ئه‌ڤرۆ نيوز:

پێشەسازیا بەروشکێ ئەڤە بۆ دەمێ چەندین سالە د پلانا حۆکمەتا ھەرێما ‏کوردستانێ دایە بھێتە ڤەگۆھاستن بۆ ئالۆکا و خودانێن دوکانان ل پێشەسازیێ ‏دیاردکەن کو وان د کەڤن دا ئەڤ دوکانە کرێ گرتینە و پێدڤیە حۆکمەت پارێ دوکانێ ‏بدەتە وان و ژ نوو وان ڤەگوھێزنە ئالوکا و دیسان ب وان دوکانا ژی نەدرازی نە یێن ‏حۆکمەتێ بۆ دەستنیشانکرین، چونکو ھندەک خودانێن تورمبێلان ھەنە کارێ وان یێ ‏مەزنە و نەشێن دوان دوکانا ڤە کاربکەن، ژ بەر کو گەلەک دبچووکن و ئەڤ چەندە ژی ‏نە د بەرژەوەندیا ھندەک کرێکارێن پێشەسازیێ دانە.‏

نافخوش حەجی حسێن، خودانێ جھێ مەلک ل پێشەسازیا بەروشکێ دبێژیت: د پلانا ‏حۆکمەتێ دا یە پێشەزازیا بەروشکێ بھێتە ڤەگۆھاستن و نوکە دوکانێن مە 30 ‏مەترن و ئەو دێ دوکانەکێ دەنە مە 60 مەتر و ل دوکانا من نوکە کەسەک بھێت جە ‏نینە ب روونیتە خارێ، جە گەلەک یێ بەرتەنگە و ھەکە ئەو 60 مەتران ژی بدەنە من ‏ھەر تێرا من ناکەت، جھەکی ب خوە چێکەم کو ئەو کەسێن ترۆمبێلین خوە دئینن ب ‏روونە خارێ، یان ئەو کەل و پەلێن ئەز کار پێ دکەم ھێشتا زێدەکەم و ھەکە وەسا ‏بیت ھەر وەکو بەرێ دێ ئەم ل بەرھەتاڤێ و بارانێ کارکەین.‏

زێدەتر دبێژیت: پێدڤیە ل دووڤ کارێ ھەر کەسەکی دوکانێ بدەنێ و دیسان ھەکە ‏ترۆمبێل خرابیت ژ بەر دێسکی، یان یێن فیلپەمپی کەس ناھێتە ئالوکا و سلنگەکی ‏بگریت و ترۆمبێلا خوە بینیت و ل دونیایی ھەموویی پێشەسازی نێزیکی باژێری یە، ‏وەسا دێ گەلەک کارتێکرن ل خەلکی بیت و ب تایبەت ئەو کەسێن دوکان ل ‏پێشەسازیێ ھەین و ب ڤی رەنگی ھەموو دێ کارێ خوە ھێلن و ئەگەر مە ببمە نە ‏ئەو پێشەسازیا ژ نوو ئاڤا کری.‏
خودانێ جھێ مەلک ل پێشەسازیا بەروشکێ دیار کر ژی کو ئەوا ل شوونا گۆمرکێن ‏کەفن و ب دیزاینەکا نۆو ئاڤاکەن گەلەک باشە، بەلێ ھەکە ل سەر دیزاینا بەرێ ‏ئاڤاکەن ل ئالوکا دێ نەیا باش بیت، چونکو نوکە ل پێشەسازیا بەروشکێ کارنینە و ‏ئەگەر بچینە ئالوکا ھەر کەس ناھێت ژی و پێشەسازیا دھۆکێ ھەر ژ دەمێ ھاتیە ‏دانان ھەتا نوکە ئاریشا وێ یا سەرەکی بێ ئاڤیە و ب تانکەران ئاڤێ دئینن و بریار ‏ئەوە بھینە ڤەگو ھاستن و ھەیڤانە وەکو قست 400 دولاران بدەین و نوکە ھەیڤا ئەز ‏‏400 دولاران کارناکەم و نەشێم بمە دەیندارێ حۆکمەتێ و ئەز د ڤێ دوکانا بچووک ‏ڤەبم بۆ من گەلەک باشترە بچمە ئالوکا.‏

