ئەڤرۆ نیوز:
ئەکتەرێ بریتانی ،ئدریس ئێلبا یێ ناڤدار ل هۆلیۆدێ، وەکو جوانترین کەسێ سالا 2018 هاته دەست نیشانکرن.
گۆڤارا پیپل یا حەفتیانە یا ئەمریکی و برێیا پرۆگرامێ جێمی فالۆن، ئدریس ئێلبا وەک جوانترین کەسێ زندی بۆ سالا 2018 هەلبژارت.
ئەکتەرێ ناڤهاتی ژی د داخویانیەکێ دا دیارکر، کو هەلبژارتنا وی جهێ سۆرپرایزێ یە بۆ وی و ئەڤ ناسناڤە جهێ رێزگرتنا وی یە.
ئەڤرۆ نیوز ، زنار تۆڤی:
وه‌زاره‌تا كاره‌با هه‌رێما کوردستانێ دیاركر: کو به‌رهه‌مئینانا كاره‌بێ ژ 2300 میگاواتان بۆ 3500 میگاواتان دهێته زێده‌كرن و كاره‌با هەرێمێ دێ ب رێژه‌یا 50% به‌ر ب زێده‌بوونێ ڤە چیت.
د راگه‌هاندنه‌كێ دا وه‌زاره‌تا كاره‌با هه‌رێما كوردستانێ راگه‌هاندیە: کو ب هه‌ماهه‌نگی ل گه‌ل وه‌زاره‌تا سامانێن سروشتی ، د ده‌مێ چه‌ند هەیڤێن بهێت دا ئه‌و دێ شێن ژ سه‌رجه‌مێ 2300 میگاواتێن كاره‌بێ كه‌نه 3500 میگاوات.
دیاركریە ژی: ل هەیڤێن بهێت دێ گوهۆرین د به‌رهه‌مئینانا كاره‌بێ دا چێبیت، ب تایبه‌ت پشتی زێده‌بوونا رێژه‌یا به‌رهه‌مئینانا گازا سروشتی ل په‌ترۆلگه‌هێن كۆرمۆر و خورمه‌له كو دهێته پێشبینیكرن به‌رهه‌مئینانا كاره‌بێ ب چه‌ند قوناغان د ده‌مێن بهێت دا ده‌ست پێ بكه‌ت.
هه‌روه‌سا گۆتیە ژی: دەمژمێرێن پێدانا كاره‌بێ دێ هێنه زێده‌كرن و به‌رهه‌مئینانا كاره‌بێ ب رێژه‌یا 50% به‌ر ب زێده‌بوونێ ڤە دچیت.
ئه‌ڤرۆنيوز:
سه‌رۆك وه‌زيرێن عيراقێ، عادل عه‌بدولمه‌هدى، ئه‌ڤرۆ سێشه‌مبى 6/11/2018 راگه‌هاند، پێدڤيه چاره‌سه‌ريێن گونجاى بۆ مادێ 140 يێ دستووري عيراقێ وبودجا هه‌رێما كوردستانێ بهێنه ديتن.
عه‌بدولمه‌هدى دكۆنگرێ رۆژنامه‌ڤانى يا حه‌فتيانه گۆت” دێ به‌حسێ بابه‌تێ مادێ 140 وبودجا هه‌رێما كوردستانێ كه‌ين، به‌لێ نه‌شێم نوكه برياره‌كا دووماهيێ بده‌م”.
گۆت ژى” جڤاتا نوونه‌ران وجڤاتا وه‌زيران ولايه‌نێن په‌يوه‌نديدار دێ پتر به‌حس ل ڤى بابه‌تى كه‌ن وئه‌و لژنا هاتيه پێكئينان بۆ دانوستاندنێ ل دۆر بودجێ دێ به‌حسێ ڤى بابه‌تى ل گه‌ل جڤاتا نوونه‌ران كه‌ت”.
دياركر ژى” ئه‌ركێ هه‌موويانه بگه‌هنه رێككه‌فتنه‌كێ وپرسێن دارايى وقانوونى ب شێوه‌كێ عاديلانه بهێنه ئێكلاكرن بۆ خزمه‌تنكرنا هه‌موو پارێزگه‌هان وهه‌موو گه‌لێ عيراقێ”.
