ئه‌ڤرۆنيوز:
سه‌رۆك مه‌سعود بارزانى ئه‌ڤرۆ سێشه‌مبى 30/10/2018 پێشوازى ل سه‌عد جه‌نابى سه‌رۆكێ گردبوونا كۆمارى ل عيراقێ كر.
ل دووڤ ويبسايتێ تايبه‌ت يێ سه‌رۆك بارزانى، دديداره‌كێ دا ره‌وشا سياسى يا عيراقێ وپێكئينانا حوكمه‌تا عيراقى يا نوو هاته به‌حسكرن.
هه‌ر د وێ كۆمبوونێ دا، به‌حسێ ره‌وشا باژێرێ كه‌ركووكێ هاته كرن ودووپاتى هاته كرن كو پێدڤيه ره‌وشا كه‌ركووكێ بهێته ئاساييكرن وكه‌ركووك وه‌كو نموونا پێكڤه‌ژيانا پێكهاتێن باژێرى بمينيت.
ئه‌ڤرۆ نیوز، نه‌وزاد هلۆرى:
گوندێ دێویكێ ل ده‌ڤه‌را زێبار ل سنوورێ ناحیا شێلادزێ ئێكه ژ وان گوندان كو پرانیا كاروبارێن خوه‌یێن روژانه ب ئامیرێن كه‌ڤن و ساده ب رێڤه دبه‌ن و زانست و ته‌كنولوژیا نكاریت روولێ خوه د هه‌موو كاران دا ببینیت ب تایبه‌تى د چاندنێ.
ل گوندێ دێویكێ نێزیكێ 60 خێزانان هه‌نه و دكه‌ڤیته باشوورێ ناحیا شێلازدزێ و نێزیكه ل رووبارێ زێ مه‌زن، و ده‌شته‌كا مه‌زن هه‌یه و هه‌موو جورێن ده‌رامه‌تى تێدا دهێنه چاندن، ئه‌ڤه زێده‌بارى كو ته‌رش و كه‌واله‌كێ باش تێدا دهێته خواندنكرن.
ئه‌ڤا ل خوارێ چه‌ند دیمه‌نێن دورین و گێره‌كرنا برنجێ كوردى یه ب شێوازێ كه‌ڤن ئانكو ب داسێ دهێته دورین و ب شینكێ برنجى ب پشتێ دهێته كێشان بو جهێ جوخینێ، و پاشان ب تراكتورێ سه‌را دهێن و دچن داكو پوشك ژ شینكى ڤه‌بیت و ببیته برنج.
ئه‌ڤرۆنيوز:
چه‌كدارێن تيرۆرستێن داعشێ هێرشێ دكه‌نه سه‌ر گونده‌كى ل سنورێ باژێرێ حه‌ويجه وسه‌رۆكێ جڤاتا وى گوندى دكوژن، بۆ ده‌مێ ساله‌كێ يه باژێرێ حه‌ويجه ژ تيرۆرستێن داعشي هاتيه پاقژكرن، به‌لێ ب شه‌ڤ چه‌كدارێن داعشێ هێرشێ دكه‌نه سه‌ر مالان وكريارێن تيرۆرستى ئه‌نجام دده‌ن.
ل شه‌ڤا بۆرى داعشێ هێرش كره سه‌ر گوندێ (جاسميه) ل سنورێ باژێرێ حه‌ويجه وپشتى شه‌ره‌كى كه‌سه‌كى دكوژن ب ناڤێ (محه‌مه‌د جومعه) كو سه‌رۆكێ جڤاتا وى گوندى بوو وپاشى چه‌كدارێن داعشێ ژ گوندى ده‌ردكه‌ڤن.
