ئه‌ڤرۆ نيوز:
ئه‌ڤ شه‌ڤه، هونه‌رمه‌ندێ شانوڤان عه‌بدولا حاجى وه‌غه‌ر كر.
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سه‌ره‌كى Twitter
ب وێنه: سێ کورد هاتنه داخوازکرن بۆ هه‌لبژارتیێ سوریێ
ئه‌ڤرۆ نیوز،هه‌ژار مه‌عروف:
بێرند ستانگ یێ ئه‌لمانی و راهێنه‌رێ هه‌لبژارتیێ ته‌پا پێ یێ سوریێ بوو هه‌ردو یاریێن هه‌ڤالینی به‌رامبه‌ر عمان و کوێت سێ یاریزانێن کورد کو خه‌لکێ روژئاڤا کوردستانێ نه داخوازکرینه بۆ پێکهاتیێ هه‌لبژارتیێ سوریا.
راهێنه‌رێ هه‌لبژارتیێ سوریا هه‌ر ئێک ژ یاریزانان ئه‌یاز ئوسمان یاریزانێ هێلا ناڤین یانا دینامۆ دێرسن یا ئه‌لمانی کو بۆندس لیگا دوو دا یاری که‌ت، هه‌ردیسان محه‌مه‌د عوسمان یاریزانێ یانا هیراکلیس یا هوله‌ندی کو دخۆلا پلا نایاب دکه‌ت و هه‌ردیسان به‌ره‌ڤانێ یانا ئه‌لعه‌هد یا لوبنانی ئه‌حمه‌د ئه‌لسالح .
هه‌لبژارتیێ سوریا بریاره سوباهى ل گه‌ل هه‌لبژارتیێ عمان که‌ت و ل ٢٠-١١-٢٠١٨ بریاره ل گه‌ل هه‌لبژارتیێ کوێت که‌ت کو ئه‌ڤ هه‌ردوو یاریێن هه‌لبژارتیێ سوریا بوو خوبه‌رهه‌ڤکرن بوو قاره‌مانیا ئاسیا ئه‌وا بریاره ل ده‌ستێکا ٢٠١٩ ل وه‌لاتێ ئیمارات هێته‌کرن.
یاز ئوسمان یاریزانێ هێلا ناڤین یانا دینامۆ دێرسن یا ئه‌لمانی
محه‌مه‌د عوسمان یاریزانێ یانا هیراکلیس یا هوله‌ندی
به‌ره‌ڤانێ یانا ئه‌لعه‌هد یا لوبنانی ئه‌حمه‌د ئه‌لسالح
ب فه‌رمانا سه‌رۆك بارزانى په‌یكه‌رێ شه‌هید قومری حاجی ل زاخۆ دێ هێـته دانان
ئه‌ڤرۆ، سالار دۆسكی:
ب فه‌رمانا سه‌رۆك مه‌سعود بارزانی، ل قه‌زا زاخۆ ده‌مێ پێنچ هه‌یڤانه په‌یكه‌ره‌ك بۆ شه‌هید (قومری حاجی ئسماعیل) دهێته دروستكرن و 80% ب دووماهی هاتیه و ژڤانه ل ته‌نشت ئاڤاهیێ قایمقامیا زاخۆ بهێته‌دانان.
دلێر كامیران، شێوه‌كارێ رابووی ب ئه‌نجامدانا ڤی كاری كو ده‌مێ پێنچ هه‌یڤه كاری ل سه‌ر دكه‌ت، بۆ ئه‌ڤرۆ گۆت” بلنداهیا په‌یكه‌ری 160 سم، په‌یكه‌ر ل نیڤا باژێرێ زاخۆ دێ هێـته‌دان ل ته‌نشت قایمقامیا زاخۆ ، ئه‌ڤ كاره ب فه‌رمانا سه‌رۆك بارزانی ب رێيا لقێ هه‌شت يێ پارتی دیموكراتی كوردستان دهێـته ئه‌نجامدان.