ئه‌ڤرۆنيوز:
دچارچۆڤێ گه‌را چارێ ژ ياريێن كۆما سيێ ژ خۆلا قاره‌مانێن ئۆرۆپا، به‌رى ده‌مه‌كێ كێم ياريا لێڤه‌رپۆل يا ئينگليزى ومێهڤاندارا خوه يانا سرفينا زفيزدا يا سربى ب ئه‌نجامه‌كێ نه‌چاڤرێكرى بۆ لێڤه‌رپۆل ب دووماهى هات ده‌مێ ب دو گۆلان بێ به‌رامبه‌ر تووشى دووراندنێ بووى.
هه‌ردو گۆلێن يانا سربى ل خۆله‌كێن 22 و29 هاتن تۆماركرن، د ياريا ئێكێ دا دناڤبه‌را هه‌ردو يانان، لێڤه‌رپۆل سه‌ركه‌فتنه‌كا مه‌زن ب ئه‌نجامێ 4-0 ل ياريگه‌ها خوه تۆماركر، ب ڤى ئه‌نجامى، يانا سربى خزمه‌ته‌كا مه‌زن پێشكێشى هه‌ردو يانێن هه‌ڤركێن لێڤه‌رپۆل دڤێ كۆمێ دا كر ئه‌وژى باريس سان جيرمان يا فه‌ره‌نسى وناپۆلى يا ئيتالى.
ب ڤى ئه‌نجامێ لێڤه‌رپۆل ب شێوه‌كێ به‌روه‌خت ل سه‌ر كۆمێ دهێت ب 6 خالان وناپۆلى ل رێزا دويێ دهێت ب 5 خالان وباريس سان جيرمان ب 4 خالان ل رێزا سيێ دهێت وسرفينا يا سربى ل رێزا چار ب 4 خالان دهێت.
برياره پشتى ده‌مه‌كێ كێم ياريه‌كا ب هێز دڤێ كۆمێ دا بهێته كرن دناڤبه‌را ناپۆلى يا ئيتالى ومێهڤانا وێ باريس سان جيرمان يا فه‌ره‌نسى.
ئه‌ڤرۆنيوز:
باليۆزخانا ئه‌مريكا ل به‌غدا، هوشداريه‌كا ئه‌منى دده‌ت ل دۆر پێلانه‌كا هژماره‌كا سه‌ركردێن ميليشيان بۆ ره‌ڤاندنا وه‌لاتيێن ئه‌مريكى .
باليۆزخانا ئه‌مريكى ل به‌غدا، ل دووڤ باسنيوز، درۆهنكرنه‌كێ دا هوشدارى ژ وێ چه‌ندێ دا كو پيلانه‌ك يا هه‌ى بۆ ره‌ڤاندنا وه‌لاتيێن ئه‌مريكى ل ناڤه‌راستا ڤێ هه‌يڤێ.
ئاماژه‌كر كو هژماره‌كا سه‌ركردێن ميليشيان ( بێ كو ناڤێ وان بينيت) به‌حسێ پيلانه‌كێ كريه بۆ ره‌ڤاندنا وان وه‌لاتيێن ئه‌مريكى ئه‌وێن دێ پشكداريێ دپێنجه‌مين پيشانگه‌ها نێڤده‌وله‌تى يا به‌غدا كو برياره ل 10 هه‌تا 19 ڤێ هه‌يڤێ بهێته ڤه‌كرن.
ل دووڤ وێ رۆهنكرنێ، سه‌ركردێن وان ميليشيان به‌حسێ چاوانيا ره‌ڤاندن وڤه‌شارتنا وه‌لاتيێن ئه‌مريكى وخستنا ره‌ڤاندنا وان ل سه‌ر لايه‌نێن سياسى يێن نه‌يارێن وان كريه.
ئه‌ڤرۆنيوز:
هنده‌ك ژێده‌رێن عيراقى ئاشكرا دكه‌ن كو حزبوللا يا لوبنانى وئيران وروسيا وسووريا فشارێ ل سه‌ر سه‌رۆك وه‌زيرێن عيراقێ عادل عه‌بدولمه‌هدى دكه‌ن بۆ وێ چه‌ندێ وه‌زاره‌تا ناڤخوه بده‌ته فالح فه‌ياز ئێك ژ سه‌ركردێن حه‌شدا شه‌عبى.
وان ژيده‌رێن سياسى يێن عيراقى، ل دووڤ شه‌فه‌ق نيوز، دياركر كو پێداگريا لايه‌نێن نێزيك ژ حه‌شدا شه‌عبى بۆ به‌ربژاركرنا فالح فه‌ياز بۆ وه‌زاره‌تا ناڤخوه ژبه‌ر وێ چه‌ندێ يه كو چه‌ند وه‌لاتێن ده‌ره‌كى پشته‌ڤانيا فه‌يازى دكه‌ن.