ئه‌ڤرۆنيوز:
وه‌زاره‌تا خواندنا بلند وڤه‌كۆلينێن زانستى ل هه‌رێما كوردستانێ راگه‌هاند، زانكۆيا ئوكسفۆرد يا بريتانى 140 سكۆله‌رشيپ بۆ هه‌موو وه‌لاتێن جيهانێ رادگه‌هينيت وئه‌وێن ل هه‌رێما كوردستانێ ژى دخوازن ل وێرێ بخوينن، دشێن داخوازا خوه پێشكێش بكه‌ن، ئه‌ڤه ژى دده‌مه‌كى دايه كو هه‌موو خه‌رجيێن ڤێ سكۆله‌رشيپێ ل سه‌ر ستوويێ زانكۆيا ئوكسفۆرده.
ئێك/ مه‌رجێن خواندنا ماسته‌رێ:
دوو/ مه‌رجێن خواندنا دكتۆرايێ
ديسا دياركريه كو دووماهى ژڤان بۆ پێشكێشكرنێ 25/1/2019 يه.
ئه‌ڤرۆ نیوز:
سه‌رۆك وه‌زیرێن هه‌رێما كوردستانێ د توویته‌كی دا ب زمانێ عه‌ره‌بی چلیا ئیمام حسێن ب هێمایێ خوه‌راگری و ئارامگرتنێ ناساند.
نێچیرڤان بارزانی ب هه‌لكه‌فتا چلیا ئیمام حسێن گۆت ژی:(سالڤه‌گه‌را چلیا شه‌هیدبوونا ئیمام حسێن هێمایێ خوه‌راگری و ئارامیێ یه بۆ هه‌ر كه‌سه‌كی، كو دڤێت شوون تبلێن خوه د دیرۆكا خه‌باتێ دا بۆ ب ده‌ستڤه‌ئینانا مافان بهێلیت، ئه‌ڤجا شیانێن یه‌یاران هه‌ر چه‌ند بن).
سه‌رۆك وه‌زیرێن هه‌رێما كوردستانێ هیڤی خواست رێوره‌سمێن ساخكرنا سالڤه‌گه‌را ئیمام حسێن ب ئارامی برێڤه بچیت و ببیته هانده‌ره‌ك بۆ نه‌هێلانا سته‌م و گه‌نده‌لیێ و بزاڤكرن بۆ په‌یدابوونا ئاسایش و پێكڤه‌ژیان و ب ده‌ستڤه‌ئینانا مافان بۆ هه‌موو خودان مافان.
ئه‌ڤرو سپێدێ 30/10/2018 ب ئاماده‌بونا به‌هزاد علی ئاده‌م و ئوسمان یونس جێگرێن پارێزگه‌رێ دهوكێ و نوێته‌رێ وه‌زاره‌تا شاره‌وانی و گه‌شت و گوزار و قایمقامێ دهوكێ رێو ره‌سمێن گوهرینا پێنج رێڤه‌به‌رێن گشتی هاتنه گێران ئه‌وژی ل رێڤه‌به‌ریا كشتی یا باژێرڤانیێن پارێزگه‌ها دهوكێ (دیار به‌حری ل شوینا هه‌فال حسێن )هاته دانان و رێڤه‌به‌ریا گشتی یا وه‌به‌رئینانێ ( كوردو ئه‌سعه‌د ل شوینا به‌ختیار ئه‌مین ) هاته دانان و ل رێڤه‌به‌ریا گشتی یا شه‌هیدا و ئه‌نفالكریان ( ژیان مسته‌فا ل شوینا ره‌جه‌ب ئیبراهیم ) هاته دانان و رێڤه‌به‌ریا گشتی یا چاڤدێریا جڤاكی ( شیرزاد حه‌مید ل شوینا حسێن ئه‌سعه‌د) هاته دانان ل رێڤه‌به‌ریا گشتی یا په‌روه‌ردێ ( عمر علی ل شوینا عه‌بد یوسف ) هاته دانان ,
درێ و ره‌سمێن دانانا ڤان رێڤه‌به‌رێن گشتی به‌هزاد علی ئاده‌م دپه‌یڤه‌كێ دا دیار كر كو گوهرین ل دام و ده‌زگه‌هیبَن حكومه‌تا هه‌رێمێ كاره‌كی پێدڤیه بو پێتر خزمه‌تكرنا وه‌لاتیان و نویكرنا كاری ل ڤان رێڤه‌به‌ری و ده‌زگه‌هان هه‌روه‌سا گوت ل هندوك رێڤه‌به‌ریێن ئه‌ڤرو گوهرین تێدا هێته كرن زێده‌تره ژ 8 سالا گوهرین نه‌بوین له‌وما حكومه‌تا هه‌رێمێ ب فه‌ر زانی كو ڤان گوهرینا بكه‌ت ,,
هه‌روه‌سا ده‌ست خوشی ل رێڤه‌رێن كه‌ڤن كرو په‌سنا رولێ وان كر دڤان سالێن بوریدا كو پێشكێشكری هاولاتیان كری و داخازیا سه‌ركه‌فتنێ بو رێڤه‌به‌رێن نوی كر و هیڤی خواست كو ته‌مامكه‌رێن كارێ باش بن بو هاولاتیان و به‌رهه‌ڤیا كارگێریا پارێزگه‌هێ بو سه‌ركه‌فتنا كارێ وان دوپاتكر .