شه‌هید (قومری ئسماعیل حاجی) ل سالا 1937 ژدایكبوویه، ل سالا 1958 قه‌ستا ناف رێزێن پارتی دیموكراتی كوردستان كر، ئه‌ندامه‌كا چالاك بوو دناڤا ئێكه‌تیا ئافره‌تێن كوردستانێ دا، ل سالێن هه‌شتێان شانه‌كا حزبی بناڤێ(باوه‌ر) هاتیه دامه‌زراندن، شه‌هیدا ناڤبری ل گه‌ل كورێ خوه (شه‌عبان)ى رۆله‌كێ كاریگه‌ر دگێریت دژی رژێما به‌عس ، پشتی شانا ناڤبری دهێتـه ئاشكه‌راكرن، شه‌هید(قه‌مری) ل گه‌ل كورێ وێ و 11 هه‌ڤالێن شوره‌شگێر دهێنه ده‌سته‌سه‌ركرن، هه‌موو جۆرێن ئه‌شكه‌نجه‌دانێ ل گه‌ل وێ و هه‌ڤالێن دگه‌لدا دهێنه‌كرن، و ل رێكه‌فتی 12/10/ 1987 هاتیه سێداره‌دان.
هاتن وچوون هنده‌ك سزايێن سه‌رپێچيان وگۆژمێن وان رادگه‌هينيت
ئه‌ڤرۆنيوز:
رێڤه‌به‌ريا گشتى يا هاتن وچوونێ ل هه‌رێما كوردستانێ دراگه‌هاندنه‌كێ دا پشكه‌ك ژ ژسه‌رپێچيێن هاتن وچوونێ وسزايێن وان ب ڤى شێوه‌ى راگه‌هاند:
- بارێ بلند 20 هزار دينار
- هاتن وچوون ب تابلۆيێ تێكچووى يان يێ نه‌ديار 20 هزار دينار
- بكارنه‌ئينانا قاييشا سلامه‌تيێ 20 هزار دينار
- بكارئينانا هۆرنا هه‌واى يان ئاواز يان ئاميرێ ده‌نگى 20 هزار دينار
- ده‌ربازبوونا شاش 20 هزار دينار
- بكارئينانا رۆناهيا بلند (لايت عالى) 15 هزار دينار
- جوانكاريێن جۆراوجۆر (له‌زگه، وێنه، نڤيسين) ل سه‌ر جاما ترومبێلێ 15 هزار دينار
- سه‌رپێچيكرنا بنه‌مايێن هاتنوچوونێ ل سه‌ر رێيا سلامه‌تيێ 15 هزار دينار
- ب سه‌رڤه‌چوونا مۆله‌تێ يان سالانا ترومبێلێ 15 هزار دينار
پترترین رێژا بارانێ ل سەنتەرێ باژێری باریە
ئەڤرۆ نیوز:
د 12 دەمژمێرێن بووری دا، پترترین رێژا بارانێ ل دهۆکێ هاتیە تومارکرن کو 53 ملم بووینە.
هه‌ولێر 1.2 ملم
پیرمام 2.3 ملم
سلێمانى 1.2 ملم
چه‌مچه‌ماڵ 3.0 ملم
دهۆك 53.7 ملم
زاخۆ 25.2 ملم
كه‌ركوك 0.4 ملم
دووز 0.4 ملم
ئامێدی 17.4 ملم
بامه‌رنی 36.8 ملم
بارزان 0.2 ملم
بازیان 1.6 ملم
ده‌ربه‌ندیخان 0.2 ملم
دۆكان 13.2 ملم
كانى ماسی 22.8 ملم
قه‌لادزه 5.6 ملم
ماوه‌ت 2.2 ملم
سیده‌كان 1.2 ملم
حاجى ئۆمه‌ران 4.0 ملم
سمێلان 1.6 ملم
مێرگه‌سور 5.4 ملم
پێنجوین 0.2 ملم
د روودانەکا ترافیکێ دا 21 کەس بوونە قوربانی
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن: د روودانەکا ترافیکێ دا 21 کەس بوونە قوربانی.
ناڤهاتی زێدەتر دیارکر: ئەڤرۆ پێنجشەمبی ١٥⁄١١⁄٢٠١٨ و ل دەمژمێر 4:45 ئێڤاری ل سەر جادا تەلوە بۆ دھۆک روودانەکا ترافیکێ دناڤبەرا دو ترومبێلان دا روودایە، کو ترۆمبێلەک ژ وان کوستەر ل گەل ترۆمبێلەکا تایبەت شوفرلێت بوویه و د ئەنجامدا سێ کەس گیانێ خوە ژ دەست دایە، کو دو زەلام و ژنەک بووینە، هەروەسا ١٨ کەسێن دیتر ژی بگرانی بریندار بووینە و هاتینە رەوانەکرن بۆ نەخۆشخانێ.
