‌كا دی ئاریشه په‌یدابوویه و گۆت: “چار كه‌س ل سه‌ر ئه‌ردی هاتینه كوشتن، هه‌كه ئاریشه ب رێیا دادگه‌هێ بهێنه چاره‌سه‌ركرن ئه‌ڤه دوباره نابن و هه‌ركه‌س دێ گه‌هیته سزایێ خوه”.
ئه‌ڤرۆ نيوز:
دۆنالد تره‌مپ سه‌رۆكێ ئه‌مريكا د چاڤپێكه‌فتنه‌كێ دا ل گه‌ل كه‌نالێ فۆكس نيوز يێ ئه‌مريكى ئاشكه‌را كر كو وى پلان هه‌يه د پاشه‌رۆژێ دا سه‌ره‌دانا عيراقێ بكه‌ت.
تره‌مپ گۆتژى: “من چه‌ندين پلان يێن هه‌ين و ئێك ژ وان ژى سه‌ره‌دانا له‌شكرێن ئه‌مريكى يه ل عيراق و ئه‌ڤغانستان”.
سه‌رۆكێ ئه‌مريكا دبێژيت: “ژ به‌ر ئه‌گه‌رێ ئه‌منى ده‌مێ سه‌ره‌دانێ بۆ عيراقێ نه‌هاتيه ئاشكه‌را كرن”.
دۆنالد تره‌مپ زێده‌تر ژ دو سالايه سه‌رۆكاتيا ئه‌مريكا وه‌رگرتيه و هه‌تا نوكه سه‌ره‌دانا عيراقێ نه‌كريه.
ئه‌ڤرۆ نيوز:
گومانا ھەبوونا پەیوەندیا ئەڤینداری د ناڤبەرا ستێرا تەپا پێ یا بەرازیلی و وەلاتیا وی یا ھونەرمەند جیوڤانا لانسیلوتی ل ماوێ بوری، دھێتە پێشبینیکرن ئەڤ پەیوەندیە ببیتە ئەگەرێ تێکچوونا پەیوەندیا ستێرا پاریس سان جێرمان و ھونەرمەند برونا مارکیزینی.
نیمار دا سێلڤا ئەوێ ل لەندەنا پایتەختێ ئنگلتەرا ئامادەبوی ژبو یاریا ھەڤالینی یا دناڤبەرا به‌رازیل و ئوروگوای ل وی دەمی ھەڤنیاسینا جیوڤانایێ کر ب رێکا تورا کومەلایەتی یا ئەنستگرامێ کو ل وی دەمی ئەوژی ل لەندەن یا ئامادبوو، لێ چو وێنەیێن وان پێکڤە نەھاتینە گرتن و پێکڤە نەھاتینە دیتن.
ھەر چەندە بەریا نوکە نیماری ب رەتکرن بەرسڤا وان دەنگوباسان دابوو کو خیانەت ل ھەڤالا خوە یا بەرێ کربیت بەری ژێکڤەبن، لێ ئەڤ چەندە نە بویە رێگر کو بەردەوامی ب ھەبونا پەیامێن ھەبونا پەیوەندیێن نوو دناڤبەرا وی و ھونەرمەندا بەرازیلی یا 25 سالى دا بھێتە کرن و روژناما زه سەن یا بریتانی ئاشکرا کریە کو نیمار یێ بەردەوامە د پەروەندیا خوە دا ل گەل جیوڤانایێ و داخواز ژی ژێکریە کو وێنەیێن خوە و وێ ل دەمێ پێکڤە ل لەندەن بەلاڤە نەکەت.
دھێتە زانین دەمێ جیوڤانا ل لەندەن و وێنەکێ خوە ل ئەنستگرامی بەلاڤەکری د کومنتەکێ دا نیماری نڤێسی بوو توژی ل لەندەنی و ژ ڤێ کومێنتا وی بابەتی دەستپێکر و گومانا ھەبوونا پەیوەندیێن دلداریێ د ناڤبەرا وان دا دورستبوون.
نيشاندان