دیڤدا رێڤه‌به‌رێن كشتی یێن كه‌ڤن سوپاسیا كارگێریا پارێزگه‌ها دهوكێ و هه‌ر لایه‌نه‌كێ پشته‌ڤانی و هاریكاریا وان كری بو سه‌ركه‌فتنا كاری و به‌رهه‌ڤیا خو دیار كر كو دگه‌ل رێڤه‌به‌رێن كه‌ڤن هاریكار و پشته‌ڤان بن بو سه‌ركه‌فتنا وان دكاریدا و پیروزباهیا وان كر ,
پاشی رێڤه‌به‌رێن نوی سوپاسیا حكومه‌تا هه‌رێمێ و پارێزگه‌ها دهوكێ كر كو باوه‌ری ب وان به‌خشی بو كارێ وان و سوز دا ل دیف شیانا خزمه‌تكارێن هاولاتیان بن و ئه‌وا بشێن بو خزمه‌تكرنا وه‌لاتیان پێشكێش بكه‌ن ب هاریكاری و پشته‌ڤانیا كارگێریا پارێزگه‌هێ .
ئه‌ڤرۆ نیوز، نه‌وزاد هلۆرى:
جڤاتا دادوه‌ریێ یا هه‌رێما كوردستانێ ئه‌نجامێن هه‌لبژارتنێن په‌رله‌مانێ كوردستانێ په‌سه‌ندكرن و به‌رسڤا كومسیوونا بلند یا هه‌لبژارتن و راپرسیێ یا هه‌رێما وردستانێ دایه.
عه‌لى به‌ندى، به‌رپرسێ ئوفیسا دهۆك یا كومسیوونا بلند یا هه‌لبژارتن و راپرسیێ یا هه‌رێما وردستانێ بۆ ئه‌ڤرۆ نیوز گۆت: (ئه‌ڤرۆ جڤاتا دادوه‌ریێ یا هه‌رێما كوردستانێ به‌رسڤا كومسیوونا هه‌لبژارتن و راپرسیێ یا هه‌رێما كوردستانێ دایه‌ڤه و ئه‌نجامێن هه‌لبژارتنێن په‌رله‌مانێ كوردستانێ یێن لیست و قه‌وارێن سیاسى و به‌ربژاران په‌سه‌ندكرن).
زێده‌تر گۆت: (هه‌تا نوكه پێزانینن نینن كا گورانكارى هاتینه‌كرن یان نه، به‌لێ ئه‌گه‌ر گورانكارى ژى هه‌بن ره‌نگه تنێ د ده‌نگێن به‌ربژاران هه‌بن ئه‌و ژى پێش و پاش بكه‌ڤیته ناڤێت وان ، و ده‌مێت بهێت ئه‌نجامێن په‌سه‌ندكرى دێ گه‌هنه كومسیونێ و ل وى ده‌مى هه‌موو گورانكارى دێ دیار بن).