ئاماژه بۆ وێ چه‌ندێ ژى هاته كرن كو محه‌مه‌د كه‌وسه‌رانى به‌رپرسێ دۆسيا عيراقێ ل حزبوللا يا لوبنانى فشار ل سه‌ر لايه‌نين شيعى كريه تاكو فالح فه‌ياز ى بكه‌ن وه‌زيرێ ناڤخوه.
وان ژێده‌ران دياركر كو ژبلى حزبولا يا لوبنانى، هه‌ر ئێك ژ روسيا وئيران فشارێ دكه‌ن تاكو وه‌زاره‌تا ناڤخوه ب وى سه‌ركردێ حه‌شدا شه‌عبى بهێته دان، دبه‌رامبه‌ر دا ليستا سائيرون ب سه‌رۆكاتيا موقته‌دا سه‌در فالح فه‌يازى ره‌ت دكه‌ت.
ئه‌ڤرۆنيوز:
شيره‌تكاره‌كێ جڤاتا وه‌زيرێن هه‌رێما كوردستانێ راگه‌هاند، ب چه‌ند مه‌رجان دێ مۆله‌تا خواندنێ ب فه‌رمانبه‌ران هێته دان.
نه‌زهه‌ت سالح، شێرتكارێ قوتابيان وخواندنا بلند ل سه‌رۆكاتيا جڤاتا وه‌زيرێن هه‌رێمێ راگه‌هاند” جڤاتا وه‌زيران بريار دايه بۆ دانا مۆله‌تا خواندنێ بۆ فه‌رمانبه‌ران، ل دووڤ مادێ 50 ژقانوونا خزمه‌تا شارستانى مامه‌له بهێته كرن ومۆله‌تا خواندنێ ب وان فه‌رمانبه‌ران بهێته دان”.
ل دووڤ مادێ 50 يێ وێ قانوونێ، وه‌زيرێ په‌يوه‌نديدار ب رازيبوونا وه‌زيرێ دارايى، بۆ هه‌يه مۆله‌تا خواندنێ بده‌ته فه‌رمانبه‌ران بۆ ده‌مێ دو سالان ب مووچێ تمام، ب وى مه‌رجى سێ سالاێن خزمه‌تێ تمام كربن، هه‌روه‌سا ئه‌وێ پێنج سالان خزمه‌ت هه‌بيت، بۆ هه‌يه دو سالێن دى ژى مۆله‌تێ وه‌ربگريت وئه‌و مۆله‌تا وه‌ردگريت بۆ خزمه‌تا خانه‌نشينيێ وخزمه‌تێن دى دهێته هژمارتن.
ئاماژه كر، مه‌رجێ پێدانا مۆله‌تا خواندنێ ئه‌وه كو دڤێت ئه‌و وه‌زاره‌تا فه‌رمانبه‌ر تێدا پێدڤى ب وێ بسپۆريێ هه‌بيت كو ئه‌و فه‌رمانبه‌ره بۆ دخوينيت، بۆ نموونه كه‌سه‌ك ل وه‌زاره‌تا چاندنێ نابيت بچيت دبواره‌كێ دى دا بخوينيت كو يێ دوور بيت ژبوارێ كارێ وى.
دياركر” ئه‌وێن به‌رى نوكه، دێ ناڤونيشانێن وان هێنه گوهۆرين وباوه‌رنامێن وان بۆ هێنه هژمارتن وده‌رمالا وێ باوه‌رنامێ ژى پێ هێته دان كو بده‌ستڤه‌ئيناى، بۆ مۆله‌تا نوو ژى، ل دووڤ قانوونا خزمه‌تا شارستانى دێ ره‌فتار دگه‌لدا هێته كرن”.
رۆهنكر ژى” ئه‌وێن مۆله‌تا بێ مووچه وه‌رگرتى ومۆله‌تا خواندنێ نه‌بيت، باوه‌رناما بلندتر دێ بۆ ناهێته هژمارتن”.
وه‌زاره‌تا ده‌رڤه یا ئه‌مریكا د به‌یاننامه‌كێ دا راگه‌هاند، ئیدارا وه‌لاتێ وان كۆژمێ 12 ملیۆن دۆلاران به‌خشیش داناینه بۆ دیتنا جهێ سێ به‌رپرسێن بلندێن په‌كه‌كێ.
