ئه‌ڤرۆ نيوز:
وەلاتی ئەیوب عیسا ئیك ژ وان كەسێن مالا وان ل سەر رووبارێ هشكەروويى دیاركر كو نوكە ژی دەمێ بارانێن مەزن دهێن ئەم نەوێرن بنڤين، ئەم خوە بەرهەڤ دكەين، “هەكە مە دیت ئاڤا گەلەك بلندبوو ئەم ژ خانيێن خوە دێ دەركەڤن”.
وەلاتی ئەیوب عیسا مالا وی ل سەر رووبارێ هشكەروويى هاتیە چێكرن دیاركر كو هەر سال دەمێ باران دهێن ئەو دكەڤنە د رەوشەكا نەباش دا، سالا بۆری ژ بەر لەهیێن بارانێ دیوارێ مالا مە كەفت ب زووری مە زارۆيێن خوە رزگاركرن ئاڤ د سەر بانێ خانیان رادچوو، گەلەك لەهیەكا مەزن هات”.
ئه‌و دخوازن چارەسەریەك ل وان بهێتە كرن چونكو وەرزێ زڤستانێ مەترسیێ ل سەر ژیانا خەلكى دروست دبیت”.
وەلاتی عیسا كرگو خۆدان 13 زارۆيه ل سەر رووبارێ هشكەروويى د خانیەكی دا دژیت بۆ دا زانين كو وان دڤیا چارەسەریەك ل رووبارێ هشكەروويى بهێتە كرن، ئەڤە 10 سالن ئەم ل سەر رووبارێ هشكەروويى دژین و دەمی باران و لەهیێ ژی بهێن ژیانا مە كەفتيە د مەترسیێ دا دەمێ بارانێن مەزن دهێن ل وان شەڤان ئەم زارۆكێ خوە دبەين و دچینە مالەكێ دێ نڤين هەتا ببیتە سپێدە ئەم هیڤدارین هاریكاریا مە بهێتە كرن ئەم ژ ڤێ مەترسیێ رزگار بن”.
ئيسماعیل مستەفا، رێڤەبەرێ پەیوەندی و راگەهاندنێ ل سەرۆكاتیا باژێرڤانیا پارێزگەها دهۆكێ دیار كر كو هژمارەكا خانیان ب شێوەیێ زێدەگاڤی ل سەر رووبارێ هشگەروويى هاتینە ئاڤاكرن نوكە دەمێ باران دهێت مەترسیا چوونا ئاڤی بۆ ناڤ خانیێن وەلاتیان ل سەر رووباری دروست دبیت ژ بەر ڤێ چەندێ ژی ب كوژمێ 253 ملیۆن دیناران دەست ب چێكرنا ديوارێن پالپشت ل سەر رووبارێ هشكەروويى هاتیە كرن دا كو دەمێ ئاڤ بلند دبیت نەگەهيتە ناڤ مالێن وەلاتیان و ژیانا خەلكى یا پاراستی بیت ژ باران بارینێ.
نيشاندان