كومسیوونا بلند یا هه‌لبژارتن و راپرسیێ یا هه‌رێما وردستانێ روژا 30ێ هه‌یڤا بوورى هه‌لبژارتنێن په‌رله‌مانێ كوردستانێ ئه‌نجامدان و پشتى 20 روژان ئه‌نجامێن دوماهیێ راگه‌هاندن.
وه‌كو كومسیونێ ئه‌نجام راگه‌هاندین ئه‌نجامێن لیست و قه‌وارێن سیاسیى یێن پشكدار بڤى ره‌نگى بوون.
– پارتی دیموكراتی كوردستان 686 هزار و 70 دەنگ ده‌ستخوڤه ئینان كو دبیته 45 كورسی و بویه هێزا ئێكێ ل په‌رله‌مانێ كوردستانێ.
– ئێكه‌تیا نیشتماننیا كوردستانێ 319 هزار و 912 دەنگ ده‌ستخوڤه ئینان كو دبیته 21 كورسی ، و ل رێزا دوویێ هات.
– ته‌ڤگه‌را گــۆڕانێ 186 هزار و 903 دەنگ ده‌ستخوڤه ئینان كو دبیته 12 كورسی ، و ل رێزا سێیێ هات.
– ڤه‌لڤینا نفشێ نوو 127 هزار و 115 دەنگ ده‌ستخوڤه ئینان كو دبیته هه‌شت كورسی
-كۆمەڵا ئیسلامیا كوردستانێ 109 هزار و 494 دەنگ ده‌ستخوڤه ئینان كو دبیته حه‌فت كورسی
– هاڤپەیمانیا بەر ب ئیسڵاحێ 79 هزار و 434 دەنگ ده‌ستخوڤه ئینان كو دبیته پێنج كورسی
– هاڤپەیمانییا سەردەم 15 هزار و 581 دەنگ ده‌ستخوڤه ئینان كو دبیته ئێك كورسی
– لیستا ئازادی ژى هەشت هزار و 63 دەنگ ده‌ستخوڤه ئینان كو دبیته ئێك كورسی
ئه‌ڤرۆ نيوز:
قائیمقامێ قەزا دھۆکێ ئاشکرا کر کو مەترسی ل سەر وان خێزانان نینە ئەوێن ل سالا بووری ژ ئەگەرێ لافاوان ل سەنتەرێ قەزا دھۆک زیان ڤێ کەفتین و ئەڤ سالە چەندین پێنگاڤ بۆ رێگریکرن ل لافاوان ھاتیە ھاڤێتن و گۆت: ھەموو فەرمانگەھێن حوکمەتێ د ئامادەباشیێ دابووینە ژ بەر چێبوونا ھەر روودانەکا نەچاڤەرێکری.
جەھوەر عەزیز، قائیمقامێ قەزا دھۆکێ، بۆ رۆژناما ئەڤرۆ گۆت: جھێن ل سالا بوری روودانێن لافاوان لێ دروست بووین، ئەڤ سالە ھاتینە دیوارکرن، ب تایبەت د ناڤبەرا مزگەڤتا سەلاحەدین و پرا نێزیک ناوچا شورەش و مەترسیا سالا بۆری ئە سالە دروست نابیت، دیسا ل تاخێ شێلێ ژی کارێ بەردەوام ل سەر وی جھێ سالا بوری روودان لێ دروست بووی کو ئەڤ سالە دروست نەبیت.
جەھوەر عەلی زێدەتر دبێژیت: ئەڤ جھێن ھاتینە دروستکرن ھەر سال روودان لێ دروست دبوون، ب تایبەت دەمێ ئاڤ رابوونان، سالا بووری پارێزگەرێ دھۆکێ و نێچیرڤان بارزانی سەرۆکێ حوکمەتێ سەردانا ڤی جھی کربوو، ب وێ مەرەمێ کو مەترسی ل سەر ڤان خێزانان نەمینیت، ھەر ل سالا بووری ئەو خەلک ھاتنە قەرەبووکرن ئەوێن زیان ژ ئەگەرێ لافاوان وان گەھشتینێ.