وه‌زاره‌تا ده‌رڤه یا ئه‌مریكا دیار كر كو وان بڕیار دایه بۆ دانا به‌خشیشی بۆ وان كه‌سێن زانیاریان ل دۆر جهێ چه‌ند سه‌ركرده‌كێن په‌كه‌كێ دده‌ن بۆ وێ چه‌ندێ بكه‌نه ئارمانج، ژ وان ژی “موراد قه‌ره‌یلان پێنج ملیۆن دۆلار، جه‌میل بایك چار ملیۆن دۆلار و دوران كالكان ژی سێ ملیۆن دۆلار”.
وه‌زاره‌تا ده‌رڤه یا ئه‌مریكا گۆت ژی:( ل سالا 1997 ئه‌مریكا په‌كه‌كه وه‌ك رێكخراوه‌كا تیرۆرستی ناساند و ل سالا 2011 ژی ئیدارا ئه‌مریكا په‌كه‌كه وه‌ك رێكخراوه‌كا تیرۆرستی یا جیهانی ناساند).
ئه‌ڤ بڕیارا ئه‌مریكا پشتی سه‌ره‌دانا ماسیۆ پالمه‌ر هاریكارێ وه‌زیرێ ده‌رڤه یێ ئه‌مریكا دهێت بۆ ئه‌نقه‌ره و كۆمبوونێن وى ل گه‌ل به‌رپرسێن حوكمه‌تا توركیا.
ئه‌ڤرۆ نیوز:
وه‌زاره‌تا ناڤخۆ یا فره‌نسا، گرتنا شه‌ش كه‌سان ب تومه‌تا دانانا پیلانه‌كێ بۆ هێرشكرنێ دژی سه‌رۆكێ فره‌نسا راگه‌هاند.
ل گۆری وه‌زاره‌تا ناڤخۆ یا فره‌نسا، د چارچووڤێ لێكۆلینێ ل دۆر پیلاندانانا هێرشه‌كێ دژی ئیمانوێل ماكرۆن، شه‌ش گه‌نج كو ئێك ژ وان كچه هاتنیه گرتن.
هه‌روه‌ها دیار كر كه‌سێن هاتینه گرتن سه‌ر ب بالێ راست یێ توندروو ڤه نه.
ماكرۆنى ئه‌ڤرۆ د گۆتاره‌كا خوه دا راگه‌هاند: پێدڤییه ئه‌ورۆپا سوپایه‌كێ بهێز ئاڤا كه‌ت دا پێدڤی ب منه‌تا ئه‌مریكا نه‌بیت و بشێت ل دژی گه‌فێن رووسیا براوه‌ستیت.
ئه‌ڤر نیوز:
سترانبێژ و چالاكڤانا مافێن مرۆڤی، ده‌شنێ موراد ره‌خنه ل وان كه‌سان گرت یێن ب خرابی به‌حسێ وان كچان دكه‌ن یێن نه‌رگیلا دكێشن و نشته‌رگه‌ریێن جوانكاریی دكه‌ن و راگه‌هاند، كه‌سێ ماف نینه وان ره‌خنان بگرن.
ده‌شنێ ل سه‌ر ئه‌كاونتا خوه ل تۆرا جڤاكييا تويته‌رى، ئاماژه كر كو زۆریا هه‌ژمارا كافتێریایان نه ل دووڤ حه‌زا خه‌لكییه، به‌لكو بازرگانان و كه‌سێن به‌رپرس به‌رێ خه‌لكی دایه كافتریایان و نشته‌رگه‌رییان.
ده‌شنێ نڤیسیه:
ژبه‌ركو تا راده‌كێ زێده كافتێریایێت نه‌رگیلا و ناڤه‌ندێن جوانكاریێ هاتینه ڤه‌كرن، كه‌سێ ماف نینه ره‌خنان ل كچان بگرن كا بۆچی نه‌رگیلا دكێشن یان سه‌روچاڤێن وان پری نشته‌رگه‌ریێن جوانكاریێ نه.
هه‌كه‌ر وی مافی بده‌نه خوه پا بۆچی بازرگانان كوردستان پر نه‌دكر ژ په‌یمانگه‌هێن هونه‌ری، بۆچی ل هه‌ر تاخه‌كی هۆله‌كا وه‌رزشی و پاركه‌ك و په‌رتووكخانه و گه‌له‌رى و موزه‌خانه ئاڤانه‌دكرن؟”
نيشاندان