گۆت ژی: ھەموو قانوون ژ ھەریمێ دەردکەڤن و بلا مە وەکو زاخۆ و ھەولێری ب ‏ھژمێرن نە دھۆک جودا بیت ژ وان ل پێشەسازیا سلێمانیێ گەلەک دوکان یێن ھەین ‏سلنگی دچێتە د ژوورڤە و حۆکمەتێ ھەموو پێدڤی بۆ وان دابینکرینە و دوکان و ‏پارکا راوەستاندنا ترومبێلان بەرفرەھی بۆ وان چێکریە و حەز دکەین ئەو قانوونا ل ‏سەر وان دھێتە ئەنجامدان ل سەر مە ژی بھێتە ئەنجامدان.‏

سەربەست تاھر تێلی خودانێ سەنتەرێ ھود ھەرل ھەمان پێشەسازی گۆت: ئەگەر ‏پارچێن ئەردی بدەنە ئاسنگەرێن کومەلگەھا پێشەسازی چو ل پشت گۆمرکێن کەڤن ‏بن، یان ل ئالوکا بن دێ ل ھەردو جھان پارچێن ئەردی وەرگرم، چونکو ژمێژە بابێ ‏من ئەڤ دوکانەکری دێ قەرەبوویا ڤێ دوکانێ دوکانەکێ ل پشت گۆمرکێن کەڤن دەنێ ‏و دیسان دێ دوکانەکێ دەنە من ل ئالوکا ئەو مافێ منە دباژێرێ دھۆکێ دا گەلەک ‏ترۆمبێل ھەنە و رۆژانە دھێنە پێشەسازیێ و ئەو جھێن ئەوان تەرخانکرین بکێرناھێن ‏و دبچووکن و کرێکار نەشێن ل بەر بارانێ کاربکەت ھەکە دوکان 60 مەتر بیت و د ‏سەر ھندێ را دبیت ل وێرێ کارنەبیت و خەلک نەھێتە وێرێ. ‏
‏

لەتیف ھەلی ئیبو گۆت: دپێشەسازیا بەروشکێ دا مە دو جورێن ئاسنگەران ھەنە ‏ئاسنگەرێن خودان مولەت دوکان نینە ب تنێ کریا دوکانا خوە دەت و جورێ دی یێ ‏ئاسنگەری ئەوە خودانێ دوکانێ یە و چو کریێ نادەت مۆلەت ژی یا ھەی و دوکانا ‏خوە ڤە کاردکەت و ئەء دوکانە نە تەجەوزن و گرێبەست ل گەل باژێرڤانیێ یا ھەی و ‏سالەنە کریا دوکانا خوە دەت و ئەڤ بریارە د بەرژوەندیا وان دایە یێن کریدار و ‏خودان مولەت ھەکە دوکانەکا 60 مەتری ژی بدەنێ نەیێ خوسارەتە، بەلێ ئەڤ ‏چەندە نە د بەرژەوەندیا کەسێن خودان ملکە ئەویێن دوکانێن خوە ڤە کاردکەن، ‏چونکو وان ئەڤ دوکارنە د بەرێ دا ب پارێ خوە کرینە و حۆکمەت ھەموو ئەردێ ‏پێشەسازیا بەروشکێ ب مۆلکێ خوە دزانن و نە زێدەگاڤی ژی ئەڤ ئەردە و سالەنە ‏کریا دوکانان ژی ژمە دھێتە وەرگرتن.‏

خویاژی کر کو ئاریشا مە ل گەل حۆکمەتێ ئەوە، حەزدکەین ئەڤ دوکانە بۆ مە بھێنە ‏تاپۆکرن، یان ھەتا 20 سالان بێ کری تێڤە کارکەین و بریارا وان ب تنێ سێ سالن و ‏د سێ سالان دا نەشێین وی پارەی قازانج بکەین یێ من ل چێکرنا دوکانی مەزاختی ‏و ب ڤێ چەندێ کەس نەیێ رازیە و گۆت: د پێشەسازیێ دو جۆرێن ئاسنگەران ھەنە ‏ھەموو دبنە دا نێزیکی (778) کەس ب تنێ بەرەڤانیێ ژ وان کەسان دکەم یێن ‏خودان مولەت و مۆلک و دوکانا خوە ڤە کاردکەت و یێن ب تنێ خودان مولەت بۆ وی ‏باشە. ‏

پشتی مە پەیوەندی ب رێڤەبەرێ باژێرڤانیێ و سەروکێ سەندیکا کرێکاران کری ‏وەسا دیارکریە ئەو نەشێن چو (داخویانیان بدەین) چونکو پرۆژێ ڤەگۆھاستنا ‏پێشەسازیا بەروشکێ نوکە ھاتیە راگرتن.‏