ناڤبری ئەو ژی ئاشکرا کر کو ب تنێ چارەسەری بۆ وان جھان ھاتیەکرن ئەوێن ل سالا بۆری لافاو لێ دروست بووین، لێ ھەموو رووبارێ ھشکەروو رەنگ ئەڤ سالە مەترسی ل سەر ھەبن، ھەر جھەکێ پێشبینیا دروستبوونا لافاوان دھێـتەکرن کەفتیە د پلانا مە دا، لێ باشتر ئەوە ئەو پلانا بۆ ھشکەرووی ھاتیە دانان و پشکەک ژ وێ ھاتیە جێبەجێکرن و وێ کومپانیێ ژ بەر قەیرانا دارایی بجە ھێلایی ھیڤدارین ئەو پلان بکەڤیتە د بیاڤێ بجھئینانێ دا و مەترسیا ھشکەرووی ب تەمامی ل سەر وەلاتیێن دەر دوری خوە نەمینیت.
قائیمقامێ دھۆکێ ئاماژە کرە وێ چەندێ ژی کو باران ل رۆژا ئەینی یا بۆری ھەتا نوکە چ روودان دروست نەبووینە، بەرامبەر ھەموو فەرمانگەھێن حوکمەتێ د ئامادەباشیێ دابووینە ژ بەر چێبوونا ھەر روودانەکا نەچاڤەرێکری.
ئه‌ڤرۆ نيوز:
بەرپرسەکێ وەزارەتا پێشمەرگەی ئاشکرا کر کو پێنج خالێن بەرنامێ چاکسازیا وەزارەتا پێشمەرگەی کەفتینە د بیاڤێ بجە ئینانێ دا و گۆت: “بڕیارە مووچێ ھێزێن پێشمەرگەی ببیتە سیستەمێ بانکی و ئەلیکترۆنی”.
لیوا قارەمان کەمال، جێگرێ سۆپا سالارێ وەزارەتا پێشمەرگەی بۆ رۆژناما ئەڤرۆ ئاشکرا کر کو ژ سەرجەمێ 35 خالێن چاکسازیا وەزارەتا پێشمەرگەی ھەتا نوکە ب تنێ پێنج کەفتینە د بیاڤێ بجە ئینانێ دا و ھەر سێ وەلاتێن ئەمریکا و بریتانیا و ئەلمانیا ژی ھەم چاڤدێریا پڕۆسا چاکسازیێ و ھەم ژی ھاریکارن، لەوڕا ددەمێ نوکە دا ب رێیا رێڤەبەریا چاکسازیا وەزارەتێ کار یێ دھێتەکرن ئەڤ پێنج خالێن ھاتینە دیارکرن ددەمێ خوە دا بھێنە بجە ئینان.
ناڤھاتی ئاماژە دا وێ چەندێ کو ئێک ژ وان خالان ب سیستەمکرنا مووچێ ھێزێن پێشمەرگەیە، کو بزاف یێ دھێنەکرن مووچێ پێشمەرگەی ببیتە سیستەمێ بانکی یێ ئەلکترۆنی، بەلێ بێگومان ئەڤێ پێنگاڤێ پێدڤی ب ھەماھەنگی و ھاریکاریا وەزارەتێن دی یێن حوکمەتا ھەرێما کوردستانێ ڤە ھەیە، پشتی بجە ئینانا سیستەمی دێ مووچێ ھێزێن پێشمەرگەی بشێوەیەکی پێشکەفتی ھێتە بەلاڤکرن و گۆت: “چارخالێن دی ژی ھەر پەیوەندی ب باشکرنا رەوشا دارایی یا پێشمەرگەی ڤە ھەیە و نوکە کار یێ ل سەر دھێتەکرن”.
