ئەڤرۆ نیوز:
وەسا بریارە سوبەهی 5 چریا دویێ یا سالا 2018 دەست ب دابەشکرنا مووچێ هەیڤا تەباخی بهێته کرن.
سوبەهی دێ دیوان و لیوایێن سەر ب وەزارەتا پێشمەرگەی ڤە مووچێ هەیڤا تەباخی وەرگرن.
سوبەهی ئەڤ جهە دێ مووچەی وەرگرن
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
گوهۆڕين دكه‌ڤنه ره‌وشا دراڤى
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 4ى چريا دويێ 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:3
| 100 دولارێ ئه‌مريكى | 120.600 دينار |
| 100 يۆرۆيێ ئه‌ورۆپى | 138.000 دينار |
| 100 ليرێ توركى | 21.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ره‌وشا زێر و زيڤى ل بازارێن دهۆكێ
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 4ى چريا دويێ 2018ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 گرام زێرێ (ع) 18 | 37500 |
| 1 گرام زێرێ (ع) 21 | 42500 |
| 1 گرام زێرێ (ع) 22 | 44500 |
| 1 گرام زيڤ | 3000 |
گزيرته‌ك ل يابان به‌رزه دبيت
ئەڤرۆ نیوز، نەوزاد ھلۆری:
ئێک ژ گزریتێن زەریا ھێمن کو دکەڤیتە چارچوڤێ سنوورێ يابان ژ نیشکەکێڤە ژبەر گورانکاریێن کەش و ھەوای دێ ژێر ئاڤ بیت، ب ڤێ یەکێ بەشەکێ دن ژ ئاخا يابان دێ ھێتە ژ دەست دان وەکو چاوان پێشتر چەندان گزریتێن يابان بن ئاڤبووینە.
روژناما گاردیان یا بەریتانی بەلاڤکریە کو گزریتا (ئیانبی ھاناکیتا کجیما) کو دکەڤیتە ل باکوورێ روژھەڵاتێ يابان د ناڤ زەریا ھێمن دا و نێزیکە ل سنوورێن ئاڤی یێن روسیا دێ ژێرئاڤ بیت، ب ڤێ یەکێ يابان دێ بەشەکێ دی یێ ئاخا خوە ژ دەست دەت.
ب گورەی ڤەکولینێن دەستپێکی ژ ئەگەرا گورانکاریێن کەش و ھەوای و بیڤەلەرز و جەمەدێ ئەڤ یەک دێ روودەت، ئەڤ گزریتە ئێکە ژ وان گزریتێن يابان کو ژیان ل سەر نەدھاتەکرن و ئێکە ژ وان 158 گزریتێن يابانێ کو ل سالا 2014 ھاتیە نیاسین.
زێرەڤانێن دەریاڤانیێن يابانێ دیارکر کو ل سالا 1987 ھەتا نوکە چو پشکنین و رووپيڤ بۆ گزریتا ناڤبری نەھاتینەکرن، چەند رۆژێن بوری وان ڤیایە بگەھنە وێ گزریتێ بەلێ چو ژ ئەگەرا ژێرئاڤبوونێ نەشیان بگەھن وێ گزریتێ.
بلنداھیا گزریتا ناڤبری 4 مەتر و نیڤ بوو ل سەر ئاستێ دەریایێ، ئێک بوو ژ گزریتێن ھوکایدوو کو ب چاڤ دھاتە دیتن و گرنکیەکا ستراتیجی بو يابانێ ھەیە تایبەتی بو دیارکرنا سنوورێن وێ ل گەل روسیا و رێنیشاندەرا گەشتیارێن دەریاڤانی، وەسا دھێتە چاڤەرێکرن کو سوبەھی ب ئێکجاری نەمینیت و ژێرئاڤ ببیت.
عه‌بادى و وه‌زيرێن وى هاتنه خانه‌نشينكرن
ئه‌ڤرۆ نيوز:
عادل عه‌بدولمه‌هدى، سه‌رۆك وه‌زيرێن عيراقێ بڕيارا خانه‌نشينكرنێ بۆ حه‌يده‌ر عه‌بادى، سه‌رۆك وه‌زيرێن به‌رێ يێ عيراقێ و وه‌زيرێن كابينا وى ده‌ركر.
ب گۆره‌يى نڤيساره‌كێ كو ئيمزا عادل عه‌بدولمه‌هدى سه‌رۆك وه‌زيرێن عيراقێ ل سه‌ره و ئاماژه ب خانه‌نشينكرنا حه‌يده‌ر عه‌بادى، سه‌رۆك وه‌زيرێن به‌رێ يێ عيراقێ و وه‌زيرێن كابينا وى كريه.