ئه‌ڤ شه‌ڤه كرواتيا دێ بزاڤا تولڤه‌كرنێ ژ ئيسپانيا كه‌ت
ئه‌ڤرۆنيوز:
ئه‌ڤ شه‌ڤه گه‌ره‌كا دى يا ياريێن خۆلا نه‌ته‌وێن ئه‌ورۆپا دێ هێنه ئه‌نجامدان كو گرنگترين يارى دێ دناڤبه‌را كرواتيا ومێهڤانا وێ ئيسپانيا دا بيت ل ده‌مژمێر 10:45 دچارچۆڤێ كۆما چارێ دا.
هه‌لبژارتيێ كرواتيا دێ بزاڤا تولڤه‌كرنێ ژ هه‌لبژارتيێ ئيسپانيا كه‌ت پشتى كو ل ياريا بۆرى ل 8/9/2018 ل سه‌ر ئه‌ردێ ئيسپانيا تووشى دووراندنه‌كا مه‌زن بووى ب ئه‌نجامێ 0-6.
هه‌لبژارتيێ ئيسپانيا سه‌ركێشيا كۆما چارێ دكه‌ت ب شه‌ش خالان وهه‌لبژارتيێ ئينگلته‌را ل رێزا دويێ دهێت ب چار خالان وكرواتيا ل رێزا سيێ ودووماهيێ دهێت ب خاله‌كێ.
سێ کەسان گیانێ خوه ژ دەست دا
وه‌زاره‌تا ئه‌وقافێ رۆهنكرنه‌ك ل دۆر بهايێن نوو يێن عومرێ به‌لاڤكر
ئه‌ڤرۆنيوز:
په‌يڤدارێ وه‌زاره‌تا ئه‌وقافێ وكاروبارێن ئايينى ل هه‌رێما كوردستانێن، نه‌به‌ز ئيسماعيل، درۆهنكرنه‌كێ دا به‌لاڤكر، ژئه‌گه‌رێ هاتنا خوار يا بهايێ ئۆتێلان وخوارنێ ل وه‌لاتێ سعوديێ وڤه‌كرنا 700 كۆمپانيێن تايبه‌ت ب عومرێ ڤه ل وى وه‌لاتى، بهايێ گه‌شتێن عومرێ هاتيه خوار ژ هزار دۆلاران بۆ 700 دۆلاران وهنده‌ك جاران كێمتر ژى.
گۆت ژى”ده‌مێ مانا عه‌ر عومره‌كاره‌كى ل سعوديێ 10 رۆژن”.
په‌يامه‌ك ژ سه‌رۆك بارزانى
ئه‌ڤرۆنيوز:
سه‌رۆك مه‌سعود بارزانى ئه‌ڤرۆ پێنجشه‌مبى 15/11/2018 د په‌يامه‌كێ دا خوه‌شحاليا خوه دياركر ب ئازادبوونا عه‌بدولره‌حمان ئاپۆ ئه‌ندامێ سه‌ركردايه‌تيا پارتى ديموكراتى كوردستان سووريا ژ زيندانێن په‌يه‌دێ.
سه‌رۆك بارزانى دپه‌ياما خوه دا دبێژيت”ب ئازادبوونا عه‌بدولره‌حمان ئاپۆ ئه‌ندامێ سه‌ركردايه‌تيا پارتى ديموكراتى كوردستان سووريا ژ زيندانێن په‌يه‌دێ گه‌له‌ك خوه‌شحال بووم.
دياركر” ب راستى جهێ خه‌باتكه‌ره‌كێ وه‌كو وى دڤيا زيندانێن دوژمنان با، نه‌كو زيندانا لايه‌نه‌كێ كوردى”.
سه‌رۆك بارزانى گۆت ژى” هيڤيدارم ئه‌ڤه ببيته ده‌سپێكه‌ك بۆ ئازادكرنا هه‌موو گرتيێن لايه‌نێن سياسى يێن رۆژئاڤايا كوردستانێ كو دزيندانێن په‌يه‌دێ دانه وهه‌روه‌سا ديتنا هه‌موو وان چالاكڤانێن كوردى ئه‌وێن بێ سه‌ر وشوين بووين”.
گۆت ژى” هيڤي دارم ژ نوكه وپێڤه رۆژئاڤايا كوردستانێ ڤه‌كرنا سياسى ب خوه‌ڤه ببينيت وئێدى خه‌لك ولايه‌نين سياسى ژبه‌ر بيرورايێن سياسى نه‌هێنه ئازاردان وزيندانكرن”.
نيشاندان
WP Facebook Auto Publish Powered By : XYZScripts.com