ئه‌ڤرۆ نيوز:
رێڤەبەرێ پشکا کاروبارێن ئەندازیاری و ئامیرێن پزیشکی ل ساخلەمیا پارێزگەھا دھۆکێ دیارکر کو رێکخراوا یونێسێڤ پلان ھەیە ٧٣ بنگەهان ل گەل نەخۆشخانێن دھۆکێ نووژەن بکەت ژ وانا ژی نوکە ١٠ بنگەهـ ل کەرتێ بەردەره‌ش یێن ھاتینە نووژەنکرن دێ ل سەنتەرێ دھۆکێ ژی ١٨ بنگەهـ ل کەرتێ سێمێلێ و زاخۆ و ئاکرێ و ئامێدێ ژی ٤٥ بنگەهـ ھێنە نووژەنکرن.
محه‌مه‌د مەم، رێڤەبەرێ پشکا کاروبارێن ئەندازیاری وئامیرێن پزیشکی ل ساخلەمیا پارێزگەھا دھۆکێ بۆ (نوش نیوز) دیارکر کو رێکخراوا (AlSPO) یا ئیتالی ل پارێزگەھا دھۆکێ ھژمارەکا پرۆژان ل نەخۆشخانێن دھۆکێ ئەنجام داینە ژ وانا ژی نووژەنکرن و بەرفرەھکرنا نەخوه‌شخانا ھيڤی یا زارۆيان دێ ٥٠ تەخت بۆ زارۆيێن نەخۆش ھێنە زێدەکرن و دو ژوورێن نشتەرگەریان ژی دھێنە نووژەنکرن ل گەل چێکرنا ھۆلەکی بۆ کۆمبوونا ب کوژمێ پتر ژ ملیۆن یورۆیا، ھەروەسا ژی ئەڤ رێکخراوا ئیتالی رابوویە ب چێکرنا تاقیگەھا گشتی ل نەخۆشخانا تەنگاڤیا ل قەزا زاخۆ و نووژەنکرن و دووبارە دانانا ژوورێن نشتەرگەریان ل نەخۆشخانا تەنگاڤیا پارێزگەھا دھۆکێ و زێدەکرنا چاڤدێریەکا دی یا چر ل نەخۆشخانا تەنگاڤیا ل دھۆکێ و رێکخراوا قەندیل ژی گوھۆرکێ کارەبێ یێ ھزار کەی ڤی بۆ سەنتەرێ دلی دابینکریە ل گەل چەندین خزمەتێن دی بۆ ساخلەمیا دھۆکێ.
رێڤەبەرێ پشکا کاروبارێن ئەندازیاری و ئامیرێن پزیشکی ل رێڤەبەریا گشتی یا ساخلەمیا پارێزگەھا دھۆکێ دیارکر کو رێکخراوا (AlSPO) چەندین پرۆژە تەمام کرینە وەکو پرۆژێ ھۆلێن نشتەرگەریا ل نەخۆشخانا ھاوارھاتنێ ل قەزا ئاکرێ و چێکرنا ژوورا چاڤدێریا چر یا زارۆيان ل نەخۆشخانا ژن و زارۆبوونێ ل دھۆکێ.
زێدەتر گۆت: “دپلانێ دایە بەشێ زارۆبوونێ ل ئاکرێ بھێنە و خرابکرن و نووژەنکرن و ل ئامێدیێ ژی خرابکرنا ھۆلێن نشتەرگەریان و چێکرنا ھۆلێن نشتەرگەریان ل دووڤ سیستەمێ نوو و ھەڤچەرخ بۆ وەلاتیان دەڤەرا ئامێدیێ و نووژەنکرنا ھندەک بەشێن نەخۆشخانا ھیڤی ئەڤە ھەموو د پلانێ دایە و رێکخراوا ریچ ژی دێ رابیت ب زێدەکرنا ئاڤاھیێ سەنتەرێ ١٢٢ یێ ھاوارھاتنا ب لەز دھۆکێ ب تایبەتی ژی قاتێ دویێ یێ سەنتەرێ.
نيشاندان