د نڤيسارێ دا هاتيه “پشت به‌ستن ب وێ ده‌سته‌لاتا دايه من ب گۆره‌يى دستوورى، مه بڕيار دا هه‌موو وه‌زير و سه‌رۆكێ جڤاتا وه‌زيرێن عيراقێ يێن كابينا به‌رێ بهێنه خانه‌نشينكرن”.
ئیران داخوازا قەرێن خوە ژ عیراقێ دکەت
ئەڤرۆ نیوز:
حوکمه‌تا ئیرانێ داخواز ژ حوکمه‌تا عیراقێ کریە، کو قه‌رێن کاره‌با ئیرانێ، کو پتری ملیار دۆلارێن ئه‌مریکی نه بده‌ت.
ئاژانسا فه‌رمی یا ئیرانێ ل سه‌ر زارێ مه‌حمود ره‌زا حه‌قی، جێگرێ وه‌زیرێ وزه‌یا ئیرانێ و رێکخه‌رێ گشتی یێ کۆمپانیا توانیر دیار کریە: کو ته‌هرانێ ب فه‌رمی داخواز ژ حوکمه‌تا عیراقێ کریە، ب له‌زترین دەم قه‌رێن کاره‌با ئیرانێ بده‌ت، کو پتری ملیار دۆلارێن ئه‌مریکی نه.
هەروەسا وێ ئاژانسێ دیارکریە ژی: وه‌زیرێ وزه‌یا ئیرانێ کۆمپانیا توانیر راسپارتیە ب وه‌رگرتنا وی قه‌ری حوکمەتا عیراقێ.، دیسا نوکە دانوستاندن ل سه‌ر وێ پرسێ د به‌رده‌وامن.
جڤاتا دادوه‌رى ژڤانێ روونشتنا ئێكێ يا خولا نوو يا په‌رله‌مانێ كوردستانێ دياركر
ئاستێ هنارتنا په‌ترۆلا هه‌رێمێ بۆ 400 هزار به‌رميلان زێده بوو
ئه‌ڤرۆ نيوز:
حوكمه‌تا هه‌رێما كوردستانێ زێده‌بوونا ئاستێ به‌رهه‌مئينانا په‌ترۆلێ ژ ده‌ستووريا تاوكێ كو دو زه‌ڤيێن تاوكێ و پێشابيرێ ب خوه ڤه دگريت راگه‌هاند.
د راگه‌هاندنه‌كێ دا، حوكمه‌تا هه‌رێما كوردستانێ خۆشحاليا خوه راگه‌هاند ده‌رباره‌يى ب بزاڤا كۆمپانيا كاركه‌ر ل مۆله‌تا تاوكێ كو بوويه ئه‌گه‌رێ بلندبوونا ئاستێ به‌رهه‌مئينانا په‌ترۆلێ ل زه‌ڤيا پێشابۆرێ كو رۆژانه زێده‌ترى 50 هزار به‌رميلێن په‌ترۆلێ د ماوێ 18 هه‌يڤان دا.
د راگه‌هاندنا حوكمه‌تا هه‌رێما كوردستانێ دا هاتيه كو زێده‌بوونا به‌رهه‌مئينانا په‌ترۆلێ ل زه‌ڤيا پێشابيرێ شيايه قه‌ره‌بوويا كێمبوونا ئاستێ به‌رهه‌مئينانا په‌ترۆلا تاوكێ بكه‌ت.
ئاستێ به‌رهه‌مئينانا په‌ترۆلێ ل زه‌ڤيا تاوكێ ل هه‌يڤا حه‌فت يا سالا 2017ێ دا، رۆژانه 109 هزار به‌رميل بووينه، به‌لێ نوكه هاتيه خوار بۆ رۆژانه 80 هزار به‌رميلان. ئاستێ به‌رهه‌مئينانا په‌ترۆلێ نوكه ل هه‌ردو زه‌ڤيێن تاوكێ و پێشابيرێ رۆژانه 126 هزار به‌رميله.
حوكمه‌تا هه‌رێما كوردستانێ دايه زانين ژى كو ويستگه‌هه‌كێ هنارتنا په‌ترۆلێ ل شێخان هاتيه دامه‌زراندن كو شيانێن ڤه‌گوهاستنا بۆريێن په‌ترۆلێ رۆژانه بلند دكه‌ت بۆ 900 هزار به‌رميلان. حوكمه‌تا هه‌رێما كوردستانێ راگه‌هانديه كو نوكه رۆژانه 400 هزار به‌رميلێت په‌ترۆلێ دهێنه ره‌وانه‌كرن.