ئەڤرۆ نيوز:
سیاسەتمەدارەکێ تورکیا کو نەخواست ناڤێ خوە ئاشکرا بکەت بۆ رۆژناما ئەڤرۆ راگەھاند کو سەرۆک کۆمارێ تورکیا رەجەب تەیب ئەردۆگان بەری ھەلبژارتنێن باژێرڤانیان دخوازیت ل قەندیلی و رۆژئاڤا ئۆپەراسیۆنێن بەرفرەە یێن سەربازی ئەنجام بدەت و بۆ ڤێ یەکێ ژی ل گەل ئیرانێ دو کۆمبوونێن جودا ساز کرینە و گۆت: (ئەردۆگان ل دووڤ راپرسیێن دھێنە بەر دەستێ وی دبینیت کو ئاکپارتی و دەستھەلاتا وی ژ ھەر دەمی زێدەتر لاواز بوویە و بۆ زێدەکرنا دەنگێن خوە و ژبیرکرنا رەوشا ئابووریێ دخوازیت ل دژی کوردان شەرەکی دژوار دەستپێکێ بکەت و بۆ سەرکەڤتنا د شەرێ ل دژی پەکەکێ دا پێدڤیا وێ ب ئیرانێ ھەیە و د ڤێ چارچۆڤێ دا بۆ وەرگرتنا پشتەڤانیا ئیرانێ دو کۆمبوونێن جودا ل باژێرێن تەھرانێ و وانێ یێ باکورێ کوردستانێ ساز کرینە و د کۆمبوونان دا بەرپرسێن سەربازی و ھەوالگیریێ ئامادە بووینە لێ ھەتا نھا کۆمبوونێن وان نەگەھشتینە چو ئەنجامەکێ).
ئەڤ سیاسەتمەدارێ کو بەری نھا د ناڤا رێزێن ئاکپارتیێ دا سیاسەتێ دکر و ئەندامەکێ چالاک یێ ئاکپارتیێ بوو ھەروەسا راگەھاند ژی کو ئیران بۆ پشتەڤانی کرن ئانکۆ جە گرتنا د ئۆپەراسیۆنا سەربازی یا ل دژی پەکەکێ دا ژ تورکیا دخوازیت کو باژێرێن ئدلب، عەفرین و دەڤەرێن ل ژێر کۆنترۆلا کۆمێن چەکدار رادەستی رژێما ئەسەدی بکەت و گۆت: (د راستی دا ئیران ژی دخوازیت ئۆپەراسیۆنەکا دژوار ل دژی پارتێن رۆژھەلاتێ کوردستانێ ساز بکەت و بۆ ڤێ چەندێ ب گەرمی نێزیکی پێشنیازا تورکیا دبیت لێ باوەریا وێ ب تورکیا ناھێت و دترسیت کو رەوشا ناڤخوەیی یا وێ زێدەتر ئالۆز ببیت و ئابووریا وێ ب تەمامی ژناڤ بچیت و بۆ ڤێ یەکێ ژی ھەتا نھا چو بریارەک نەدایە و د ھەمان دەمی دا دخوازیت کو تورکیا شەرێ پەکەکێ بکەت دا ل سووریێ لاواز ببیت).
د داویا ئاخڤتنا خوە دا ژی سیاسەتمەدارێ تورک دیار کر کو روسیا و ئەمریکا ژ ھەڤدیتنێن د ناڤبەرا تورکیا و ئیرانێ دا ئاگەھدارن و ئەمریکا ب دژواری ھێرشا سەر رۆژئاڤا و باکورێ سووریێ رەت دکەت و ھۆشداری دایە ئەردۆگانی کو ھێرشێن بۆ سەر رۆژھەلاتێ فراتێ ل سووریێ راوەستینیت، لێ د ھەمان دەمی دا ژی ئاشکرا کریە کو مافێ تورکیایە ل دژی پەکەکێ ل تورکیا و قەندیلی ئۆپەراسیۆنێن سەربازی ئەنجام بدەت.
نيشاندان