ره‌وشا سه‌قايێ سوبه‌هى
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوشه‌مبى رێکەفتی 5ی چريا دويێ 2018ێ ئه‌سمان دێ يێ باراناوى بيت و ل پتريا ده‌ڤه‌ران دێ ب دژوارى باران باريت و ب تايبه‌ت ل ده‌ڤه‌رێن چيايى و بريسى ژى دێ ل گه‌ل بن، ل گه‌ل هاتنه خوارا پلێن گه‌رمێ.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دھێتە پێشبینیکرن ئه‌سمان يێ باراناوى بيت و ل پتريا ده‌ڤه‌ران دێ ب دژوارى باران باريت و ب تايبه‌ت ل ده‌ڤه‌رێن چيايى و بريسى ژى دێ ل گه‌ل بن، ل گه‌ل هاتنه خوارا پلێن گه‌رمێ.
پشکا پێشبینیان دایە زایە زانین کو دێ ئله‌زاتيا بايى د ناڤبەرا 10 ھەتا 20کم دا و ماوێ دیتنێ ژی دێ د ناڤبه‌را 9 بۆ 10 دا بیت، پلێن گەرمێ ژی دێ د ناڤبەرا 14 بۆ 17 پلان دا بن.
تەرمێن 11 پەنابەرێن دھۆکێ ھێشتا نەھاتینە دیتن
ئه‌ڤرۆ نيوز:
ھێشتا تەرمێن 11 وەلاتیێن پارێزگەھا دھۆکێ یێن د ناڤ دەریا ئیجەدا خەندقین نەھاتینە دیتن و بەرپرسەکێ فیدڕاسیۆنا پەنابەران ژی دیار کر کو چارەنڤیسێ وان تەرمان یێ دیارنینە و گۆت: ” نێزیکی 250 وەلاتیێن ھەرێما کوردستانێ د ناڤ زیندانێن تورکیادانە و پێدڤی ب پاسپۆرتێن دەمکی ھەیە بۆ ئازادکرنا وان”.
ئاری جەلال، رێکخەرێ فیدڕاسیۆنا پەنابەران ل ھەرێما کوردستانێ بۆ رۆژناما ئەڤرۆ دیار کر کو ھەتا دوھی رۆژا شەمبی نوونەرێ فیدڕاسیۆنا پەنابەرێن ھەرێما کوردستانێ ل باژێڕێ ئیزمیر یێ باکوورێ کوردستانێ بوویە بۆ زانینا چارەنڤیسێ تەرمێن وەلاتیێن زاخۆ ئەڤێن بەری دەمەکی د بەلەمەکێ دا د ناڤ دەریا ئیجە دا خەندقین و گۆت: “بزاڤێن مە د بێ مفا بووین، مخان ھەتا نوکە تەرمێن 11 ژوان پەنابەرێن دھۆکێ د دیار نینن، بەلێ دێ ھەر د بەردەوامبین ھەتا رۆژەکێ بھێنە دیتن و ڤەگەڕاندن بۆ ھەرێما کوردستانێ”.
ناڤھاتی ئاماژە دا وێ چەندێ کو مخابن چوونا وەلاتیان ب رێ یێن نەقانوونی بۆ ئورۆپا یا بەردەوامە، بەلێ بەھراپتریا ئەڤان پەنابەرێن ھەرێما کوردستانێ ژ لایێ پۆلیسێن تورکیا ڤە دھێنە دەستەسەرکرن و د دەمێ نوکە دا نێزیکی 250 وەلاتیێن ھەرێما کوردستانێ د ناڤ زیندانێن وەلاتێ تورکیادانە و گۆت: “ئەم نوکە کار دکەین ئەڤ وەلاتیە بۆ ھەرێما کوردستانێ بھێنە ڤەگەڕاندن، بەلێ تورکیا مەرج دڤێت حوکمەتا بەغدا پاسپۆرتێن دەمکی بۆ دەرکە بکەت داکو بھێنە ڤەگەڕاندن، لەوڕا دخوازین حوکمەتا ھەرێما کوردستانێ یا ھاریکاربیت ل دۆر ڤەگەڕاندنا پەنابەرێن خوە”.
نيشاندان
WP Facebook Auto Publish Powered By : XYZScripts.com